陳茶館芋圓甜品專門店 (黃埔天地第3期百寶坊)

營業中

休息中

朋友推薦的甜品店，間中也有人排隊，芋圓無論味道，口感也高別家糖水店一级，首先芋圓不是千篇一律的只是死實梗Q彈的糯米粉口感，而是軟硬適中又帶微軟而又有芋頭香軟的味道，原來有質素的芋圓是有這樣味道和口感的芋溶和芋圓份量超多，各自分半巳填滿整碗。芋溶粉绵，非常好食，勁推芋圓，口感不是死實Q彈，而且味道充滿芋頭香味近年大熱的開心果糸列，糖水味道甜淡適中，入口濃郁的開心果味道，糖水上層面巳蓋滿了粒粒香脆果肉碎，大滿足

以前出面食開嘅芋圓都好普通，唔係好粉就冇芋頭味，呢間嘅真係好好食又煙靭又有芋頭味！喺黃埔行完街想食吓糖水，就見到人唔多就排咗陣，入去嗌咗個黑糖芋圓同埋芝麻豆乳芋圓。講真個性價比真係幾好，份量夠，價錢唔算好貴，質素都幾高！舖頭裝修到幾靚，好舒適！真係好食過鮮芋仙好多好多倍，如果佢有其他分店就更加好啦！

🍵【網紅糖水店實測｜陳茶館】 後補食評收藏list躺了半年的「陳茶館」終於來朝聖！這家以開心果糖水聞名的糖水店，實在好出名。 🌟 開心果糊 第一口就被濃郁開心果香衝擊！質地綿密得像絲綢，甜度剛好不會膩。但...吃著吃著突然「咔」一聲咬到超硬顆粒（疑似開心果外殼碎😨）。然後成碗都要好小心翼翼咁食，店員坦承已收到類似反映，老闆已經知道，但後來被我係網上群組發現過左2-3個月都仍然係咁😓。 ⚫ 黑芝麻糊 意外成為黑馬！芝麻香濃到在嘴裡開派對，質地比開心果款更滑溜無渣。表面還撒了碧根果碎，熱食時香氣加倍～ **扣分位**： 1. 開心果殼碎影響口感😓😓有啲顆粒唔似係殼，可能係開心果枝部分 2. 碗量偏細，男生可能不夠滿足 **回購指數**： 黑芝麻糊 ★★★★★ 開心果糊 ★★★☆☆（等改善後再加星）

最近開心果真係hit到乜咁，所有甜品都離不開開心果，目前為止我都中過伏唔少，又貴又難食。今次我黎黃埔都係因為佢，成碗綠色野仲要有開心果碎真係超吸引！都唔平，要$52。我買嗰陣只知佢係開心果冇留意其他，直到食嗰陣先知原來佢有芋圓，真係滿足哂我。好驚佢好凍，因為生完B都盡量戒凍野但出奇地佢唔係冰凍嘅偏向室溫非常好！甜度唔係死甜，適中，係少甜版，開心果味都出嘅，不過再濃啲就perfect 喇。食開心果粒要小心啲，我啲牙肉俾啲尖尖位整到損左。唯一美中不足係佢啲開心果粒連埋衣一齊搞碎。$52貴左少少因為開心果嘅成本。整體好滿意同埋一定會再食，期待佢出多啲開心果嘅甜品。

紅磡舊區有一間開業幾年的新派糖水店，吸引了許多年輕人前來品嚐。最近在網上看到店裡推出了開心果甜品，但最受歡迎的還是店裡自開業以來一直暢銷的芋泥芋圓仙草糖水，價格非常實惠，只需$38。作為一個芋泥控，對這款甜品讚不絕口，每一口都讓我愛不釋手。芋泥同糖水唔會過甜，調味啱啱好。佢嘅芋圓、番薯圓、紫薯圓配方合好，唔會溝得太多粉，食得出裏面斤兩十足，份量好慷慨，每款都有至成十粒。 最緊要嘅影相超靚，打卡就啱晒

每一次经过这家店都好多人！实力认证！开心果糖水：真有开心果味，不光颜色开心果。好次到要把边边上粘住的开心果酱都刮干净。里面有雪燕丰富糖水的口感！芋圆一直都是那么优秀。后面两款都是店里一直常驻嘉宾芋圆芋泥控完全爱不释手呢

教會boardgame查經喺紅磡永恩堂，完咗大約1030行去黃埔陳茶館🍵得返外賣🥡，叫椰汁🥥桃膠三寶$42轉豆漿，門口等5分鐘就有，山長水遠搭地鐵🚇再轉小巴🚐拎到返屋企食，先覺得轉豆漿笨咗，因為屋企有百福豆漿，應該椰汁🥥底先啱。打開嚟食有芋圓桃膠小丸子🍡，三樣口感都煙韌正，食完皓飽

Bookmark咗好耐嘅呢間人氣甜品店 今次終於輪到我食喇😊◈ 開心果雪燕西米露 $52表面有勁多開心果碎❗️好重堅果味🥜材料有煙韌芋圓粒粒西米同滑溜雪燕 口感超豐富😋 但個人認為開心果再濃D會再好味D◈ Oreo芋泥鮮奶 （熱） $38芋泥質感非常綿密 味道香甜 甜度岩岩好 冬天飲完暖笠笠♨️但有d失望 Oreo味失咗蹤😱

