陳儀興飯店 (嘉悅)

營業中

休息中

潮洲菜簡直係我至愛，陳儀興以前都食過，不過係大埔舊鋪食，估唔到係將軍澳都開左，一於試下質素有無保持水準先。餐廳位置係低密度私樓區附近，人流唔算多，不過附近多地盤，所以午市時段有唔少地盤工友成為座上客。我地兩個人叫左一份滷水鵝件飯加一份滷水拼盤，滷水味依舊香濃，鵝件入味之餘口感亦唔乾硬，值得一讚。性價比高既話就莫過於滷水拼盤，豆腐、紅腸、豬大腸等等全部都充滿滷水香味，款式多之餘份量仲多，差啲食唔哂要打包。

陳儀興飯店紮根於新蒲崗56年，將軍澳南都開咗分店😋咁近我梗係要去試吓啦！入邊啲位都闊落坐得舒服！鹵水鵝件$148食潮州菜滷水嘢唔少得！呢個鵝件份量唔少，百幾蚊都幾抵食！而且食落好夠腍又唔會鞋口，老公不停食，食咗好多！老火燉湯（@碗）$68必叫燉湯！一碗係燉烏雞松茸湯，一碗係蟲草花燉雞，兩碗都係超級甜，好明顯係落足燉！烏雞松茸湯飲落仲有啲藥材味，感覺好補身！而家十幾度嘅天氣飲完真係暖笠笠！避風塘炒蜆$98呢個炒蜆辣辣地好惹味！蜆肉都好新鮮，而且全部都冇沙😜潮州蠔餅$98食潮州嘢打冷，梗係要叫蠔餅！呢個蠔餅超級鬆脆，而且入邊有好多好多蠔仔🦪，都幾足料，份量都超級大！粥 @$12店員話潮州粥同其他粥唔同，佢話一上枱嘅溫度就就可以入得口😋唔同其他粥咁樣超級滾～🍱餐廳: 陳儀興飯店 (嘉悅) (將軍澳)🏫地址: 📌將軍澳至善街9號嘉悅地下2-3號舖

將軍澳原來都有間潮州打冷，仲要坐得舒舒服服😍價錢合理😍，我哋平日星期四同幾個朋友去食，好彩我哋有book位,因為嗰晚係全場爆滿😱估唔到佢哋咁好生意👍🏻👍🏻我哋叫咗幾個比較出名嘅小菜🥰☘️凍食黃油烏頭～$188（幾個朋友都讚口不絕，呢個凍烏頭好香，好有魚味開埋黃豆醬，簡直錦上添花❤️必點）☘️招牌滷水鵝件～$148（唔好以為招牌就細細碟，呢個價錢嚟講絕對抵食，滷水味香氣撲鼻，嫩滑入味👍🏻）☘️魚香茄子黃鱔煲～$118（好好送飯，因為好惹味，黃線唔係度度都整得好食，鍾意食黃鱔嘅朋友就要喺度試吓👍🏻，茄子同黃鱔味道簡直互相輝映）☘️潮州蠔餅～$98（$98脆卜卜又多蠔嘅蠔餅，真係必點🥰）☘️姬松茸烏雞燉湯~$68位（足料燉湯，好適合冬天嘅天氣補一補身🤭）

今日約咗長輩去食飯，都係中菜比較適合。知道佢鍾意潮州菜，上網搵咗，一齊嚟試一試。距離地鐵行一陣，係屋苑入邊，所以我哋都上地圖搵咗一陣。地方有點逼，檯與檯之間都幾近。食物都OK。我哋叫咗滷水鵝片，唔算好大碟，一人一兩塊，都切得幾薄，下面芽菜好多。張相係食咗幾塊先至影😜之後食蠔仔餅，炸得熱辣辣，好香脆，可惜比較多油。仲叫咗咕嚕肉，甜甜酸酸，幾好食，賣相都幾靚。訂位時一早預留嘅羊腩煲，都幾大煲，羊腩炆得好腍，腐竹朔晒啲汁，仲有冬菇，馬蹄同芹菜。上菜時另外加多一碗羊腩汁，怕你乾水都可以加湯，夠細心。不過可能好多人都叫羊腩煲，所以越食越熱，因為一台一煲，最後留住汗走😅

