雅士餐廳

營業中

休息中

之前次次都係下午茶食炸雞脾，炸脾真係炸得好好，脆又冇炸粉。呢次黎食晚飯，好多 set dinner 選，選左煙鴨胸沙律同西冷 set沙律有大量薯仔，薯仔唔夠滑，反而下午茶好食啲，西冷鞋左啲，雖然食物一般，但佢肯整杯凍檸茶走冰比我都算唔話得。朋友聚會幾好坐。

粉嶺對於我都講都係一個幾遠既地方，今次係因為有朋友仔話要帶我試下舊式扒房風味先會入黎，！有好多唔同類型既套餐可以選擇，扒類、拼盤、意粉等等！我叫左個牛柳餐跟紅湯。紅湯同餐包好快就黎到，個湯夠晒熱，蕃茄味好濃，小小酸仲帶點點微辣。餐包熱辣辣，好鬆軟，搽埋牛油，點湯食，正！牛柳跟薯菜，份量都好大，薯條係我中意食既粗薯條，好食，不過唔係太夠脆！最後仲有甜品啫喱，個啫喱係用金屬杯放既，成件事好懷舊，啫喱味道唔特別。

我同老公由拍拖果陣已經好鍾意食呢間舊式西餐廳，貪佢夠晒情調! 我地六點鐘已經見到 full house，好在有最後一張檯不過要個半鐘交檯。聯和墟最好就係任你泊車，好少可會抄牌，有時我都會自己揸車過黎呢邊買餸。講返今次個聖誕大餐先，我同老公兩個人叫咗一個 6 course 聖誕大餐加一個意粉，好在帶定個食物盒咋!焗意大利蝦仔酥皮盒: 牛油味濃不過唔夠脆，蝦仔真係好細粒南瓜魚翅海鮮湯跟餐飽: 淨係南瓜湯已經好好味，入面仲有唔少蝦同帶子。餐飽有預熱、牛油半溶好有誠意。栗子燒瓖火雞拼煙腿: 個栗子燒幾特別，出面未食過，好重薑味。其他肉好鞋我食唔慣。芝士焗龍蝦伴紐西蘭牛柳:  二百分!! 冇諗過隻蝦咁大隻，而且夾住好多蝦子，又香又脆，龍蝦本身好彈牙啲膏又香，即刻覺得個餐好抵食!! 牛柳要五成熟，可能被個龍蝦搶晒風頭，牛味唔濃但質感軟滑，食得過!甜品係好傳統的聖誕布甸，好食!跟餐送的聖誕禮物盒，拎埋去其他 party 唔錯老公點的雜菌大蝦天使麵，辣辣地好好食，啲蝦超新鮮，好脆!! 兩個人加埋一 $4XX 食到大大隻龍蝦算係好抵食，期待下一年的聖誕大餐!

今晚要在粉嶺食晚飯，對自己好啲！問定住附近同事！佢介紹呢間扒房，去到門口已經覺得好有懷舊味道，白牆加紅帳篷，好似跑馬地間Amigo嘅感覺，推開門直頭去咗七十年代感覺！白牆籐椅木枱，加籐燈罩！店員安排我坐窗邊一張四人枱，因為我張枱剛在柱邊，坐得比較窄，可以望到窗外！但出面路人望唔到入面！ 套餐有好多選擇，扒類、拼盤、意粉類！同事話焗意粉好味！但我想食牛扒，又覺得呢啲扒房有保證！就叫個晚餐「扒西冷牛扒」（$88）！好快就上個紅湯羅宋湯及餐包，羅宋湯夠熱，好濃味，酸酸微辣，湯料中有牛腩碎及紅蘿蔔條，增加口感！餐包細細個，熱辣辣，我無搽牛油，直摵開點湯食，麵包好鬆軟，點埋湯好食！牛扒之後上，賣相幾好，牛扒唔大份，切開做到我要求嘅5成熟，咬一啖，淋身有肉汁，點黃芥辣更加提升了味道，黃芥辣滑身攻鼻，但又有一條筋，好韌咬唔開，結果係成塊扒都有條筋橫跨在中間，破壞晒本來味道唔錯嘅牛扒！我跟薯菜，份量好多，薯條粗身淋身，唔點茄汁，直接用燒汁點來食，好薯味，好食，蔬菜有爽脆四季豆及淋身紅蘿蔔仔！可以平衡牛扒油膩感！燒汁唔杰，質地滑身，味道剛好！ 之後上啫喱同熱檸茶，盛載菠蘿啫喱嘅金屬杯好懷舊，啫喱味道

