陳儀興飯店 (嘉悅)

營業中

休息中

朋友介紹陳宜興食滷水嘢好出名，今日帶老竇嚟試吓！枱位置闊落都坐得好舒服！服務周到～鹵水鵝件$148鹵水鵝件百幾蚊有咁大碟啖啖肉，好滿足！味道👅滷水味豐富，但唔會太鹹，又唔會韌，肉質幾滑！必叫！豉汁蒸大白鱔$150蒸大白鱔好鮮甜美味！最重要係冇腥味！份量好多又好大，豉汁吸晒喺墊底嘅豆腐卜度好惹味～～～潮州蠔餅$98有超大嘅兩大嚿！本身諗住係咪炸粉多？點知一夾落去啲蠔仔係好大隻。真材實料，最緊要老竇讚佢既蠔仔係冇沙嘅，所以每一啖都好正👍🏻脆皮夾住大大粒蠔仔，又夠鮮味～老火燉湯（$68@碗）蟲草花燉雞湯夠晒滋補，淡淡濃郁又夠熱，夠晒火候！白飯，粥@12潮州粥夠晒軟綿～🍱陳儀興飯店 (嘉悅) (將軍澳)📌📍將軍澳至善街9號嘉悅地下2-3號舖

🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：8/10呢間餐廳位於將南，地理位置唔算10分就腳，但無步行可至，經常門口都大排長龍，就知幾Hot😆將軍澳潮州菜館唔多，呢間都可以話係代表作！唯一座位較迫…第一推介滷水拼盤，滷水鵝香濃入味，鵝肉唔會好韌，配埋潮州辣椒油就fit啦！魚香茄子黃鱔煲超有鑊氣，打開蓋熱香噴噴，可惜黃鱔唔夠爽口，美中不足。當然唔少得小朋友最愛脆盞拔絲咕嚕肉，小朋友食到舔舔脷！反沙芋太硬，麻麻地，反而綠豆清心丸不錯！

將軍澳嘉悅地下有一間潮州打冷，總會見到排隊人龍，今晚終於有時間去試下，入面沒有華麗的裝潢，有生猛海產，有客人親自去挑選海鮮燉湯蟲草花雞燉湯姬松茸烏雞燉湯燉湯非常足料，夠火喉，飲到燉湯材料的味道，飲完唔口喝，個人較喜歡姬松茸烏雞燉湯招牌鹵水鵝件（$148）滷水鵝件油香十足，非常入味，鵝肉有咬口，沾一下醬汁又可以化解油膩潮州蠔餅（$98）炸蠔餅有好多蠔仔，蠔仔好鮮味，亦炸得好正宗，雖然熱氣但唔油膩豉汁蒸大白鱔（$150）大白鱔好肥美，豉汁都非常入味，白鱔肉質彈牙，食到魚油香，送飯一流

陳儀興飯店 (嘉悅) (將軍澳).將軍澳站越嚟越多新興住宅，然後食肆嘅選擇都開始愈黎愈多，中菜入面嘅潮州菜係我女朋友一家人間中會想食，陳儀興分店多又夠老字號，絕對係潮洲菜嘅首選！.蒜蓉粉絲蒸蝦.無得輸嘅調味，蒜蓉粉絲簡單得黎又惹味，蝦開邊肉質實淨，鐘意食海鮮嘅一定唔可以錯過！.臘味炒芥蘭.芥蘭係我最愛食嘅蔬菜之一，貪佢夠爽口之餘又會食到菜嘅鮮甜，配上臘味非常香口！.除此之外，建議大家必叫一盅老火湯飲下，煲得入味又夠香！

網上睇過食評話呢間不錯，本身住喺附近，所以當晚同屋企人落街食飯經過，咁就不如入去試吓啦，本身冇預約， Walk in入去話可以食90分鐘，咁OK冇問題，入去時服務招呼不錯，茶水碗碟擺枱好好，但剛拿起菜單嘅時候，就已經開始催促我哋點菜，咁唯有快快手點住兩個菜先，但佢已經好似有啲唔開心就話淨係點兩個菜？跟住我話我點住先，之後我再點多兩個菜，合共點咗四個菜，分別係：滷水拼盤滷水鵝件蒜蓉蒸蟶皇潮州蠔餅滷水拼盤份量可以，每款有兩件至三件，當中都係有啲鵝腳頭尾或者鵝翼頭尾斬件。滷水鵝件就薄身骨多過肉，中間墊底芽菜就多，而且鵝肉仲好韌，好難咬開，同食評中人講嘅似乎有啲差距，唔知係唔係當晚人多呢？唔係熟客仔？所以被分薄咗？至於當中嘅蒜蓉蒸蟶皇係全晚最伏嘅一碟餸，收時價 $88 一隻，我哋一行三人所以叫咗三隻，上菜時見到嗰個聖子殼已經好細，之後只見到一大堆粉絲蒜蓉喺面，咁我撥開啲粉絲同蒜蓉後，終於搵到啲蟶子肉，啲蟶子肉大約殼嘅一半長度，而且好瘦，仲斷開一至兩截，真係未試過咁幼細嘅＂蟶子皇＂，食落口好靭，一啲都唔似係新鮮嘅，似係急凍嘅，又或者已經放咗雪櫃好耐，粉絲同蒜蓉得嗰個鹹味同埋少少苦味，總之呢碟嘢就

