雅 ‧悠蔬食

營業中

休息中

8月22日6點光顧，已知道要8點交枱，但估不到爆場。 原來是日是初十五，難怪會咁多人。雖然full house，但侍應哥哥Alan都常常留意有無需要斟水，留意到佢好敬業樂業，跟客人交流得令客人很好開心。食物方面樣樣都好食喎，真係好好食。 中湯西湯都好出色。另一個收銀哥哥都好抵讚，聽到我們講一句：有埋蠟燭就好了。 怎料無幾耐就送上一枝蠟燭來，還主動點火拍照。I will be back

最近食得多肥膩野，想食番清淡啲，咁啱朋友想試呢間素食餐廳好耐，於是就一齊去咗食。兩點過到黎，雖然唔使排隊，但係店入面7成嘅位都坐咗人，都唔少人食。Lunch set蒲燒玉子淮山蓉素鰻魚 配日本珍珠米 $98姬松茸彿手瓜蓮藕雪耳湯+鳳梨百香果汁藜麥沙律 (+$10)雪梨青檸蘆薈冰茶(凍) 跟餐啱啱行過黎有啲熱，坐低嗌完野好快杯凍飲就送咗嚟。冰茶配埋新鮮切好嘅雪梨同蘆薈，即刻降晒温。沙律係菠蘿青瓜配藜麥，菠蘿夠晒甜，軟腍腍再加埋爽口嘅青瓜，口感層次多唔單調。老火靚湯好有屋企嘅味道，唔似出面成日飲味精湯咁得個咸字。餐廳仲好貼心咁隔咗油，飲落清得嚟又夠味，湯料仲好足料，雪耳滑溜溜，仲有美顏功效。就咁睇個賣相唔講都唔知係食緊齋，同出面嘅鰻魚飯有八成相似。咬落口感好特別，雖然唔係鰻魚嘅質感，但係似係咬好腍嘅肉，味道就同鰻魚用嘅燒汁差唔多。配菜就有甜薑，玉子同腌蘿蔔，腌蘿蔔唔會太甜太感，配合番清淡素菜嘅主題。原本對齋嘅印象麻麻，覺得唔會好食。但食完呢餐有啲改觀，素菜健康得嚟味道好好，又唔至係得肉，用蔬菜整成嘅肉真心有驚喜!

朋友向我推介呢餐素菜餐廳，尖沙咀返工既佢耐唔耐都會黎呢度食lunch,話呢度既lunch cp值唔錯，今次見面就試下佢既晚餐，睇下正唔正先是日order 左一個前菜一個主食同一個菜，食完啱啱好夠飽😌前菜：泰式哈餅HKD88香口之選，個人覺得似炸雞多啲，大大件每人食兩件已經有啲飽肚，整體不錯吃鮮蔬豆腐粉絲煲：hkd 108個豆腐口感好特別，可能自己平時比較食得少素菜，通常素都唔包括豆類？所以用左其他食材代替左豆腐，呢味幾清新特別素大哈炒金邊粉：hkd 118最愛呢個，覺得好食過出面果啲泰國餐廳金邊粉，朋友都話好好食呀！個粉好彈牙，炒到入晒味，好快俾我地清晒😋雖然平時比較少食素菜館，不過食完呢次之後又心思思想再食👍🏻

得閒食下齋 個人唔會dry今次我去尖沙咀［ 雅 ‧悠蔬食 ］ .餐廳佔半層 座位闊落裝修主要係白色加紫色見其他食客9成以上都上咗年紀嘅.泰式炒金邊粉 ($118) : 好有鑊氣，一定要擠青檸汁，即刻提升哂個金邊粉，好食.酥皮蘋果盒 ($68) : 係用青蘋果而唔係紅蘋果，所以味道比較清爽，唔會過甜唔會過膩.熱 cappuccino ($38) : 顛覆咗我對泡沫咖啡嘅解讀，係我呢一世人飲過最厚實最濃稠嘅cappuccino，好特別；咖啡味偏nutty，唔酸.

適逢食素日，所以好特別的生日食素聚會。要搵一間素食又有特色 又可給那兩位愛打咭的朋友，真係費了不少的功夫尋找合適的餐館。買了蛋糕上去慶祝，原來要收切餅費（費用也不便宜），原來餐館有訂蛋糕的，當然用錢買經驗吧，anyway. 生日唔計較，下次醒目啲。環境比想像中細，但我們三個坐卡位,所以還算舒適。餐館很多人來光顧，相信口碑不錯吧。三個女生要了四道菜，我相信是吃不下吧。食物算吸睛，味道出乎意料的好味，下次還要來試其他的美食哦

