陽光美食屋

營業中

休息中

这家楊州炒飯的味道可真是非常好！炒飯的米粒非常鬆軟，加上美味的炒菜，香味十足，靠着店家看似簡單的秘方炒出了一炒就成美食的極品美食。重要的是，他们的炒飯非常便宜，相比其他店家，性价比高得不得了，每个人只要花很小的钱，就可以品尝到高质量的美味炒飯呢！店家的服务非常周到熱情，就算煮的时间较长也会不厌其烦地炒出一个美好的口感。此外，这里的环境也非常乾净，店间的座位也非常舒适，氛围悠闲非常适合向家人朋友推荐来此品尝，他们肯定是不会感到失望的！总的来说，这家楊州炒飯的味道十分美味，而且它的性价比非常优异，不但口感好，價格實惠，店家的服务也非常友善周到，絕對是美食爱好者的好去处，值得推荐，如果您想吃一碗热腾腾、美味可口的炒飯，这家店是您的首选之一！

世一咖哩吉豬平民舊式茶記必食嘅咖哩吉列豬扒飯😋茶記舊式，環境雖然較細同一般，但係呢個咖哩吉列豬扒飯真係出色！～我唔大食，所以叫咗少飯～～～呢個咖哩汁有舊式風味，夠香辣惹味！ 吉列豬扒大大件，最正係佢即炸所以好香脆！吉豬炸到金黃色，外脆內軟，超鬆化。宜家呢啲小店真係越嚟越少！！檸茶茶味濃，好飲！$42 一碟真係抵，加$2就轉凍飲～～～ 有時候呢啲舊式嘅茶餐廳質素真係唔錯，雖然環境係舊一啲，但值得支持！！

陽光美食屋由中學食到依加😆😆，當中至愛既就係紫菜煎雞扒烏冬加凍朱古力🍫，每次食都覺得好好味😋，特別係佢個湯底，好正好夾烏冬，🫢平凡得黎又令人回味無窮，仲有鐘意個紫菜大大餅，浸完湯之後好好食👍🏻👍🏻，煎雞扒好香，雖然略有些少油膩🤏🏻，但都不失風味🫶🏻🫶🏻，配凍朱古力一齊享用真係食到意猶未盡🤤除左唔同款既湯烏冬，仲有店內既招牌咖喱都好好味🍛，都係十分推薦之一🤤🤤🤤

在附近返工 就睇吓邊度有嘢食今日晏晝簡了這間鋪頭網上外賣平台外賣自取叫了黑椒汁雙扒飯跟一杯奶茶第一次在這間小店購買雙扒係雞扒豬扒一打開都無咩特別一揭開面頭塊豬扒就見到下低塊雞扒面頭痴實左條長頭髮 仲要因為連埋煎 撩極都撩唔開🤮🤮🤮再望真d原來唔止一條真係極反胃 衛生令人難以接受實在冇辦法食得落肚😩😩最後放棄了這份嘔心的飯盒😵😵😵以後都不敢在這間舖買外賣 納進我的黑名單🤢🤢🤢🤢🤢

今日落葵芳食晏, 去咗間餐廳醫肚。 午飯時間餐廳都算幾多人, 等咗大概五分鐘先入到位, 我點咗個碟頭飯蕃茄班腩飯, 碟飯一上枱, 都算幾大碟, 原本以為啲蕃茄會好酸, 但食落竟然冇乜酸味, 班腩同其他餐廳嘅味道截然不同, 非筆墨可以形容, 跟餐飲品方面, 我點左凍朱古力, 朱古力味都幾濃烈,幾正😊而價錢方面都尚算大眾化, 45蚊碟頭飯加2蚊涷飲,都算合理範圍之內,可以接受。如果能夠額外附送餐湯就更加好,餐飯配置更能貼近平民

叫了個芽炒牛肉意粉包埋1柸熱飲，價錢同其他茶記差唔多(飯盒size比平時細小小)，有大排檔的鑊氣，牛肉質感尚可，可以再買。另外叫了個烏冬，價錢、味道及質感都普通。

兒時味道，心血來潮想食個西炒飯，就去咗呢度。極力推薦，炒飯夠干身，香腸火腿都夠多，但係佢加咗鮮蕃茄粒令本身好普通既西炒飯既味道去到另一個層次，再加上佢冇加三色豆，我可以慳返d時間唔使挑出嚟

