陳儀興飯店 (嘉悅)

營業中

休息中

突然又興起”回憶殺”，相信唔少人兒時都曾經睇過老夫子。今次去食呢間打冷，竟然有一系列老夫子裝飾係門口，腦海即浮現”耐人尋味”，哈哈哈……..店內唔難發現佢地嘅蹤影，陪住你食飯。特設老夫子菜推介菜式，每款都以佢地嘅經典四字作名，好似”耐人尋味”，”一舉兩得”，超搞鬼。咁就試吓由佢地個人推介嘅幾款菜式。鹹魚蓉蓮藕煎肉餅 ($108) 選擇梅香做菜料之一，因其肉質軟綿、味道甘香鹹鮮，容易混入肉餅與蓮藕粒煎香。有喼汁點食，煎得肉餅外脆內綿，咸魚蓉加肉餅超級好送飯，加埋蓮藕粒嘅爽脆口感，成為今餐嘅”偷飯賊”。呢碟蒜蓉炒蕃薯苗 ($88)，插上一支大蕃薯旗仔，好應題喎。蕃薯苗以蒜蓉清炒，簡簡單單已經味道唔錯。呢碟鹹魚蒸馬友 ($208)，有”生死戀”外號。將鹹魚同新鮮魚一齊清蒸，確係特別煮法。亦係選擇梅香放上馬友一齊蒸，咸鮮味滲入條馬友。馬友肉質超嫩滑，無咩細骨，夾少少梅香魚肉一齊食，驚喜味道。只有打冷先有得食，一大碗韮菜豬紅 ($70)，豬紅忽然變做大佬。韮菜係底，浸住係濃味醬汁中，問侍應拎埋碟潮州辣椒油點食，豬紅滑得黎帶點煙韌口感，點可以唔叫。仲有一系列老夫子食品可以買走，例如港式蛋卷，惹味醬

呢度唔單止有好味嘅潮州打冷菜，仲有老夫子嘅身影同你一齊享受美食📚。陳儀興飯店同老夫子合作，喺將軍澳分店搞咗個期間限定嘅主題餐廳，特別推出多個老夫子打卡位📸，仲有幾款老夫子推介菜式等緊你嚟試🍜。—————————————————🪷 耐人尋味 - 鹹魚蓉蓮藕煎肉餅 $108 外層煎到金黃酥脆，入面嘅肉餅又夠嫩滑，每一啖都係經典嘅廣東味。仲要插住枝老夫子竹籤，即刻覺得好有特色。
🐮 各有千秋 - 蜜椒番薯牛柳粒 $88 蜜椒番薯牛柳粒係必點之選，有鹹有甜好開胃，牛柳粒炒到啱啱好，加埋番薯同蜜椒，真係食到停唔到口。
🦆 非同凡響 - 滷水鵝肝 $178鵝肝入口即溶，滷水味又夠入味，下面仲有大量芽菜，正呀！
🍠 潮州手工芋泥 $48 手工芋泥好滑，淡淡的甜味，食完真係大滿足！
🧋 樽仔奶茶 $20 樽仔奶茶嗰種懷舊味真係冇得輸，奶茶香濃又唔過甜，解膩一流。
🧉 羅漢果茶 $20 羅漢果茶清甜潤喉，飲完真係好舒服，健康又好飲。
🍚 白飯 $12白飯煮得啱啱好，粒粒分明又唔硬，配咩餸都咁啱。

將軍澳分店裝修有老夫子特色！餐廳外有打卡位！超級可愛😍每碟份量都很大！很適合與家人朋友聚會😃1️⃣鹵水鵝肝潮州菜必食🌟口感很綿密，整片都很入味，而鹵水汁味道很濃郁！令人一片又一片吃完😋2️⃣潮州蠔餅打冷必吃小食🌟新鮮炸起脆卜卜，蛋味香濃！還有大大粒又飽滿的蠔仔！味道完全不腥非常新鮮😋3️⃣咸魚肉絲韭菜花將兩樣濃味的食物炒埋一碟！竟然撞出火花💥 韭菜花吸滿咸魚味，而咸魚又變到冇咁咸，中和大家的重口味😂4️⃣蜜椒蕃薯牛柳粒重口味人士必點🌟牛肉粒有很多又大粒，肉味香濃😋再配上味道甜的蕃薯🍠真的很夾👍🏻

