陳鵬鵬潮汕菜館

營業中

休息中

今天爸爸約吃飯，我們在沙田新城市廣場走着，最後選了這間菜館。這裏嘅佈置及員工嘅制服也很有特色，有一點魚港風味。店員為我們遞上鴨屎香茶，小小甘苦味，隔一陣仍然有餘香，消膩醒神。每枱都會跟埋餐前小吃紅糖番薯餅，咬落出面脆脆的，入面煙韌得來有好清香嘅番薯甜味，無估到餐前小吃都頗有心思。金獎鹵鵝拼盤 $128原來佢哋嘅鹵鵝得過金獎，呢個鹵鵝拼盤有滷糖心蛋、鵝肉、鵝血、鵝翼及掌。我最愛佢嘅鹵糖心蛋，香滑甜蜜。爸爸則喜歡佢嘅滷肉及鵝頸。南澳蠔仔烙 $98上碟時形狀像pizza，預切咗四大塊。店員話係地道南澳做法，加入木薯粉，外面香脆，內裏煙韌，加埋大大粒蠔仔，層次豐富。番薯餅香煎金鯧魚 $128金槍魚煎到脆脆，但不會有油膩的感覺。魚肉亦出奇地嫩滑，魚骨不多，店員話原來呢味亦係得獎菜。海鮮砂鍋粥 $98大鍋海鮮粥底加入蝦、花甲及蠔仔一齊煮。幾款海鮮亦鮮香，我特別喜愛花甲，大大粒亦清洗乾淨，清甜彈牙。另外，砂鍋粥配上納豆醬可供調味。潮汕七樣菜 $68由七種不同種類嘅菜組成，配上清湯底，食完好舒服。店員的服務態度很親切，不時為我們介紹菜。這餐爸爸表示滿意，他最愛鹵鵝肉，我則最愛香煎金鯧魚。

年廿九唔係間間餐廳開，咁諗起沙田陳鵬鵬平時都有食過，就同屋企人話不如團年飯嚟呢啲食啦。嚟到見到過年有套餐食，但係係按位計，每位$188咁，我地一共有四位，咪嗌四位份量嘅套餐。點知一上到枱，已經見中伏啦，我地四個人份量嘅滷鵝拼盤，盡然係同隔離枱三人份嘅係一樣？？？我地即刻搵侍應嚟攞去問廚房，廚房話出錯餐，跟住求其切嚿魚片補返數，就攞返上嚟。喂，唔係呀？畀多$188食多一個人份量，拼盤就係多嚿魚片呀？就算滷鵝唔補啦，連滷蛋都唔補多嚿呀？於是我地去問著西裝嘅唔知係咪經理啦，攞去廚房問「你地四人份量嘅拼盤就係比三人份量嘅拼盤多嚿魚片呀？」，呢個時候廚房佬反口啦，話出嘅就係四人份量嘅餐，唔會補畀我地。原來咁嘅玩法都得，既然四人份量套餐嘅菜量同三人份量係一個size，咁你地憑咩收我$188×4=$752？原來食嘅嘢同人地畀$188×3=$564係一樣嘅，咁你地明掠我$188咋喎。咁我地問個唔知係咪經理嘅西裝友啦，如果第一道菜已經係咁，咁你地保唔保證到之後我地四人份量套餐上嘅菜，係應該比起隔離枱三人份量嘅多返三分之一？原來都係話保證唔到，廚房話係咁就係咁。嘩，原來呢間店啲定價同份量冇標準架？即係要我

星期五的晚上，餐廳裡熙熙攘攘，人聲鼎沸，等候座位的顧客站滿了餐廳門口，我們足足排了18張桌才終於輪到。我們點了五個菜式，味道中規中矩，沒什麼特別出色的地方。值得一提的是，這裡免收服務費和茶水費，相比其他餐廳，性價比確實高一些。然而，享用完這頓晚餐約半小時至一小時，我和老公便開始感到肚痛，吃藥上厠所後還是痛，肚痛了好幾個小時😵‍💫，食物的衛生問題讓我們感到懷疑。這次的用餐經歷讓人有些失望，雖然價錢實惠，但食物質量和衛生方面有待改善。希望餐廳能夠重視食材的新鮮與清潔，提升顧客的用餐體驗。