今日嚟到一間素菜店 喺尖沙咀同尖東之間位置尚算方便 距離地鐵站5至10分鐘 可惜當日落雨有少少狼狽 6:00去到冇乜人 立即坐低叫餸沙嗲金菇粉絲煲配菜飯沙嗲唔會好淡粉絲吸晒啲汁之後10分入味 配上菜飯 好快食晒香芒牛油果手卷芒果清甜牛油果質感輕盈 健康又開胃小食拼盤有蝦餅魚餅牛油果天婦羅炸腐皮等等小食 個人覺得最好食係魚餅炸完之後酥香滿滿 外脆內軟芝士黑松露烤大啡菇食完主菜食先食呢個有啲飽大黑松露非常之香 配搭芝士帶出菇嘅味道

雅 ‧悠蔬食尖沙咀金馬倫道48號中國保險大廈3樓B號舖而家食素已經唔係以前咁，有好多花臣野，見到呢間素食又有日式又泰式，好多選擇，所以就試一試佢。🧡 泰式如餅 (4件)痴線真到好似食緊平時d魚餅咁😂一食都係有香茅味，同埋都有d蔬菜粒，真係同真魚餅好似，同埋唔會話食到好油膩，GOOD GOOD！🧡 和風素鰻魚炒飯一上枱已經好香鰻魚汁味🤤食落口都係無乜分別，入面再有d瓜、燈籠椒、粟米仔，有呢d爽野食落就增加口感，然後扮鰻魚個d我估都係豆乾之類嘅東西，唔可以話好似不過整體成個飯都係似嘅，都唔錯。🧡檸檬蜂蜜水 (凍)正常嘅凍檸蜜，甜度岩岩好。欣賞呢到服務好好，book左枱當日又會whatsapp同你再cfm，又會”⚠️冷氣開放，請帶件外套/圍巾等衣物”好貼心。

8月14號綠色情人節又係七夕，加上友人生日，於是決定食素，由於唔知點樣揀，叫咗兩個套餐壽桃包去前預先左，蓮蓉加上蛋黃餡，唔太甜可以係呀前菜亞塔子黑木耳，亞塔子酸酸甜甜幾開胃第一次食哈哈前菜素手卷，如果唔係沙律醬，你會食到一扎青青草套餐中湯同西湯，中湯都幾濃藥材味，西湯就不過不失粉絲煲菜飯，素牛肉做得幾好口感，汁都幾入味咖喱薄餅飯，椰奶雜菜咖喱淡淡地幾入味，薄餅夠鬆脆宇治抹茶之旅，呢個甜品唔錯唔太甜口感豐富千層蛋糕，千層糕做得幾分明，不過因為前面個甜品太好食，顯得稍為遜色左買單兩人$647。

朋友介紹呢間素食好正！諗住𝚌𝚕𝚎𝚊𝚗 𝚍𝚊𝚢食得清爽少少💓做嘢去尖沙咀順便上咗黎試𝚇𝙳，又𝚘𝚔！⁡♡•••••••••••••••☽⁡直接嗌午市套餐所以係抵啲🙆🏻‍♀️🍛𝙼𝚊𝚒𝚗🍛⁡▪️焗烤牛油果薄餅配紅菜頭乳酪沙律和薯角▪️($𝟾𝟾)要大讚佢個紅菜頭乳酪沙律😛，連蘋果、紅菜頭同埋酸酸甜甜嘅𝙲𝚒𝚝𝚛𝚞𝚜汁一齊食勁清爽，仲配埋合桃同藜麥，食材都好新鮮🥰。⁡而墨西哥薄餅塗滿熱辣辣嘅鷹嘴豆醬，食落少少辣，夾住軟腍嘅牛油果非常香口！一塊大約有兩三片牛油果左右。薯角份量都幾多，不過似焗多過炸，比較軟身🤤。⁡❀⁡☕️𝙳𝚛𝚒𝚗𝚔☕️⁡▪意大利泡沫咖啡▪️(+$𝟷𝟶)以樓上餐廳來講，佢奶泡打得幾好😛，易入口，奶味較重。⁡❀⁡🍰𝙳𝚎𝚜𝚜𝚎𝚛𝚝🍰⁡▪伯爵茶乳酪蛋糕▪️(+$𝟷𝟾)以呢個價錢黎講真係超級抵🤣！不過蛋糕係比較重乳酪味，茶味就唔太覺🤧，咬落實淨不易散。⁡♡•••••••••••••••☽食完個樣：🤰🏻 (百二蚊左右飽到癲，尤其主菜值得一試！)𝙲𝙿值 : 🌝🌕🌕🌗🌑 ♡•••••••••••••••☽⁡呢間素食真心整得幾好，入面仲有好多健康食材🤰🏻！但大家嚟到最好帶件褸😂有少少涷。

