隱世山莊

營業中

休息中

(不好意思，由於忙，所以遲了寫，但一星期後仍堅持要寫，可想而知這間店的惡劣程度。)25/1當晚7:12到燒烤場，職員告知今晚價錢$249/位+$100爐費用，任飲任食4小時。 問到為何任飲任食會有爐費，他說平時$249/位，現在近假期(年廿六的星期六晚)，所以加收爐費。職員話你哋食4小時，即是11:00要離開(但收12:00)，我哋基於之前去了錦上路一間燒烤場，執笠，費事再走太遠，所以入場。 食物一般，但部份食物都雪到好多冰。職員協助起了個"火種"，要自己繼續起爐。及至燒至10時初，我們剛剛停下來坐著，仍有爐火，職員態度惡劣地走過來話：“啲炭唔洗錢，你都唔好係咁燒啦!你哋如果唔燒就即刻熄火啦! 我們回應“我哋啱啱坐低咋喎，你哋唔係任飲任食任燒咩？而今日仲加咗爐費，我哋啱啱坐低喎(之前我哋企係度燒)職員一邊鬧一邊行開去執拾。過一陣(未夠5分鐘)，該職員又過來“你哋應該食到10:30，夠鐘要走啦！(當時未夠10:30)”職員問過我哋嚟嘅時間，但仍堅持話要我哋離開。這時唯有理直氣壯回應“我哋7點幾先嚟，你哋就話食到11點(任食4個鐘)根本就已經唔夠4個鐘，𠲖家話夠鐘，你哋咁樣點做生意㗎？”於

隱世山莊位於元朗大旗嶺村，係一間好有特色嘅燒烤場，係燒烤迷嘅天堂！只需$229一位加上$180開爐費，就可以任飲任食，唔需要計較每樣嘢嘅價錢，真係超值！燒烤食材選擇多，無論係海鮮、肉類定蔬菜都好新鮮。最值得一讚係唔同其他燒烤場，呢度啲份量足夠，唔會計到咁仔細，整個用餐過程輕鬆又開心。餐廳位置方便，環境開揚，仲有適合大班人嘅座位，啱晒一班朋友或者家庭聚會！仲有唱k房麻雀枱嗰啲好正整體嚟講，隱世山莊嘅食材、價錢同環境都非常合理，係元朗燒烤場入面算係高質之選，推薦俾鐘意燒烤嘅朋友一試！

為左呢間餐廳嘅員工，我做左十年Openrice cd-rom都忍唔住註冊返個ac分享返自己經歷話說同朋友book左大房farewell朋友移民，book左6個鐘，12am要離場大家入左房玩，11點左右出返個爐度發現佢地員工將我地物資(包括自己買來的調味料、錫紙、牛油、紙碟，未燒嘅食物)全部掉左、收左朋友表示我地仲未食完，有一位員工話 佢地都要執野我地表示farewell緊，大家睇緊啲紀念片段，個員工話: farewell大曬咩？你地咁大個人唔識因住時間架咩？吓？但係11點半都未到…我真係好無言，你執我地野掉我地野，無同我地講過一句，唔出聲就收哂掉哂當我地問佢點解可以咁，佢地去推啲佢地收集客人嘅物資出黎，話我地可以攞返，當我地咩？乞衣？我表示唔係呢個問題，係點解唔同我地講聲先，時間又未到該員工無解釋，反而質問我:小姐，你係咪飲醉酒呀？我無飲過酒，所以解釋唔到就想賴我地？我有無飲酒都唔代表可以掉野架喎道理其實好簡單，因為10點半我地俾左錢，佢地11點就想趕我地走，咁不如唔好話咩任食任飲6個鐘啦，做唔到咪唔好做生意咁樣做法，我地好地地嘅farewell party就俾佢地掃哂興當我地據理力爭