小食拼盤不錯，拼盤上有唔同嘅小食，每樣都好有潮州特色，味道正宗，食落去令人回味無窮。我點咗碗蠔仔粥，味道都唔錯，粥底熬得夠滑，蠔仔雖然唔算多，但係新鮮，仲有啲香菜提味，整體感覺好舒服。不過，炸蠔餅就唔算特別，口感有啲軟，味道都一般般，可能我期望太高。另外，仲試咗佢哋嘅海鮮砂鍋粥，呢個真係幾好，砂鍋煲得夠入味，海鮮新鮮，特別係蝦同蟹，食落去有種海味嘅鮮美，配埋啲香菜同蔥花，簡直完美。 服務方面，職員都幾有禮貌，態度好，餐廳環境乾淨整潔，坐落得幾舒服。總體嚟講，呢間潮州餐館值得一試，雖然有啲菜式有改善空間，但係整體體驗都幾好，尤其適合同朋友聚餐！

今晚同朋友去食飯，取票5人，去到只得我一人，門口要齊人先入座，因有朋友要遲半個鐘、等到4人到齊，佢哋竟然比咗枱人，已經過了半數都不能入座，同佢哋講，佢竟然話比張4人枱我哋，但我哋5個人啊！人齊咗點坐？ 同佢講佢就唔應人，最後就離開，唔怪之得啲人上哂大陸食嘢

一路都聽講陳鵬鵬潮汕菜館好正宗，今日特登帶埋屋企人去沙田新城市廣場試吓佢哋嘅招牌菜。點知未夠六點就已經爆滿，真係好受歡迎！第一道試嘅係必點嘅金牌滷水鵝拼盤，鵝肉好嫩滑，滷水香味好濃，配埋鹵蛋同豆腐，真係好正。阿媽最鍾意嘅香煎金錩魚，煎得外脆內嫩，魚肉仲好鮮甜，食到停唔到口。後生仔就最鍾意蠔仔烙，蠔仔好新鮮，同蛋漿煎到金黃色，外脆內軟，口感煙韌，真係食到好滿足。我自己最鍾意嘅係海鮮砂鍋粥，粥底好綿滑，海鮮嘅鮮味完全融入粥裏面，蝦、蟹同貝類都好足料，特別係冬天同屋企人一齊食，真係好暖胃。食完飯仲有甜品芋圓仙草蜜，芋圓好Q彈，仙草蜜清甜，食完好舒服。成家人都好滿意陳鵬鵬潮汕菜館，每道菜都食到潮汕菜嘅精髓，我仲應承阿媽一定會再帶佢嚟食！

📍 陳鵬鵬潮汕菜館 🦐🦀📍 地點： 沙田🍽️ 類型： 潮州菜今次嚟到 陳鵬鵬潮汕菜館，主打正宗 潮州生醃海鮮，店內裝潢簡約，充滿地道風味，令人期待試試 潮汕特色小炒！✨📌 生醃海鮮 – 醬油膏鮮活生蝦 (潮汕生蝦) 🦐一上枱已經見到 蝦身晶瑩剔透，醬油香氣四溢，入口 蝦肉滑溜鮮甜，帶住淡淡酒香，醃得入味但又保留到海鮮嘅 鮮爽彈牙口感，配埋生蒜片同辣椒，更加提鮮！🔥 喜歡生醃海鮮嘅朋友絕對要試！📌 招牌鹹蛋黃膏蟹 (潮汕生醃膏蟹) 🦀呢道菜 濃郁鹹香，蟹膏 飽滿黏稠，醬汁帶少少甜味，口感豐富，蟹肉細嫩 帶住輕微酒香，食完之後意猶未盡！如果鐘意 濃郁海鮮膏 嘅話，呢個必試！💯📌 潮汕酸菜炒豬腸 🐷潮汕風味必備！豬腸洗得 乾淨無腥味，炒得夠 爽脆帶嚼勁，配埋微酸開胃嘅酸菜，整體口感 鹹香帶酸，味道層次豐富，送飯一流！🍚✨整體嚟講，陳鵬鵬潮汕菜館 生醃海鮮新鮮，風味獨特，小炒類水準穩定，適合 鐘意潮州菜或者想試生醃海鮮 嘅朋友，會想再試埋佢哋其他特色小菜！🔥🥢