少弟光顧了雅士餐廳不下四丶五次，貪的就是價錢實惠及份量得宜，至於款式方面有很多配搭，可以説是任君選擇。而說到食物質素就可說是中規中矩了，水準亦不太穩定，就好像這晚我老婆點了的牛柳就煎得過熟，真叫我多「𡁻」幾口才成！至於我的另一道菜-龍脷柳加上他們調配的酸甜汁就不俗，用這個汁比較特別，一般餐廳都是黑椒或燒汁吧，故這也帶點驚喜。再加上我最愛的長通粉，沒聽錯，是長通粉，坊間的西餐廳可選擇的都是意粉丶飯及薯菜，而這裡就多了這個配搭，我相信不是人人歡喜但卻是我的至愛，大家不妨也試試吧！

裝修懷舊的雅士是我家的御用扒房。每次想到附近吃西餐就會去雅士,近排發覺雅士的食物價錢上調了不少,但食物份量尚算大份,所以繼續捧場。今晚吃了海鮮沙律餐,海鮮是灼熟的,有蝦、青口、魷魚和蟹柳,個人很喜歡雅士的沙律,有什果和蔬果混合,很豐富!口感清新輕怡,十分適合女士食用。什扒餐有雞扒、豬扒和牛扒,雖然不是上等貨色,但味道絕對没有雪味,配上長通粉,不會越吃越膩,十分飽肚。另外一提,雅士的晚餐附有甜品,,甜品杯是很懷舊的金屬杯,可選云哩拿雪糕或啫喱。每次吃飽我們都帶着期待的心情嚐甜品,就是這股牽掛,維繫了多年光顧的堅持,然後帶著滿足的心情離開。

話哂都係街坊點都要支持吓，見尋日放假冇乜嘢搞，瞓醒都中午就近近哋去附近食吓西餐，其實呢間近排都有幫襯吓，不過多數下午茶，今次早返少少就試吓個set lunch,款式都幾多，一般牛扒，豬扒類嘅餐，各式焗飯焗意，o加喱類甚至中式炒粉麵都有，選擇都唔少！嚟到呢類舊式西餐廳都係食返佢哋較拿手嘅焗飯類穩陣啲，最後就order咗焗豬扒飯set，不過呢價錢就冇包湯，要加十蚊先有，咁當然加啦！結果要咗個紅湯連餐包。餐包先上，都係行貨嘉頓包，整暖先上，ok ge!跟住紅湯就嚟，味道都幾濃郁唔會太酸，蔬菜亦都唔少，係欠缺少少辣味啫！隔左一陣個焗飯都上埋，我叫左waitress個飯多汁，所以望落當然較多啦，熱辣辣，豬扒就一塊多啲啦，煎香先再焗，飯亦都係炒底嘅唔錯啊，個汁亦都好多蕃茄肉，應該有用心較，當然要加埋卡夫嘅芝士粉啦，咁就更perfect。碟頭方面都可以嘅，食完都好飽嘞！跟著抖一抖就上埋杯凍咖啡嘞，一般跟餐嘅o加啡，同茶餐廳嘅有啲分別，我都鍾意飲啡嘅，係唔太有研究啫，總之呢杯都可以啦！再坐一陣就埋單，連加一七十七蚊，其實我成日諗佢喺聯和墟呢個小區定呢啲價一啲都唔街坊，但又keep住都好多人食，不過質量