我知道❗️我知道❗️陳茶館出咗呢個開心果雪燕西米露都一段時間，但係我一直都未有機會去～ 琴晚趁親子時間去開黃埔一帶，帶咗娘親去拜訪一下～ 星期六晚8:00去到已經大排長龍，雖然開多咗分店，但係黃埔分店依然有好高嘅人氣！➿ 開心果雪燕西米露 ($52)如卡仔所講，食完真係會開心㗎☺️ 好鍾意面頭嗰浸，加埋開心果碎一齊食都幾濃郁～ 雪燕冇咩味，但加埋煙靭嘅芋圓同埋西米，口感好豐富😆➿ 芋圓紫米羹 ($39)娘親就覺得紫米露嘅甜度相對高啲～

開心果雪燕西米露$52這款是西米露，加咗開心果碎果仁、雪燕和芋圓，唔好見到咁綠色以為好濃開心果味，係個羹有開心果仁一齊食就有開心果味😜整體味道偏淡，試一次就夠，個人覺得如果喜歡食濃味就可以不用試。

星期六下午到黃埔陳茶館，離遠已經見到要排隊啦～不過好快就有得入座，試下bookmark左好耐嘅開心果糖水，同埋最近新出嘅黑芝麻系列🤤🌟開心果雪燕西米露 ($52)糖水好足料，除左有雪燕同西米之外，仲有少少芋頭粒、好多芋圓同開心果碎！不過開心果味唔算濃，單飲糖水會比較有開心果味，但如果夾埋啲配料一齊大啖食，就唔太覺有開心果味🤣🌟黑芝麻豆乳大滿貫 ($50)呢碗糖水一樣大滿足，有粒粒碧根果碎、仙草、芋圓😋黑芝麻溝左豆乳，所以比較稀，唔會好似平時去中式糖水舖食嘅芝麻糊咁濃郁，整體唔會話食到好濟😌整體而言，糖水好足料，尤其係芋圓特別多，亦唔會整得特別甜，值得一試，不過堂食用餐時間得30分鐘，所以適合快食多啲～

呢度簡直就係我哋開心果控嘅夢幻天堂啊！！😍【開心果雪燕芋圓西米露】雪燕好似透明嘅水晶凍，軟綿綿、滑溜溜，芋圓粒粒飽滿彈牙，濃郁嘅開心果香直衝鼻腔，再混合著雪燕、芋圓、西米露嘅清甜😎【開心果牛乳】上邊有一層厚厚的開心果奶蓋，甜度就啱啱好，冇一般甜品嘅膩歪感反而令人越飲越想飲！牛乳+開心果呢個組合真係好美味，d開心果碎越嚼越香！🤤如果好似我咁對開心果味嘅甜品愛到死心塌地嘅話，呢間店就唔好錯過啦！🙌🏻🙌🏻

近期開心果熱潮盛行💚各式開心果甜品林林總總🌈而其中一款最高討論度的，竟是來自自稱芋圓甜品專門店的陳茶館😮其推出的開心果雪燕西米露由推出至今一直廣受好評🔥———————————————————————西米露質地比常見的濃稠🤏🏻雖然賣相十分翠綠但開心果味未算十分濃郁🤔幸好店家在表面撒上了新鮮開心果碎，補貼開心果味之餘亦為整體增添香脆口感👍🏻西米份量充足，口感正常，沒有煮得太爛👌🏻至於雪燕方面份量說令我相當驚喜🤩每一口都能嚐到雪燕的幼滑口感😚帶來的「拉絲」效果非常特別😇此外糖水中還有三色芋圓🍡size比常見的大，質感煙韌亦未會太硬😋不過個人認為芋圓與開心果味就未算太合拍😅另外亦同時點了陳茶館的另一款熱門糖水-黑糖珍寶仙草。芋圓、珍珠、小丸子全都質感Q彈😝軟硬程度適中，喜歡煙韌口感的絕對會感到滿足🤗仙草方面質地亦非常滑溜☺️完全做到台灣的正宗風味🫡但整體上這款甜品最大缺點是味道實在太甜😰連嗜糖的朋友都表示有點吃不消，相信未必能夠符合大眾口味🥶———————————————————————作為芋圓甜品專門店，陳茶館的芋圓的確十分出色👍🏻如果調味方面能更貼合香港主流的話，相信會更受歡迎💪🏻💪🏻

教會桌遊查經後搵宵夜，永恩堂行去陳茶館🍵，想試皓耐，見到新出既開心😃果雪燕西米露，全綠色，諗住叫嚟堂食，見入面都有皓多客，又有位，排喺個肥顧客後面，點知前面肥顧客買完堂食到我竟然話截咗單外賣🥡only🤬有d嬲🤬嗰時都係2225，見前面個肥顧客同朋友仲施施然返位等食，我就要攞外賣🥡由紅磡拎到返九龍塘仲要轉車上山，諗緊買唔買之際，最後都係買($51)，等咗5分鐘，仲要俾店員趕出店鋪外等食西北風，覺得個店員態度差🤬搞咗一個鐘地鐵🚇轉小巴🚐上山先返到屋企。打開嚟食，自己落開心😃果粒，攪勻，入面有大粒芋圓、雪燕同西米，皓杰，食落皓重開心😃果味，咬落開心😃果粒有口感，芋圓Q，加埋西米，皓飽，可encore

我地叫左3款甜品黑芝麻豆乳大滿🥲較稀身，芝麻味較淡，性價比一般。豆乳味太濃，應該係芝麻太小。開心果雪燕西米露❤另加珍珠 中意開心果既真係必點，雖然佢真係好綠，但真係有淡淡既開心果味，但記得食之前要撈一撈先，因為個底冇咩甜味，面果D就較甜，開心果碎如果可以再多D就更香口。但個黑糖珍珠就唔建議加了，太甜，冇咩黑糖香氣。木瓜桃膠雪耳❤正常發揮唔死甜。份量正常，木瓜香濃，最中意桃膠好有咬口，如果多幾舊更滿足🤗