陳儀興個名一聽就知好味😋將軍澳有得食正呀喂😋 好彩我早嚟唔係呀有排等🤭都叫完野食全場坐爆滿座🤪佢哋每一款菜式都非常出色👍🏻店員十分有禮貌，非常有耐心講解菜式👍🏻原盅老火燉湯姬松茸烏雞好喝👍🏻又有營養滋補，不油膩😋鹵水鵝件鵝肉嫩滑，滷水汁惹味😋一路食一路食好快比我食晒🤭潮州蠔餅炸得非常香脆，大大粒蠔肉，豐富口感👍🏻熱辣辣食味道更正🤤凍食黄油烏頭超好味嘅黃油烏頭，魚肉彈牙，配黃豆醬一流😚食過一定會返轉頭🤭魚香茄子黃鱔煲非常有鑊氣，黃鱔彈牙嫩滑，茄子非常入味，食落非常惹味，食到舔舔脷😋出邊好少食到茄子黃鱔煲，非常特別👍🏻👍🏻

陳儀興打冷菜一向出名，開到將軍澳晚市依然有好長人龍，有許多菜式都值得一試，menu選擇多不勝數，眼花撩亂。黃油烏頭王是一道令人驚艷的美食。烏頭魚以其鮮美的味道和獨特的質地而聞名，而黃油烏頭王在這方面做得非常出色。魚肉鮮嫩白滑少骨，食得好爽快。墨魚釀大腸是一道獨特而美味的菜品。結合了墨魚和大腸的組合，這道菜品呈現出豐富的口感和層次感。墨魚的鮮美與大腸的韌度形成了絕佳的對比，讓每一口都充滿了驚喜。點上辣醬調味更佳。椒鹽脆鮮魷，以鮮嫩的魷魚為主料，經過炸漿，呈現出外酥內嫩的口感。椒鹽的香氣與鮮魷的鮮美完美結合，讓每一口都帶來滿滿的滋味。椒鹽脆鮮魷的烹飪技巧使得魷魚的外皮酥脆可口，內部卻保持著鮮嫩的質感。滷水鵝件乃是打冷名菜，以鵝件為主要食材，經過長時間的滷製，使得鵝肉入味且軟嫩。滷水鵝件的湯汁濃郁醇厚，充滿了各種香料和調味料的風味。品嚐時，鵝肉的香氣和湯汁的口感交織在一起，帶給人們一種溫暖和滿足的感覺。結論所有菜式都令人印象深刻，各自展現了獨特的風味和口感。

陳儀興飯店 @chanyeehing_tko @yeehingchan 📍將軍澳至善街9號嘉悅地下2-3號舖今晚來陳儀興飯店食潮州菜作為潮州老店、佢地主打原汁原味，不時不食店內有多款經典鎮店滷水、潮州打冷菜見佢地好旺場🤭好彩我一早訂左位✌🏻🌟滷水鵝件係佢地招牌菜～$148滷水鵝件遵循潮式古法烹調技巧鵝肉厚實👍🏻更配上花生同芽菜😄份量足好味🌟魚香茄子黃鱔煲 $118 原鍋上好夠鑊氣～魚香茄子🍆爆香好入味黃鱔做到不帶腥味又脆口💯必食🌟椒鹽鮮魷 $128 炸到超香脆～配上彈牙鮮魷🩷好味🌟老火燉湯$68/碗蟲草花燉豬展～夠清潤食物質素唔錯😁會再訪#過半百的歷史 #潮州飲食文化 #潮州老店 #陳儀興 #相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #陳儀興飯店 #打冷 #將軍澳美食

上周日入開將軍澳，想搵間中菜食🥢試左呢間潮州打冷野都唔錯喎～有驚喜😋🪿滷水鵝片/ $168 潮州菜打冷必食😋～每片鵝片都算厚同大片，有芽菜墊底🩶滷水好入味❤️~❤️脆盞拔絲咕嚕肉/ $108配埋黃桃肉青椒紅椒食,酸酸甜甜～🦪潮州蠔仔粥(一鍋）/ $148都幾重料～好多蠔肉每粒都漲卜卜～🫑豉椒炒蟶皇/ $78隻蟶子每隻都算厚肉,配豉椒炒最好食超香~🥬玉蘭炒臘味/ $118一到冬天就會諗起食臘味～炒芥蘭最好食💚綠豆清心丸/ $48 最愛呢款熱食甜品,甜甜der~另收茶芥每位$10🫖及加一服務費～4人份合共埋單$1069～人均約$268左右

