隨便坐車仔麵燒烤

營業中

休息中

今日同朋友嚟到牛池灣街市食金發串燒 點知竟然冇開舖 於是我哋就去咗隨便坐試吓 我哋去到嗰陣係七點幾 鋪頭座無虛席 搵咗好耐都冇夥計招呼我哋🤔🤔🤔 想搵人又冇人幫手 又吾知點落單🤦🏻‍♀️經過一番波折 我哋終於拎到落單紙😭 我哋叫咗雞肉串 菠蘿 燒賣 牛肉 金菇 茄子🤪等左20分鐘 啲串燒燒到有啲乾 有d仲好黑 唯一鍾意嘅係菠蘿好juicy😚😚😚 雞肉配埋沙嗲醬我都好夾 但環境實在太污糟 始終係開喺街市裏面 頭先行過黎仲見到老鼠😱 應該無下次了🤔🤔🤔

上完堂好疲倦，又晏又唔熟路完全唔知食咩好😴好彩有人帶路食宵夜🤓呢到都幾地道風味，摺枱摺凳加上側邊啲人好大聲傾計同音樂🤣食串燒就係要呢啲環境，不過就有啲熱🌞夏天不了✋🏿食串燒真係會忍唔住係咁加單😗.基本上串燒應有盡有，上面灑咗辣粉🤣🍢有沙嗲汁同泰式酸辣汁😛啲肉唔會燒到乾爭爭😙錫紙包住嘅金菇同埋蒜蓉娃娃菜都好味😋蒜蓉燒茄子係必食🍆另外生蠔燒完都好大隻肥美一啲都唔乾😆飲品要自己出去拎，落單就揾燒串燒嘅師傅😛

我剛剛在紅磡「黃埔新天地」「百合苑」那一邊，光顧完日本甜品食店「弘」，再試食另一個版本的香草雲呢拿味道的「卷蛋」甜品，加上飲一杯青蘋果甜味的沙冰飲品之後，就乘坐港鐵返回彩虹。在準備坐專綫小巴返回西貢之前，我走到位於專綫小巴站旁邊，跟牛池灣街市以及牛池灣村之間的食店群，位於牛池灣街市跟牛池灣村之間，專綫小巴站旁邊的位置，有間叫做「隨便坐」的車仔麵店。我已經不是第一次上門拜訪「隨便坐車仔麵」了，可惜上次來到「隨便坐車仔麵」之時，恰巧碰上「隨便坐車仔麵」沒有關門營業，我唯有等到今次才有機會光顧和試食「隨便坐車仔麵」。「隨便坐車仔麵」之所以成功吸引到我的注意，除了因為「隨便坐車仔麵」的位置，實在太接近西貢專綫小巴站，交通實在太方便之外，「隨便坐車仔麵」的餸菜也擔當了很重要的角色。因為我無意中發現「隨便坐車仔麵」的餐牌價目表裡面，竟然有「雞扒」提供，曾經給了我一陣的驚喜和希望。食車仔麵可以食到原塊或被切過「雞扒」，是我其中一個很重大的願望。可惜我一詢問「隨便坐車仔麵」的店員後，我的希望又再一次，被殘酷的現實無情地毀滅，店員說「雞扒」早已經售罄。所以我最後被迫改選其他菜，作為「隨便坐車仔麵」「三餸

今日放左工 本來諗住同朋友去串燒放題 點知原來網上有好多負評 諗起之前去過既呢間鋪頭 想再試多次 佢又近地鐵站 就黎左因為主要係想食串燒 事不宜遲就叫左串燒先燒金菇燒魷魚燒茄子和各類串燒全部都相當好食 不過魷魚就un左少少...今次冇食到錫紙焗娃娃菜...一樣好食！之後唔夠飽仲叫左車仔面 大碗又經濟！

一次同朋友去完沙灘揾食，唔覺意撞入呢間串燒店。媽呀，真係太好食，最一試難忘係燒雞翼加沙嗲醬，嫩滑嘅雞肉、混雜香脆雞皮加沙嗲醬，無得輸😌仲有魷魚鬚，呢個點泰式辣醬係一絕。仲推介蒜蓉娃娃菜，好入味，成件事好融和，我連蒜蓉都清埋😋 豆角都幾好，不過茄子皮有少少燶，茄子肉都幾好食的。服務都okay, 願意俾多啲醬。之後再推介俾朋友，佢都覺得好好食，仲問有無得外賣，想睇住劇食haha之後佢仲推介俾幾個外國朋友tim!!

