隆姐泰國美食館

營業中

休息中

. . . . . . . . . . . . . . . . . . . . . . . . . . . . . . . . . . . . . . . . . . .以前同屋企人去親九龍城食泰國野既話就一定係去隆姐了重遊舊地一樣係咁好味青咖哩足料又夠入味送薄餅一流鹽燒黑鯽魚既肉質好腍滑生蝦大大隻晶瑩剔透美味又爽口仲有椰汁紫薯西米露送😍 唔會太甜幾好味👍🏻不過食完哂所有野之後感覺幾口渴😝🐔 泰式青咖哩雞另加薄餅🐟 泰式鹽燒黑鯽魚🦐 泰式生蝦🥬 馬拉盞炒芥蘭🍠 椰汁紫薯西米露. . . . . . . . . . . . . . . . . . . . . . . . . . . . . . . . . . . . . . . . . . .

九龍城有好多泰國菜，今次食朋友推介既隆姐泰國美食館試試！一入到去既環境比較似茶餐廳同埋都好多人幫襯。咁我地就點左海鮮冬蔭功湯、蒜蓉炒椰菜苗、串燒豬併雞同埋燒豬頸肉。一黎就上左海鮮冬蔭功，佢係連一個小爐一起上，可以保持溫度。湯味道酸酸辣辣但唔係好夠味，海鮮有魷魚、蝦和青口。但係蝦比較小隻。蒜蓉炒椰菜苗是我吃泰國菜必點，這個一般普通串燒就同外面其他泰國餐廳差唔多，都係雞肉比豬好食，而且呢間醬係比較甜燒豬頸肉很香，肉都比較嫩

九龍城最出名食泰國菜，由細個開始屋企人時不時就帶我去食，食左咁多年都係食緊同一間，隆姐，由泰國人主理，員工都係泰國人呢。 🍴泰式柚子沙律$58泰式酸酸辣辣甜甜既味道，有芒果？(定係青木瓜？🤯)、柚子、花生，應該仲有d小蝦乾，好開胃。 🍴泰式辣椒膏炒蜆$99炒蜆份量唔多，但醬汁幾好，帶有椰漿既味道，唔會好辣，係好順滑既辣味。 🍴蒜蓉炒椰菜苗$70普通蒜蓉炒菜，椰菜苗都幾爽脆。 🍴泰式蟹肉炒飯$60唔好睇佢嗰樣咁普通，炒飯係食得出有鑊氣架！雖然入面既料唔多，但都食到不少蟹肉，調味算清淡。 🍴泰式濕炒海鮮河$68海鮮種類有魷魚、青口同蝦，不過都係冇咩鮮味，雖然佢d芡汁係比較多，但河粉一樣都係有鑊氣！👍 媽媽太鐘意嗌左2碟🤣🍴紫薯西米露埋單仲會有碗送既甜品，好味阿，紫薯同椰汁都好明顯，甜度適中，如果可以大碗d就好喇😆。 呢間泰國菜既味道唔會好重，正唔正宗就唔知，但係就好合我同屋企人既口味，今次冇嗌既咖哩大包同蠔仔煎蛋都好正架。😋

行完山乘船到馬料水，行一大段路才到地鐵站，累到不得了。朋友說到九龍城吃泰國菜，乘港鐵屯馬缐宋王臺站下車便可到達。到達「隆姐泰國美食館」時都有頗多人等位，但流轉快所以等了十多分鐘便可以。 很多套餐可以選擇，我哋選擇左的有泰式冬陰功湯、泰式鮮蠔仔蛋、飛天炒通菜、酸辣去骨鳳爪和兩個飲品。冬陰功湯很地道，材料亦都豐富，有兩隻大蝦質量也可以，濃濃的香茅味，地道好味。酸辣去骨鳳爪 爽口惹味，行得攰要吃些醒胃的小吃。飛天炒通菜 好有鑊氣，爽脆的通菜唔會太咸。泰式鮮蠔仔蛋 蠔仔粒粒飽滿，蠔仔蛋煎得不錯好香口，還有好多芽菜在底。跟餐的飲品龍眼冰也是不錯，足料。另外叫咗一個糯米釀雞翼，雞翼好大隻釀入滿滿的有味糯米飯，外脆內軟好好味。沙嗲串燒雞和豬 各三串，大大粒唔會燒得太乾，還有肉汁。

