隱世山莊

營業中

休息中

我們一行四人即興去隱世山莊BBQ，這裡有除了可BBQ外，亦設有不同主題的party room，可邊BBQ邊唱k、打機及打麻雀，此外亦可加錢食海鮮，適合大伙兒搞燒烤派對。食物種類剛剛好，較多出面沒有的食材，例如：雞皮、德國腸、棉花糖、金姑豬肉串、蝦、鴨胸、牛肉串、秋刀魚、紅腸、菠蘿、豬頸肉、芝士蒜頭釀茄子及漢堡扒等。飲品方面除了汽水外，亦有烏龍茶及炭酸可供選擇。環境方面以燒烤場來說，算是不錯，多風機，燒烤時不算太熱，洗手間亦算乾淨，店主亦很主動解答泊車方面的問題，價錢雖中上，但物有所值!

4/4號（清明節前一晚）一行十幾人喺隱世山莊bbq,我地都鐘意食燒菠蘿，因其他燒烤掂冇，(本身都知隱世山莊啲醃肉冇另一間咁好食，選擇又少）但呢間話有菠蘿，所以book咗呢間bbq ，我行去搵菠蘿見唔到有，又唔見有我喜愛既雞腎，咁我走去問果度工作既人，佢話冇咩？ 我話冇呀，但佢又唔郁，我就企喺度等佢諗住佢會行去加野食出黎，點知佢懶懶行咁行去睇，話啲菇未比人食哂就唔會加菠蘿（其實我從頭到尾都未見過有菠蘿）我就話菇同菠蘿係兩樣唔同既種類，佢都冇理我，咁我就話同埋冇雞腎，佢就去搵咗一陣，攞起裝住雞軟骨既鐵盆比我睇，呢度咪有囉，原來得返幾粒比較碎既雞腎邊叫我㚒埋佢，唔肯加！嘩！我真係激氣！有冇攪錯！本身都少選擇，冇哂又唔肯加食物.....過咗一陣有個女員工攞咗幾片菠蘿（大約有6薄片）問係咪有人要菠蘿，但個態度同台語氣衰到呢..😵在場啲朋友見到都問點解佢態度咁衰......我地十幾個人有比錢bbq,乞你隠世山莊幾片菠蘿😡😡😡😡😡😡😡

隱世山莊嚟過好多次，我亦比朋友放咗好多次飛機。今日平安夜終於可以再一次嚟到隱世山莊燒4。多謝我嘅換契仔契女一家陪我。隱世山莊位於 “譽88”私人屋苑對面。交通都算方便。大欖隧道轉68E就可以直到。食物方面有好多不同種類。雞翼/豬扒/金沙骨/咖哩魷魚/各款丸煩/豆卜/燒賣……等等（未能盡錄）最特別係有好多串燒同埋我最鐘意嘅芝士鮮冬菇。仲有就係飲品任飲。一般燒烤場都只係包1支水及一罐飲品。但隱世山莊係任飲任食都只係 $159/1位 （呢個價錢係特別日子價錢）可以由2：00~7：00。仲可以加$90食埋海鮮。海鮮係係元朗街市即日買的。所以非常新鮮。仲要一讚就係食物水準。由我第一次嚟係覺得咸咗d之8。其實每次都有進步。今次味道比以前更好。大家想燒烤不防考慮一下隱世山莊啦！（有VIP房包埋唱K及電動麻雀/桌球）

重陽節 BBQ，難得大家唔洗返工一行六大兩小一齊岀發，元朗隱世山莊，係我去過幾個 任食BBQ場最喜歡的一個，食物新鮮、衛生乾淨、飲品種類多而且個係可以任飲有燒烤網提供，唔洗用手叉食物，只需用夾就可輕易處理元朗雞地消防局對面就係，真方便

完全吾好去！！訂左位等超過半個hour重話之前枱客食蛋糕！！你地吾系話"限時4小時"!?敢你地自己完全無控制時間架！？你地敢對客人架！？剩系叫我地"等等等"⋯人都齊等下年重陽呀？！⋯敢我洗鬼訂位⋯問你邊枱台客食"生日蛋糕"食成半粒鐘你地又支吾以對⋯實情你地根本就沒留位⋯超級差的服務態度有其他人十位到齊又系等話一陣有…呢間野完全吾掂如果有其他人想去我都會建議大家去其他地方其他地方起碼畀你知道有冇位⋯一去就有位⋯唔駛"訂位"架⋯

