陳茶館芋圓甜品專門店 (啟德零售館1)

營業中

休息中

買了外賣，需要等係正常，在門外等待見有凳咪坐係度等，坐咗一陣就有店員來收返張凳，到取外賣我向店員提出，怎解寧願張凳擺係度都唔俾叫外賣嘅客人坐，後邊另一個店員加把嘴九唔搭八答我製作需時，後尾我再重複講返個問題，但話d凳比堂食嘅人坐，我當然知堂食人要坐，堂食又唔滿座，外賣個位置果凳就係我坐果d凳，收返咪又係擺係度，我已經好識做企咗出去等，見有凳咪坐下啦，嗌外賣d客人就唔應該有得坐咩，真係乜嘢服務，我有消費㗎，香港就係呢d咁唔識變通服務，怪不得個個北上啦(圖片圈住就係收返入去嘅凳)

經營模式完全唔得，叫位入坐但係完全唔夠staff營運，路人入去隨便自己搵位，冇人阻止。正經等位既等左成粒鐘，入到去仲要再排隊買野。堂食同外賣同一條隊，食個甜品浪費左粒幾鐘時間

明明拎籌排隊，結果無拎籌既人直接入去搵位坐，有拎籌既人就係外面白等。店面人手唔夠，完全冇管理到秩序問題，麻煩檢視一下。安排好差。堂食限時三十分鐘，結果有位坐低，叫野食都等左三十分鐘。

終於去試hit🔥咗好耐嘅陳茶館 同埋發現佢係啟德都開左分店！😍開心果雪燕西米露 $52入面有開心果碎 芋圓同埋雪燕 都幾足料👍🏻真係一次過滿足曬😻開心果味好濃 芋圓好煙韌 夾埋一齊食幾正😋不過就算我係開心果狂熱fans都有d頂唔順食曬成碗 食完覺得我成個腦同肚都係開心果 有d overload （漏） 不如果有人share就會好d😛好味指數：🌕🌕🌕🌖🌑性價比💵：🌕🌕🌕🌕🌑

喺啟德食完飯經過陳茶館叫咗開心果雪燕西米露外賣好濃郁嘅開心果味 入面仲有雪燕同埋芋圓每一口都充滿着開心果味都唔錯嘅 灑上開心果碎 口感層次🆙見都幾多人食呢間 大家經過都可以去試吓！✨

叫左個芋圓涼粉西米d 芋圓超級粉，完全冇咬口 😧😧每一粒都勁大粒 所以好似食咗好多粒粉團落肚咁樣都幾失望🥲🥲🥲糖水個底勁重花奶味感覺好似可以喺屋企自己整咁🥹🥹收銀姐姐幾靚女，但係好似有語言障礙完全溝通唔到，淨係落單都搞左成10 分鐘🤣😂😂 價錢唔算特別平可選既熱食唔多大部份都係凍食外賣要諗諗 😂😂如果要坐喺嗰度食環境都算ok見佢上菜速度都好快 😛😛另外叫咗杯黑芝麻豆乳應該冇下次😂😂😂

去開啟德食飯，諗住順手食埋個糖水，啟德冇咩糖水選擇，見OpenRice上面評價唔錯就試吓，不過其實都冇乜期望，唔難食就OK…去到門口嘅時候見到唔少人等緊，等咗10分鐘左右就有位叫左個開心果雪燕西米露，黑芝麻豆乳大滿貫，川貝麥冬燉雪梨，同埋薑汁桃膠三寶開心果雪燕西米露，開心果味都重ge… 食到一半覺得有啲膩黑芝麻豆乳大滿貫，豆乳味比黑芝麻味蓋過左… 川貝麥冬燉雪梨，雖然預咗清淡嘢，但係睇清淡都完全冇味…薑汁桃膠三寶，不過不失…但略嫌薑味唔夠重

最近嘗試了陳茶館的外賣，自取訂購了兩份開心果雪燕西米露、一份四喜仙草、一杯黑糖波波鮮奶（熱），並額外加購四套餐具，共計 $178 。 取餐時，店員的態度可謂「令人印象深刻」。當時叫號至 319，我們 320 見即將輪到，便入店稍作等候，未及數秒，已被店員請（或說驅趕）出門。理解店內空間有限，但其態度仍不敢恭維 。最終共等候約 20 分鐘才成功取餐。 離店後才發現所額外訂購之餐具並未隨單附上，致電查詢後，店員竟直接表示須自行回店領取。費用既已支付，卻無法獲得應有之物，雖未必構成商品說明條例的違規，但店方的失誤卻要由顧客承擔，確實令人無奈。最終只能要求退款 $4，翌日還得專程前往該店取回款項。 更具戲劇性的是，翌日晚上親自到店取款時，店員竟問：「係咪拎返果四套餐具？」不禁令人深思，難道現今保鮮技術突飛猛進？或是餐點內含店家的神秘配方，以致相隔 24 小時後仍信心滿滿讓顧客享用？ 至於餐點味道如何，似乎已無關緊要。唯有先清潔雙手，再徒手進食；甚至毋須進食，單是付款受氣，便已可獲得完整體驗。期待啓德體育園的發展能帶來更多選擇，讓顧客有機會體驗不一樣的服務標準。

又係真實食評既時間個黑芝麻比我想像中濃味，配埋面頭既「果仁」？成碗野立即再提升左，芋圓勁大粒，好食，質地唔會太硬。但佢地既糖水有點太甜，唔知有無小糖既呢？環境：位有點迫，執枱有點慢衛生程度： 都算乾淨食物質素：👍🏻👍🏻推薦菜式：黑芝麻/芋圓極不推薦菜式：/總結：/

