陶源酒家 (已結業)

首先一入到去個場好黑咁，好似十年無装修過咁。。。坐低左大概30分鐘先上菜。。。所謂嘅片皮鴨係同食燒鴨冇乜分別，只是平時d鴨肉多啲。。。跟住食蟹一開蓋只有極少蟹膏。。。一心諗住再接再厲，點知連續食4、5隻都極少，甚至沒有蟹膏大閘蟹只有大約3両大，訂位嘅時候個職員明明話有四両。。。其他食物可以唔使叫，唔好食丶最後響無last order通知嘅情況之下叫我地埋單⋯⋯問佢點解冇last order同埋未叫甜品，個類似經理嘅女侍應仲話我地已經夠鐘本來未食嘅係要每隻收返68蚊😨😨😨嘩！如果佢哋真係用呢招收錢真係擺明騙局⋯⋯上菜慢令人遲遲未有得食跟住就迫人埋單之餘仲聲稱所謂嘅食唔晒係因為時間問題而收錢而唔係因為浪費食物而收錢。。。最後雖然比我地食甜品但態度超差而且漏單⋯⋯以後咪使指擬我會再嚟！仲會幫佢宣傳佢嘅特別之處！

上星期六,一家人好開心地諗住食放題大閘蟹,諗住這間酒家應該吾差，但最後令我們感到超级失望:。他們沒有準備，告訴我們大閘蟹 供應不夠,所以叫我們離開,而職員服務態度非常差。大閘蟹供應不足夠,亦沒有通知客人取命消,之後去到告訴我們改食小菜，或者加錢換大隻啲,好似被屈的感覺,完全不會理客人嘅心情。仲要話唔關佢事,我們還拍左車，搞到我們好差心情,仲要這天是星期六突然又要去第二度食飯完全唔會理客人既感受，所以這次經驗,以後唔夠膽食放題

話說媽咪係報紙見到陶源嘅大閘蟹放題廣告，諗住盡下孝心請佢去食大閘蟹，點知食到我哋兩個一肚氣🤬入座嘅時候有職員開左壺茶之後就冇人理過我哋，枱面冇食物落單紙冇、冇食大閘蟹嘅用具，網上訂位時講明係食大閘蟹餐，但擺枱時一D準備都冇。問職員擺完又要等一陣先有，剪刀都係比得一把，兩個人食蟹得一把剪刀，心諗are you kidding me？🤷🏻‍♀️等左差唔多25分鐘先有第一道菜——蟹粉扒豆苗，賣相麻麻，但味道算正常之後上左金湯小米燴遼參，個湯好杰，但味道淡茂茂，唔好食另外食左楊枝甘露、芒果布甸，唔夠凍，食左一啖就放棄蛋散，凍＋唔脆糯米飯，好油又凍，糯米一嚿嚿，個朕油益味好難頂，極品劣食🤦🏻‍♀️全晚最好食嘅係朱古力奶黃包同奶黃千層糕，一睇就係交嚟嘅貨，只要蒸得夠熱就唔會出事最過分係蛋白杏仁茶。首先，職員個食物tray上面有收左其他人食完擺放蟹殼嘅碟，然後將碗杏仁茶勁大力放落枱，嚟到得半碗，底碟仲有杏仁茶浪下浪下。杏仁茶面頭有一層油，好嘔心，呢碗嘢我掂都唔敢掂，好唔好食我真係唔清楚，但望個樣已經好唔開胃🤢🤮主角嘅清蒸大閘蟹目測係4兩左右，total叫左8隻蟹，4公4乸，都多蟹黃，算係呢餐最正常嘅食物

第一：首先都唔好話有冇膏。一半以出嘅蟹唔吃得。（蟹肉完全是梅的）第二：先呃人買單。買單之前落的六隻，買單後吹左四、五次問過不同的人都唔出蟹，最後出咗兩，在追問經理佢話我只落咗兩隻。我叫佢check單，佢話check唔到，叫佢出返四隻，經理話話已經過咗時唔會幫我再哋出。這就是他們出品了！！

我和朋友們看見社交平台好人post就即時購票一行4人去試吓，第一碟凍的大閘蟹，是落單後45分鐘上枱的，我向侍應反映，但當時見到侍應唔夠人，我都盡量唔煩佢哋，但佢叫我等等…..等等期間再想問片皮鴨、叫四次都係等等等……算……啦，片皮鴨一個鐘上枱又話無包皮唔夠派，糖水更加唔洗多講。接近$600/1，我相信我唔會再幫襯，侍應話比我地食耐啲，但咁嘅食物質數，只想食飽就走。補充一點冰鎮西蘭花配暖鮑魚加凍食糯米飯，天衣無縫嘅組合。