仲記得以前中學嘅時候日日都會叫依一間嘅外賣，嗰陣覺得又平又好食。依日經過諗唔到食咩就行咗入去，雖然佢嘅裝修唔靚，入邊亦都好細，座位亦都好逼夾，但係我都係坐低左照返以前成日食嘅粟米汁吉列豬扒飯，男朋友就叫咗咖喱吉列豬扒飯。真係好痴線，學生仲要減$3，兩個人食午餐都只係$70😍仲包埋嘢飲，凍飲唔使加錢添！佢每次嘅吉列豬扒都有成半個碟咁大，而且一定係即刻炸，所以真係好高質，覺得呢個價錢食到呢個質素真係冇得挑剔😍

好耐無食過⋯今日lunch突然諗起佢⋯⋯對上一次已經係半年前食，但今次真係超唔掂，之前一定唔會咁乾⋯得個辣字，之前係濕濕地，好濃味，而家無乜味，好淡⋯下次仲應唔應該食？

每次都必吃的咖喱，雞排煎得剛好，牛排一流咖喱汁每次都很好吃。家庭生意收費公道。下午茶餐多選擇即叫即煮很用心。外帶不有最少金額，如不要飲品還可減錢，如堂食雖等一些時間。直得推介。

呢段時間成日都在呢區活動！同一間食店都食到悶！同事話唔好睇呢間個樣子簡陋！食物都唔錯！門口殘舊招牌加零裝修！貼滿手寫菜單！好有家庭式經營嘅感覺！當然門口可以泊車就最緊要！入到店內果然好簡陋！放不成套的木枱木櫈就做生意！餐牌食物選擇都多！本來想試扒餐！但唯一嘅女店員話只有雜扒！所以都係叫穩陣嘅星洲炒米！加熱檸水！食物都好快上！星米賣相啊錯，份量都唔細！米粉唔會碎濕濕，淡黃色，咖哩味道唔強！所以唔辣！配料都好多！蔬菜新鮮爽脆！尤其係芽菜！而且蔬菜比例上算多！所以口感豐富！蝦仁有加工過！爽而無味！叉燒唔係切絲！係切粒！所以夾唔起！不過唔乾煙韌！味道都唔錯！整體都好味！熱檸水正常！環境真係一般！服務都正常！因為我們無散紙，所以分開比，店員都無所謂！而好多街坊都來呢度食！

想食湯意粉, 於是便到這間小店食茄汁豬排湯意粉, 價錢十分便宜, 只係$20.賣相方面, 茄汁湯底, 切好了件的豬排, 約有5細件左右, 面上再有蕃茄碎, 望落都幾吸引.味道方面, 湯底酸酸甜甜, 又OK, 豬排都算"林", 又OK.價錢平平的午餐.

想試勻葵芳嘅食店所以都嚟試吓，嚴格嚟講呢間唔可以叫茶餐廳，因為實在太似飯堂格局，不過都有幾個卡位嘅！我叫咗： 窩蛋免牛飯：賣相都唔錯，不過免牛係整好晒嘅百搭配料，太簡單嘞！食落係甜嘅好奇怪，質感有啲稀，成個飯好濕，食完都剩好多汁，鐘意撈汁嘅一定啱！ 凍鴛鴦：味道一般，不過不失啦！佢所有飯麪都有飲品送，不過計落都係貴，因為咁嘅質素真係唔值！

那天吃車仔麵前路經此店,阿姐侍應熱情地向我招徠,只是那天只想吃車仔麵,有負她的熱情了!不過翌日決定來這裡試試。下午二時多午飯時間剛過,人客比較稀少;點了那天阿姐極力推薦的肉醬意粉,最驚喜是配了飲品也只是取價$18,繼平平學生飯後另一個糧尾佳音。凍奶茶茶味不算濃郁,其實還可以算淡,但甜味卻較高,再來要記得少甜!! 肉醬意粉份量稍迷你,上桌時也懷疑這碟意粉能否吃飽?? 但以這個價錢還想怎樣??意粉用上較平時細少但比天使麵粗一點那款,質感都是一般港式餐廳那種軟軟意粉,總算不是糊糊那種,可以接受。肉醬汁比肉多,也不知是用上豬肉還是牛肉了,也許迎合學生口味,肉醬味道比一般為甜,相信年青人會較為接受多一點,因為實在很像在學校飯堂裡那些多汁飯。以慢食速度完成這迷你版意粉,竟然意外地覺得飽,神奇!!看到其他食客的飯品也頗像樣,每款都是即叫即煮,也許有機會再試試。

1. 夠平 1碟飯都係$23-28左右 有埋野飲 早餐$17-20 onLy 不妨試試2. 服務好 老板娘好笑容嫁3. 味道好 好好味