放工朋友先去拎飛等位。 叫到號碼未齊人未能入座，同前台講左未齊人可以再等，只叫我們在外面等待，無主動再比一個新號碼或安排下一張枱。最後人齊到前台話以為我哋方棄走左，最後只係叫我哋取新號碼再等。 員工自己有錯唔認，話係客人問題！

潮汕菜我不嬲都鍾意食😬今次去高人氣「陳鵬鵬潮汕菜館」試下水準先👀.金獎鹵鵝拼盤🪿有鵝肉、鵝掌、鵝頭頸、秘滷溏心蛋🥚鹵水豆腐、扎肉🐷鵝肉肉質細膩入味😋鵝掌筋道脆彈😆鵝頭頸皮爽肉嫩，滲透香醇的鹵香👍🏻.海鮮砂鍋粥🥣粥底綿滑，配上蝦🍤花甲🐚蠔仔🦪鮮味十足😛加上荽茜同麵豉醬🌿味道更加豐富.打冷馬友魚(半條)🐟馬友魚肉質滑嫩💯加上麵豉醬，風味鮮美🤤.金不換焗基圍蝦🦐基圍蝦蝦肉爽口彈牙😗帶有金不換、麵豉同蒜頭香氣🧄.潮汕七樣菜🥬有白菜、娃娃菜、菜芯、小棠菜、西洋菜、韭菜、椰菜花🥦加入肉碎🐖麵豉、清湯烹調🔥非常清甜☺️.芋圓仙草蜜🥣仙草香甜滑溜😌配上士多啤梨味同芒果味芋圓🍓🥭.鴨屎香檸檬茶🍋‍🟩.工夫茶(2杯)🍵

喺沙田新城市廣場經過好多次呢間潮汕餐廳今日lunch終於有機會試試！試咗幾款招牌菜滷水拼盤非常入味，最鍾意食隻蛋🥚香煎金䱽魚鍾意食魚一定要試！煎得非常香脆，唔多骨。係我今餐最鍾意食嘅一道餸。海鮮砂鍋粥味道好濃烈，粥底夠棉，好好食🤤真係有滿滿海鮮，而且幾新鮮👍🏻最後叫多個酸菜牛肉飯係比較濕嘅炒飯，味道都好好酸菜撈飯一流。值得一提，餐廳裏面所有員工態度都好好食得開心又好味😋下次再嚟試吓海鮮～

一間餐廳可以做到「七不收」👉金獎滷鵝拼盤～不過不失👉打冷馬友魚～成餐最好味兼抵食就係馬友～唔使再點嘢～ontop嗰篤黃色嘢就係麵豉醬～一嚿魚一篤鹹度啱啱好～👍😋🤤👉南澳蠔仔烙～炸得好香口、好有台灣蚵仔煎嘅口感～🫢😋🤤👉韭菜鵝血煲～好味不過韭菜少咗啲～🫢👉家鄉炒粿條～太濕炒得唔夠乾身～🥲👉綠豆爽～$20/碗～第二碗半價～抵食又好味～👍👉芋圓仙草蜜～$25/碗～第二碗半價～👍👉Heineken星銀啤酒(自帶)#陳鵬鵬潮汕菜#沙田美食