呢排想食下素菜，經朋友介紹搵到呢間餐廳🙈，睇menu覺得同普通餐廳冇分別，但都好多款式所以決定一試。🙊環境地方雖小但佈置清幽且私隱較高，傾密計都可以, 服務態度良好，上菜時間只需10-15分鐘，環境衛生，餐具或座位亦無什麼大問題。揀左佢地既set dinner都只需要$258但份量同選擇都多😍👍🏻前菜分別有紅火龍果藜麥沙津伴無花果黑醋+涼拌日本黑豆亞塔子黑木耳。前者那黑醋、紅火龍果同藜麥原來幾夾！加上有黑醋點綴，食落好清新😻可以再食。後者以為普通木耳拌，但佢個醬甜甜地，食落好得意，又有日本黑豆，食落好「煙韌」🙈。小食：香芒牛油果苜蓿芽手卷首嘗苜蓿，味道唔錯喔，配上芒果牛油果，將清新感覺再次提升。😍湯品：黑松露准山桃膠忌廉濃湯湯端上枱時已洋溢著黑松露的味道，喝下全是松露的香氣😍👍🏻准山亦全溶化在湯裏，不錯！主菜：沙嗲金菇秀牛粉絲煲配羽衣甘藍菜飯沙嗲味帶甜，金菇食落同肥牛既感覺好似🙈👍🏻加上份量都多，兩個人都夠食。羽衣甘藍飯作為拌飯都不錯👍🏻😌甜品方面就加左$28試玫瑰荔枝千層班戟不錯喲～皮薄，cream既奶味足夠同滑且食到淡淡玫瑰荔枝，唔會過膩。😋飲品：香芋黑糖珍珠（+$20）重香芋味，

雅 ‧悠蔬食 (尖沙咀)尖沙咀金馬倫道48號中國保險大廈3樓B號舖Dinner Set紅火龍果藜麥沙律伴無花果黑醋 (前菜)紅火龍果清甜，藜麥口感軟硬恰當～伴上無花果黑醋汁，清新開胃！涼拌日本黑豆亞塔子黑木耳 (前菜)好開胃！黑醋甜酸度適中，黑豆非常入味，仲有陣蜜糖清甜😳亞塔子呈透明琥珀色，而且口感煙韌蘆筍素香鬆苜蓿芽手卷用蘆筍苗配以香脆素肉鬆，加上苜蓿芽，清新之選香芒牛油果苜蓿芽手卷芒果甜，再以沙律醬配牛油果同苜蓿芽，味道夾、有層次黑松露淮山桃膠忌廉濃湯 (西湯)口感豐富，杰身、濃郁！忌廉芝士味濃，黑松露味重，西湯配料用上桃膠，滋潤度UP🤩姫松茸竹笙黃耳百合燉湯 (中湯)有大大舊黃耳、姬松茸同百合～夠哂足料之餘，飲完唔會口渴，飲得出無落味精！風乾蕃茄金不換野菜松子意大利飯配吉列蒟蒻 $248 (主菜)香濃蕃茄味，飯質煙韌，吉列蒟蒻食落有d似口感實淨的炸魚蛋！唔似食緊蒟蒻🤩幾可亂真！芝士香烤藜麥椰菜花扒配沙嗲串燒及意式薯菜 $258 (主菜)芝士藜麥鋪係椰菜花扒上面烤焗～飽肚得來又好食！沙嗲齋串燒好開胃！沙嗲重椰汁味！ 另外，伴碟嘅蔬菜份量超多～薯蓉夠細滑！抹茶馬蹄糕 (甜品)抹茶味濃

近期多咗好多素食餐廳今次就試咗呢間尖沙咀樓上素食餐廳食物選擇都幾多，配搭健康而且係每月更新菜單前菜加咗$10試埋佢嘅地瓜扁豆湯同埋法包個湯味道適中，口感有啲似南瓜湯法包點埋湯一齊食好正今次就試咗佢嘅墨西哥薄餅成個配搭都好正，用我最鍾意嘅牛油果同埋紅菜頭食落一啲都唔覺得單調有少少素肉，另外食到有墨西哥香料味道唔錯紅菜頭合桃沙律好清新，加埋薯角唔會覺得好熱氣除此之外仲試咗一款意粉係羅勒青醬味，有好多蔬菜同埋菇仲有隻糖心蛋青醬味道唔算好濃，相對來講味道係墨西哥薄餅重啲雖然呢款味道比較清淡，不過對於鍾意食菜嘅我來講係一個唔錯嘅素食選擇飲品方面試咗蜂蜜蘆薈雪梨茶味道唔會好甜，而且都幾潤喉夏天飲可以解暑整體唔錯而環境都算闊落，用咗紫色為主調感覺好fancy食物質素都唔錯，有機會試埋佢其他嘢食

