阿夫利拉麵 (The ONE)

營業中

休息中

今日突然想食拉麵，行過The One就黎左呢庋，星期六中午居然無詳人，有得坐窗邊位唔錯。柚子係呢度嘅特色湯底，除左拉麵、沾麵、仲有擔擔麵咁搞笑。最後揀左柚子醬油。呢度點餐係自助形式，唔洗收加一。好快就有得食，湯底加左柚子味的確感覺冇咁油膩，食完唔會滯，叉燒係偏肥，麵質都ok。喜歡濃味嘅未必鍾意。食完坐多陣就開始越黎越多人，下次試吓擔擔麵🍜

在日本很有人氣的Afuri主打柚子鹽拉麵，在日本未吃過，反而在香港試了第一次。柚子鹽拉麵（$98）柚子香不會過於喧賓奪主，在鹽湯中帶出點點酸味，頗清新，麵是幼麵條，不特別彈牙。配料叉燒偏薄，但油香充足。建議加一點點山椒粉會更好吃。食完唔太口渴，好事。柚子辣湯拉麵（$108）辣味是「中華式」的辣，辣度不勁，較油，個人覺得鹽味較好吃。海藻沙律（$32）海藻仍帶有點點海水味，撈埋芝麻醬，不錯，少啲醬較好。辣醬油蒸餃子（$48）一碟四件。一般，食落似紅油炒手，餡料較少。唐揚炸雞（$68）一碟五件。皮唔脆口，咬開有肉汁，但無乜味，even用來點雞的沙律醬都較淡味，有少少以為自己無咗味覺😂#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #鐵食評 #Afuri #阿夫利 #つけ麺 #ラーメン #日本菜 #沾麵 #拉麵 #ramen

去K11行街，見到呢間平時好多人排隊既拉麵竟然唔算好多人梗係即刻要試下！成間舖頭都充斥着好香嘅柚子味，超級期待！今次嗌左：✨柚子鹽味拉麵🍜 & 柚子醬油拉麵🍜：柚子汁味好香好突出，湯底好好飲好清。拉麵有咬口，叉燒略嫌比較薄。✨煎餃子🥟：有冰花但出來的時候不太熱，唔太脆口。✨Signature cocktail - Yuzu：好大陣柚子味，酒精濃度應該幾高的，個人來講覺得幾好飲嘅。整體來講我覺得個拉麵好好味，下次會再返來吃。

每次經過都想試一試，今次咁啱見到某平台訂座有半價優惠，真係好抵，所以決定獨自去偷食因為有半價關係，所以我叫咗柚子鹽味拉麵、炸雞同餃子。豚肉包我都有d興趣，不過一個人試唔晒咁多嘢，都係留返下次試。3樣嘢半價後都只係$104我個人幾鍾意拉麵個麵底，唔會太鹼水太黏，湯底飲落去有柚子味，都幾清新。小食方面，餃子比較失望，煎香左嘅底唔脆，反而辣味炸雞好食d。餐廳整體舒服，上菜速度好快，食物夠熱，店員亦十分有禮貌，入座後遞上水及餐具，教食客出去點餐。如果下次一個人又有d想食拉麵，優惠後算係一個唔錯的選擇

之前行經it見到，我一向鍾意食拉麵，見又過江龍又甘多好評，係想試下星期六適逢見到Eatigo某啲時段都有半價，終於一嚐，的確好抵食！！但拉麵黎講，呢種麵質我就唔識欣賞🙉我個人覺得似食緊蝦子麵🥲「鞋鞋的」柚子湯底是清清、酸酸地還好，叉燒就只得一片⋯餃子不過不失⋯最好食竟然係炸雞☺️另外，staff 友善，會教點落餐，有遞水，主動嘅餐廳環境都好⋯玻璃採光度十足不過，如正價黎講我未必會試🥲因為覺得坊間會有更多好選擇

有日在尖沙咀找午餐，選了在日本無緣進食的Afuri。用販賣機下單，在香港見到有種挺新鮮的感覺。點了個沾面lunch set 和清酒tasting set （才$80-90！）點了柚子沾面套餐，隨餐送中華沙律+飲品+自選小食。選了小食為餃子和豆腐，皆不俗。中華沙律我也吃光光。主角沾面是好味的，但我回憶起並沒有柚子味很重的感覺。清酒tasting set 真的很抵玩，我原諒他三杯喝起來的味道都差不多景色也開揚，不過始終在一堆衣服附近進食感覺有點怪怪的。座位倒是闊落舒適，空間也大。如果偶爾在行過尖沙咀又諗唔到食咩，可能會選它。但不會專登再去食～ 食完一次，係開心的～

