阿翁海鮮火鍋料理

暑假最後幾天，終於約齊幾位媽媽朋友，扔下老公同孩子，半夜溜去油麻地打邊爐。揀了間連鎖店，貪其夠開到夜，又就腳。一坐低，先點啤酒同滷水鵝翼——鵝翼滷得入味，肉質鬆化。鎮店水餃皇果然名不虛傳，皮薄餡足，咬開爆出濃郁蝦汁；韮菜餃香氣突出，韮菜新鮮翠綠。最驚喜係田雞，即劏上枱，肉質仲識微微跳動，淥熟後鮮甜彈牙。啤酒冰涼，碰杯時忍不住講埋呢個暑假嘅瑣碎事：邊個仔女升中適應不良，邊個仔女偷偷談戀愛，邊個仲未追完暑期作業。熱氣蒸騰中，彷彿所有壓力都隨住鍋中白煙飄散。宵夜就係咁，食嘅係味道，也是喘一口氣嘅空間。臨走時約定，下次測驗完再來——畢竟媽媽們，也需要自己的補給站。…Read More

半夜同男朋友瞓唔著，踢住拖鞋直衝上海街呢間阿翁火鍋店！侍應仲認得我哋，一入門口就帶位笑住講：「照舊胡椒豬肚湯底吖嘛？」夠晒窩心！即開兩支冰啤，未打邊爐先爽一半～ 胡椒豬肚湯底：濃湯滾住上枱，豬肚爽脆冇異味，胡椒辛香暖胃手切肥牛：油花靚到透光，涮8秒嫩滑帶嚼勁，牛味濃得有理 人手包雙餃皇： 　✨水餃皇：原隻鮮蝦+豬肉餡爆滿，皮薄唔穿底； 　✨韭菜餃：韭菜清香撲鼻，肉汁鎖得穩！ 紋甲魷魚刺身：驚喜彈牙，蘸wasabi豉油，鮮甜！💑宵夜拍拖 同男友邊涮邊傾，啤酒乾完再叫，由八卦講到人生計劃，坐足三粒鐘都冇壓力。…Read More

一行七人前往火鍋打邊爐，發現旺角上海街阿翁火鍋9:30pm後有八折，到了9:30pm入座，入座時搵個部長問吓是否除海鮮食刺身，全單八折，他說”係”，叫餸一齊開開心心打邊爐，埋單時就發現八折後只得兩百零蚊discount, 成張單$3000為什麼八折只有兩百零蚊，然後跟職員研究就說明牛肉或主食不包括八折之內， 咁門口張廣告就應該寫明係”優惠不包括海鮮及刺身, 牛肉及主食”。 我都是一個精明的香港消費者，入門口時亦都有問清楚，但是他們不是說事實之全部，大家食嘢小心啲啦。附上佢門口張廣告，大大幅牛肉相， 上了寶貴的一課。…Read More

一聽到阿翁，就唸起佢嘅肥牛，正啊。記得要揀脊位，$328，大大碟，抵啊。每片都係手切，夠厚，淥完入口即溶。除左肥牛，佢D海鮮都好得。👍🏻仲有佢D水餃，真材實料大大粒。👍🏻粉腸鵝腸亦都洗得好乾淨。👍🏻…Read More

「SEAFOOD LOVES SAKE」活動今年第4年喇！約有40間粵菜餐廳合作，提供日本清酒+廣東海鮮菜式嘅配搭。仲邀請咗10間不同種類的餐廳展參與活動，提供日本清酒與不同菜餚嘅配搭。嚟旺角阿翁 除咗打邊爐飲Sake, 當然唔少得配埋送酒嘅小食✨酥炸魷魚鬚 即叫即炸好酥脆，配sake真係好正，炸粉唔會太厚，魷魚夠鮮味又唔會靭👍🏻✨翔雲純米大呤釀堪稱最下酒的海鮮小菜。配酒沉穩醇厚與洗練高雅，香氣在冰鎮後更濃郁最適合風味濃厚的鹽味料理。…Read More