阿杏飯團 (香港工業中心A座)

營業中

休息中

一流，難食到一流。好耐未試過難食到要特登入黎寫差評，真係忍唔住。自己睇圖。寫蟹肉飯團，中間得舊垃圾蟹柳，收$41，好意思？我唔介意食蟹柳，但寫明蟹柳得唔得？可能你會話$41食到蟹肉咪傻啦，罐頭蟹肉同急凍蟹肉係咪咁貴？寧願你寫蟹柳我食到知咩事。塞滿哂生菜同油炸鬼碎，口感好奇怪🫠肉鬆同沙律醬都唔捨得比多D。身為飯團最緊要飯要好食，懶係用紫米好似靚D咁，點知個紫米本身又唔香，煲仲要煲到半生不熟，調味仲要零⋯⋯成個飯團完全無樣野掂，連包住舊飯最低成本既紫菜都垃圾到不得了，使唔使慳到咁大佬⋯⋯無下次thx🙏🏻

初開業時, 覺得食物質素可以, 有效率, 雖然之前個姐姐不嬲都西面, 但都會幫襯但後來等我越來越耐, 一副唔憂做咁又唔會主動接單, 兩個人都唔接我俾左3次機會, 一次比一次差附近又興路人甲企起度食煙即係要企十分鐘吸二手煙野食係有質揀但我唔會再幫襯又要睇你面色, 又要等, 又要吸煙, 又唔知要等幾耐, 我去咁多次, 次次都唔同人, 但個個都做得唔開心員工咁辛苦, 明顯唔夠人手, 我見佢地都好慘。不如大家一齊唔好做啦。開鋪果個老闆唔該俾D良心啦。冇晒媽媽味道啦。

我已經外賣自取過好多次都覺得幾好食推介牛油果吞拿魚飯團其實最愛係食佢個鹹蛋飯團不過每次食到一半就散晒跌晒出黎想講吓呢間舖頭嘅裝修唔知邊個天才設計如果你冇1.8米或以上店員喺間鋪入面係唔會見到你下面第一張相係我正常身高影埋佢你只可以向上望到個店員企到間鋪好入我試過好幾次喺個門口度大叫「唔該」佢哋喺入面做嘢，係唔會聽到㗎而佢另外個位，都係唔會俾你高到一級望入去叫人點解會有咁好笑嘅設計建議門口擺個會發聲嘅嘢俾客人撳一撳

叫外賣自取攞番屋企食, 要左牛油果吞拿魚飯團, 紫米太黏一patpat, 價錢亦都唔平, 仲食到夜晚肚痾兼嘔吐, 唔推介腸胃差既人千其唔好試另外野飲叫左芒果茶就普普通通

如標題等左半個鐘 出來個飯糰又散晒 食到哩晒hea咁落單都冇人落 好明顯唔夠人手啲飯最出面係乾嘅 入少少個啲位就太濕叫作個黑椒雞排飯糰 但個雞有陣雪味雖然啲脆脆有加返少少口感 但都救唔返冇下次