今晚去左陶源食大閘蟹放題，蟹即叫即蒸新鮮膏有甘香，整體都可以😌我地2人叫左3轉，第二轉叫清蒸同鹽焗各6隻,但之後先黎到3隻，根住同佢地講返隔一陣就比多6隻鹽焗，個人覺得鹽焗麻麻，太多油又重牛油味

呢一日放假睇戲，睇完都點幾，未諗到食咩，女友就諗起呢度有間酒樓有任食點心，女友上次係呢間食過午飯，係好坐，環境舒服有景，味道都ok。 所以，我哋就走左上嚟，坐低望下啲餐牌，諗緊就咁正常點定揀任食好⋯⋯最後揀任食$148，另加茶錢，因為得兩個人，好似可以食多啲款色😛 但⋯⋯食物只係一般，其中一個椒鹽豬小排，真係有啲過份！樣又差，味道又差，唔想嘥嘢都要嘥兩舊😒 除咗叉燒包，奶皇千層糕比較好味之外，呀！腸粉都可以！因為再叫第二轉，條春卷同蝦餃我都覺得有啲唔新鮮，其實呢種一件、兩件出嘅點心⋯⋯真係有啲驚會用番另外啲枱剩下嘅點心😖 應該唔會咁缺德卦🤭任食點心，試一次就夠了，女友之前係到食午飯，都有叫點心，女友話好味啲😛 所以，唔會再嚟食任食點心lu 食食吓都冇影晒所有點心，得幾張咋，冇相嘅有蝦餃 (第一轉叫ok好味，第二轉👎🏼) 紅米珍珠雞(其實用紅米好似唔係太撘配，好散，味道一般)、豉椒鳳爪(ok正常，呢個就得意喇，叫一位，真係俾一隻超細嘅爪，真係一隻腳趾！)、生磨蛋白杏仁茶(都算好味，但煲得唔夠靚😝)炸點: 蘿蔔絲酥餅、鹹水角、炸春卷，幾樣都算唔錯，但唔知點解嗌第二轉，個春卷就唔新鮮lu，失

本來諗住早d食完早d走，咁7:30就嗌左嘢食啦，點知道一等就係一個鐘，啲嘢食到咗9:15都有兩碟未上晒，啲飯又全部凍哂，認真有d失望最後到左10:00先走得。。。

同親戚黎食晚餐，食物中規中矩，唔算難食，但係食到途中就見到兩三隻曱甴係牆到走黎走去，已經搞到我開始唔開胃。除左曱甴，仲有D蚊仔飛來飛去，跌埋落杯野飮到，去到le到我已經開始唔想食。餐具上亦有唔少一點點黑色，都見到冇洗乾淨，衛生情況差。去le到食飯真係預左昆蟲同污糟嘢都會食落肚，一定唔會再俾我識嘅人黎le到食🤬

同小朋友去完科學館近近地對面見到呢間酒家貪方便去食。布腸粉有異味，賣相可以但食落酸酸地。撈粗面成碗都係面，係好大碟啊，但係叉燒肉顏色又怪有幼絲，真好唔多吸引。香芒沙律脆蝦筒有異味，睇落唔多新鮮，但剛炸起叫做夠熱，不過顏色太殘感覺好唔自然。蒸鳳爪好多醬，皮都炸過，唔似食緊鳳爪皮，好油膩。不過只熊貓流沙包就係最好味嘅一樣。呢篇係我生平寫嘅第一篇OpenRice食評，因為食完真係好有感而發，頂唔順好想俾個喊樣😭😢。都要$434，早知去茶餐廳都有靚檸檬茶飲。

是咁的！係因為有2張花膠券，所以去試吓😆我哋坐低，侍應就比咗個買一送一嘅優惠餐推介我哋睇不過我哋冇揀到，就散叫menu 👆🏻食環境都唔錯，24/F海景不過28/F，xx鮑魚酒家景觀仲靚$168鮑魚雞粒炒飯炒得幾香，飯粒夠乾身唔會黐埋，不過好似唔覺有鮑魚粒😓睇落細細兜，其實都好多$98梨山醬汁骨炒得好嘢味，少少辣、幾香口，個汁酸酸地好開胃，唔算多骨都啖啖肉👌🏻本來係想要火焰鐵板安格斯牛，不過冇貨🤷🏻‍♀️優惠券送嘅鮑汁扣花膠，一啲都唔hea，大大塊，炆得夠淋😋好味

