陸記正宗桂林米粉

營業中

休息中

搬左去元朗一年，講真仲有好多餐廳未試過... ^^" 今晚，BF又o黎元朗搵我，咁就大家一齊去試依間有名小店~　BF要秘制鍋燒肉飯套餐，我要獨家滷水豬頸肉粉套餐~ 份餐portion好大丫，味道都唔錯~ 餐飲可以揀好多野，我就揀左豆漿，幾有豆味唔錯；BF既紅豆冰則唔夠甜/豆太硬~ 最後仲有份水晶涼粉，唔，普通啦，但就令成個晚餐飽晒! 　係幾抵食，味道都okay，但又唔值山長水遠o黎元朗食~

兩公婆出去元朗搵食, 多數都係去祖凡尼, 但有時唔想食咁多, 就會去陸記, 兩個人晚餐50蚊有找, 仲要有茶有甜品, 應該就無要求, 但陸記就俾到好滿足既感覺俾我地. 肥妹爹地實係食麻辣肉醬鍋燒肉飯, 真係好正, d鍋燒肉脆卜卜, 肉醬鋪滿碟飯. 想起都流口水. 我就多數食粉, d粉好好味, 湯都唔錯, 最好係d雞翼, 豬扒會碟上, 唔會俾d湯浸淋.至於水晶涼粉可以凍dd, 唔好咁甜就perfect. 最後是d阿姐唔好咁惡就仲好law.

我最鍾意食係雙豬飯，而且有個水晶涼粉，真係好好味！大家去到一定要試呀！d飯多d 汁仲好味

我上星期日去左這間舖頭食下午茶~嘩~佢果D下午茶超平~叫一碗飯、米粉加飲品或甜品都係HKD16.-超平~開頭我仲以為下午茶會好細碗~點知來到原來係好大碗~真係平超所值的....我食左一個叫"冬菇時菜牛肉米粉",至於我的朋友叫左一個"牛展米粉"﹐叫埋一杯凍飲~如埋一個甜品~佢地所出的"水晶涼粉"...首先﹐請下D米粉先啦~嘩~超滑同埋好正~比米線更粗及更滑~可以話一食愛上~至於配菜方面﹐我朋友叫個個牛展~又係勁正~D牛展好爽~唔會好TOUGH~而且...味道方面係一食停唔到口個種正~另一方面﹐我個個冬菇時菜牛肉都係好正~係清淡之選啦~但又唔會話因為太清令你食慾減少~反而會更加想食~因為太好味啦~而且兩個湯都係超級正的~最後~當然是講下個水晶涼粉~我本身係唔食涼粉~但這一間涼粉好古怪的~是透明的....我試了一口﹐嘩~無黑色涼粉個D古怪味道,,,,而且,,,好有咬口~好正~好推介！如果這個水晶涼粉內可以加入一D雜果可能會更加正^^

我成日去個度食ｇａ！！！我覺得個度好好丫．．ｄ野勁好食丫．．次次去度都叫水晶涼粉ｇａ！！好特別！！又大碗又好食！！勁抵丫．．下宴去個陣１６蚊雞咋～．．．係門口聞個陣酸味～其實係酸筍黎ｇａ！！係桂林ｄ特色．．ｓｏ．．咪有個陣味囉～ｈｅｈｅ！！

週日趁天色勁靚，同太座來個行大運，第一站就入了元朗。唔知點解，家陣元朗都好似旺角咁多人。午飯時間，就來了這裡幫襯，為的就是上次沒有吃的「絕代雙豬」。不要看呢度尋常舖頭一間，午飯時間都幾多人的。來的時候要等了十分鐘至可以坐低，吃的時候又長期有一班人在等，幾犀利的。叫了雙豬飯及麻辣牛展麵，加酥麻辣豬耳及兩杯凍咖啡爽爽。「雙豬」是燒腩及鹵水豬頸肉，絕對是店自慢的食品。燒腩樣子平平，但吃落又真的是幾好味，真係睇唔出。皮浸了湯還是脆脆的，肉又夠味，值得推薦。豬頸肉就較為腍身，但鹵水味夠，同燒腩都係必叫之食物；麻辣牛展粉要了大辣，上次只辣不麻，今次吃到麻味了，但又好似不大夠辣，始終麻辣的平衡是最考功夫的一環。牛展幾實，比起「雙豬」，是有點失色。桂林米粉粗身，爽滑，又真的比一般的好一點；麻辣豬耳比麻辣牛展辣一點，加埋麻的味道及鹹香的花生，是不錯，同太座兩個不消一刻就吃完一碟。凍咖啡爽爽其實是加了水晶涼粉的凍咖啡，配合麻辣的食物，幾得意。有食評說呢度的服務不太好，我就覺得都唔錯。埋單78 蚊，吃得飽一飽，幾經濟抵食，又唔怪得咁多人的。

我個人喜歡吃米線, 這間也是吃米線的好地方,款式多,配料香口,而我最喜歡的,卻是這店的白涼粉,好特別,值得一試!