陳儀興飯店 (嘉悅) (將軍澳).將軍澳要食潮州菜要我諗真係諗唔到其他選擇，陳儀興選擇較多又要近地鐵站.▪️鹵水鵝件▪️.呢個又係每次必叫，唔算貴之餘又好食，建議住附近就咁買佢加料都抵有啲芽菜同埋花生做底，另外鵝件嘅份量好多.▪️老火燉湯 $68@▪️.原盅老火茶樹菇湯，入面勁足料，有烏雞，紅棗，蔘之類，絕對唔會係淡茂茂淡如水.▪️豉汁蒸白鱔▪️.白鱔又係我其中最鍾意食嘅餸菜之一，但係每次食都係一件起兩件止，因為始終比較膩.📌 陳儀興飯店 (嘉悅) (將軍澳)將軍澳至善街9號嘉悅地下2-3號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

係將軍澳南果邊既潮州餐廳，成日經過都見到好多人，今日終於可以一試😍黃油烏頭王🐟魚肉鮮嫩多汁，重點係佢完全冇細骨，配埋豐富既黃油醬汁，口感濃郁☺️百花釀大腸係墨魚mix炸大腸，好特別既配搭，墨魚咬落有墨魚肉，唔係淨係得粉，炸大腸咬落少少煙韌，配搭埋一齊食好有驚喜🤤椒鹽脆鮮魷🦑勁大碟！炸到外酥內嫩，魷魚口感鮮嫩，食落好香口😍滷水鵝件🦆份量超多，鵝肉煮到好入味好軟嫩，滷水汁又唔會太咸，味道剛好🥹

這間也算一間挺有名的潮州菜餐廳，分店愈開愈多的！主打滷水鵝和海鮮，但還有很多特色少見的潮洲菜式可以吃！滷水鵝件（１４８元）這裡比較好的地方是會幫你將鵝胸的骨都去掉，吃起上來啖啖肉，特別過癮，而且滷水味香濃，亦有鵝香，肉質緊緻！底下還有大量花生和芽菜，其中花生特別香！魚香茄子黃鱔煲（１１８元）跟平常的魚香茄子有點不一樣的是茄子切得比較大條，所以吃起來會更加多汁，口感滑嫩，亦沾滿了醬汁，所以特別惹味！而黃鱔的口感非常爽滑，吃起來完全無骨，陣陣的鮮味和魚香！醬爆田雞（９８元）田雞是有輕微的炸過，吃起來外脆內嫩的，口感帶點爽滑，調味是蒜辣口味的，挺惹味！而且還配有很多萵筍，口感爽脆！蟲草花雪耳燉雞湯（６８元）燉湯非常清甜，很足料，陣陣雞香，而且完全沒有味精，很有家的感覺！飯／白粥（１２元）

感谢好朋友推荐，午餐来试了这家潮州菜，真真高性价比非常推荐卤鹅翼和韭菜猪红！之前在香港吃鹅基本上都是烧鹅，油香四溢，但因为太肥了吃不了多少，他们家卤水鹅就不一样，卤汁不会过咸，翅膀也不肥腻，啃起来超级爽，和我一样喜欢豆腐的，可以点的时候加一句“豆腐底”，这样就会尝到美味卤豆腐了韭菜猪红看着重口，走的是咸香，搭配白米饭可以干三碗！接受猪血的一定要试试！中午的时候没有蛏子王，所以我们点了午市套餐里的冬菜蒸鱼，可能是刺太多的缘故，不是很推荐，大家来想吃好，建议单点而非选择套餐甜品绝对是芋泥脑袋的爱，会有点甜，但是莫名其妙就一口接一口全部吃完了下次来我要把蚝饼和蒜香骨也试一试P.s.这家店中午还好，晚上人超级多，预定了都有可能要等位，建议尽量工作日中午来吃哦

冇訂座嘅情況下，星期五晚上冇太多人，等咗10分鐘就可以入座啦。我同兩個朋友叫咗五樣野：1. 滷水三拼 - 有墨魚、紅腸同大腸。上枱嘅時候仲有煙，口感都算正常，但味道有啲淡咗。2. 拔絲咕嚕肉 - 上菜同我地想像唔同，拔絲嘅部分係用炸粉嚟底，而且用蜜桃代替咗菠蘿。咕嚕肉本身味道唔錯，但拔絲嘅部分就唔太建議揀。3. 潮州炒飯 - 唔錯但都唔特別出眾，有菜圃加埋。4. 蠔仔粥 - 最驚喜嘅一個，蠔仔粒粒都好大同埋鮮甜，一碗份量都足夠2至3個人食，價錢亦都算抵食($7x)。本身想叫潮州春菜，但已經賣晒，所以換咗叫蒜炒油墨菜，幾新鮮啊。總括而言，呢間餐廳喺區內算唔錯嘅選擇，唔錯唔差啦！