日本人氣過江龍柚子拉麵🍜雖然位於THE ONE 但係IT入面 有少少偏僻 但空間好大 座位多 絕對坐得舒服❣️🍜柚子辣湯拉麵 $108有冇人同我一樣食親拉麵都要有🌶 真係無辣不歡〰️🤓柚子味絕對有 食落酸酸辣辣 好惹味 我中意佢既柚子味係同個湯夾得埋好正👍🏻至於肉同蛋就正常發揮 麵質雖然無得揀 但好彈牙 偏硬麵 啱曬我😳❣️🍜柚子鹽味拉麵 $98呢款係無辣既 食咗就唔係酸酸辣辣 係比較有清新🌿都一樣好開胃🍜🍗辣味唐揚炸雞(5件) $62炸雞上面灑上辣粉🧂沙律醬都有加辣醬🌶超級惹味 我食完個樣👉🏻😳炸雞都炸得好脆 完全唔油〰️200分既炸雞😍❣️愛辣人士必試〰️🌶

窮遊香港-尖沙咀The One柚子鹽拉麵 話說見到eatigo有半價 圍番都係$50一碗 就試到日本過江龍 柚子拉麵 真係幾抵 搞到去左呢間餐廳幾次 仲要估唔到原來柚子同拉麵都咁夾.柚子鹽拉麵$98先試湯底 係感覺好清新柚子香味 後帶明顯鹽香味湯底唔油膩 味道食一次好新奇可以一試 但食多次新奇感覺會大減半隻流心蛋 一片叉燒半肥瘦 拉麵用咗幼麵.豬骨濃湯擔擔麵$98呢個係一個好食既豬骨湯但評價方面平平無奇 冇佢自己既特點湯底豬骨湯帶辣 而辣味係常見地獄湯都必見既辣辣得黎冇層次 純粹辣only 冇四川果隻辣香口有兩粒菇菇 菜 同大量肉碎唔推介去食 但半價其實都抵食嘅.整體半價 $50 試到日本過江龍 點講都抵立志要試哂全日本拉麵既我表示又試多一款拉麵 開心.打文既時候發現 原來好似同it 有d關係食一次就夠啦 都係冇下次比較好.#hkfunfoodrecord窮遊香港#hkfunfoodrecord_尖沙咀. #阿夫利拉麵 (The ONE) (尖沙咀)尖沙咀彌敦道100號THE ONE2樓 i.t orange forest.⭐️評分：味道：3.5/5環境：4/5服務：4/5抵食：4.5/

同朋友喺尖沙咀the one行完街試吓IT旗下阿夫利拉麵🍜柚子鹽味拉麵清新嘅柚子味，估唔到配上拉麵係咁夾個湯清清地但帶有少少柚子味有日本的味道啲面都好彈牙同埋夠幻身黃金軟殼蟹包，帶有少少辣泡菜汁，不過味道一般，比較推介拉面多d

最近外食頻密咗，但又想食拉麵，所以想試吓朋友推薦呢間有柚子鹽味拉麵嘅餐廳。因為坐吧台，所以見到廚房嘅環境非常乾淨衛生。餐廳嘅環境亦十分舒服。員工亦十分友善。今日叫咗柚子鹽味拉麵、自家製煎餃子同埋青檸柚子梳打。柚子鹽味拉麵用咗幼身嘅拉麵，湯底唔油膩，十分清新，比起其他拉麵嘅濃湯底食起嚟少好多罪惡感，好適合女仔或者怕膩嘅人。叉燒嘅肥瘦程度剛剛好，不過如果一碗拉麵可以有兩塊叉燒就更好了。青檸柚子梳打亦清新解膩，而且大大杯，天氣熱時飲真係一流。自家製煎餃子上面有一層薄薄嘅脆皮，好特別，同餃子一齊食嘅時候令每啖更脆。整體來說食物質素好好，推薦比想食拉麵又怕負擔太大嘅朋友。