到粉嶺出外勤，在聯和墟想找家酒樓舒舒服服食餐晏，但行足十五分鐘，入過商場又行過街，都找不到一家酒樓飲茶，結果行過這間門口看上去較為似樣一點的餐廳，就進去一試。其實後來才發現這店在外牆有一個大招牌，而門面外有小帳篷作裝飾，但內在環境亦頗為擠迫，也由於樓底太矮的關係，十分嘈雜，店尾有一個做水吧的酒吧檯，想是這區內晚市時可提供似樣一點的西餐廳了。坐下後看過餐牌，點了一份鴨胸沙律套餐，除沙律外，已包括有湯、麵包和咖啡了。忌廉湯，比較奇怪的一個湯，絕對是用漿粉開的湯，更兼且是非常漿糊，但奇怪的是加入了免治豬肉，我用湯匙弄起來看，第一個感覺竟是聯想到豬肉粥，入口味道尚不太差，有半點咸味和半點奶味，還可以喝，口感却真有點像食粥。牛泊麵包，全套皆為外買的貨式，但上檯竟是微暖的，入口尚算綿軟，在這偏遠荒蕪地區算是交足功夫了。鴨胸沙律，份量非常十足，鴨胸四大件，略為煎過再攤凍，雖然鴨胸必然是急凍貨品，但入口尚有鴨味，味道鮮甜，肉汁豐富，淋軟不鞋，又有噬口，口感不差，更令我有驚喜的是，當我翻開鴨胸時，竟然見到沙律上還有白露筍，不要說在這偏遠荒蕪區份，就算在旺角等地區，較為普通一點的西餐廳也未必有用上這材料，

星期日下晝想食公司三文治..行勻整個聯和墟都無..就到舊式西餐廳'雅士餐廳'試試..看見餐牌..公司三文治要5x..再加一..心想..下午茶的話..未免太貴..師奶仔決定不吃了..轉吃茶餐..我點了炸魚柳薯條 + 凍華田um..份量有點少吧..的確是放滿整隻碟..但這隻碟只是平時的'餐包'碟呀..(我不覺得是大肚婆特別要求份量大呀)相比下..薯條份量多..魚柳少..應該都有四小條魚柳..兩者都炸得香脆不膩..配合沙律醬亦覺清新..不過不知何解它們的茄醬是偏甜的..怪怪..凍華田剛上檯時..師奶仔心態..'呀..加一有忌廉..感覺高級點..都抵'..怎知侍應竟然沒給我飲管..一追再追..追她三次才給我..我的忌廉都完全溶化了>~<老公叫了炸蝦多士 + 熱咖啡蝦多士同樣是份量偏少吧..多給兩條薯條都不怕..起碼令'餐包'碟不會太空洞..好看點吧..um..我覺得蝦多士入口有點油..脆但油..熱咖啡..是整餐令人最滿意的..不好意思..我不喝咖啡的..不過單看都覺得陣容專業..老公說這咖啡香濃..一個四十元的茶餐有這樣的餐茶..算值回票價..若你想和朋友坐很久的話..下午茶時

今日老豆生日，一家五口去幾年前去過嘅雅士餐廳，諗字咁耐無嚟過，鋸下扒，點嘅都係set dinner, 不過waitress就好唔專業，一來無問牛扒幾成熟，二來又唔問要汁，唉……可能係我地自己唔記得同佢講掛，本身已經細件嘅牛柳又韌又唔好食，伴菜又凍， 粟米又老，又叫咗羊扒，好可惜……可能越出名越求其

我好喜歡一啲好似太平館的餐廳，因為呢啲餐廳有以前的特色，英式得來又帶點中國風。今次來到粉嶺做野，居然又比我找到間咁樣的餐廳，非常開心。佢的羅宋湯好重茄膏味，呢種味道好得意，只係係舊式的茶餐廳同呢類型的餐廳先飲得到，好好味架！今次我揀食西冷同焗牛柳粒飯，個西冷係7成熟，佢地的火侯處理得剛剛好，無煮得太老；個蒜茸汁又配得剛剛好，正體來講係好好味。個焗牛柳粒飯，我以為飯同餸係一齊焗，點知.....唔係囉，佢分開咗，但係個感覺唔錯，因為焗牛柳粒個汁配飯係剛剛好，唔太溜，如果飯同餸係一齊焗效果就無咁好，因為有芝士係到，個牛柳粒又唔會焗到好韌，而係林林地，唔錯。食完主菜，仲有甜品送，係媽媽牌的啫喱，仲係用以前的鐵杯上，好有味道呀！！

