陳意齋

營業中

休息中

『陳意齋』搬了新舖後，主人與奴隸獸還是首次光顧，並探望貓貓。怎知店員告訴我們，新舖地方細，不適合貓貓活動，現在貓貓留在家中喇！主人好失望呀！今次我們買了：1. 鬆化杏仁餅（HK$25）：罐裝，內有獨立包裝迷你杏仁餅。主人認為鬆化應該是輕輕一咬，不費吹灰之力，就溶入口中，但這件杏仁餅，食落一點兒也不鬆化，還頗硬實，不過杏仁味還算濃郁。2. 參貝金桔（HK$9）：口感不軟不實，亦不乾身，嚐不到參的甘味，但柑桔味濃郁，味道不錯呢！

最近見很多報道關於這地方，特登走來試試。話梅王：本人不吃話梅，所以不知道怎樣才叫好的話梅。還跟男友說笑道：系0米好似喝紅酒一樣，陣味留響個口內越耐越好呀? 那天有點口喝，我嘗了我第一粒話梅王，吃完之后不再感到口喝了。(小的$22, 大的$110)燕窩糕： out of expectation, 好似兩塊面包夾住燕窩一樣，可能我放耐了，食落好點益的味道。蝦子花生：不外如是蝦籽扎蹄 ：很多人都說好食，但媽媽就話麻麻地花生脆糖 ：硬到。。。真系少0的牙力都0吾得。豬肉乾 ：還好，我又系不太常吃，所以我覺得跟其他的專賣什麼什麼乾的鋪頭差不多。總結：可能我不太吃這類小食吧，如要再買，頂多買話梅王，其他的我不會再買了。感到最差得就是無得"look"卡，那天買了600幾蚊野，全用現金找，好采剛好夠現金。服務態度有待改進，他們真的要看看劉德華的廣告吧！

以前喺中環中心返工，差不多隔兩日就去一次，而且一定買蝦籽扎蹄，嘩...真係好味到好難全面形容...扎蹄香濃豆味，蝦籽份量好多塞滿喺扎蹄中間，食完後個股蝦籽味久久不退....好難忘...不過而家好少去到，因為太唔就腳....啦...可惜!!!!仲有藉得一提，雞肝牛肉乾同齋雞粒都係必試小食....

無意中睇到有 “陳意齋” 這間舖…. 睇到食評話有無糖杏仁霜(致愛)……係咪都要到中環一敞….參觀一下及買左 (1) 無糖杏仁霜一罐 $30 – 我第二日就沖杯杏霜飲飲啦, 落左2匙, 加左半杯水, 都好以冇咩杏仁味… 3匙就好似好D, 可能其望過高啦…(2) 原粒杏仁餅五件裝($12) 及 鬆化杏仁餅六件裝($10) – 杏仁餅好鬆化, 但係原粒裝的..杏仁少左點啦比較起澳門鉅記個間…. 但價錢當然鉅記係貴D…下次再去會買花生糖同埋蝦子扎蹄試試…., 因為見到好多人買

叫得做回憶也是因為很久沒吃過了。小時第一次接觸陳意齋，是媽媽見我久咳不癒而買來的川貝杏仁露。那時其實不太喜歡杏仁的味道，所以沒什麼印象，咳嗽有沒有給治好也不記得了。好多年後有一次，又是因為咳，今次到我自己跑了去買了一瓶回來 --> OK 我認我其實是想買那個懷舊的包裝盒和瓶子囉。這次我覺得好喝了一點，但即使開了水也有點太甜，而且當時我獨居，一個人實在消滅不了這麼大瓶，結果放到發霉（！）真是暴殄天物呀！其實我想如果我買的是杏仁霜我該會比較喜歡，尤其是現在出了無糖的版本可以自行調校甜味。另一樣我久不久都會想起的，就是扎蹄了。我兩款都愛，原味的我喜歡原條咬著吃，吃那甘美的蠔油香和煙韌的口感，蝦子扎蹄就愛那卜卜脆的咸香蝦子，現在想起都流口水呀。薏米餅不是人人愛，但我就幾喜歡；每件雪白的餅上都刻有不同的字，挺可愛，食落似甜的粉筆也是真的，不過也入口即溶，感覺似吃杏仁餅或綠豆餅那樣，但味道比較清淡。薏米餅可是女士恩物來的啊，內有的薏米和茯苓可以美白肌膚，食完人都靚啲！陳意齋的店搬了又搬，食品包裝都換了幾番，不過我覺得最好可以保留舊式的食品包裝，那是重要的增值位來的。

200g芝麻花生脆糖($14)，袖珍鬆脆，甜度適中，花生及芝麻味俱全。175g牛耳($15)，拇指大小，好食不停口。200g蛋散($15)，對蛋散這種食品沒有認識，買來一試，覺得是造型煞費心思的香口食品而已，味道不算特別，是食物的本質問題令我下次沒興趣買。70g齋燒鵝($9)，開封了幾天仍然保持脆口。買了60g芝麻餅($20)給媽媽，她說還可以，稍嫌花生味喧賓奪主，搶了芝麻味。140g牛肉乾($32)與105g豬肉乾($30)，傳統方法製造，味道普通，有肉味，咀嚼費勁。（待續）