今日放左工，見時間仲早，又餓餓地就去這店舖唸住食番個tea啦。點知一坐低，望下檯上面個menu，又無寫tea 可以選擇的noodles，想問下個師奶waiter，佢又忙住其他野，我等左一陣又左望望右望望左周圍貼在牆的menu都好似沒有寫，之後見個師奶waiter 順路走過來問下佢啦，點知應都唔想應我，又走去收錢。如果係咁忙的話，都起碼叫我等等啦。對於個師奶waiter咁的態度，我終於二話不說走左去。我覺得食物的品質固然重要，不過服務也不應忽略，始終人客入到間食店都唔想見到入面d 人黑口黑面嘛。

呢間陸記都okay ka以前好好食~尤其炸豬扒即上以前係一碗超大碗既粉+ 凍飲16蚊~ (早餐，午市20)但係呢~ 而家細碗左少少啦最衰係d 豬扒浸湯上味道唔會話超正但係~ 係抵食

哩間野好似好出名bo~就一於去試下啦,其實巳是上星期既事了~hehe!我叫左麻辣雞絲火線,好大碗,但料就同"4"川差好多了,得雞絲三兩條, 好d失望,佢應該用雞胸肉的, 健康一點吧?!湯方面辣就足夠了, 但唔多麻, 哩樣都係"4"川好過佢~anyway~ 其實對我黎講巳好好食了~

　　元朗咁細都有三間店就知佢掂啦！我自己一個都成日黎，仲鍾意帶下散居其他地區既朋友仔黎，指住個餐牌介紹﹕「呢度最大0既特色係由早到晚５餐食0既野都一樣(麵+飲品/飯+飲品+水晶涼粉)，只係價錢唔同；麵餐2:30前($22)同2:30後($16)可以差6蚊!」　　推介係絕代雙豬飯餐--燒豬必係五花腩，皮夠脆，夾雜兩條幼幼地0既脂肪，口感豐富；豬頸肉幾惹味，夠爽口彈牙；淋上大量肉醬，味道好像台式肉燥飯；飯量夠大，吃得你滿意又滿足，連凍飲及透明的水晶涼粉，全日劃一收$28，已是全店最貴的套餐。 咖哩飯都好有水準，配超大塊炸雞扒一流，一樣多飯多汁，叫宵夜都有成三碗飯俾你，飽死!　　其實我至愛0係度食大大碗0既米線(因為可隨意落大量香口惹味0既辣椒油及好夠辣0既辣椒碎!)，湯底本身好清甜，米線好滑都幾彈牙，啜啜下遇上零星0既香芹粒、乾蒜片及花生肉，特別醒神!(紅燒排骨最好，入味又夠腍，好「離骨」，食得方便!)咁平0既價錢有咁好味道咁大份量咁多選擇，去邊度搵呀?

話說某年月日，到元朗跑一轉，眼見咖哩、日本菜、掃街等每樣都獨當一面的食品成條街都係。人生交叉點…最後用公字決定下選定呢間，單拖入去照食可也，坐在位阿叔對面，只見阿叔點了肉臊飯，我心諗，似乎台式得喎。再同店完吹水，佢地介紹我不如一個哩腩加個麻辣豬耳，算係試齊兩式。先來一個咖哩牛腩撈米線，頂！我咁大個人第一次以短跑時搞掂一個米線，食到半路殺出個豬耳，一樣直路開行咁清埋。雖然，米線比較咸，但加上一粒粒花生，中和左咸味。豬耳雖然辣，但未的算出汗辣。可能店員以為我流的，所以只係小辣比我。短短十分鐘，食完後我實在食唔落。雖知我單挑三人前都係慣事，但原來血肉之軀，都有到頂的時候。實在係正，正計劃短期內翻0桌。

我平時ｌｕｎｃｈ都會去～因為中學生食粉就＄１８～飯就＄２０～飯仲送水晶涼粉～Ｄ涼粉超正！！！！ｄ粉同飯好大碟～但係衛生就唔係咁好～

幾脆其他野就一般價錢都幾相宜,16蚊一碗+飲品,不過燒豬粉貴d.

晚餐兩個人食左$47, 兩豌米粉, 幾好食, 下次會試下佢個白涼粉幾特別