老夫子大家一定唔會陌生😀而今期陳儀興推出左老夫子主題菜式真係好可愛 雖然我姪女只係睇過一兩本😍😍但係見到老夫子, 大蕃薯, 陳先生 我自己都勁開心呀!!!🥰仲有期間限定既辣椒油呀 其他產品可以俾你買走😎🔸蜜椒番薯牛柳粒（$88）真係唔可以錯過牛柳粒嫩滑加上蜜椒的甜味(好好食!!!)搭配埋番薯而唔係薯仔口感層次多到讓你驚喜 我覺得番薯仲感覺上好健康🤗🔸再講講百花大腸（$118）墨魚滑釀入大腸好彈牙 都好濃郁既墨魚感😙🔸蒜蓉炒蕃薯苗襯番大蕃薯哈哈簡單又好食 蒜蓉香氣四溢 蕃薯苗好fresh 炒得好香👍🔸啫啫雞煲雞肉煮到岩岩好 嫩滑多汁 又唔會好辣 不過份量少左D用砂鍋上仲keep到熱啦啦!! 唔驚凍左呀📍陳儀興📍 香港將軍澳至善街9號嘉悅地下2-3號舖

《老夫子特色中菜🤩》———————————————#陳儀興飯店 🏨-早排食咗陳儀興飯店，佢嘅將軍澳分店做緊期間限定 crossover 老夫子嘅主題店，好有心思🥰無論係店鋪外嘅公仔、牆壁上定係餐紙都有勁多老夫子打卡位，仲老夫子嘅特色菜式，非常吸引🥳-🐟 豉魚蓉蓮藕煎肉餅肉餅真係好有驚喜，豉魚蓉充溝咸香，配合蓮藕嘅脆口感，食落去真係非常爽口😙 肉餅煎得啱啱好，外脆內嫩🥰 -🌱 蒜蓉炒番薯苗呢道菜簡單但好味，蒜蓉炒得香噴噴，番薯苗嘅鮮嫩感好好，呢個組合真係好適合配搭其他重口味嘅菜，平衡咗整體味道👅-🐮 蜜椒番薯牛柳粒牛柳粒肉質嫩滑彈牙，蜜椒嘅甜味同牛肉嘅鮮味搭得非常好，咬落去口感豐富～-🧡 糖醋煎麵雙麵黃麵條煎得金黃酥脆，點咗糖或者醋之後後更加美味，酸酸甜甜，每一口都充滿咗驚喜😚-💰 參考價錢豉魚蓉蓮藕煎肉餅：$108蒜蓉炒番薯苗：$88蜜椒番薯牛柳粒：$148糖醋煎麵雙麵黃：$108

陳儀興將軍澳分店期間限定與老夫子crossover，設有多個老夫子打卡位，包括門口的老夫子及大番薯的人形木牌、櫥窗貼紙等。菜式方面，選取了作者愛吃的鹹魚入饌，並以四字成語命名。 一舉兩得 <鹹魚肉絲韭菜花> 鹹魚肉絲與韭菜花銀芽同炒，鹹香惹味，超級下飯。韭菜花銀芽清甜爽脆，合春天時令。 各有千秋 <蜜椒番薯牛柳粒> 平日多見薯仔炒牛柳粒，今次換上番薯，多了一分香甜軟糯，牛柳粒炒得十分香口，啖啖鑊氣。 勢均力敵 <鹹魚蒸馬友> 馬友魚肉質細膩、油脂豐富、少刺，加上鹹魚簡單清蒸，已是無上美味。 韭菜豬紅 韭菜豬紅份量很多，豬紅切成四方形的，一口一啖，不易散開，豬紅爽脆入味，配上同樣入味的韭菜送潮州白粥最佳。

今日同班 friend 嚟到將軍澳嘅陳儀興飯店，聽聞呢度嘅潮州菜好出名，而且最近仲同老夫子 crossover，有好多打卡位同老夫子推介菜式，身為老夫子 fans 嘅我，當然要嚟朝聖一下！ 😎一入到餐廳，就見到好多老夫子嘅裝飾，充滿懷舊氣氛！ 📸 餐廳環境都好闊落，坐得好舒服，啱晒同三五知己嚟吹水、聚餐！ 🗣️我哋試咗幾款老夫子菜式，我哋發現，只要係老夫子餐牌上面嘅菜，嗰度菜上面就會有隻老夫子公仔～都幾可愛😍😍鹹魚蓉蓮藕煎肉餅 ($108)：一共有 8 塊，每一件都大大舊，啖啖肉，而且上到嚟好香鹹魚味！ 😍 如果鍾意食鹹魚嘅朋友，一定會覺得唔錯！蒜蓉炒番薯苗 ($88)：比我哋想像中大盆！份量十足，抵食！🥬仲好香鑊氣味同蒜蓉味😍真係幾個人share都夠晒！蜜椒蕃薯牛柳粒 ($148)：牛柳粒都幾香牛肉味，而且炒得幾濃味，蜜糖味唔會太出，感覺都唔錯～ 青椒紅椒洋蔥沙律菜配搭住，好豐富！ 🌶️最有趣就係用蕃薯代替平時我哋見到嘅薯仔～都幾有新鮮感！奇妙沙拉骨 ($88)：都係好大碟！好多塊豬扒，每塊都鋪滿沙拉醬，一啲都唔吝嗇！ 🐷總括嚟講，陳儀興飯店嘅潮州菜真係好有地道風味，而且價錢都好親民，啱