知道陳鵬鵬係沙田開咗 即刻嚟試一試 本身自己都好鍾意食潮州嘢 終於可以食到陳鵬鵬 環境舒服裝修別字 第一點點漁村風味 店員細心安排位置 香煎金䱽魚 外皮，煎得香口脆身 魚肉肉質鮮嫩 令人食唔停口主角之一金牌滷水拼盤 賣相衝擊視覺 想食嘅嘢都有 估唔到一個拼盤滿足多個要求 裏面有鵝肉鵝掌鵝翼及滷水蛋 滷水味香濃 唔會過鹹 剛剛好 絕對值得推介潮汕七様鮮 呢個係家鄉菜 好有潮州風味 平時食飯一定會點佢酸菜牛肉炒飯 呢個生平第一次食 飯炒得甘香 粒粒分明帶點酸菜味 好開胃 完全中和返牛肉粒嘅油膩 令人一食再食紫菜湯 裏面有貢丸 小蝦 及紫菜 蝦及紫菜的味道令到湯嘅鮮味提升不少飲落好舒服 整個體驗實在係大滿足 食咗一頓好豐富豐盛嘅午餐

屋企人話要試吓呢間潮州菜，其實喺香港食呢類店真係⋯⋯唔多評論，始終屋企人想食就去試一次啦。餐前小食，塊餅唔算好甜有少少似卜餅嘅感覺。鵝肉嗌咗個例牌，滷水嘅味道層次唔算突出，但係冇咩肥膏係幾好嘅。最正係個鵝翼就真係少得可憐。蠔仔粥夠味道尚好，冇腥味。但係個蠔餅個底有少少似蚵仔煎，同傳統嘅潮州菜做法就好似有啲唔同。牛肉炒螺條，牛肉量少就預咗㗎啦～呢類店做開都係量少，所以一啲都唔意外。成晚最鍾意就係佢個雞，唯一最有鑊氣嘅餸，亦都係最好味最嫩最Juicy。但係後加嘅月亮蝦餅同埋蝦棗真係唔想多講，可以by pass。個牛肉炒飯，實際上似肉末炒飯，屋企比較年輕嘅家人完全唔夠食。而個酸菜肥腸還可以接受。嘢飲方面鴨屎香還好，但係油柑汁就偏甜。整體嚟講唔算好突出，但性價比不高。事次用展為自費。

今日陪媽媽到新城市廣場逛逛兼買點東西。 順便喺附近食lunch。睇完個Food Directory 決定去陳鵬鵬度食。 呢間食店之前我跟朋友都食過一次。當正考慮想點什麼之際，店員走了過來推介咗個雙人午餐套餐$188， 咁就唔諗叫了呢個套餐。真係快趣到唔使5分鐘， 全部食物已送到枱上， 枱上食物款式之多亦令我們有些點愕然。咁講我個人認為食物水準只是一般。炸豆幹， 雜菜鍋，紫菜魚丸湯等都不是什麼賣錢嘅食物， 但以這個 $188 全包嘅價錢能嘗到那麼多款潮汕菜式，又確是非常抵食， 值得去試吓。

🍽️ 我終於食咗全香港最抵食嘅潮州菜，位於新城市廣場5樓嘅陳鵬鵬潮汕菜！🔥 佢哋嘅潮州菜二人套餐只係188蚊起，真係非常抵食，四人套餐都只係398蚊，CP值超高！🔥🐟 潮式香煎鯧魚超新鮮大條嘅倉魚，切開醃鹹香煎，外脆內嫩，味道濃郁，真係好味到唔得了！🥗 潮汕七樣菜七款不同的菜，豐富多樣，每一樣都充滿潮州風味，絕對唔可以錯過！🦪 南澳蠔仔烙蠔仔番薯粉鮮雞蛋嘅完美結合，外脆內嫩，蠔仔鮮甜，一流！🍖 金獎滷鵝拼鹵水鵝、鹵水豆腐同鹵水肉捲，味道濃郁， 溏心鹵水蛋 非常好食 ，鹵水味道滲入每一口，真係好滋味！🍲 海鮮砂鍋粥有機大米、蠔仔、花甲同鮮蝦嘅完美結合，粥底鮮甜，海鮮味十足，每一口都係享受！🍹 新鮮油甘汁新鮮油甘汁，清爽解渴，配合美味嘅潮州菜，真係好正！📍 地址：沙田沙田正街18-19號新城市廣場一期7樓703A號舖希望大家都可以嚟試下呢間高質素嘅潮州菜餐廳，享受呢啲美味嘅佳餚！🍽️🐟🦪🍖🍲😊✨