阿芳上海餛飩

營業中

休息中

今日下午嚟到佐敦道附近，想食個午餐，咁呀周圍行啦，淨係呢條白加士街都好多食店，見到呢一間《阿芳上海餛飩》，想起上次食過都幾好味，一於入去再幫襯佢啦。睇下個餐牌有乜嘢食，今次揀咗呢一個套餐，玉豆豬肉餛飩10隻，配咗”蒜泥白肉”。首先嚟咗嗰個蒜泥白肉，肉質都幾好，醬汁有啲偏甜，可能係上海人的口味係甜啲嘅，不過我接受到這個甜度，所以感覺都良好。跟住個餃子又嚟啦，即刻試下個湯先，好味夠香，飲咗幾啖，跟住食咗幾隻餃子先，皮薄餡靚，食得開心，想起尖沙咀北京餃子，皮比較厚但系都好好味，不過聽聞正宗北京餃子皮係應該比較厚的，所以上海餃子是不是薄還是厚我都不清楚，可能香港人口味係鍾意食皮薄嘅餃子，我哋香港人食得開心就是好的，跟住又試下佢哋啲辣椒醬配餃子，都幾好。見隔離檯有一個女士食五香燻魚，食得都好似幾開心咁，搵下次我有機會都要嚟食下啦。

今日一早要去到尖沙咀照MRI😳早餐食左好小野 又好早食wor /_\照完鬼死咁肚餓 要拿拿聲搵野食雖然禽日都食左豬肉餃，但身為餃子控既我，點會嫌多！所以決定繼續食😍接近lunch time 開始多人，每張台都有放膠板👍🏻餐牌上仲有d套餐可供選擇不過今次我叫左大既 (10隻) 淨白菜餛飩都係 $48，好抵食 🙆🏻‍♀️🙆🏻‍♀️一上枱，急不及待要飲啖湯先😋好鮮甜，加上蔥花既香，最尾我飲左大半碗！ 而餛飩粒粒都「皮薄餡靚」，白菜打到好碎，舊肉又脹卜卜🥰🥰開心好抵食！ 下次要試拒d套餐先🤤🤤

呢日約咗朋友放工喺佐敦交收，見面之後傾咗一輪，眨吓眼就七點幾，當時晚市仍未恢復，只能叫外賣，附近幾條街都多食肆，諗住試吓啲未幫襯過嘅餐廳～作為一個餃子愛好者，《阿芳上海餛飩》即時吸引咗我！望吓佢嘅menu，見到有薺菜餡，薺菜餡唔係間間餃子店都有，我又鍾意薺菜，所以即揀”薺菜豬肉餛飩”朋友好韭菜，“韭菜豬肉餃子”當然冇走🐓啦～Order 餛飩/餃子可以以優惠價配小食，我哋配咗”蒜泥白肉” 同 “五香牛𦟌”湯同餃子分開pack，湯底係清湯加咗櫻花蝦同朋友交換咗2隻餃子試吓大家都覺得餛飩皮同餃子皮嘅分別唔大兩款皮都薄滑、兩款餡料調味適中，個人覺得薺菜豬肉較出色豬肉餡料用免治豬肉，碎肉相當幼細，略欠口感嚼勁 至於小食呢～～白肉同牛𦟌都腍滑朋友對蒜泥白肉有相當高嘅要求，佢嫌蒜泥唔夠‘泥’，同埋個汁偏甜牛𦟌筋肉比例👍🏻，但醬汁同樣偏甜如果嚟開佐敦，又想食餡料幼細嘅餛飩/餃子，《阿芳上海餛飩》係一個唔錯嘅選擇！

喺佐敦行行吓，見到有一間間 餃子🥟 就去試吓啦⋯⋯見到個餃子皮好薄- 咬落彈牙餡料好豐富，兩啖一個餃子🥟上海麵- 食落 彈牙，唔係煮咗好耐，或者浸到林晒，明顯係即叫即煮 見到有正常餐，同輕食餐，輕食餐可以有兩個餸，上海麵份量都小D食落澱粉質都小D，所以食完唔使太飽，幾好兩個餸（4件餃子）大概要$55 ，睇你第二個餸係乜嘢一個餸（6件餃子）$44環境都坐得舒適，不過同朋友詳談就未必適合。適合速食，食物質素好，會再有下次

