561
10
25
港鐵油麻地站 A2 出口, 步行約4分鐘
繼續閱讀
附加資料
用餐時間入座計2.5小時, 完結前45分鐘最後加單
營業時間
星期一至日
17:00 - 00:00
以上資料只供參考, 請與餐廳確認詳情
今日去左油麻地一間超高質嘅雞煲火鍋放題，$398任食兩個半鐘，河鮮海鮮雞煲樣樣齊，任食得來每一樣嘢都好高質，超級推介。首先一嚟有一壺嘅湯，輕輕加熱就可以飲超清甜。飲完湯就食個雞煲，有泰式酸辣、四川麻辣、韓式芝士三個味可以揀，我哋叫咗韓式芝士雞煲，超多芝士拉絲，香濃嫩滑食落去又唔會覺得好膩。食完雞煲唔係直接用雞煲個湯底嚟打邊爐，會用一個更加match打邊爐嘅湯底，我哋叫咗藥膳湯底，又好大陣嘅當歸味，食材煮完已經好好味，基本上唔使點醬。每位都有一份霸王海鮮拼盤，包括越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹、新鮮鮑魚。淨係呢個海鮮拼盤已經值回票價，呢啲海鮮勁新鮮，隻鮑魚係新鮮到識郁嘅，仲有隻龍蝦勁多膏，真係新鮮到黐線。除此之外，而家讚好餐廳嘅社交平台，另外送一份刺身。食完咁豐富嘅雞煲同埋海鮮，之後仲有任食嘅火鍋，而且任食嘅食材有海鮮河鮮肉類，應有盡有，連頭先新鮮到識郁嘅鮑魚都係任叫，龍躉片、海蟹、珍珠蠔呢啲靚海鮮全部都係任叫。除咗海鮮，呢度嘅響鈴都好特別係包咗紫菜嘅響鈴。就連腐竹都好好食，係勁香豆味超香濃。另外我哋叫咗蝦滑都係勁新鮮，食落勁鮮甜。仲有丸類同埋餃子都好高質，都係勁新鮮同埋好多肉汁。呢度真係每一樣嘅食物都係高質到黐線，餐廳由挑選食材去到整出嚟嘅製成品全部都好認真，呢餐係我2024年食過最高質嘅一餐，大推。
繼續閱讀
#MC帶你去旺角.最近天氣嚴寒，依啲天氣最啱打邊爐啦🤤！今次依間放題火鍋店，淨係無限量任食海鮮，已經值回票價‼️.✨ 阿爺八鮮鍋主打2.5小時海鮮火鍋放題，雞煲、新鮮刺身拼盤、活海鮮拼盤👍🏻，最後仲可以Encore任點生猛海鮮、火鍋配料，CP值極高‼️.🥢 時令燉湯開餐前，會送上一壺用茶壺盛載嘅燉湯🍵，有小火爐一路熱住燉湯♨️，飲得熱笠笠之外，仲好清甜完全無味精😋。.🥢 雞煲有三款雞煲口味，包括泰式酸辣、韓式芝士、四川麻辣。雞件大小適中，仲有大量配菜︰薑蒜、紫洋蔥、芫荽，吸曬啲雞煲啲汁，惹味到爆😝！雞煲份量唔算多，食完唔會好飽☺️。如果份量唔夠，可以再Encore再食都得，好貼心🫶🏻！.🥢 新鮮刺身拼盤刺身一啲雪味都無，非常新鮮‼️✅ 希靈魚 ✅ 北寄貝✅ 象拔蚌 ✅ 牡丹蝦✅ 蟹腳 ✅ 海蜇.🥢 特色湯底有三款口味，藥膳、海鮮、麻辣，任君選擇。.🥢 霸王海鮮盤（活海鮮拼盤）店鋪設有海鮮缸🐠，所有海鮮即點即撈即割，所以非常新鮮‼️上枱時，仲見到蝦腳、鮑魚仍然好活躍，證明十分新鮮😍，完全是活海鮮‼️食落極為軟嫩、鮮美彈牙。虎蝦、奄仔蟹超多膏💦，龍蝦肉質結實彈牙👍🏻！✅ 越南大虎蝦 ✅ 澳洲大龍蝦✅ 蘇格蘭蟶子 ✅ 蘇格蘭大元貝✅ 臺山奄仔蟹 ✅ 新鮮鮑魚.🥢 任點生猛海鮮、新鮮河鮮任點海鮮、河鮮嘅種類都幾多，一啲都唔吝嗇😝。✅ 游水鮑魚 ✅ 龍躉片 ✅ 蟶子✅ 龍躉頭腩 ✅ 珍珠蠔 ✅ 海蟹 ✅ 海蝦 ✅ 大蜆✅ 桂花魚 ✅ 鱸魚 ✅ 鯇腩✅ 羅非魚 ✅ 黃骨魚 ✅ 鯇片 ✅ 大魚頭 ✅ 白鱔片 ✅ 魚標.🥢 火鍋配料牛、豬、雞肉、自家製餃類、自家製蝦滑、自家製墨魚滑等等配料超過4️⃣0️⃣款，仲可以點半份或者全份。其中比較少見啲肉類部位都有得提供😱，牛骨髓、豬天梯、雞紅、雞腸都有得食🥰。.🥢 加$20任飲飲品加$20任飲汽水、健康工房和淳茶社。 .
