阿貓地攤

營業中

休息中

同朋友喺銅鑼灣，佢想去貓cafe，Openrice話同區有2間，1間規模較大，但佢已經去過，於是㨂咗呢度。Cafe喺唐樓，唔難搵。我哋喺正月十五前過嚟，當時過咗新年的公眾假期，唔知係因為平日定係始終新正頭，店員話暫未提供餐牌上的正餐，不過可以點飲品、甜品。同朋友傾計時，俾店員聽到我哋開口埋口「貓cafe」，佢就主動同我哋解釋，話嚴格嚟講，cafe只係普通咖啡店，而因為餐廳會收留有待領養的貓咪，所以令人有貓cafe的錯覺。的確，呢度同一般貓cafe唔同，入門口後冇閘、冇欄，唔使除鞋、噴手，亦唔需要席地而坐，而且貓貓自由度高，要去邊就去邊，隨處攀爬都仲得。我哋3個人，點咗3杯咖啡：latte、Americano同rose latte，每杯$40+，收費同一般cafe相若。latte：我的飲品；細杯，~180-200ml；味道唔係突別突出；食具配合店名，咖啡杯有貓貓設計，雖然唔算好別緻，但望住會覺得可愛、有趣。朋友就點咗Americano同rose latte，同樣都係由有貓貓特色的咖啡杯奉上。整體嚟講，cafe地方大、闊落，有窗；店內總共有10隻貓貓，佢哋有啲訓覺，有啲走嚟走去，有啲就唔見

小朋友慶祝生日嘅好去處🥳既有貓貓歡迎你，仲要有下午茶兒童set其實兩個兒童set都夠一大一細食因為小朋友生日，所以諗住叫個窩夫再寫Happy birthday同埋名，店員好貼心，知道我哋會太飽食唔到，所以幫我哋取消咗個窩夫，佢哋用雪糕甜品嚟寫Happy birthday同埋小朋友個名兩個set分別有貓貓形狀嘅飯，撈埋啲汁食都幾唔錯，另外一個set係白汁意粉，仲有薯條、蔬菜同埋雞翼，每一個set仲送多個小食，其中一個小食叫咗洋蔥圈，另一個叫咗紫菜粉炸魷魚鬚，我覺得小食都非常出色，呢度嘅嘢飲都啱大人同細路，小朋友可以飲朱古力曲奇奶昔，大人可以飲咖啡，但係因為兒童餐包咗橙汁，所以我就飲咗兩杯橙汁，所以今日呀貓地攤生日之旅，非常滿足，小朋友都好開心，仲要有好多貓貓都好親民，當日嘅時間冇乜人，就好似包場咁，淨係得我哋一張枱，我估係因為時段嘅問題同埋係閑日，同小朋友慶祝生日，我覺得依度好適合🥳

今次帶埋兩歲小朋友去，地方整潔，貓貓好親人，店員亦好友善，主動教小朋友點同貓貓玩，又俾零食餵貓貓。最低消費$88，叫1食物+1飲品，點了青醬意粉，店員語話我地知青醬是自家制，新鮮用菠菜打，唔濃味，難怪小朋友食得好開心。另外仲叫左照燒雞扒貓飯同貓pizza, 用左黑芝麻醬畫貓貓上去，小朋友好鍾意，食物質素高質，唔會太濃味，可以比小朋友一齊食💪🏻💪🏻好悠閒咁渡過左兩小時，希望多d知道呢個好地方。

環境舒適，地方清潔！ 食物種類也算多，全日早餐意粉小食飲品也有很多選擇！適合小朋友及大人放完電過來差一叉電！ 貓咪的數量也很多，超過10隻！大部份也10分友善可以近距離接觸，亦都會主動過嚟同你玩！小朋友及鍾意貓的朋友一定喜歡！ 想小休1小時和貓貓接觸也是十分推介，午餐及下午茶加多一份食物就有兩小時也十分化算！