今日路過白加士街無咩心水，經過呢間阿芳餛飩見到有位，既然有緣，一試無妨。位置闊落整齊仲有貓點長陪你一齊食lunch，但呢位店長似乎鍾意做客人多啲，一直佔著位置要熱情招待嚇人。“喂！快啲開工唔好偷懶啦”“做咪做lo -0-”返嚟正題餛飩呀，夠大隻味道亦唔錯。神奇嘅係佢可以俾你配年糕。我另外加咗個蒜泥白肉，如果你對蒜泥白肉嘅印象，係譚仔嘅蒜泥白肉，咁呢個蒜泥白肉絕對會與你想像之中有強烈出入，佢係偏甜同無咁蒜。

粟米豬肉餃子麵($42)。湯底清甜，有配送櫻花蝦+蔥。餐牌冇寫湯底有蝦，我對蝦敏感唯有自己夾走咗啲蝦。餃子味道一般，豬肉味有少少騷。糖醋排骨(加配$18)。口味偏甜，口感軟糯。有啲肥但係好入味。下次可以直接試糖醋排骨麵。飲品係配送嘅大麥茶。夏天飲解渴降溫又減肥，口味甘甜。我一向鍾意食上海年糕，但係餐廳質素參差，有啲會好厚，麵粉味重又脹胃，有時仲熟唔透。我試咗少少朋友叫嘅湯年糕，佢係我食過最薄嘅上海年糕，軟軟滑滑又吸晒湯味。我唔知正宗上海年糕應該有幾厚，不過呢種就好啱我口味

新鮮好味自家製水餃，多種口味選擇，真材實料。次次落去都好驚冇位，次次有位都好開心。水餃皮又薄又滑，湯底清得來夠香，味道適中。煎餃湯餃都好味。小吃方面，醉轉灣同、烤夫同都係我嘅心水。

今日夏至說要吃麵？於是昨天才吃過台灣牛肉面的我今天吃上海麵😂想起推友推薦過的這家阿芳上海餛飩也有麵，就決定是你了～一點半左右到都滿座需要在門口等位，不過翻台很快也就只等了幾分鐘的樣子。揀了最愛的薺菜餛飩配湯麵，又加了一份洋蔥豬肉煎餃，又一餐碳水的盛宴🤣餛飩麵上來就是好吃的樣子😍蔥花蝦皮好熟悉！看到有食評說一定要先嚐嚐湯，我趕緊趁熱喝一口——是上海的味道呀！淡淡的醬油湯底配上蔥花和蝦皮香，親切得眼淚掉下來😭餛飩不算很大顆，皮很薄，咬下去有濃濃的薺菜香，感覺菜稍多過肉所以很清爽不油膩，肉也肥瘦適中，如果再大顆一點，皮再厚少少韌少少就更像地道的上海餛飩了😋麵也還不錯不過比起餛飩來就沒有很特別？果然還是主打餛飩的店啊🤣麵條煮得恰到好處，保留了口感不會軟趴趴，不過本身也是淡味的湯底就顯得麵更加沒什麼味道了⋯⋯😂煎餃選了比較特色的洋蔥豬肉，個頭中等不算大顆，吃起來有洋蔥的鮮甜，跟豬肉也很搭，不過餡比較容易散，而且稍微～有一點點油，我蘸了醋就好很多😋薺菜豬肉餛飩湯麵 7.5/9洋蔥豬肉煎餃 7.0.9OVERALL 7.5/9兩個店員姊姊忙到飛起不過都好nice☺️

見到網上評價唔錯，所以放工黎左試下。▫️白菜餃子年糕套餐（$53）▫️淨韮菜餃子套餐（$57）▫️ 醉轉灣（$22）白菜餃子皮好薄，啖啖肉，而且肉質鮮甜，年糕好軟滑，湯底灑上蝦皮同蔥粒，唔會好濃味，清淡得黎但又夠香😍韮菜餃無令我失望，韮菜同豬肉份量岩岩好，韮菜新鮮、爽脆，不過韮菜味會比一般韮菜餃濃，非愛好者要注意🥰三份小食：蒜泥白肉、醉轉灣（姐係醉雞翼）同埋手拍青瓜，各有特色。下次仲想試埋佢其他小食😛成碗野好有屋企媽媽住比我食既感覺，唔會有味精味！十分欣賞！

今天早点吃晚饭，由于肚子不太饿，不想吃米饭，选择了汤面。他们宣称馄饨是天天新鲜制作，味道和质量都有保障，理应也不会太差。店外有菜单，主要以上海馄饨为主，再加点其他沪式小吃，价钱跟一般云吞面店差不多。店内环境还算干净，由于客人不多，点了的东西很快就端上枱了。套餐可以加一个小吃，选了蒜泥白肉，餐单说是用镇江陈醋。不知是不是加了糖，入口带点甜味，跟以前吃的味道不一样。玉豆猪肉馅是其中一个推介，今次要了年糕。馄饨的味道不错，皮不会太厚，猪肉和青豆拌匀带有鲜味，放在汤内很好吃。这里东西不错，值得一试。