下午6點打去叫外賣，問句一窩蠔仔粥大約可以分幾碗，個阿姐都開始唔耐煩，未講哂一窩蠔仔粥走青一窩方魚粥正常就cut線。外賣就包到實一實，返到屋企先發現到鹵水拼盤走生腸 就變左走腐，愈做愈衰。

將軍澳🚇嘅「陳儀興飯店」而家同經漫畫《老夫子》做緊特別聯乘企劃🤩，成間餐廳都充滿住老夫子嘅元素，仲有老夫子同大蕃薯嘅公仔擺設😆，充滿懷舊風情，如果你係老夫子粉絲😍，或者中意傳統潮州菜，呢度絕對值得一👏 。呢個百花齊放係百花大腸🤤，佢用大腸釀入魷魚漿，大腸🔥炸得外脆內軟，入面嘅魷魚漿🦑鮮味彈牙，食落幾有層次👍。耐人尋味其實係🐟鹹魚蓉蓮藕煎肉餅，鹹魚蓉同蓮藕嘅配搭好經典，🧂鹹香得嚟又帶啲清新，肉餅🔥煎得香脆，食落味道複雜，🥢真係幾耐人尋味 。各有千秋係蜜椒蕃薯🐂牛柳粒，牛柳粒嫩滑多汁，蜜椒嘅甜味同🍠蕃薯嘅香甜完美結合，每一粒都真係🥰各有千秋。潮州蠔餅👏絕對係呢度必食嘅，蠔餅🔥炸得好鬆脆，蠔仔鮮味十足🦪，配上少少魚露，真係☺️潮州風味滿滿，好正！

Book 7 點5 位，話得返7點半。7點半落到去等到8點，隔離啲walkin 都入哂都仲未有枱。其實full 左咪講，我下次再食，你叫我落到黎等，老人家等到8點都肚餓，都仲未有枱。生意興隆係好事，不過安排可以好少少。

我地俾老夫子吸引左去陳儀興飯店🤩🤩去到門口已經有多個打卡位📸 黃豆在停叫我影相 影左一輪先入到去餐廳🤣入到去都有老夫子打卡牆 同老夫子餐牌我地叫左4款老夫子推介😎🥢耐人尋味— 鹹魚蓉蓮藕煎肉餅呢個香口而且有蓮藕 食落爽脆 👍🏻 仲帶少少咸香添🥢勢均力敵— 鹹魚蒸馬友必點‼️‼️條魚超滑唔腥 仲加埋梅香鹹魚🤩 唔太食魚既我 都超鍾意💕 成條食哂🥢一舉兩得— 鹹魚肉絲韭菜花呢個似小炒皇 有鑊氣 而且肉絲係大大條😋 送飯一流🥢各有千秋— 蜜椒番薯牛柳粒用惹味嘅黑椒炒 用番薯代替薯仔 食落香甜同質感軟綿😆牛柳粒嫩肉入味🙌🏻食小菜點少得飲返杯🍻 黃豆飲陳儀興自家製既竹蔗茅根馬蹄水 佢都話爽😌😌

👦🏻收工同朋友睇完戲，梗係要搵間靚餐廳醫下肚啦。今次就一齊黎左位於將軍澳既陳儀興飯店，餐廳呢期同老夫子攪合作，餐廳好用心佈置哂老夫子裝飾🍴，今次黎到梗係要試下老夫子menu🤣。🌟百花大腸墨魚滑配上大腸再炸，食落墨魚滑相當彈牙好味，炸大腸食落夠哂脆口，兩者結合上黎真係意上不到既配合！🌟蜜椒番薯牛柳粒蜜椒番薯牛柳粒基本上係👦🏻食中式菜必點菜式。鮮甜既蜜椒、番薯，煎香左既牛柳粒，再配上蜜糖煎炒，食落夠哂鑊氣，味道一流！🌟鹹魚蓉蓮藕煎肉餅鹹魚蓉蓮藕煎肉餅用上梅香咸魚打成魚蓉，食落咸香十足，再配上鮮嫩既肉餅和爽脆既蓮藕蓉，成個味道昇華左一個層次，真係好味到夠👦🏻食兩碗飯。