自費‼️喺香港有好多好有特色嘅主題餐廳，今次我去嘅就係以貓為主題嘅阿貓地攤。阿貓地攤位於銅鑼灣富明街，喺銅鑼灣地鐵站F1出口行三分鐘就到，位置非常方便！咖啡店喺一棟舊式大廈裡，座位大約有十張枱，窗邊透光令整個空間顯得闊落，坐窗邊嘅人仲可以睇到風景🤤呢度係自助形式，木櫃上擺放咗餐具、紙飲管、膠碗碟同埋紙巾，想用嘅話就自己出去拎✅套餐包餐湯、主菜，$48以下嘅飲品，最平都要$128，價錢偏貴。餐牌上仲有一啲小食，相對之下就比較便宜😌自家製肉醬意粉，份量小，每人只有兩三啖，雖然醬汁濃郁，味道唔錯，但真係唔值呢個價錢🙂‍↔️和風牛肉貓飯對我嚟講賣相唔太好，因為中間挖個洞放咖哩汁覺得幾奇怪。唯一特別嘅係旁邊兩隻雞脾，原來係素雞髀，用腐竹包住雪條棒卷成雞脾外形，第一次見到用素雞髀做配菜，幾有新鮮感～整體來講，雖然有啲嘢唔係好合心意，但有貓貓治愈我就夠🤣

星期五，本身是一個愉快的日子。帶咗一個想溝好耐嘅女仔想去食嘢，諗住有啲貓可以玩吓，點知啲嘢食難食到嘔個女仔同我投訴咗好耐。我哋嗌咗個薄餅、咖喱豬扒飯、仲有pizza 啲咖哩汁好似生粉+水，又冇味道，懷疑連咖喱粉都懶得落🤯個飯好似未煮熟，硬到黐牙。杯嘢飲仲衰，同溶咗嘅冰冇分別只係加左糖嘅水咁樣。Pizza 似樓下$15嘅麵包。全部嘢食整體味道都偏淡。真心建議換一換個廚師，如果唔係我驚間餐廳好快會執笠，然後啲貓都冇地方去。

本身好鍾意貓，但係屋企唔俾養，每日上嚟玩好開心，貓貓好得意，嘢食好食地方環境好好，可以同好多朋友仔一齊上嚟玩，本身我自己喺銅鑼灣返工， lunch time可以陪啲貓貓玩，啲嘢食好好味，如果屋企唔俾養貓又想養貓，可以上去體驗一下🐱

今日同朋友隨意行街，肚子餓了就隨機揀了間餐廳進去。一入去氣氛就覺得幾好，裝修樸實舒適，背景音樂又輕柔，最特別係可以一邊食東西一邊撫摸到店裡的貓咪🐾。我哋點了幾樣食物來試試，老實說，每一樣都幾出色。先係黑松露意粉，真係味道突出，黑松露味濃郁得嚟又唔會太over，意粉煮得啱啱好，唔會太腍或者太硬，每一啖咬落去都覺得好滿足。再講講咖喱吉列豬扒飯，吉列豬扒外脆內嫩，而家諗起都仲流口水🤤，咖喱醬汁同飯的配合度亦非常高，唔會太辣，但夠香，好合我口味。飲品和甜品方面，我點了一杯花茶，朋友點了朱古力，兩樣都好味，尤其係朱古力，濃郁又唔會太甜，末了點了個心太軟，外層微脆，裏頭的朱古力醬溫暖流心，令人無法抗拒。坐係窗邊，可以邊食邊看街景，閒適自在。店裡的貓咪又乾淨又親人，有幾隻過嚟搵我哋玩，加分唔少。最正係員工服務態度親切，見到我哋對貓咪有興趣，仲主動過嚟同我哋分享吓貓咪的小故事。呢次食飯體驗真係舒心，餐廳唔單止食物質素高，連埋環境同服務都一流，下次一定會再嚟！

第一次去銅鑼灣既貓cafe～～唔熟路既我都搵左一陣.. 下午3點幾去到得我一枱客一推門有隻黑貓即刻望住門口，好醒目店內裝修相對其他貓cafe簡樸。但係全部貓貓啲毛都好滑，打理得好好..場內有兩隻黑貓，我地分唔到邊隻打邊隻；職員都好有心機話我地知～亦有介紹其他貓貓既性格！！ 啲野食一上枱已經知道不妙了！！🔸咖喱豬扒飯🌟🌟個汁既顏色已經唔係咖喱！！食落勁淡🫣⋯⋯不推薦🔸熱朱古力棉花糖🌟🌟杯野飲黎到完全唔熱，然後棉花糖好硬..（隻杯好靚）甜品就不過不失..