去過元朗4間燒烤，呢間最好食。不過交通就無禁方便。老板娘好好人飲品任飲食物新鮮最緊要係有埋K房，遲左兩個鐘交房老板娘都沒要我地比額外費用仲叫我地多D去夏天燒都唔洗驚，因為有風機

一班朋友平安夜聚舊慶祝，BBQ既應節又溫馨。元朗有很多燒烤場選擇，今次我們選擇了隱世山莊。適逢平安夜，隱世山莊除了一般的自助燒烤外，還有聖誕節抽獎環節，氣氛很好的呀！朋友當中有無肉不歡的，也有素食愛好者。隱世山莊燒烤場的食物能夠照顧以上兩類食物愛好者，而且食物的質素味道都很好！另外，甜品選擇也很多： 雪糕、冰條、菠蘿冰。。。。。。GOOD！以往去過不少的燒烤場，相比之下，隱世山莊的服務算是中上的，始終可能是自家生意，服務員不是外僱的員工，服務感覺較為貼心。

這天是復活節假期的第3天、上午跟家人吃了一個豐富的早餐。之黎便留肚到下午3點、再跟朋友到元朗市BBQ😂這個燒烤場位於元朗鬧市內、由元朗西鐵站步行約需15分鐘，而且非常易行、不會蕩失路喔😆這是一間自助式的燒烤場、分限時同不限時、而且場內的飲品、食物和炭都是任飲任食任拎😁雖然飲品種類不多、但有可樂、7up, 水和一些我不懂的品牌飲品，場內也有🍺供客人購買。而，食物的種類我覺得很豐富了。除了基本燒烤必備的食品外、還有蔬果類提供，也有少有會出現於自助式燒烤場有的豬大腸👏👏👏好好味丫、我那天來回燒了好幾次😂😂😂推介！係味好健康呢😂色彩又繽紛😁地方雖不算太大、但空曠、不會感覺到太焗促。場內亦有多把座地式風扇不停開著。最後是價錢喇、因我是公眾假期的關係、所以會貴一點。限時4小時是$149；不限時$179。因為有朋友第2天要返工、所以我們揀了只燒4小時便算了。這個價錢我覺得以自助式燒烤來計、已經算是非常抵食了。下次還會再來😁😁😁

四人晚上各$169另外$50爐費，共$726。食品基本： 兩種雞亦，豬牛雞扒，普通丸歚已經串起的祇有煙肉金菇，燒汁雞肉汽水不凍，放在三個大凍水筒儲藏，各人要潛手入去拿罐，感覺恐怖，水是油膩的食具不足,四人三個盤子，各人一小膠碗。環境擠迫，排位不善。

元朗有好多個任食嘅燒烤場，競爭亦都好激烈。之前聽朋友講過呢間任食嘅質素唔錯，所以行完山就坐K巴過嚟試下。K巴落左車之後都仲要行一段路先到，不過都唔算係好遠嘅。喺門口已經有人負責收錢，人頭計費。呢度正常嘅BBQ野食都有，雞翼豬扒雞扒牛扒都有！佢另外仲有d調味料俾你自己加落去調味，咁鍾意濃味d又可以自己加多d！至於蔬果類佢都有d，有茄子菠蘿冬菇。而丸類佢都有d特別嘅丸類，有黑色嘅墨魚丸，又有三角形魚蛋，仲有d串好左嘅煙肉卷，算係幾有心思！任食BBQ都好少見到有秋刀魚，佢呢度都有，仲要唔腥。食物又唔會太鹹，飲品亦都係任飲，算係有質素嘅任食BBQ！下次可以試下佢個海鮮餐。

三五知己有咩好去處 梗係去bbq🍢🍢 但元朗嚟講👀 隱世山莊係最好食 環境夠舒服其實隱世山莊 我自己都嚟過好多次 覺得食物超多選擇！ 野食夠入味 我嘅推介有好多 豬腸、 金沙骨、 煙肉捲、 辣雞翼、 雞皮串、 咖哩魷魚 、 多春魚、 蒜蓉包 、還有秋刀魚 必食…… 必食 仲有數款飲品、 蒸餾水免費供應 啤酒要自費… 但唔算貴😋交通都幾方便 朗屏西鐵站 🚅落車 行去家計會出面 可搭 接駁巴士 k66 🚌到蝶翠峰落車… 再行過去兩分鐘就到 非常方便👍👍唔好意思D相影得麻麻地