大家唔好俾其他好評洗腦，我敢講呢間嘢真係好命在開喺地鐵站出口，否則以佢喺九龍城泰國菜之中大比數拋離到最尾嘅質素，根本好難立足得耐。生日正日出嚟九龍城，一心想食好少少泰國菜，請問除咗侍應可能係泰國人之外，仲有咩野係對得住「泰國」兩個字？！長途跋涉嚟食港式茶餐廳質素，唔止添呀，仲要係工廠大廈飯堂嗰種茶記質素呀！所謂「豬頸肉炒飯」係揚州炒飯咁，d飯又濕又淋，仲要成陣萬年油煙味；個菜同你喺茶記叫蒜茸菜心係無分別，但價位偏偏拍得住泰國餐廳，憑什麼？！凍蝦腥又霉，個芒果沙律僅有0.01%芒果蓉喺度，有冇違反條例？！仲有要成$120嘅炸物拼盤，完完全全似係凍貨舖買到再氣炸返出嚟，收$120？！只因為開喺地鐵站門口租金貴就當大家水魚？！侍應態度一般甚至有個男人惡劣到上菜嗰時粒聲唔出就咁棟喺度，暗示食客自己執好d餸菜空返個位出嚟俾佢上菜，唔好阻佢寶貴時間。唔知係咪上天安排要俾餐難忘生日飯我？真係好認真，九龍城甚至香港都有大把泰國菜，一樣價錢仲要正宗味道，除非你有太多錢冇地方用

家姐約咗我哋食飯九龍城最出名就係泰國菜加上而家宋皇臺地鐵站開咗去我哋嘅飯堂就更加方便啦地鐵站直行一分鐘直到 我哋嗌咗個四人餐當中包括有西瓜冰、芒果冰、泰式生蝦、冬陰功湯、雞翼拼盤、雞肉串燒、 蝦醬炒飯、芥蘭 ， 生菜包西瓜冰芒果冰鮮榨 ，十分冰涼泰式生蝦超好食冬陰功湯味鹹到好似想腎虧咁回程途中非常頸渴 雞翼拼盤又有邊個會唔鍾意食呢我最鍾意食嘅串燒配搭咖哩汁， 相當滿足 蝦醬炒飯配搭肉鬆、臘腸、炒蛋，味道相當唔錯 食飯點都要食返條菜，成碟青曬 生菜包直頭要encall，嚟多碟生菜 最後送上班蘭糖水糖水唔夠其他糖水舖出色但係食飯點樣有個糖水食都好似為餐飯畫上完美嘅句號

屯馬缐開通之後，去九龍城方便咗。星期六中午就去食泰國嘢，位置好易位，宋皇台站B3出口，一上地面過對面馬路就係。今日嚟到唔使等位，直入就可以。食物方面，我哋叫咗：1. 燒雞翼 ($16隻)，燒得好香口👍🏼2. 串燒6串，有豬同雞，都好食😋3. 菠蘿炒飯，賣相看似平平無奇，但原來呢個先至最得。飯炒得夠乾身、夠香口🤤4. 炒金邊粉，反而呢個一般般最後嗌咗一杯菠蘿沙冰同一個椰青，埋單盛惠$360。仲有呢度唔收卡㗎，記得帶現金😊

我覺得每一個餸都好食！豬頸肉燒得好，夠薄又香口，個汁又夾；蟹肉炒飯都好食，飯夠乾身，望落去好似冇咩料但又出奇地好食，相都影唔到。通菜好食但少辣。椰青就呢個牌子都係好飲嘅。冬陰功湯，足夠海鮮，而且酸辣到適中，椰奶味香，第一次清曬湯。薄餅好食，但俾人說左叫三份，建議叫一份試咗先，唔夠再嗌。咖喱大包外脆內軟，欣賞將軟殼蟹同咖喱分開，軟殼蟹就麻麻哋，但咖喱唔錯，唔知點解有好多蛋，但份量就略少，唔夠點包同薄餅。個麵就麻麻地，太甜同濕。芒果糯米飯好食，芒果又多又大嚿，糯米飯係熱嘅個下好波，推薦!椰汁西米露就冇咩特別～

九龍城多泰國食肆，但我多數幫襯隆姐，因為覺得抵食。隆姐在九龍城有兩間店，我通常會來南角道這間，因為比較新淨。店舖很大，座位很多，通常等一陣就有位。每次來都會order串燒，因為真係燒得好香，今次order左雞肉同牛肉，味道濃郁，加上沙爹醬，好味。咖喱大包軟殼蟹，第一次order 這個，咖喱大包王軟殼蟹係分開碟上，所以軟殼蟹可以保持香脆。大包外層比我想像中香脆，而內層就軟熟，熱辣辣確係好食，用來配咖喱真係一流。鹹魚炒芥蘭，芥蘭青綠，有鹹魚香味，但鹹魚唔多。總結：雖然店舖大，座位很多，枱與枱之間比較迫，2人枱面好細，待應非常忙碌，想有貼心服務係無可能，但食物質素保持水準，餐牌選擇多，上菜很快，價錢合理。所以我都係會再幫襯。