繼續啟德體育園零售館的美食之旅, 打完邊爐, 就梗係要食埋甜品先可以盡興啦. 一直想試陳茶館, 但比佢土瓜灣店嘅排隊人潮嚇親, 未有機會試過.原來佢依家進駐左零售館1, 位置在地面層但不算太好找.繞了一個圈, 終於發現店的入口在館外面, 正對面係7-11, 旁邊有吃茶三千.店內簡潔裝修, 落地玻璃相當光猛, 座位不多但有點密集.揀咗﹝大滿貫燒仙草﹞, 是芋圓+珍珠+紅豆+仙草的組合, 如果喜歡可另加椰汁底.佢嘅芋圓真係好煙韌, 有咬口, 其餘配搭是標配, 冇得輸, おいしい!佢仲有呢期大hit嘅開心果同黑芝麻系列, 不過我已經冇空間再試🤣, 要等下次啦.

啟德體育園作為新開嘅大型地標，估唔到都開咗陳茶館😍之前都出post介紹過，芋圓甜品專門店，香港暫時有三間分店，因開心果甜品而大受歡迎，芝麻系列其實都好吸引 今次要介紹吓😻．開心果雪燕西米露 $52 有滿滿嘅開心果碎增加風味同口感，開心果露都香開心果味，亦都重奶香味，不過質地比想像中稀🤔芋圓大大粒好有咬口．黑芝麻豆乳大滿貫 $50黑芝麻同樣有雪燕西米露/豆乳大滿貫款式，粒粒碧根果碎+小丸子+芋圓，雖然價錢唔平不過都好飽肚好足料，當中仲有一嚿嚿芝麻仙草，整體好香芝麻味好食！我覺得同開心果一樣咁好食！·椰汁雪燕三寶 $45芋泥、芋圓、雪燕椰汁底配上芋泥味道都幾夾，唔太甜，其實本身味道唔差，不過對比下就覺得唔算太大特色，我覺得黑芝麻款式已經好食好多🤣

啟德除咗Airside之外，仲有新商場-啟德體育園。隨着啟德體育園嘅舖頭開得越嚟越多，所以都要去發掘吓好嘢食🤓陳茶館都係其中一間進駐嘅餐廳～.陳茶館是一家專注於芋圓甜品的專門店，呢間餐廳最出名就係芋圓～.🫘開心果雪燕西米露係今期人氣產品之一🌟開心果碎加上芋圓仲有雪燕，超級滋潤😍上枱時成碗開心果綠色，上面仲有開心果nuts，但係食落去味道唔算好濃， 芋圓一貫以往煙靭出色🫶🏻份量仲超級多，食到超滿足🤭.🥣大滿貫燒仙草呢個係classic人氣item ，轉椰汁底，超香椰味，口感勁豐富🤗有齊晒芋圓、珍珠、紅豆、仙草，一次過滿足晒😋

陳茶館 啟德嗰日係啟德食完飯，經過見到有間甜品舖，見佢menu幾特別同幾啱我口味，就即管一試啦！見佢嗰款開心果雪燕西米露幾吸引同埋幾特別，見到好多人都嗌嚟食，我都嗌左一份試下。（開心果雪燕西米露）佢係一碗西米露加咗啲開心果碎果仁，雪燕同埋芋圓，咁多配料，口感十足！雖然望落好似好濃咁，但佢個味道唔算好濃，但又點開心果味，滿足曬平時唔係食開重口味既我！啲芋圓幾煙靭，唔會話好硬，份量仲好多！成碗既份量好足，食到好滿足。開心果系列非常特別同埋新穎，唔係間間甜品舖有架，見到隔籬枱嗌咗仙草系列嘅甜品，賣相唔錯，下次嚟既話都可以一試！

點解冇咩人提呢間超好食嘅 #芋圓 甜品店？不準私藏好東東呀🥹試左朋友特別推薦嘅黑芝麻雪燕西米露～外表平平，但味道好有驚喜！黑芝麻豆乳配埋有粒粒碧根果碎、芋圓、雪燕、西米露口感好豐富碧根果碎嘅脆脆加埋芋圓、西米露嘅韌軟糯本身無胃口嘅我…忍唔住好快食哂💕絕對係我暫時食過 覺得最好食嘅芋圓糖水🫶🏻大推陳茶館芋圓甜品專門店⭐️⭐️⭐️（此為自費食評分享）

好耐之前已經聽過「陳茶館」，差唔多係黃埔名物，芋圓迷必食店之一，但係位置問題，一直都無試過。「陳茶館」近期進駐啟德體育園，同佢嘅距離開始收窄🥹今日去airside食晏，就知道有機😎大家高速食完飯，就起行去體育園。因為停車場仲未開，啲車路未完全開哂，所以選擇咗由airside行去。路程唔算好遠，大約10分鐘左右，中間無馬路，穿過一個公園就到，幾舒服。不過唔係好熟商場格局，反而係搵唔到間鋪頭😂椰汁桃膠三寶 ($42)餐牌標明係低糖之選😝糖水係椰汁底，亦可以揀豆漿底，配料有三色芋圓、桃膠、小丸子。糖水好足料‼️‼️芋圓大大粒，芋圓煮得透，同時間口感仲係保持煙韌彈牙。小丸子比芋圓爽口，口感同樣煙韌彈牙。仲有滿滿嘅桃膠，好豐富😋同事食開心果雪燕西米露，偷食咗兩啖，開心果味好濃，明顯食到開心果味。兩款糖水都唔係好甜，好食。大推👍🏻👍🏻👍🏻