去完旅行返黎，大部份都係燒肉同炸物，有D掛住中國菜，又想飲D湯水，行下行下就推門入去。經過滷水部玻璃窗，見到滷水鵝已經流緊口水好彩仲有張細枱，潮式三小碟已經擺好個陣。最快上枱嘅係韮菜豬紅 ($70)，份量相當大碗。豬紅夾得起同有滑嫩口感，加埋注韮菜一齊食就仲惹味。歡喜呢度嘅是日燉湯，不定期轉款，每盅都熱度十足。今晚分別有蟲草花雪耳燉雞湯 ($68)，比埋湯料你睇/食，蟲草花可增強免疫力，岩晒呢D流感高峰期。呢一款係姬松茸燉雞湯 ($68)，味道清甜唔油膩，D鷄骨都燉到軟晒，夠晒火喉，飲完除咗半飽外，感覺舒服。食潮州嘢點少得滷水鵝，有人鍾意啖啖肉會食鵝片，我地就鍾意有D骨仲香D，所以滷水鵝件 ($148)就上咗枱啦。  百幾蚊有咁嘅份量相當抵食，底下用大荳芽代替滷水豆腐，加少少炆花生。有下裝位，件件都相對黎講係多肉食嘅。滷得相當入味，肉質有嚼口，點少少醋汁食，幾好送飯。係呢間開飯，除咗有打冷嘢食，仲有D港式小炒，就好似呢碟脆盞咕嚕肉 ($108)，賣相都靚仔。話明咕嚕肉就梗係啖啖肉啦，咬落個炸粉漿唔厚，輕易食到舊肉; 個酸甜醬汁酸甜度岩岩好，開胃之餘又係好送飯。今餐食得相當滿足，埋單走人

上星期少有地去左將軍澳食晚飯🤣 陳儀興飯店既潮州菜一向唔錯，我地去左呢度食晚飯，當晚都好多客，好受歡迎! 我地既晚餐就點左:.🐧滷水鵝件叫滷水鵝肉係指定動作，一碟份量都多，啖啖肉夠肥美，滷水汁好夾，鵝肉下面有好多花生同芽菜，好入味!.🍲是日精選燉湯我地一人一個燉湯唔駛爭，當晚飯店有提供兩款燉湯，分別係蟲草花燉雞湯同埋姬松茸燉湯🤩 蟲草花燉雞湯好清甜! 飲得出無落味精，而且好足料，裡面都幾多蟲草花! 而姬松茸燉湯既味道就好濃郁! 裡面又係好足料，有埋圓肉，適合健脾養胃👍🏻.🦐蒜蓉粉絲蒜活蝦賣相好靚，每隻蝦上邊都有大量蒜蓉同粉絲🤩 再加埋少許豉油，好香好好味.🥬臘味炒芥蘭呢個比想像中有驚喜，見到芥蘭好有光澤，炒得好夠火候，加左唔少臘腸片去炒香，簡簡單單已經好好味.🍲豉汁蒸白鱔一碟都起碼有十件，加左豆豉同豉汁蒸香，而且仲有蔥花

諗起食潮州菜，就一定諗起陳儀興飯店，將軍澳呢間分店非常爆場，目測八點左右開始已經要排隊，想去食又唔想去排隊嘅話記住要訂枱啦～蒜蓉蒸海大蝦 ($208)諗緊食乜嘢好嘅時候，見到人地點嘅蒸大蝦好靚，決定自己都點，味道真係唔差，蒜蓉落足料，大蝦新鮮，底下嘅汁送飯一流鹵水鵝件 ($148)食潮州菜點可以冇滷水鵝！？鵝件份量好足，底下仲有大量大豆芽，肉質尚可，滷水再入味啲會更好蟲草花燉雞湯($68)濃濃雞味，大量蟲草湯，滋補養生茶芥 ($10.0)

