更多
2025-03-08
184 瀏覽
屋企人讚阿杏飯糰好食,雖然單價唔平,但佢哋話大件又飽肚。之前當阿杏開喺彌敦道時,已經想試,不過好多時出街都想坐得舒服啲,所以,專營外賣的佢從來唔係我首選。最近,阿杏搬咗去Aeon側邊,好易搵,咁啱隔離仲有個公園仔,就外賣坐喺公園試試。同狗狗爸爸每人點咗1個飯糰,再買咗杯凍手作紅豆奶茶。奈良黑椒雞扒飯糰:$39;狗狗爸爸咬開飯糰,入面有件炸物,應該就係主角 - 黑椒雞扒;醬汁望落唔多,所以食的時候唔會好「呢hea」;狗狗爸爸對飯糰冇乜評價,應該都幾好食卦~全素大阪海草飯糰:$38;可能係我個腦諗歪咗,落單時我以為「大阪海草」係啲咩特色名物,所以,當一咬開個飯糰,映入眼簾就係cheap cheap軍艦的中華沙律同粟米粒,真係令我勁失望,仲覺得好搵笨添~呢款飯糰的食材係生菜絲、中華沙律、粟米同油炸鬼,基本上舖頭只係將一堆現成材料用紫米飯+紫菜捲起,包好;撇除失落感,飯糰的味道其實幾好,但外賣$38,感覺就好唔抵~凍手作紅豆奶茶:單價$29,跟奈良黑椒雞扒飯糰一齊買,可-$10,因為1飲品+1飯糰會享有85折優惠;飲品大大杯,但可能我唔好彩,飲咗幾大啖都啜唔到紅豆,只係飲到由奶精/奶粉溝出嚟的
同狗狗爸爸每人點咗1個飯糰,再買咗杯凍手作紅豆奶茶。
奈良黑椒雞扒飯糰:$39;狗狗爸爸咬開飯糰,入面有件炸物,應該就係主角 - 黑椒雞扒;醬汁望落唔多,所以食的時候唔會好「呢hea」;狗狗爸爸對飯糰冇乜評價,應該都幾好食卦~
奈良黑椒雞扒飯糰
$39
5 瀏覽
0 讚好
0 留言
全素大阪海草飯糰:$38;可能係我個腦諗歪咗,落單時我以為「大阪海草」係啲咩特色名物,所以,當一咬開個飯糰,映入眼簾就係cheap cheap軍艦的中華沙律同粟米粒,真係令我勁失望,仲覺得好搵笨添~呢款飯糰的食材係生菜絲、中華沙律、粟米同油炸鬼,基本上舖頭只係將一堆現成材料用紫米飯+紫菜捲起,包好;撇除失落感,飯糰的味道其實幾好,但外賣$38,感覺就好唔抵~
全素大阪海草飯糰
$38
86 瀏覽
0 讚好
0 留言
凍手作紅豆奶茶:單價$29,跟奈良黑椒雞扒飯糰一齊買,可-$10,因為1飲品+1飯糰會享有85折優惠;飲品大大杯,但可能我唔好彩,飲咗幾大啖都啜唔到紅豆,只係飲到由奶精/奶粉溝出嚟的奶茶,反而狗狗爸爸啜到紅豆粒;手作應該只係gimmick,令個名好聽啲,估計意思係人手沖,唔值得深究,亦唔需要寄望有任何特色;以優惠$19杯「廢水」嚟講,價格算親民,但唔飲亦唔需要可惜
我明白點解好多人會話阿杏飯糰好食,佢飯糰的味道的確唔差,不過,其實要整得差都唔容易,因為當中涉及的技術/廚藝實在太少(可能近乎零),如果有人要大堆呢個飯糰,咁都反映出而家香港的飲食文化有啲可悲~
張貼