陳記石磨腸粉

一直知道聯和墟有好多好野食，但有好多小店都未試過，見今日想食清淡少少，就試下呢間喺榮福商場嘅石磨腸粉，可以話非常有驚喜！店面細細間，一眼望曬入面廚房，見到啲野食都係新鮮即整，價錢親民，味道仲要幾好，會再encore啊！唔少得一定要試石磨腸粉，真係即叫即蒸，熱辣辣！揀咗叉燒腸，份量都幾足，腸粉皮整得好薄，睇到入面啲叉燒，食落好滑溜，叉燒餡肥瘦適中，仲加咗生菜絲，令到口感豐富又清新，配埋個秘製醬汁，好味👍🏻另外個海鮮粥意外地好食，有啲蝦、蠔、蜆、豬肉丸，料都幾多，而且都算新鮮，所以食落好鮮甜，鍾意個粥底唔係煲到好爛，天氣涼涼地食好正，推薦呢個粥～個牛丸湯都出色，手工牛丸好彈牙，而且牛味濃，加埋啲生菜，同個清清地嘅湯底，好鮮甜，食得好滿足！豆漿飲得出係即磨，感覺好天然，唔加糖都好飲～整體係抵食又滿足😋💰價錢參考：- 叉燒腸 $20- 海鮮粥 $48- 手工牛肉丸湯 $45- 現磨豆漿 $8…查看更多

成日經過呢間石磨腸粉，今日終於都有機會食喇！食物種類都算幾多，有飯、餃子、腸粉、粉麵、粥同各種小食.....價錢亦都非常合理招牌腸粉~腸粉即叫即整，餡料有芽菜，令到腸粉嘅口感非常有層次，最重要係靈魂醬汁，都幾肯定係小店秘方，腸粉夠曬滑漏，值得推介！牛丸湯~牛丸好彈牙，牛味亦夠足粟米餃、韭菜餃~餃子有分大份/細份，兩款我都選擇咗大，足足有八粒，可以講係皮薄餡靚，當中會比較鍾意粟米餃，食得出係用新鮮粟米去包。…查看更多

【陳記石磨腸粉｜聯和墟隱藏版廣式風味】 今日上水收工肚餓餓地，唸起粉嶺聨和墟美食，唸都唔唸就揸車去兜兜。路過揸聯捷街見到個好搶眼嘅黃紅色招牌[陳記石磨腸粉]，唸都唔唸就將架車泊入榮福中心買外賣返屋企慢慢嘆，榮福免費泊車20分鐘真係乜都夠晒！行到小店，店内有兩個職員，我見店内有個石磨，睇來都好正中嘅石磨腸粉🤗今次外賣試咗4款腸粉+潮式肉丸湯，個男仔職員好熟手咁整腸粉，問佢嘢就怕怕羞羞，後面個叔叔就好勤力咁洗菜準備腸粉食材，腸粉都係即叫即做，夠晒新鮮👍🏻招牌腸粉~配上香脆菜莆，芽菜絲，豬肉餡料，足料配搭，餡料絕不吝嗇，菜莆切得很幼細，制做過程令菜莆&粉漿混為一體，夾起來唔會散晒。雞蛋腸粉~原味派嘅選擇，蛋香混入腸粉，增加香滑度口感。豬肉腸粉~足料爽脆肉餡配以生菜絲，口感不失。叉燒腸粉~原粒叉燒粒加入生菜絲使到腸粉有清新嘅感覺。老闆(洗菜叔叔)話石磨米漿每日鮮磨，薄到透光但夾起唔易穿，師傅仔係怕羞D，但蒸腸粉火候控制有料到～ 手工肉丸湯真係有潮州嘅風味，湯底我飲到好香濃豬骨味，仲有應該係鹹菜香氣，令人回味，牛肉丸多汁彈牙，豬肉丸有濃厚嘅肉汁香味。老闆仲教我極速取餐方法，下次起外賣平台落單，泊好架車，直衝110號舖講我訂外賣電話尾4字，即刻拎袋走人😁等緊外賣嗰陣街坊提示，腸粉有加錢套餐，仲抵食!!!下次我要試埋佢精選推介“酸菜餃“ & “蒸米粉“。#聯和墟掃街攻略…查看更多

去行山後，到粉嶺聯和墟行下。經過陳記石磨腸粉小店，有幾位人客等外賣。我哋行完返轉頭嚟買外賣，雞粥$38濃郁綿密，米粒煮得恰到好處，雞肉鮮嫩多汁，好有家的味道同溫暖。招牌腸粉$28入面有豬肉，雞蛋，生菜,芽菜,菜甫，更是不可錯過，石磨製作的腸粉皮薄而滑嫩，搭配特製醬汁，口感層次豐富，讓人一試難忘。紫菜蛋花肉片湯$38清爽鮮美，紫菜的香氣與瘦肉的鮮甜完美融合，喝起來十分開胃。蒸米粉簡單卻不失美味，米粉吸收了湯汁的精華，口感柔軟，搭配店家自製的配料，令人滿足。每一道菜都充滿了傳統風味，價格親民，絕對是粉嶺區內值得一試的美食小店！…查看更多

呢間兩母子經營的小店即叫即整，潮汕風味十足，令人期待下次試吓佢哋嘅粥同小食 😊。我試咗潮式牛腩飯，甜滷水味濃郁，唔單止有牛腩，仲有牛筋同牛肚薄切，恰到好處，加上一少少酸菜調味，整體味道非常平衡，份量亦都足夠，絕對夠飽 🍛🐮。再來就係手工牛肉丸同牛肉餅湯，湯底清澈卻充滿濃郁牛味。牛肉餅質感紮實，不規則形狀反而增添咗手工感，而牛肉丸則非常爆汁，口感彈牙，食落令人好滿足 🥣🐂。生菜絲嘅搭配亦令整碗湯更加清爽 🥬。飲品方面，我選咗熱豆漿，似無糖豆腐花清香嘅味道，口感滑順，底部會有少少豆粉沉底，味道更加濃郁 🥛。最後，粟米生菜芽菜雞蛋腸，搭配蒜蓉醬油同辣椒油，腸粉足料，各種蔬菜爽口，配上雞蛋蛋香，令整道菜更加豐富 🌽🥚。…查看更多