I, myself am a huge cat lover so when I heard there was a cat cafe nearby my house, I flipped out. I asked my dad to go with me and he agreed. I was the first to arrive when I went since I arrived at 12 o’clock. The environment was so clean and neat. I ordered an Oreo milkshake (D19) and the Club sandwich (M8) while my dad ordered a set, Rice with pork cutlet in curry (M3) and a Coffee soda w/ chocolate ice cream (D27).The food itself was delicious, the fries contained black pepper which made it

18/11/2023 lunch平時真係好少寫食評的, 今次都想為呢間貓貓CAFÉ寫一寫。因為宜家呢類咁有HEART的貓貓CAFÉ真係好少, 同老細傾開計, 估唔到宜家重難做過COVID的時候。我希望可以盡一點綿力，支持下呢間貓貓CAFÉ啦。由於屋企不便養貓貓狗狗的原故，囡兒又好喜愛貓狗， 所以我哋經常四圍去試唔到的貓貓CAFÉ (狗狗CAFÉ真係太少), 我估計應該全港八成以上的貓貓CAFE我哋都去過晒。今次我同兩位囡兒一齊去，我哋嚟過呢間CAFÉ不止一次，今次係第三次了, 可惜佢地點喺銅鑼灣，對我住荃灣嚟講確係有啲遠，否則我哋應該會經常嚟。我哋特別喜歡嚟呢度的原因係，呢度有嘢食，重要啲嘢食好有HEART去整, 好多食品都有貓喵的樣，岩晒我呢個鐘意打卡的阿媽，兼兩囡可以同貓貓玩，又可以有貓貓陪食，咁就可以合晒媽咪阿囡的要求啦。(一般其他貓貓CAFÉ無食物供應，就算有都係飲品或輕食，什至只幫你叫外賣。完全無興趣打卡。)呢度重有樣嘢唔同其他貓CAFÉ，就係佢沒有貓零食可以賣的，可能店主唔想啲貓食零食食飽晒唔食正餐，或食得太多零食，影響貓咪們的健康。但因我囡兒想餵餵貓咪，老細都好好人地取出

咁多年冇去 今日再上去 環境都仲係幽靜 貓咪真係好可愛 🥰 同朋友叫左飲品同三文治 味道都可以👍🏻吹水坐下就已經一個鐘 時間過得好快絕對係假日放鬆休閒好去處下次會再去的！

環境差 霉霉爛爛 嘢食勁難食 叫咗照燒雞飯 貓飯上面係甜嘅 好難食七點到 留咗大概半個鐘 佢哋就開始清潔到八點就熄晒全部冷氣 但係佢哋Official時間係九點收同操着大陸口音嘅小朋友細細聲講:得㗎喇佢就走㗎喇 根本就係要趕人走 環境好差 貓唔痴人啲咁嘅地方 好彩唔係太多貓。。。一百幾蚊換啲咁嘅體驗講真一次都嫌多

因為小朋友好鍾意貓貓，屋企冇養嘅關係。所以帶咗小朋友去呢到食午餐同玩貓貓，玩下貓貓、食下午餐，就消磨了一個多小時。餐廳設最低消費為每位一杯飲品及一款小食/甜品。由於我哋係午餐，所以我哋都點主食為主~仲有精美兒童餐(供10歲以下)。餐廳入面有幾隻貓貓，四圍遊走，客人可以同貓貓玩~小朋友見到貓貓都非常開心~可以摸貓，同埋餵貓貓食貓零食。餐廳除咗有貓貓，仲有一啲小玩具。食物方面，我覺得唔錯! 幾好食，而且好有心思。部份都係以貓貓為主題，貓奴們都會超鍾意!!^ 貓Pizza，(貓貓五觀係芝麻醬味道，配襯上有少少奇怪) 但整體好食。^ 黑松露煙肉磨菇意粉^ 棉花朱古力^ 朱古力雪貓[ 餐牌]

同朋友第二次黎，呢到環境舒服 空間大，貓貓都有好多地方活動同休息，今日假期都多一家大細黎食野同玩貓貓我地食素，開心餐廳都有素食餐單選擇。叫左咖哩飯啲飯係貓造型黎嫁，加分😄老闆同員工都對貓貓好好，又會提供貓零食比客人，等我地可以體驗下同貓互動。👍🏻呢到貓貓好乖，會比人摸，仲唔怕羞會坐上你到😍值得再黎嫁，黎探貓貓，黎休閑時間係唔錯既選擇👍🏻👍🏻👍🏻