慕名一到陳意齋，買左一舊蝦子扎（＄１３）之前見網友話＄１２，我諗係加左價。好好食，好有咬口，ｄ蝦子好香，可惜是凍的。之後再買左包話梅肉（＄２２）　３５ｇ的。幾好食，感覺上冇咩味精咁，外面又唔會好多糖粉個ｄ。最後重有一包棋子餅（＄１５）都係幾好食，幾鬆化！係牆上見到張蔡瀾同白貓既合照，多口的問下收銀阿姐佢既去向，佢話：呢道咁細佢唔會係鋪頭囉，而家係工場。可惜可惜，如果唔係我一定煩住隻貓：）

終於有機會到陳意齋買東西，新店收八達通，買了$203！剛開鋪有熱辣辣扎蹄，先嘗為快，其他產品容後補上。素扎蹄與蝦子扎蹄一樣售$13，素扎蹄插著牙籤以資識別。兩者質地同樣結實，淡淡豆味，蝦子扎蹄多了點鹹香，但不濃。個人較喜歡素扎蹄。服務一般，不熱情也不監視就是。

慕名到來，買了蝦子扎蹄($12)、芝麻花生脆糖($13)及無糖杏仁霜($28)試試。表面看不到多少，切開就見蝦子，都有幾多；扎蹄則本身偏甜些少。脆糖確是香脆，並非硬實實的，不過嫌過甜。至於杏仁霜，收銀主動提醒無糖的要用凍滾水開。打開罐而未剪開膠袋，杏仁香味也撲鼻而來，無糖當然預了味淡，是比較健康的飲料吧。

過年前, 幫公司辨年貨時, 行過手痕, 買了一盒蛋卷上深圳公司.盒蛋卷, 包裝精美, 因為深圳成班staff OT, 為食山東妹第一個搶.....自己都有機會吃了一條, 香口, 最最最重要, 佢唔會碎到成地係...放工時, 為食山東妹又攞多一pak (一pak三條)走....第日再上去深圳Office......吉盒一個......不過陳意齋要多加宣傳....人人以為我又濠江大戰回來.....

話說佢仲未搬鋪位前，入過去，因為見平時咁多人入去當時我好輕手咁拎起包蛋卷睇，有個阿伯即刻行上前叫我唔好咁大力呀！整到碎哂！邊個買呀！我好肯定自己好細力！冇講任何大話！我個陣冇講野，諗住忍左佢算啦，佢就搶左我手上個包蛋卷，話你要邊包，我幫你拎！當時鋪頭好多人，我覺得佢好唔尊重我，我就冇出聲，佢就問我要幾多包，要幾多包呀，好似一定要幫佢買咁我就係因為冇出聲，佢講左句好”母”辱我既一句說話，到而家我仲記得：唔出聲，原來啞架喎！（一ｄ笑聲）當時好多年紀有咁上下既女士，應該番工既，佢地冇幫我不特止，仲企係度睇住佢話我，一ｄ仲有份幫個人話我，我覺得香港女人真係好過份。我自己身為一個女人都唔想幫佢地講好說話。呢件事係真，並無半點虛言！我冇買野，冇資格評佢分，但服務分面，我真係可以俾一個〔－５〕分同黑面佢！

路經大道中, 見口痕痕, 就買點小食試試。「薏米餅」在其他店子都未見過,以為是杏仁餅以外的招牌貨,就買來過口癮,可惜....一點薏米香味都無,只有死死死甜, 吃一小舊已支持不住,廿三大元只有十六小塊,又貴又不好吃, 真像前面食友所言, 在吃有甜味的粉筆,枉有老字號之名。

wei, 為食奴隸獸, I went there today at around 6pm. But I didn't see the cats la...I bought:-蝦子扎蹄x 2 - so much 蝦子..nice.. total $24.杏仁餅- whole almond x 1 - 5 piceces inside..$12.川貝杏仁霜($28) - one word ~ 堅! two words ~ 爆堅!唔會好甜+ 杏仁味+ 沖泡時沒結塊It is good for your lungs. I'm serious. So drink more if your lungs always got hit by ppls.牛肉乾(140g - $30)- 好好食, traditional style.鴨潤牛肉乾(70g - $15)- very 甘香. If you like 鴨潤, you will like this for sure.願陳意齋與你同在. LOL

男朋友去開中環，買左棋子餅同薏米餅比我。棋子餅：好食到停唔到口，比我一次過食左半盒。好香口，加上落左好多綠豆粉，食落好鬆化，亦有幾濃既綠豆香，亦有少許入口即溶既感覺，幾討好。薏米餅：呢樣唔得，只有淡淡既薏米味，甜味佔大多數，雖然質地都係入口即溶既粉狀，但就好似咬緊粉筆碎咁，冇味。

蝦子扎蹄...steam it for 5-10 mins b4 u eat itu will see the difference.nice.70 years old.......