是晚去了將軍澳食飯，見到原來這裡也有陳儀興飯店，裡面十分熱鬧，我們就決定在這裡吃潮州菜晚飯。我們點了：-滷水鵝件這裡的滷水鵝肉是招牌，滷水汁調得剛剛好，鵝肉大件且肉厚實，口感不錯，底下有芽菜和花生。-是日精選燉湯 - 姬松茸燉湯 及 蟲草花雪耳燉雞湯姬松茸燉湯十分濃郁，加上圓肉很滋補，健脾養胃；而蟲草花雪耳燉雞湯好清甜，內裡有委多蟲草花，而雞肉很嫩滑。-蒜蓉粉絲蒜活蝦賣相很整齊，每件蝦都充滿了蒜蓉的香氣，很爽甜。-豉汁蒸白鱔都很多件，加上豉汁蒸香，很惹味，配白飯或潮洲粥都很夾。-臘味炒芥蘭這個很好味，很有鑊氣，芥蘭吸收了臘味的鹹香。

屋企人最鍾意食潮州菜，成日都會去呢間潮州菜館。今晚來到這家潮州菜館,以家常小菜為主，價錢實惠，食材新鮮，大大碟一大班人食就最啱。首先上桌的是鹵水鵝件,鵝肉帶嫩滑口感,鹵水滋味正到位。另一道蟲草花雪耳燉雞湯,雞肉軟嫩湯底濃郁香氣十足。咕嚕焗排骨以簡單烹調卻帶出豐富滋味,豉椒炒蟶皇新鮮可口。潮州蠔餅以鮮蠔夾心更顯滋味,壓軸的豉汁蒸大白鱔鮮嫩順口。整體食材新鮮,以簡單手法烹調出家常小鮮味道。價錢也算合理,下次再來一定多點菜式試試。

#陳儀興飯店 📍將軍澳至善街9號嘉悅地下2-3號舖去完朋友屋企玩 佢推介樓下呢間打冷鋪平日夜晚都坐滿曬人菜式選擇多 價錢合理每個餸份量都好多 最岩一班人黎食🪿鹵水鵝件 $148鵝肉煮得好滑嫩好入味鹵水調味得好入味 最底仲配左芽菜花生🥜🦐蒜蓉蒸海大蝦 $208 大蝦份量好多隻😍新鮮嘅海大蝦蒸熟之後肉質彈牙有超濃郁嘅蒜蓉香氣 仲有粉絲吸曬蝦嘅鮮味🤩🍆魚香茄子黃鱔煲 $118一大煲勁足料魚香茄子經慢火燉煮入曬味配埋黃鱔味道更加鮮美濃郁 送飯一流🍚🦑椒鹽鮮魷 $128椒鹽鮮魷外皮酥脆 魷魚好厚身 肉質有咬口配香辣嘅椒鹽調味好香口 好啱做開胃菜或者送酒小食🥣老火燉湯 $68 一碗呢碗老火湯燉煮得好濃郁 飲落仲有少少甜味見到個底啲材料就知超足料 飲完成個人暖笠笠 好滿足☺️

朋友家住將軍澳，最近帶我去了這間潮州菜館晚餐。這裡提供了多種風味獨特的潮州美食，讓我品味到了地道的潮州口味。鹵水鵝件絕對是我在潮州菜館的最愛之一。鵝肉經過精心烹調，肉質鮮嫩多汁，並且完美地吸收了鹵水的味道。每一口都帶來濃郁的香氣和豐富的口感，讓人回味無窮。蟲草花雪耳燉雞湯清爽又滋補的美食。蟲草花和雪耳的加入增添了湯的營養價值，而雞肉則煮得極為嫩滑。湯的口感清潤，滋味鮮美。潮州蠔餅用半煎炸方式煎蠔餅麵漿，煎到脆邊脆面，最後可加添芫茜在蠔餅上面，蘸上魚露食更有風味。豉汁蒸大白鱔，選用最新鮮既鱔, 鮮味豉汁香味陣陣, 件件滲入豉汁, 色味香濃均勻, 啖啖都係肉!