想起許久沒有與娘親爹爹一起喝個早茶，偶爾也是需要陪伴長輩的，所以今天便攜同娘親爹爹來到以往光顧過的陶源酒樓用餐，順道帶同他們外出閒逛走動。水晶肴肉水晶肴肉是江蘇鎮江的一款名菜冷盤，距今已有300多年的歷史，因皮色晶瑩光滑而得名。食用時瘦肉香酥清淡，肥肉結實不膩，沾上香醋調味同食，風味更佳。花膠老雞湯雞湯黏度稀薄，飲用時雞味清淡，但價格只需 $138 即可享有四碗，質素可算是十分合理化算，而且湯料中亦配搭有數塊花膠，咀嚼時爽口結實，滑溜清香。朱古力鴛鴦奶皇包奶皇包外觀雪白圓潤，表層有着朱古力的螺旋紋圖案作點綴，賣相可愛吸睛。包點外層厚薄適中，柔軟鬆化，內餡黏度較低，鹹蛋和朱古力味亦甚少，但還好勝在奶黃的香氣濃烈出眾。笋尖原隻鮮蝦餃外層蝦餃皮製得薄身，色澤晶瑩剔透，可清楚看見內餡，食用時柔韌軟糯，黏度極高，而餡料使用笋尖、鮮蝦製成，新鮮的食材使口感爽脆彈牙，幼嫩清甜。不見韮皇鮮蝦腸粉表面的腸粉皮呈現半透狀態，可隱約看見橙、綠色的內層餡料，色調讓人感覺清新。外層口感滑溜軟糯，富有黏度，而使用韭黃和蝦肉製成的內餡則柔軟香嫩，新鮮爽彈。蟹粉小籠包秋冬正值吃蟹粉的最佳季節，因而便點選了此款小籠包。

貪這裏方便，本想試樓下彩福皇宴，但太多人等，唯有轉來此處，如我所料，一定有位，今次不叫點心。今次看到jeso嘢－秘制妙齡皇子鴿＄39.8，比上次利苑大小小，香味不及利苑，但以此價抵食。 姬松茸遼參豆腐煲＄128，甫上枱姬松茸味濃香撲鼻，其味滲進微炸走油金黄豆腐（內嫩滑程度可力讚）， 及爽口彈牙遼參，（但看去不似，因無刺），再配脆爽甜黄青燈籠椒～顏色鲜，經油醬汁膾過後，整體味道更多層次及滋味。 想叫白粥佐痕，話無，轉白飯，但等略久，來到是一碗蒸飯，平碗，較散，失望！蛋白杏仁茶 ,仍保持水準，每次都要食，因抵及香滑。

年廿九訂左個六人團年盆菜$1688。面頭啲餸係幾靚嘅，應該有哂廣告單張講嘅靚料：鮑魚、海參、蝦等等。睇到都開心。個汁嘅味道都唔錯。不過，可惜就只得面嗰第一「浸」。第二層已經冇嘢睇。我知唔可以太苛求，但俾多少少下欄嘢，例如「浪」肚啲嘅蘿蔔枝竹等等都好吖。得舊大大舊嘅類似豬𦟌肉，然後就係爛到溶嘅芋頭，有啲奇怪⋯⋯。五個大人，（其中已經有兩個係女士），食哂成個盆菜都嗌肚餓⋯⋯⋯。如果六個男士，可能要嗌三個盆菜自己煮啖飯撈汁先夠飽。有點點兒「欺場」。反而某些連鎖快餐店可能仲有「保障」。奉勸商戶要珍惜客人！

來到尖沙咀，不想頭痕，最方便來isquare～此處，多數有位。 枱布淡黃，櫈用白布蓋（質差差地），燈又白，太陽光照下更白，顏色無分明對比，提議最簡單換櫈或枱布顏色，棗红或深啡，主事人真係要花些心思調調色，好浪費嗰場地，咁海景！ 原隻鮑魚燒賣＄68 2件，鮑魚味濃，有口感煙韌，豬肉白雪雪爽口彈牙味鮮，好過好多中餐廳！ 姬松茸遼参粉果＄36，聽個名就好有益及高品，餡飽滿，夠大隻，姬松茸多味濃香，正！ 和味叉燒酥＄34，算大隻，义燒雖餡飽滿，香氣欠少少，味以此價合格，穌皮層少且薄，抵食。 奶皇千層糕＄32，不是懷舊款，鬆軟，蛋香，奶皇薄薄。 生磨蛋白杏仁茶@24,杏汁香，蛋滑，加粉少，潤肺潤口，相信生磨，美味，好過近日食過龍壐。請大圍多人食飯，這褱見得人，拜得神，地方高级，食物有水準，好過東海及觀塘龍皇！装置换點或加點色彩更滿意，配合陶源意境！