本身朋友預約咗任食BBQ，同埋私人冷氣房9位因為我臨時去唔到，所以前一日呢就打咗電話去呢度問一問可唔可以減一位啦打電話嘅時候已經講清楚係姓邊個預約，同埋預約時間以及係九個-1個變八個當時負責人就話冇問題呀，減人可以啊到第二日我朋友去嘅時候佢就話因為有房，所以最低消費係九位就算我唔去都要比態度極度惡劣 明明前一晚打電話嘅時候唔係咁講，最衰係冇錄音。點知佢會出爾反爾？結果我冇去都要俾返$438睇返啲食物，根本就算我又去都唔值呢個價錢啦地點又偏遠，極度唔推介！

來到10月假期，難得約齊人BBQ最適合，因交通方便(西鐵)大家結果選了隱世山莊。地方寬敞又有房租用(麻雀🀄 唱卡🎤 打機👾)合家歡，食物選擇多味道唔錯😋😋食素朋友都有一大堆食物選擇，今次唔怕佢冇野食，門口位又有熟食檔，肚餓人士有即食丸燒賣類，重可自己煮麵煎蛋加菜，飲品係任飲(不含酒精)真係好鬼正🥳如想食海鮮又可以自己帶或叫場主幫你訂，夠晒方便，下次都要再嚟過

極度差$370一位低消包箱，卡拉ok又壞，牌又打唔到，房又唔比換，野食款式同廣告差勁多，掃到最盡都係得10款，明明廣告，起碼有二十幾三十款，黎到得個吉，服務態度又差，真係求大家唔好黎，

間野越做越差,野食又難食野食難食就算，d阿姐態度差到爆起領套餐具黑哂面仲要串到飛起邊有人敢樣對d食客本身成班friend一齊聚下好開心，因為d野食同個度d人既態度搞到成班friend都好嬲我地黎係諗住開心燒烤而唔係俾錢買氣受大家千祈唔好去依度，簡直係俾錢買難受俾錢我，我都唔會再去依間野

有個阿叔態度十分差 令我唔想再去第二次唔該前唔該後叫佢幫手 佢竟然俾面色我睇當日落雨 提供一個穿窿嘅帳篷👎🏻👎🏻👎🏻食物方便款式係算多 但係肉類係冇乜味道！

今日朋友行完山 就黎到隱世山莊朋友極力推介呢間BBQ好抵食咁就到呢間燒烤場食晚飯呢度係先享受 後埋單嘅方式營運入到場就有店員帶我地入座然後俾我地揀大爐定細爐咁我地就揀左細爐 呢個時候 店員就會幫我地透爐同時我地就去自助區攞食物野飲其實細爐好燒到好多野食如果一行6個人以內 揀細爐都好夠食以上兩張係任飲區嘅野飲有好多選擇 睇圖略略咁數 都見到10種飲料不過全部都係soft drink如要酒精飲品 就要另外畀錢買食物區 非常豐富 超多種類任君選擇有肉有丸有菜有海鮮然後老闆有養3隻貓 全部都好親人好乖 可以隨便摸最後埋單 每人收費$159 再加lump sum細爐$70我地有5個人 就159x5+70一共$865

每到中秋，都梗係會心思思想去BBQ。朋友找到了元朗隱世山莊，位置都算方便，從大馬路行過來都係10分鐘左右，大大的招牌就在路邊。前一天打電話去查詢訂檯的時候，老闆一開始熟練地報了價錢，收線後轉個頭又即刻打來修正了報價，說因為我們訂的4號不算中秋節最當旺的日子，遲了一日沒有那麼多的節日附加費，不得不給老闆一個讚，夠負責兼老實。走到門口就見到有很清晰的價錢牌和所包含的內容，基本上就是每個人的人頭費再加開爐費，煤炭任用，這點很好。若人多，還可以包冷氣PARTY ROOM，不過老闆提醒最好提前詢問，估計冷氣房都幾受歡迎的。食物種類不算太豐富，不過也足夠我們吃的了，畢竟BBQ也就是燒個樂趣。個別串串還是味道不錯的，彩椒牛肉粒啊，煙肉金菇卷啊，都有encore。最欣賞的是有汽水任飲，其中最愛下火的清涼爽，還有懷舊的碧泉檸檬茶！在鐵網上擺得整整齊齊的燒物，看起來也是令人流口水的，不過鐵架離底下煤炭有點距離，等待燒熟的時間有點長，所以比較適合悠閒吹水的朋友，不適合餓鬼出籠的朋友。