📍陳綺興飯店係我覺得係將軍澳最好食嘅潮州打冷菜，間唔中都會食，今次出咗老夫子主題菜式又幾可愛，門口仲有老夫子蛋捲、芋泥酥同埋醬買。一入去即刻睇吓老夫子系列嘅新菜式，全部菜都用咗四字詞語改名，又真係幾經典有以前細個睇老夫子漫畫嘅感覺！鹹魚蓉蓮藕煎肉餅($108)煎得熱辣辣，勁有鹹魚香味，配埋蓮藕夠爽口，送飯一流。蜜椒番薯牛柳粒($148)一食就諗起大番薯！又係勁適合送飯，以前食開薯仔牛柳粒多，第一次食番薯牛柳粒原來仲夾，甜甜鹹鹹咁好惹味。百花大腸($118)喺屋企人最愛，墨魚滑釀入大腸，食落夠脆口唔會好肥。另外叫咗個韭菜豬紅($70)勁大碗，豬紅份量足足佔七成又夠滑。

今日又去陳儀興食潮州打冷，呢間舖頭係將軍澳，好方便。知道最近推出左啲老夫子系列新菜式，即刻黎試下，因為呢個系列得將軍澳分店先有一到餐廳已經見到餐廳環境佈置得好好，好多老夫子嘅打卡位，我同老公都即刻影左好多相，細個真係好鍾意睇老夫子漫畫❤️❤️我地叫左幾個老夫子系列嘅菜式試下1️⃣滷水鵝肝鵝肝質地細嫩，口感粉綿，入口即化，鵝肝浸滿咗滷水汁之後，好食到令人停唔到口，我同老公兩個人清晒2️⃣鹹魚蒸馬友呢個鹹魚蒸馬友非常出色，馬友肉質細嫩，非常之滑，加埋鹹魚嘅咸香，有畫龍點睛效果，兩個都咁出色，真係不相伯仲3️⃣蒜蓉炒蕃薯苗為左配合做老夫子主題，即刻有個蕃薯苗襯返大番薯，蕃薯苗炒得非常有鑊氣，條條蕃薯苗都好嫩滑，食咁多肉梗係要食個菜清吓😎4️⃣滷水鵝片呢個滷水鵝片次次嚟陳儀興我都會叫，鍾意佢啖啖肉，滷水嘅汁唔會太鹹，鵝片好柔軟，肉質唔會韌，撈埋芽菜一齊食好好味😋消費價錢：2人💰706，人均💰353結論：（10分為滿分）味道：7.5/10性價比：7.5/10回頭指數：7.5/10餐廳名稱：陳儀興飯店餐廳地址：將軍澳至善街9號嘉悅地下2-3號舖#老夫子 #大番薯 #漫畫 #三五知己 #吹水 #地道風味 #飲飲食食 #

今期將軍澳的陳儀興又搞搞新意思：跟老夫CROSS OVER。  XX日報報導＜期間限定＞，所以要試試。  無奈假日晚市時常常客滿，即使平日光顧，也幾乎滿座。不過平日光顧，可以坐鬆D，可以慢慢食，無需限時用餐，不用CHUR。就座洗過杯盤碗筷後，點了几款老夫子系列的小菜。以前老夫子四格漫畫四字成語及卡其色草紙內頁，是小時候的回憶呀！如今餐墊是四格漫畫設計，小菜亦以四字詞冠名。耐人尋味 鹹魚蓉蓮藕煎肉餅 含綺your炳，一碟有八件。嗅覺：豬肉香，還有淡淡的＜含綺＞香。手感：筷子夾取，很墜手。煎過後，外層較香脆，以匙羹分切，要比少少手力。視覺：外層金黃，內層色澤較淡，以蓮藕的灰粉色為主，豬肉底色不明顯。拆開，有細碎的蓮藕粒粒，芹菜粒，豬肉，蝦米？口感：蓮藕粒脆口，豬肉起膠彈牙，但有未斷開的筋膜。估計是人手剁肉餅，非碎肉機。味道：因鹹魚的存在，單食會覺得鹹度高。但可沾喼汁，以喼汁的酸來中和肉餅的鹹。白粥 潮州粥，粒粒分明，可以用筷子夾起享用的粥。 肉餅有鹹魚，捏碎放在白粥裡，撈粥一流。一舉兩得 鹹魚肉絲韮菜花 類似小炒皇，韮菜芽菜肉絲，不過加入＜含綺碎＞，就多了鹹香。爽口帶甜的韮菜有重要的