朋友生日，天氣又凍凍地，就打算燒野食，係OPENRICE搵下元朗區有咩選擇，另外有朋友食過話唔錯，好啦，就決定訂位食呢間試試佢啦前一星期左右已經訂定海鮮，當日由西鐵站行過去都好方便，15分鐘內都行到，食完如果一班朋友行出黎仲可以幫助消化入到去安排坐近門口，所以入面其他位置都冇乜留意到，可能星期六既關係，都比較full，所以周圍變到有d迫，行出行入都唔太方便，會撞到隔離枱，如果隔開多少少就perfect啦一開始已經送上全部海鮮啦~好彩天氣都夠凍，唔使驚太快變壞蜆係咁多樣海鮮之中最或者係容易知道點為之熟，唔使調味海鮮既鮮味都好夠蟶子大家都覺得食緊魷魚咁，睇黎都係適合蒸多過燒既同埋燒鮑魚要小心，因為受熱，所以D飽魚會彈起，我地有一隻彈左落地下食物方便有一串串都好方便燒，燒完就咁拎住食都得啦~~煙肉包青瓜超正，一定要試試，另外有墨汁墨魚丸都仲要有漢堡扒第一次有得燒，好吸引呀不過佢雞翼味道選擇就較少，好似得2款~~不過蔬菜類都有幾款: 冬菇, 翠玉瓜?, 菠蘿, 蓄茄, 粟米, 雞脾菇?, 茄子, 蓄薯...ETC.呢個就係生日傻惠送既，比較細粒，肉香都唔係好夠，不過送既就唔要求太多啦不過最重要

之前已來一次，再來原因覺得環境舒服，食物唔錯。 有不同菜，有鑲冬菇，絲瓜，雞肶菇，矮瓜，仲有秋刀魚。 而且不時有變化的串燒。 肉類都新鮮。 因食物好足夠，所以沒有加錢要海鮮套餐。 飲品選擇好多，有水提供是最值得讚休休閒閒兩个人消磨四小時。 好enjoy

「隱世山莊」顧名思義遠離塵囂鬧市，於鄕郊一角，由元朗西鐵站步行到燒烤埸需要20分鐘左右。聽聞此間所提供非一般燒烤食品和平價海鮮，這是吸引我光顧原因。 我早上打電話預約位置，此店提供任食優惠每位$149，而且提供一系列海鮮供預訂，細心一看，款式多樣化，價錢合理。我只保守點了大元貝，測試下她們提供海鮮水準。結果，我們異囗同聲話「鮮甜可口」 步入場地，椅子乾淨衛生，沒有其他燒烤場的污黑難抺，我朋友是潔癖怪痂，難得聽她今次讚口不絶。另外，燒烤爐提供高一層灶台供串燒位置，貼心準備令我們感喜悅。 此場提供各式各樣串燒，滿牛油香草味法包，牛排，雞扒之類。特別美味是香草調味羊脾，一試再試。我朋友愛其薯泥批，経烤了一會，皮脆內軟，滋味十足。 埸內提供任飲服務，有康師父系列，一般汽水和清水，喜出望外是有烏龍茶。燒烤中段已經沒有烏龍茶，我見店主有不斷補倉，此處值一讃。

賞完大棠楓葉 行了一個下午 一行四人決定黎個BBQ。出名懶惰的港女 梗係去自助燒。隨意openrice一下 見到呢間新開 即管試下。環境不錯 幾空礦 有點聖誕燈飾 有點兒節日氣氛 哈哈。每人$139 開爐費$30 其實幾抵。除了任食 最重要係仲要任飲樽裝水 汽水 嘩 真貼心。食物種類好多 整齊乾淨排列在雪櫃 感覺好衛生。丸類除了基本會有既款式之外 有黑色墨汁丸 蝦丸 芝士丸 燒賣。凍肉類都幾有驚喜 竟然有豬大腸 燒起黎香脆好味。雞翼豬扒牛扒金沙骨雞軟骨 唔會太咸 好入味。仲有多春魚 秋刀魚 三文魚腩和頭。最鐘意係蔬菜類好多 蕃茄青瓜翠玉瓜車厘茄粟米全部都好新鮮 特別要一提係蒜蓉茄子 好正。醬料除了蜜糖豉油 仲有辣同唔辣待的孜然粉 幾好。開開心心 又一個晚上。又多了一個自助燒烤好去處。