陳茶館芋圓甜品專門店 (啟德零售館1)

叫咗兩碗糖水，一碗椰汁木瓜雪燕，一碗五福仙草，都好難食。椰汁木瓜雪燕個椰汁底完全唔甜，係冇味既一碗水,40幾蚊一碗係完全唔值五福仙草由仙草到芋圓都好難食，芋圓係一舊粉團，一d地瓜/芋頭味都冇，又硬又冇味，自吹自擂係芋圓專門店，但連最基本既都整唔好！仙草都係冇味既，唯一有味既係加3蚊轉既奶茶底，甜到我懷疑人生，唔知係咪將隔離椰汁嘅糖水倒咗落去奶茶底裏面。一碗預製又製得唔好既糖水，完全係對糖水既insult!Totally overrated!最後兩個字總結，難食！…Read More

好耐之前係紅磡分店食過佢嘅芋圓、蕃薯圓和紫薯圓，覺得好好味，口感煙韌不硬，而且每隻味都好出👍🏻知道佢出咗開心果糖水，滿心期待去食…開心果雪燕芋圓西米露開心果粒的確好香好味，但係啲水好稀，又無乜開心果味😅入面啲雪燕和西米好細粒又少，全程好似飲緊好淡嘅開心果水咁😅芋圓比以前大粒，口感亦唔同咗…椰汁雪燕三寶呢款就好啲，因為有芋泥嘅關係，攪拌之後整體無咁稀，同埋芋頭和椰汁味都比較明顯～回頭機率很低😅…Read More

我叫左黑芝麻雪燕西米露同金枝玉糯先講黑芝麻雪燕西米露，黑芝麻香味濃郁撲鼻，配埋碧根果粒粒鹹香脆口，食落夾到爆，每一啖都食到碧根果嘅咬口。雪燕份量都足夠入口軟滑；芋圓有六七粒，煙韌Q彈；仲有細細粒芋泥隱藏其中，細膩綿密增添層次，整體芝麻奶香滑順，加上其他配料都不錯。其次金枝玉糯，成碗芒果沙冰主導，芒果味清新自然，唔會太甜膩，沙冰細膩多汁。入邊有好多麻糬 食落似米麻糬，柔軟棉密有彈性，配芒果沙冰係我第一次試，同樣六七粒麻糬，食館做到甜酸平衡超夾。最愛嘅芒果雪條，每條都用真芒果做，甜美juicy，中間保留芒果核，咬落果香爆發，視覺味覺雙享受。整體嚟講兩款都OK，但比較推薦金枝玉糯，感覺清新啲，料多實在！…Read More

今日同朋友嚟到啟德體育園嘅陳茶館，呢間以芋圓作招徠嘅甜品店最近人氣高企，我哋叫咗兩款招牌甜品試！**黑芝麻豆乳大滿貫** ($58)一上桌已經聞到濃郁芝麻香！碗底舖滿滑溜豆腐花，上面淋上手工磨製嘅黑芝麻糊，質感綿密細緻，芝麻味香濃而不苦澀。最驚喜係配料極豐富：煙韌芋圓同地瓜圓保持咬口，仲有軟糯黑糖珍珠、清甜紅豆同埋脆口芝麻湯圓，多重口感層次分明。豆乳嘅清香恰好平衡芝麻嘅濃厚，甜度控制得恰到好處，絕對係誠意之作！**金枝玉糯** ($44)呢個名改得相當貼切，金黃色嘅芒果醬包裹住粒粒糯米糍，視覺效果滿分！芒果選用熟度剛好嘅呂宋芒，香甜多汁，配上軟糯不黏牙嘅小糯米糍，口感配搭新奇有趣。底層仲有少量椰汁西米露，增添南洋風味。雖然相比起黑芝麻豆乳稍為簡單，但係清爽口感正好作為餐後完美句點。**總評**：兩款甜品埋單$102，以現今甜品市價嚟講屬合理水平。陳茶館成功喺傳統糖水基礎上加入創新元素，食材配搭見心思，分量足夠二人分享。店舖坐落啟德體育園內，環境光猛舒適，絕對係運動後或者周末休憩嘅好去處。特別推薦俾鍾意濃郁口感嘅芝麻控，呢碗黑芝麻豆乳大滿貫絕對會令你一試難忘！…Read More