今晚公司大聚會到隱世山莊，book左大Party room和戶外燒烤場, 整體而言，環境乾淨，不會太迫，食物質素幾好，飲品種類又多，除咗肉類更有海鮮，蔬菜，麵包等，好抵食!D房好大好新，勁乾淨，設施適合3到80歲，可以唱K，打麻雀，打桌球，打街頭霸王等，有足夠的空間去活動，個個都玩得好開心！戶外亦有洗手的地方，洗手間清潔明亮，值得去！缺點係，現場佈置的燈飾沒有很漂亮， 現在是聖誕，但是我見到中國式高掛燈籠，應該是中秋的時候現場亦有聖誕樹😂建議場主可以在此處下一點心思。

幾年前黎過覺得幾好，但今次要再來覺得食物無以前好食，基本上食物是任攞的，基本有豬牛雞及蔬菜，海鮮有蝦，但明顯浸過酒，味道很厲害。我們大約15人租了一間房，房間有麻雀，電視及一架（不知有什麼用的）運動單車，基本上房間是吹冷氣用的，只有一個小門口，燒烤爐就在房間門口，很逼很窄，但有提供室外冷風機，但天氣太熱的關係幫忙不算太大。其中一位穿黑衣的員工亦不禮貌，在限時之前不斷要求我們加鐘，感覺好大壓力，原本想放鬆的一晚亦有點不歡而散，應該不會再光顧。

適逢復活節假期就約三五知己去BBQ.今次搵到一間任飲任食嘅燒烤場「隱世山莊」。雖然任飲任食，但唔同燒烤時間，會有唔同嘅價錢。我地今次就揀左6小時$189這時段。（另外要加開爐費，大細爐唔同價錢）2點鐘去到唔算多人，在場內行左一圈，見到佢地原來有個預備食嘅地方，全部有職員即場洗切，唔同其他場是定貨到場，結晒冰。難怪我食左成日都唔覺口渴，有味精嘅感覺而佢地嘅食物除一般豬、牛，雞扒，腸仔，丸之外，還有牛肉粒串燒、雞皮串燒、菠蘿、秋刀魚、蕃茄片，雞肶菇和翠玉瓜（已加了少許調味粉）......這些很少燒烤場會免費提供嘅食物。調味品方面更提供孜然粉、辣椒油，胡椒粉自由提取。飲品除了啤酒以外，全部飲品都任飲（包括水）在炎炎夏天，一個價任飲真的非常吸引

隱世山莊已經成為左我地一班朋友既BBQ飯堂，地點位於元朗市中心，就係譽88對面，非常方便。因為聖誕假期關係，價錢會貴少少，聖誕價錢分別係$219/4小時，$269/6小時或$299/不限時，另加開爐費，而且因為假期，所以要先入DEPOSIT HOLD位，平時係唔需要既。另外仲可以預訂海鮮套餐($100/份，最少4份)，海鮮套餐有虎蝦X1、扇貝X1、鮑魚X1、干魷魚X1、蜆2-3隻，我地就未試過，不過都見到好多人ORDER。呢度仲可以選擇用網燒，或用燒烤叉燒都可以，唔需要另外加錢。呢度有超過50款食物選擇，除左有一般的豬牛雞扒類，雞翼，金沙骨，串燒，丸，腸仔之外，仲布芝士釀菇，金菇肥牛卷，釀辣椒/茄子，翠肉瓜，蓄茄，咖哩魷魚，而且我地一班朋友最欣賞既就係飲品任飲，除左一般汽水之外，仲有清涼爽、烏龍茶等。另外，個人最欣賞就係呢度個廁所，一般BBQ場的廁所都係好濕好污糟，好難得呢度個廁所可以KEEP住每一次去都咁乾淨。值得一讚。

這裏任食的食物不錯還有任飲很抵吃，尤其牛扒，香草腸，十分不錯。這裡的職員亦很友善和有禮貌，整體的地方十分乾淨，而且很寧靜，讓我們可以傾計、玩遊戲。網燒烤、叉燒烤亦得！若有機會，會再次幫襯！！！