與友人來到久違了的隆姐，新鋪好坐好多，座位又多，等左陣就有位可以入座。侍應見我們點嘅野食比較多，主動幫我們換過張大D嘅檯，好細心友人點了芒果沙冰，談談都係濃香芒果味。泰式生蝦，好新鮮，好好味，而且只係$88泰式拼盤就一般貨式，無乜特別泰式炒通菜，好香口黃咖哩加蒜蓉包，個包好食到我們再叫多盤醃鮮魷沙律，鮮魷好新鮮明爐魚好新鮮，好鍾意咁樣熱辣辣咁食串燒叫左雞豬一半一半，豬香口好多，所以建議下次只叫豬便可以甜品叫左椰汁西米糕，一般貨式

香芒唐虱魚沙律喺泰國食過一次一直都想回味😋疫情不能出國又想食唯有不斷咁搵下邊到有得食啦...皇天不負有心人✌🏻終於比我搵到九龍城隆姐泰國美食館可以食到咁就即刻去訂位🐎去到已經大排長龍心諗呢間餐館唔簡單😎等咗15分鐘左右就有位，入到去即叫香芒唐虱魚沙律、炸🍤餅、鐵板🦪餅及海南🐔飯,一馬當先海南雞飯迅速上枱啲雞好嫩滑配埋個飯真係感覺去咗泰國一轉咁有風味👍🏼跟住炸蝦餅我覺得炸到香脆但唔夠熱哩度扣分😌跟住就係熱辣辣嘅鐵板𧐢餅好足料好多蠔仔及芽菜而且啲蠔仔好新鮮點埋泰國辣醬滋味無窮😽跟住就係我期待已久嘅香🥭唐虱魚🥗上枱色彩繽紛又大碟香芒酸酸辣辣但可惜魚炸到好硬冇泰國食過果D炸到咁鬆脆但做人要🈵️足今餐飯性價比高值80分👍🏼🙌🏻👏🏻

之前買過外賣炒粉麵，覺得都有啲鑊氣，就諗住堂食try try佢。叫咗個海鮮沙律，入面海鮮有多魷魚、蝦、青口，青口就一隻咁大把、蝦就肉細、魷魚叫𠝹咗花有啲心機，但個咪食落淡過老人院、一啲香料味都冇。之後叫碟飛天通菜，真係把鬼，味啖，啲菜炒到好似烚過咁，水多又腍patpat。乾紅咖哩豬肉，味道又甜又咸，個味唔難食，但唔係好食囉，食落似茶記碟頭飯啲咖喱咁不了，聽講本身係名店，諗住叫啲大路嘢點都冇死，點知難食到咁，88

之前晚市嚟過幾次九龍城，次次經過都見到好多人喺門口排隊。今日大概3點幾嚟到九龍城就諗住嚟試吓呢間下午茶。但係坐低先知原來呢間唔做下午茶☹️☹️，連午市嗰個都冇。一定要單點。我哋就嗌咗沙嗲串燒 (豬同雞)，仲有個菠蘿炒飯。同其他泰國菜舖頭啲沙嗲汁唔同。呢度啲沙嗲醬好似我細個，食過嘅香港一樽玻璃裝沙嗲汁嘅味，佢唔係偏甜嘅。啲串燒表面都有一層好薄好薄嘅蜜糖，但啲雞冇乜味，豬都ok ge。但個菠蘿炒飯係偏濕，比較淡，我個人覺得唔好食。食完餐飯，店員有攞兩碗甜品俾我哋。係紫薯椰汁西米露。啲紫薯味都好真，而啲西米係好腍嗰隻。甜度適中，甜品唔錯。成餐飯我覺得一般，唔係好明白點解咁多人要嚟排隊食附近應該有更多更好嘅選擇~

明明叫個泰式香葉肉碎煎旦飯，整咗個仲難食過茶餐廳既煎旦飯，完全沒有肉碎，又沒有香葉，隻旦仲要老過你媽媽，態度又差，打電話返去同佢整錯咗，佢竟然話係我叫錯，肉碎煎太陽旦飯，唔識整就唔好整啦，我叫其他野食好過，不值得再幫襯!!!!!!!!!!!!!!!!!!!!!!!!!!!!!!

我周不五時都會落九龍城食泰國野呢區有兩間隆姐，今晚駕車經過見到呢間隆姐位置唔同左，裝修都光猛左決定去呢間食下果然有驚喜成餐飯都非常高質，每樣野都好好食所以d野食到一半先記得影相😂😂同男朋友食完覺得呢到將會變成我地飯堂我地點左：- 乾炒豬肉河 ： 夠入味，最中意d河粉夠闊夠大條！而且仲上檯仲熱辣辣- 咸肉炒椰菜苗：咸肉好香，唔會死咸，炒菜一流- 糯米釀雞翼： 外皮燒到脆卜卜！真心好讚。糯米飯夠晒熱，不過味道相對就唔算好入味。不過男友大讚- 蒜容包：我是包怪！食到脆卜卜既包就開心最後我地叫多左個椰青，仲有甜品贈送。賣單都係$28x, 超抵食！唯一缺點，環境有點嘈雜，我一直說話男友都要我不停重複😅😅😅害我差點生氣🤣🤣