繼續閱讀
火鍋放題食得多，這間阿爺八鮮鍋不是最平，也不是最多嘢食，但是，卻是我食過咁多海鮮火鍋中最新鮮的。2.5小時嘆盡雞煲和新鮮海鮮，非常滿足。我們選了5:00-7:30pm這個時段，$368。另外加$20任飲汽水、健康工房和淳茶社。當日有炒龍蝦和象拔蚌刺身特價，每款都是$108任食。隔離枱兩個人要了3次象拔蚌刺身，每次都是好大盤，而且是即叫即劏，看到我口水流，可惜同行友人唔食刺身，所以我們選了椒鹽炒龍蝦，都好好味。好了，究竟有什麼食？1。時令燉湯清甜的西洋菜湯用茶壺盛載，還有小火爐。2。雞煲任食3種味道：四川麻辣、韓式芝士和泰式酸辣。可以食完一種再一種。我們選了酸辣，真是無選錯，超好味，酸甜辣夠惹味，雞件又嫩滑，芫荽和紅蔥頭吸收醬汁很好吃。3。湯底+霸王海鮮盤湯底有幾種，我們選了藥膳。在湯底煮滾期間，海鮮盤送到來。嘩！有澳洲大龍蝦、蘇格蘭大元貝、越南大虎蝦、臺山奄仔蟹、蟶子皇和新鮮鮑魚。全部都超級新鮮。4。任點任食生猛海鮮（蝦、蟹、蠔、蟶子、蜆、龍躉、鮑魚……）新鮮河鮮（桂花、鱸魚、脆肉鯇、白鱔……）豬、牛、雞、蔬菜、餃子、蝦滑、墨魚滑、丸丸、蔬菜……5。椒鹽龍蝦任食新鮮、惹味、多肉！食完可試另一味道：芝士炒。
繼續閱讀
平時想要食海鮮大餐，分分鐘都要近成千蚊先食到，不過這間主打任食海鮮火鍋的餐廳就超抵呀！可以食兩個半小時，收費就各時段不同，但都只是近四百。記得最好要先訂位，應該不太可能Walkin就有檯，因為目測幾乎全場爆滿。眼見店員都真係好忙好忙，雖然有時來不及回應，但都盡力招呼我們，服務算是用心的。環境方面，座位及檯都很寬敞，絕對夠位置擺放一碟又一碟的食材。開餐前，先來一壺由精緻茶具盛裝的時令燉湯，兼有一個小火爐保溫，燉湯入口清甜完全無味精。既然講到飲，順帶一提此店是加$20能升級任飲汽水或茶飲的。再來就是韓式芝士雞煲（如不食芝士，可選泰式酸辣雞煲或是四川麻辣雞煲），親眼看著芝士煮溶後變成拉絲的感覺，未食已經流口水，雞件啖啖肉，肉質夠嫩滑，好少骨頭部分，那堆滿滿的洋蔥亦勁鮮甜。由於我們另加了$108任食龍蝦的抵食優惠，所以第二道菜就是一大碟椒鹽炒活龍蝦，大廚都幾重手，椒鹽好多好惹味，而且龍蝦鉗有好多隻，肉質爽彈。單是食雞煲及龍蝦都已經食到半飽，但還未開始海鮮火鍋啊！海鮮火鍋正式開始前會有一盤霸王海鮮盤，嚴選的食材包括越南大虎蝦、澳洲大龍蝦、蘇格蘭聖子及大元貝、臺山奄仔蟹、新鮮鮑魚，真正完全是活海鮮！虎蝦及鮑魚仲識郁的，龍蝦肉質結實彈牙，奄仔蟹好多蟹膏，帶子夠厚肉。食完這盤之後可以再任點其他生猛海鮮及新鮮河鮮，款式太多就不逐一推薦了，不過個人最喜歡的是肉味濃郁的安格斯牛肉、魚皮有厚厚膠質的龍躉頭腩、滑到溜口的牛骨髓、爽彈的手打黑松露墨魚滑、保留少許爽實咬口的台灣白鱔片，以及黄沙潤都值得encore。由於太飽都已經沒有品嚐太多其他餃類及丸類的火鍋配料，真正專攻海鮮及肉類，呢餐海鮮餐好滿足！
繼續閱讀
天氣轉涼，又係時候打邊爐！🐥放工約咗幾個 friend 去咗呢間任食雞煲連生猛海鮮，盡情食餐勁嘅！😋餐廳係以前好多樓上cafe嘅登打士廣場，環境喺旺角嘅餐廳嚟講都算大，🤣好熱鬧好有氣氛！🧀芝士雞煲同平時啲雞煲放題一樣，先食雞煲，之後打邊爐。雞煲有泰式酸辣、四川麻辣或者韓式芝士揀。今次我哋揀咗芝士雞煲，雞肉切成細細的塊狀，肉質嫩滑，配上甜蜜的紫洋蔥一起炒熱，散發出香氣。濃郁的芝士融化在雞肉上，每一塊都可以拉絲，非常美味！🦐霸王海鮮盤食完雞煲就到重點！先嚟一個豪華海鮮盤，包括越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹同本地新鮮鮑魚。🍲火鍋任點除咗頭盤，之後可以任點包括鮑魚、游水海蝦、肉類、蔬菜、自家製同火鍋配料，都幾多嘢揀下。🦪每一種海鮮都好新鮮，啲鮑魚上枱嗰陣仲識用，非常引人注目！🦀奄仔蟹好多膏，令到個湯底勁鮮甜，最尾放出前一丁落去煮，吸晒啲精華，一流！🦞原隻大龍蝦好厚肉彈牙，只係食佢已經回本！🐟當中有唔少魚肉片可以揀龍躉片同鱸魚片都好鮮味！🥩安格斯牛肉油脂均勻，牛味濃郁，值得叫多幾碟！🦞椒鹽龍蝦餐廳每日都會有一樣隨機幾食材可以點，今次係椒鹽龍蝦，炒得好有鑊氣，龍蝦鉗都好多厚肉，算係一個驚喜！
繼續閱讀