偶然係晚上11點後，係彩虹發現咗呢間叫隨便坐的風味店．店內坐位不多，外面有枱有櫈自己開，隨便坐，落單可以拿紙自己填，想燒海鮮必須出去燒爐旁揾師父仔落單．飲品也可自取．這裡日間并不開檔，只做車仔麵，一到晚上才是夜貓的天下，基本上燒得的都應有盡有，空氣里飄著BBQ的味道，襯住懷舊音樂和吵雜的聲音，別有一番風味。食物也很不錯，即使是車仔面，餸及醬都是同區最有水準的．辣醬非常香，但很辣，不能食辣的人，只能要一點點．燒海鮮，雞全翼，菲菜同茄子都係我的至愛，每次必點．只有沙嗲醬淡了一點，沒西貢旺泰的令人一試難忘．偶然要一支啤酒，叫上三．五樣至愛，放空一下自己，這是一個經濟而有水準的去處．

游泳之前，來到牛池灣這一邊先吃個車仔麵。之前經常乘搭西貢的巴士，經過以為只係門口那幾間食肆，原來進來之後，牛池灣都有不少食店。隨便一間車仔麵，門口放了各式各樣餸料，如果這樣的店舖，我們就在門口點選自己喜歡的餸吧。我點了豬大腸、蘿蔔、以及雞翼尖，配油麵。蘿蔔不錯，刨得好好，完全沒有渣，吸湯當然濃味。豬大腸亦相當乾淨，中間沒有污糟的物體，香濃，是車仔麵的最佳之選。另外還有雞翼尖，份量多，至少五六隻，不肥，香濃味道。雖然湯底都算是非常之香濃特別，但是這一間車仔麵的餸料比較可取，每一樣都乾淨企理而且入味，味道不錯。之後再來到，發現原來再遲一點才是這間鋪頭的主打時間，很多人在門口吃全消，在吃宵夜。

本身行過,以為食車仔麵....點知原來係食串燒既！超正！真係好地道，大排檔feel...飲可樂，beer!!!仲要係勁平！超級推介！識食就緊係食菜啦！栗米10蚊，茄子開邊燒都只收20蚊！！多蒜，勁入味，勁林，勁香！然後係秋刀魚，12蚊！ 燒到脆一脆，再配檸檬汁無得頂呀！最後叫多個雜姑，20蚊.....勁足牛油、蒜香，以為自己去左bbq tim ar!!!呢間野平令正！真係想晚晚黎宵夜呀！

今日晏晝又嚟咗呢一邊做嘢，所以就諗起上次食過嘅呢一間又平又抵食嘅車仔麵。咁遲就叫左個咖喱魚蛋加豬手嘅面，另外加多＄12要左杯紅豆冰。咖喱魚蛋唔算話好辣，但係我個面就叫咗小辣，但係少少都已經好辣，好彩叫咗杯紅豆冰解辣，紅豆冰唔係話做得特別出色，飲落去奶味比較重，啲冰亦都唔係平時嘅碎冰，有點失望。

今日過咗嚟呢邊開工，食晏就求其搵一間黎食啦。見到佢呢度個餐牌都幾平，好似好抵食咁所以就試吓啦。今次就叫左一個蘿蔔牛肚鳳爪油面，加埋牛腩汁同埋辣汁。個鳳爪整得好琳，唔使點論啲骨都已經啖啖肉，蘿蔔撈左啲腩汁之後好入味，牛肚就冇咩特別不過不失啦。