商場內的拉麵店我一向沒有什麼信心，只是其他拉麵店都排隊，抱住一試無妨的心態來了這裏試一試環境頗佳，座位舒服，地方企理，乾淨冷氣也沒有很集中服務態度頗好，值得一提有電子落單，操作介面易明食物：點了兩碗拉麵柚子鹽味拉麵$98麵帶麥香蛋的熟度剛好，微甜湯底略鹹鹽味拉麵理應是最清淡的款式吧？定價貴而且份量頗少，完全不夠吃豬骨濃湯拉麵$108豬骨湯完全沒有豚骨香，而且10分鹹，但又不夠骨香，實在令人費解定價頗貴，份量頗少，完全不夠吃炸雞（五件） $62好吃，夠Juicy一試可以，再試就免了

以前返鄉下日本時，曾經食過AFURI拉麵，一直令我念念不忘🇯🇵今次我就去佢嘅香港分店，搵返食過嘅味道😉🌟柚子醬油拉麵（$98）平時大家對日本拉麵嘅印象通常都係濃郁、重口味🍜而呢個主打嘅柚子拉麵，應該會令人改觀🍊柚子嘅清爽口味同醬油嘅鹹香非常合拍令成個湯味道變化豐富，而且唔油膩🤤豚肉肥瘦均勻，不過可以再多一片就好🙈🌟角煮豚肉包（$45）呢個包其實係台灣刈包🇹🇼嘅日本版不過係日本本店冇嘅菜式角煮同東坡肉相似，醃煮得好入味，肉質滑嫩同時放左少少青瓜，減低油膩感🥒值得一試🤓👍🏻餐廳用自助點餐機叫野食，方便衛生座位之間亦闊落，坐得舒服有Ｄ位仲可以USB充電，好貼心😚

之前朋友喺日本嘅時候食過呢間拉麵已經 大力推薦 不過自己暫時未有時間 亦都因為疫情去唔到日本啦 難得匯豐有買一送一梗係即刻要去試下啦店舖比較難搵 直頭係要穿過服裝店行到最入先搵到 睇完餐牌之後就自己出去自助點餐 叫咗一個柚子鹽味拉麵同埋柚子甘露沾麵 沾麵可以揀冷/暖麵柚子鹽味拉麵 柚子味好清新 感覺同日x出嘅旨王味道相似 但即食麵嘅質地比佢更好 因為佢麵質太幼 唔夠彈牙沾麵麵質比拉麵粗一啲 所以有口感彈牙啲 掛湯度好好 個人認為沾麵比較出色 因為個沾汁柚子味更濃郁更香 夏天食一流六點半之前飲品仲有買一送一添

假日黎到The One 發現原來i.t個層有間拉麵店😮店舖都唔細 但排隊都排左40分鐘😮而裝修好有日式cafe feel 加上大玻璃採光好好係坐得幾舒服嘅😛叉燒係切粒上 好腍同埋脂肪係口入面化開🤤麵底揀左冷麵 口感同掛湯力都不錯的👍🏻伴菜都有啲沙律菜 感覺幾清新😋沾麵湯比想像中細碗 不過都岩岩好點晒成碗麵柚子味都幾濃！仲有蔥同其他香料令成個汁層次好豐富覺得呢個值得推介！🤩而湯拉麵嘅麵底就係幼麵叉燒就係兩塊圓形 口感無沾麵個款咁有層次湯底柚子味就唔太出 主要都係醬油味相對沾麵 拉麵比較一般同無驚喜😌除咗拉麵都仲有好多選擇！————————————————————————總結價錢係鬧市價 都算正正常常啦柚子沾麵係幾好食嘅 環境都不錯💫如果平日少人啲 想同朋友傾下計食個麵都係唔錯嘅選擇嘅😉

今日睇演唱會之前食左呢個拉麵，其實之前喺日本都食過，今日就嚟香港呢間試吓！餐廳係一間服裝店裏面，感覺幾特別奇怪，坐低係自助俾錢有啲似日式，雖然有少少麻煩，但係都冇所謂啦！坐低叫咗柚子鹽味拉麵，湯底依然好出色，有啲似日本嘅高湯，加上少少柚子味，鹽味湯底非常之清淡，係我鍾意飲湯嘅人，所以食完麵飲晒啲湯，都唔會覺得太油膩，可惜湯頭有啲唔夠熱。叉燒比平時有肥美少少，比較香，似燒過嘅感覺，湯裏面香菜幾清香，溫泉蛋蛋味香濃，麵條淺色較直身有麥香，覺得幾唔錯，幾掛湯，可惜份量少了一點。另外點了一份餃子，外皮有點煙韌，唔係香脆那種，跟埋個酸汁，味道唔算突出。價錢正常，不過有點吃不飽！