開心果雪燕西米露，$52，真材實料，將開心果磨咗糊之後，再喺面糝一啲開心果碎，雙重口感。黑芝麻豆乳大滿貫，$50，芝麻味好香，豆漿嘅豆味亦都濃，感覺就係用豆漿開稀咗嘅芝麻糊。四喜仙草同埋五福仙草都係以仙草做主打，價錢同樣係$40，芋圓同地瓜丸係好食嘅，煙靭之餘真係食得到番薯同埋芋頭嘅味，啲桃膠都幾多。佢呢度每個甜品都會有一張卡仔，介紹吓個甜品之外亦都有啲gimmick嘢，款款甜品嘅賣相都好掂，而且個味道都真係唔錯。…Read More

頭先特登喺敏華留肚唔食鮮奶蛋撻，慕名而來過嚟陳茶館食甜品。嗌咗個超人氣開心果雪燕芋圓西米露。先唔講佢排隊要我哋排成10幾個人。$52芋圓先得個七粒，仲要稀到好似水咁，實在係太失望！呢個價錢呢個質素實在太唔值（朋友點都要加呢句：$20都唔食啊）…Read More

小女子今次係呢間連鎖甜品舖是新出嘅金枝玉糯同高人氣嘅開心果雪燕西米露金枝玉糯呢個新產品外貌好吸睛，有一小個完整臺農芒果放係上面好得意，芒果好甜，不過一開始好凍，有d難咬成碗芒果味好濃，配料都好豐富，芋圓相對一般嘅都比較大粒，而且非常煙靭，另外呢個甜品嘅另外一個特色就係有椰汁米麻糬，質感軟糯，淡淡嘅椰汁味加上香甜芒果感覺非常融洽開心果雪燕西米露呢碗嘅開心果味比想像中濃郁好多，加上有開心果碎，香脆得來又增添咗更豐富嘅口感，雪燕同西米露清清地同開心果味都算夾，而且同樣有大大粒芋圓，整體嚟講呢碗甜品都可以滿足鐘意開心果嘅你…Read More

陳茶館啟德分店真係個甜品熱點成日都係人頭湧湧！座位有啲逼夾，排隊等位都要點耐心開心果雪燕西米露呢款甜品用料口感層次豐富，仲有三色芋圓，絕對係甜品控嘅心頭好！一上枱，開心果嘅濃香已經撲鼻而來雪燕晶瑩剔透，入口滑溜又帶點Q彈，配上西米嘅軟糯口感，簡直係完美組合。三色芋圓，煙韌彈牙，仲帶點淡淡嘅芋頭清香，甜度剛好，完全唔會搶走開心果嘅風頭。開心果味濃郁得來唔會過膩，入口係滿滿嘅堅果香氣，仲有灑上嘅開心果碎增添咗脆口嘅層次感😆…Read More

話說我都間唔中都會嚟食一次（人生第一次寫食評）每一次見到嘅情況都令我好震撼。首先 冷氣方面。每一次嚟食一次比一次熱，咁我諗每一個人堂食得嘅，都希望有返啲氧氣有返啲空氣（前排同朋友過嚟食熱到頂唔順要轉外賣）我哋大家都見到佢整咗兩部風機 但係門又開住 風閘同我屋企個靜音風扇差唔多 咁真係有用？風閘轉部勁啲？裝部冷氣？食品方面：好似真係冇咗以前嗰種煙靭 。因為本人都會早放 所以有時都會趁晏晝3點左有啲口痕就會過嚟食 但係有一樣嘢令我太深刻。就係人手方面：我試過三次過嚟食 有兩次係得一個人做晒所有嘢 （仲要我嗰兩次堂食都坐滿晒人廚房有兩個人（咁我諗有一個人應該可以出嚟幫吓手？ 因為我坐窗口位 所以可以望到佢哋大約做緊咩）咁有一次我差唔多食完嘅時候另一個 終於有另一個同事出嚟 但係我食完嘅時候佢就已經入返去 咁係人手方面有問題？ 一個人幫手落單執枱入位𢳂料 （同埋以前落單機係近佢哋 望落都似方便啲，但係依家佢要由南行到北幫人落單，再由北行返去南繼續做單）仲要講緊天氣熱，舖頭入邊仲熱，真心覺得辛苦曬🙏🏻本人就比較八卦 喺度諗緊幾高人工佢會咁願意咁快手做晒咁多嘢 要一個人做晒咁多嘢 （只是$20000多）有時有啲客吹有啲客有嘢問佢又要招呼人。大佬佢都係人嚟嘅 唔講我以為佢做緊三個位 定係我唔知其實佢收緊兩個人人工？？各方面都正正常常 食品其實唔差（芋圓希望變返煙靭）但係舖頭裏面嘅措施所有嘢希望可以做好啲…Read More

