影片
港鐵旺角站 E1 出口, 步行約4分鐘
繼續閱讀
電話號碼
23844438
營業時間
今日營業
17:30 - 04:30
星期一至日
17:30 - 04:30
以上資料只供參考, 請與餐廳確認詳情
話說朋友和我都喜歡吃潮州菜，今次從open rice搵到呢間，即管試下，地點方便。我哋叫左鵝片、蠔餅、蠔仔粥和芥蘭炒臘味，有驚喜，蠔餅恰到好處，多蠔少槳 脆口，蠔仔新鮮，鵝片很滑不煙韌，芥蘭嫩口不多油，蠔仔粥不過不失，蠔仔鮮味，我和朋友都讚口不絕，一定會再幫襯，試下其他菜式。😊性價比高，價格合理，招呼周到。
繼續閱讀
第一次寫食評。喺Openrice見到呢間小店評價不錯，帶一家人（共6位）嚟試吓。我哋早6pm左右嚟到，有1-2枱客食緊。叫咗韮菜豬紅，鵝件，蠔仔粥，腐乳通菜，墨魚拼鵝腸，胡椒豬肚湯，蠔餅。每樣都好美味。大推蠔餅，蠔仔粥。老闆店員年紀頗大，非常友善。似係已屹立多年嘅地區老店。推薦大家去食吓。最後六人食咗七百令蚊，好抵食。去櫃位埋單，竟然係用算盤計數，認真買少見少。
繼續閱讀
送別同事最後一程，就同其他同事食埋餐飯先至返屋企。心血來潮想食潮州嘢，咁就近近地試吓呢一間。老舖裝修過，缺乏咗一種懷舊嘅感覺，但係味道係屬於舊派嘅感覺。鹵拼唔可以彈性配搭，要跟餐牌一式一樣，呢度有少少失望。根本就係要獨立嗌一碟鵝件或者鵝片。既然佢要分開嗌當然唔嗌我片，一般嚟講齋鵝片嗰份量都會好少，我見個感覺良好好多。食落去個滷水汁唔會太鹹。另外滷肉肥瘦適中。啲辣椒油都係潮式，用嚟點墨魚片一流。蠔仔粥啲蠔仔大大粒脹卜卜，一啲腥味都冇，剛剛好唔會太老。比較失望少少就係個豉椒炒蜆，食落去汁蜆分離，應該係烚咗啲蜆，之後撈埋d汁，成碟嘢都係唔熱嘅又冇乜鑊氣，成晚最失望係呢一個小炒。
繼續閱讀
估唔到喺旺角都可以搵到間抵食嘅潮州飯館，三個人諗住叫四個餸，飲埋啤酒應該每人$200走唔甩，點知叫咗3枝啤酒，炸蠔餅、鵝片、豬紅加埋炸花生,先每人$150有找，所有地理位置嚟講，又可以坐低傾耐啲吹水，真喺性價比高。鵝片嚟講都不錯，雖然份量好似少咗啲，不過真喺啖啖肉嘅，而炸花生配啤酒真喺一流，真喺要叫碟嚟成晚吹水時送下酒，韭菜豬紅大大碗真喺好抵食，味道都唔錯。至於個蠔餅又真喺幾出色，啲蠔仔每一粒都好肥好有咬口。如果喺旺角搵唔到個地方吹水食飯，真喺要bookmark低。
繼續閱讀
風味豐富的中式佳餚評論前陣子，我享受了一頓精彩的中式晚餐，其中包括生腸拼墨魚、豉椒炒蜆、胡椒豬肚湯和椒絲腐乳通菜。這些菜餚都展現出豐富的風味和令人愉悅的口感。首先，生腸拼墨魚給我留下了深刻的印象。這道菜以鮮嫩的生腸和彈牙的墨魚搭配而成，呈現出獨特的口感。生腸的質地柔軟，墨魚則帶有微妙的海鮮風味。配以蒜蓉和辣椒提味，這道菜既有豐富的口感，又展現出中式烹飪的精湛技巧。接下來，豉椒炒蜆讓我驚艷不已。蜆貝的鮮美與豉椒的微辣完美結合，令人回味無窮。蜆肉鮮嫩，帶有微妙的海洋風味，而豉椒醬增添了稍微的辛辣。這道菜以簡單的調味料展現出豐富的味道，是一道不容錯過的美味佳餚。在胡椒豬肚湯中，我品嚐到了濃郁和溫暖的口感。豬肚的韌度和胡椒的辛辣相互平衡，創造出一個令人舒適的湯品。湯底濃郁，胡椒的香氣瀰漫其中，令人口齒留香。這道湯品不僅味道出眾，還具有舒緩消化的功效，是一道完美的開胃菜。最後，椒絲腐乳通菜為整餐增添了清爽的風味。通菜的脆嫩與椒絲的微辣相得益彰，而腐乳則帶來了豐富的鮮味。這道菜的口感平衡，味道清新，是一道適合搭配其他菜餚的健康選擇。總的來說，這頓中式晚餐給我留下深刻的印象。生腸拼墨魚和豉椒炒蜆展現了中式料理的精髓，豐富的口感和獨特的風味令人難以忘懷。胡椒豬肚湯和椒絲腐乳通菜則完美地補充了整餐的口味，帶來清爽和平衡的感覺。我強烈推薦這些菜餚給那些尋找獨特中式美食體驗的人們。無論是味道、口感還是視覺效果，這些菜餚都能帶給你一個難忘的晚上
繼續閱讀