同朋友講開話好耐冇食過打冷，朋友二話不說就帶咗我嚟《陳儀興飯店》，話夠晒正宗，唔怪得每次經過都有咁多人喺門口等位啦！ღ滷水鵝件滷水香氣十足！每件鵝件都非常入味，鵝肉肉質嫩滑，食落唔油膩🤤ღ脆盞生炒骨生炒骨咬落肉質唔會覺得乾柴，而且口感嫩滑多汁，酸酸甜甜好開胃🤤ღ椒鹽百花釀大腸炸得勁香脆，大腸唔會有臭味同油益味，點埋個醬汁食一流呀！ღ燉湯食飯點少得湯水呢！我哋每人都叫咗一款燉湯茶樹菇同蟲草花雪耳燉雞湯每款燉湯都好足料😍

上次去左陳儀興飯店新蒲崗分店打邊爐，今次就同老公去將軍澳分店食打冷！將軍澳店比老店環境更大座位更舒適，餐廳主打正宗地道潮州打冷廣東菜，鍾意食打冷嘅我地食到津津有味！鹵水鵝件$148好大碟啊！每一塊鵝片都好厚肉，肥瘦適中！獨門秘制嘅陳年滷水汁好惹味！燉湯$68燉湯熱辣辣好暖身！冬天飲啱晒！而且好足料好滋補好養生！潮州蠔餅 $98招牌菜式潮州蠔餅 ，完全唔油膩，好酥脆香口添啊！椒鹽鮮魷 $128魷魚外層炸到金黃，香脆可口。魷魚肉好軟滑，一d都唔韌，仲好鮮味添！#陳儀興飯店 #打冷 #將軍澳 #將軍澳美食 #潮州菜 #蠔餅 #滷水鵝 #香港打冷 #香港潮州菜 #香港必吃 #香港好去處 #香港旅游攻略 #食在香港 #香港探店 #香港美食 #香港打卡 #香港生活 "

放工後，同事突然說想吃潮洲菜，我就想起之前來過這間餐店，環境不錯，食物素質佳。裝潢跟之前差不多，沒有變動。寬敞闊落內裏整齊企整，環境光猛，設有多張四人枱，亦有大圓枱，坐得舒適。選擇很多，有大廚推介、潮州珍品特菜、潮州打冷、潮州小廚、游水海鮮、避風塘風味、火辣四川、田雞、魚類、肉類、潮州粉麵飯、潮州甜點等等。******************************先來兩盅蟲草花燉雞湯（$68）暖暖身，熱度十足，飲到最後都好溫暖，全身暖笠笠，好正！燉得夠晒火喉，內有不少爽口的蟲草花，還有雞、瘦肉、杞子等，落足料，味道香濃，甘香美味，正！******************************滷水鵝件 （$148/例牌）是必食，大大碟，還有大量又爽又入味的芽菜和花生墊底，正！鵝件份量好足，淨肉和連骨均有。肉質香嫩，富有肉汁，滷得非常入味，味道剛好，嚐到鵝香，蘸上醋汁也好吃，大家都吃得津津有味！******************************醬爆田雞 ($98)配上萵荀同炒，爽嫩無渣，請喜歡！田雞黃金，爆至香口，肉嫩肥美，鹹香惹味。*********************

🌟今日同朋友將軍澳站搵食，行到嘉悅附近發現陳儀興，門口好大好光猛，店內吊起的鹵水鵝好吸引，跑入去搵位。***** ***** ***** ***** ***** 凍食黃油烏頭🐟係元朗魚場出品，條魚有牌仔標示，肉質實淨勁新鮮，大大條啖啖肉，蘸黃豆醬食一流。立味粉芥蘭🥬芥蘭伴隨立味的油脂香爽口又鮮甜。鹵水鵝件🪿鵝件肉質鮮嫩，啖啖都有濃香鹵水汁的清香，呢個難怪是陳儀興招牌菜式，好好餸飯。老火燉湯🫕叫了兩款燉湯，一個蟲草花同一個南北杏羅漢果，一個滋補一個潤肺，我哋揀返自己各自所需，好滿足。

今日同屋企人book左陳儀興飯店食晚飯，已經食過幾次，質素都keep到水準。滷水鵝件必食推介！秘制滷水非常入味，仲食得出唔同既香料味，鵝件肥瘦適中，啖啖肉，下面有大豆芽墊住，每條都沾到滷水汁老火燉湯分別嗌左蟲草花燉雞和茶樹菇燉烏雞，非常足料唔慳皮，兩款都好好飲，滋潤補身。豉汁蒸白鱔平時唔太鐘意食白鱔都食左好多，白鱔爽口，同豉汁非常配合，下面仲有豆卜索哂味，白飯都食到幾碗！咕嚕焗排骨同出面既咕嚕肉大同小異，不過不失蒜蓉粉絲蒸大蝦（時價又係一道令人驚喜既餸菜，海蝦鮮甜彈牙，蒜蓉粉絲味道濃郁，粉絲又係索哂啲味，又係好啱送飯。