睇食評見話呢間嘅上海餛飩同餃子都係自己包，一嚟自己未食過又好評如潮，所以要去試吓佢哋嘅餐配得好好，餃子可以配年糕/麵，又可淨餛飩/餃子，一目了然，容易揀到自己食量嘅配搭我指住餐牌問店員「薺菜」係咩菜嚟㗎，未見過又唔識讀😅，店員話薺菜（音「齊」）係上海獨有嘅菜，哦原來係咁，就試吓呢個加五香燻魚原來餛飩內嘅薺菜切到細細粒咁，餛飩皮薄配埋多蔥蝦皮湯好好味其實我好怕鯹㗎🤫但係唔知那來嘅勇氣會叫魚食🤣🤣🤣第一次食燻魚，原來口感煙煙韌韌，好似食緊豆豉鯪魚咁，不過呢個乾身啲同埋個汁係甜甜哋嘅好好味

經過阿芳餛飩，今日不用排隊點了一個栗米豬肉餃子（6⃣️隻）配年糕，優惠價配小食蒜泥白肉套餐價：$53😍堂食附送一杯大麥茶餃子算大粒，粟米🌽甜味不會蓋過豬肉的味👍🏻肉質不「鞋」，湯底雖然我覺得少少🤏鹹，但不影響年糕及餃子的味道。蒜泥白肉不算大碟，但起碼有8-10片，比起譚仔，豬肉切得薄，片片大小差不多，蒜蓉味不太重，食完唔會口臭😂

好好食既餃子同雲吞，每日親手新鮮包，唔同口味，落十足料，個皮又簿，價錢親民之餘，仲有其它特色小食。服務友善，次次我都食六隻。係香港都唔知邊道可以食到禁抵食又好味既餃子同雲吞。

阿芳的餛飩皮同餃子皮都好薄好滑; 特別推介玉豆餛飩同洋蔥煎餃, 前者有玉豆的香味 入面的餡不會過實 菜同肉的比例正常 肉不會太多, 餛飩的湯底是醬油類型 上面有少少蔥粒同櫻花蝦皮, 而洋蔥煎餃用了紅洋蔥 洋蔥味道更加香濃 入面有少少肉汁 餃子皮都夠脆口薺菜餛飩的味道都唔錯,但薺菜的味道唔係個個都接受到; 有樣比較奇怪的係薺菜餛飩裡面的豬肉比玉豆餛飩的豬肉嚡口 照計煮餛飩的時間差唔多 無理由薺菜餛飩的豬肉會嚡口d但小食類就比較一般, 蒜泥白肉的肉偏硬 佐汁係用醋 同出面食開的醬油不一樣; 五香牛𦟌的汁就偏甜 肉都是偏硬

是日剛好路過佐敦覓食唔想同人地迫特登搵間少人啲ge餐廳入去坐咁岩見到呢間主打食上海餛飩同餃子既餐廳就入去挑下機我地叫咗個menu 推介ge 洋蔥豬肉餃子併年糕 ($42) 同埋薺菜豬肉餛飩湯麪配拍青瓜 ($53)留意返, 呢間舖堂食係唔支持雙拼, 所以自己一個食就淨係每次可以試一款餃子同餛飩上台時既兩碗賣相差唔多唔重覆po 相喇雖然一個叫餛飩一個叫餃子, 但其實個皮好似無乜分別湯底方面用咗櫻花蝦落去襯, 清清地, 算係幾好味餡料方面洋蔥豬肉暫時未係出面見過, 雖然造法對我黎講算新不過食落就真係平平無奇. 薺菜豬肉亦都係一樣, 家常的味道. 但唔會話超級好味個人反而鍾意佢ge 麪條, 爽口得嚟有啲彈牙造工唔似一般ge上海麪咁粗糙, 比較幼細, 好易入口至於個湯年糕就普普通通啦, 有得揀佢個湯麪會較為出色個小食拍青瓜都做得好食夠好爽口, 味道恰到好處唔會覺得太辣/ 太鹹值得推介堂食一般都會送一杯大麥茶, 茶味夠濃ge , 不過如果飲晒想添飲就要另外比錢喇不過你問我其實如果成本唔貴, 可以比啲客人添飲1-2 杯會比較吸引啲好似普通餐廳咁, 一般都可以refill