陳茶館啟德分店，真係好多人排隊，佢係以芋圓甜品主打嘅糖水鋪，環境好擠逼，但尚算乾淨，自然簡約風。多款甜品非常吸引，令人唔知點揀好，樣樣都想試。主打係開心果雪燕西米露，有自家製嘅三色芋圓，用料新鮮，口感煙韌彈牙，真係同出面好唔同，非常好味！味道層次豐富，甜度適中，開心果濃郁帶香濃奶香。真係必食之選！價錢都尚算親民。另外仲有好多選擇，朋友食咗個冬瓜茶芋圓都幾好味，充滿冬瓜茶香氣，口感清新有特色，都值得一試！…Read More

第一次係黃埔食有驚喜，但今次係啟德食有點失望。點咗椰汁芋圓，期待濃郁椰香同煙靭芋圓嘅完美搭配，但椰汁淡如白開水，椰味幾乎捉唔到。芋圓質地尚算Q彈，紫薯同地瓜味勉強合格，無乜驚喜。另外，略嫌佢哋既糖水唔夠凍，夏天食不太享受。環境簡約乾淨，價錢$38起，性價比勉強接受。不過佢地既黑芝麻芋圓既黑芝麻糊底還好，芝麻味濃厚，有點驚喜，食完會好飽，芝麻愛好者應該會好喜歡這款。…Read More

我碗開心果糖水等咗33分鐘，啲單係照搭上去店員冇分先後次序，呢一點有待改善，糖水係好美的，芋圓亦都做得出色，新出芒果味小朋友好鍾意食，每一碗上邊都有新鮮芒果連埋雪條棍好細心…Read More

之前跟朋友來到啟德店，試了黑芝麻豆乳大滿買，感覺找到人生芋圓糖水，一直念念不忘….今次來到啟德行街，當然要再來食，同樣點黑芝麻豆乳大滿買，但坦白說，這次有點失望🥲.份量依然足料，面頭嘅碧根依然香脆，但芋圓、珍珠都冇咩咬口，好似食咗好多粉團咁😮‍💨…Read More

陳茶館係一間結合港式同台式的手作甜品店，位於啟德零售館1期地下，每晚都有好多人係門口等位/等糖水外賣。………………………………………………仙草芋圓西米露 ⭐️⭐️⭐️⭐️⭐️材料好簡單，就係仙草、芋圓、西米露。芋圓甜甜地，煙煙軔軔，仙草爽滑，西米露有奶香味，但一啲都唔heavy，幾種材料簡簡單單加埋就已經好好味！………………………………………………啟德分店坐位唔多，如果住得唔遠，建議買外賣回家吃，外賣唔使等好耐，好食嘅本地甜品店確實值得等，亦值得推介。…Read More

## 食評：夏日甜品滿足感炎炎夏日，食甜品實在令人感到滿足！今日我試咗**金枝玉懦**同**濃郁黑芝麻西米露**，都幾好味。### 金枝玉懦這款金枝玉懦的芒果味道非常清新，果肉滑溜，香甜可口，特別適合解暑。夏天食呢款甜品，感覺就像被陽光包圍，心情瞬間變好。### 濃郁黑芝麻西米露黑芝麻西米露則濃郁香濃，芝麻味非常突出，既解膩又有豐富的口感。每一口都能感受到芝麻的香氣，令人陶醉。### 總體評價兩款甜品的擺盤都非常高雅，有誠意，讓人食得更加開心。無論係口味定係外觀，都係夏天解暑的好選擇，值得推薦！下次再來試其他甜品！…Read More