年初二附近大部份餐廳都沒有營業，只好到這間吃。叫了一個咖喱牛肉飯和煙三文魚天使麵。咖喱牛肉飯 -- HK$75 (未包加一)賣相和味道都跟快餐店質素無異，只是價格是高級餐廳收費。最多只值HK$40。煙三文魚天使麵 -- HK$100 (未包加一)賣相和味道都可以接受，但這價格不包飲品，不值HK$100,最多只值HK$60。總括而言，這餐的食物質素和價格不成比例，侍應態度及服務水準亦未達老牌西餐廳應有的水準，整體令人失望。不明白何以這麼多人讚這餐廳，實在令人費解。

專程揸車入粉嶺睇吓呢間平民Amigo，由於太晏所以只係食下午茶。外觀係有少少似Amigo，內裡裝修都幾歐陸風格，地下就有少少污糟。啲下午茶餐都係似一般茶餐廳食品。吞拿魚焗長通粉 - 嚟到變咗意粉，重有好多水，係水唔係汁！唔掂！肉醬焗意粉 - 意粉淋，味道普通。明知係平民版當然無咩期望，何況真正Amigo 都唔見得好食，所以都係當食咗間好樣啲嘅茶餐廳。

午餐想選環境好一點的餐廳，來到雅士，裝修雖舊但仍很別緻，區內少有呢。餐牌有中式西式，既然黎到西餐廳，梗係要据下扒啦。餐湯要了白湯，今天係雞肉忌廉湯，湯內有一塊塊雞肉連雞皮，有皮感覺不太好。湯味道則不錯，不過杰，但夠creamy。遲來的餐包，飲完湯好耐先上，以為要返熱個包但又無，包凍同硬，一般。主菜-太陽神雜扒配薯菜，即係雜扒加隻蛋。蛋半熟，啖啖蛋漿好味。雜扒有豬扒一大塊，牛扒小塊加更細塊雞扒，雜菜則有青豆數段，紅蘿蔔數段，粟米一件，真係好多肉少菜。扒煎得好香口，不韌，半肥瘦食落甘香，醬汁有少少鹹，留返黎點剛炸起嘅香脆薯條啦。餐茶要了熱奶茶，茶味香濃，奶同糖自己落，可除各人喜好，唯茶不夠熱失色了點。

今日同女朋友慶祝佢考試考得好好所以搵間高級D既餐廳食晚飯雖然呢間餐廳交通唔方便但係都入來食一餐慶祝之前見到好似晚市好食D點知6點先開始有得食所以去附近兜左個圈先來食由於都仲好早所以入到去都無咩人坐低就揀野食我就叫左個龍脷柳配飯, 女朋友就叫左牛柳配薯菜成個set仲有餐包同埋湯, 我地都叫左白湯餐包+湯  先來餐包+白湯個人認為個白湯唔夠香可能因為唔係太熱不過唔太熱都有好處, 就係可以即刻飲跟住就來主菜龍脷柳配飯,平得來幾好食個龍脷柳煮得岩岩好唔會太林而且個汁好正睇落好似好辣但其實配埋龍脷柳一齊食就岩岩好至於女朋友既牛柳配薯菜佢話本身期望係有薯條但點知得一舊舊既薯仔所以有少少失望但係個牛柳真係唔錯貴得來都值得質感岩岩好,生熟程度都岩岩好又好有鮮味真係好值得推介食完飲完飲品之後仲有甜品係啫喱來既正正常常既啫喱啦不過個杯幾特別令平凡既啫喱都有得加分最後食到好飽加埋一食左$176都算抵!