👣 雅 ‧悠蔬食  Leisurely Veggie👣🥗🥗🥗🥗🥗🥗🥗🥗🥗🥗🥗🥗🥗🥗🥗🥗🥗 環境寬敞 以紫白色作主調每個座位下面有籃子可以放袋 頗貼心有時都會轉一轉新菜單唔好以為素食係冇啖好食！其實有好多都係很有創意同得過獎的菜式當日晚餐去 見到人流都幾多！𝙍𝙚𝙢𝙞𝙣𝙙𝙚𝙧💡 1個晚市套餐HKD$248包括 主菜、2️⃣款前菜、手卷、湯🥣、同甜品，飲品就要加配⭐️⭐️周打黃耳雪耳桃膠忌廉濃湯 ⭐️⭐️忌廉濃湯加上桃膠黃耳雪耳 質地濃稠香滑 飲到一塊塊桃膠 膠質豐富又帶有嚼勁碗湯好足料 🤪味道：🌕🌕🌕🌘🌑⭐️⭐️紅火龍果藜麥沙律伴無花果黑醋⭐️⭐️有甜甜的紅火龍果肉粒 藜麥和蔬菜🥗淋上黑醋味道酸甜開胃😋味道：🌕🌕🌕🌕🌑⭐️⭐️四喜烤夫 ⭐️⭐️原來烤夫是生麵筋的意思😝煮得好入味 酸酸咸咸的 入面還伴有枝豆粒同木耳爽口好食😜味道：🌕🌕🌕🌕🌑⭐️⭐️香芒牛油果苜宿芽手卷 ⭐️⭐️第一次食苜宿芽 即係好似一啲好幼既豆芽😌青草味較重乾爽脆口的紫菜入面包滿了苜宿芽 芒果粒🥭同牛油果🥑食到最尾仲有芒果粒所以唔會好似淨係食菜咁🤣係高纖低碳又健康既手卷味道：🌕🌕🌕🌘🌑⭐️⭐️伯爵紅茶乳酪蛋糕 ⭐️⭐️小小一件乳酪蛋糕 配上一顆藍莓伯爵紅茶味

作為食肉獸嘅我 素食真係少接觸🤭但係食過今餐之後令我有驚喜🤩原來素食都可以咁好食😙👏👏🚩 晚市套餐 $248-前菜： 紅火龍果藜麥沙律伴無花果黑醋+四喜烤夫-手卷：香芒牛油果苜蓿芽手卷-湯品：周打黃耳雪耳桃膠忌廉濃湯-自選主菜：黑松露美國蘆筍南瓜紫薯焗千層闊麵-升級甜品（+$30）宇治抹茶之旅兩個前菜都酸酸甜甜所以好開胃，份量正常👍三文魚手卷我平時就食得多，原來芒果牛油果🥑都好夾同fresh👏👏🤩最最最有驚喜就係個忌廉濃湯‼️‼️ 忌廉好cream同埋真係好濃味👍😜 ，加埋雪耳桃膠口感一流😎主菜千層麵都好食😋千層麵加埋紫薯令成個麵甜甜地😙最後個甜品係抹茶雪糕加黑糖抹茶啫喱，啫喱好QQ好濃味🙌🏼🤘🏼🤘🏼🚩大啡菇松露薄餅 $158呢個真係必須推介‼️‼️食材非常足料 第一啖食已經食到好香大啡菇嘅味道👍👍加上有芝士嘅配搭一流👏👏🚩土匪腐皮卷 （4件）$78外型好似一隻炸雞皮好可愛😂上枱嘅時候聞到好香土匪味做到外脆內軟😋😋😋不過我以為腐皮入邊會有啲紅蘿蔔絲等等 如果有番更多食材就100分😋😋總結時間🥰整體來講環境坐得好舒服服務態度都好好👍👍👍👍👍服務員會keep住幫你加水好少食素嘅朋友可以一試一定會令

今晚帶個囡食下素食，不太喜歡食肉的她也食得滋味！ 果然係可以給小朋友不同的菜式，不同的食材。尖沙咀，金馬倫道，樓上舖。舒適位置，粉紫色為主的格調。Like👍我們兩口子叫左個晚餐，手卷，前菜，西湯，主食，甜品。滿足的分量，滿足的味道。蘆筍素香鬆苜宿芽手卷 - 夠青新感周打黃耳雪耳桃膠忌廉濃湯 - 足料，夠滑，夠香，好味！和風大啡菇蘆筍燴扁意粉配吉列素帶子 - 味道唔太濃，適合我們著重小朋友口味的家長們。 啡菇，蘆筍帶出不同口感。 吉列素帶子，脆皮有驚喜！😜小朋友最愛最愛甜品 - 伯爵紅茶乳酪蛋糕雖然細細件，但勝在好有茶味，香滑！👍👍👍喜歡素食嘅你，值得一試！