影片
營業時間
今日營業
09:00 - 17:00
星期一至五
08:00 - 17:00
星期六至日
09:00 - 17:00
公眾假期
09:00 - 17:00
以上資料只供參考, 請與餐廳確認詳情
。O小姐。發掘港島東-Affee。日常。話說上次喺太古坊試過兩間coffee shop，對比之下，咖啡豆好嘅重要性係差好遠！所以今次就輪到呢一間位於角落頭嘅阿啡 - 對上一次幫襯呢一個角落頭係Nutty，依家成個太古坊好似見咗另一個深水埗大南街咁，隔兩步就有一間coffee shop，對於鍾意飲咖啡嘅人嚟講，都係一件非常之好嘅事情！我哋係三四點到嚟到，舖頭唔算大，有一兩個位啦，可能我哋嚟嘅時間比較晏，所以冇咩人，咁我哋可以坐喺度慢慢揀究竟飲咩好。最後，我哋問店員，佢推薦咗呢一款Yuzu Earl Grey Blackaccino 同埋 Hong Kong Fog ，當然飲嘢就要配甜品啦，是必須的。由於之前有睇過話佢出名bagel，可惜我哋太晏去啦，賣晒，最後我哋就試佢嘅Brownie同埋香蕉蛋糕。先講 yuzu Earl Grey Blackaccino - 凍飲嚟嘅，佢係柚子伯爵茶咖啡，第一下飲落去嘅時候可能未搞得好均勻，所以偏酸（非常之開胃），但當你攪勻咗之後慢慢就會出咗伯爵茶嘅味道，而呢一杯入面嘅咖啡味又唔係話偏酸喎，係一個幾特別嘅嘗試，我會建議同埋香蕉蛋糕一齊食，兩邊嘅味都會好突出。既然講開就要講個香蕉蛋糕，個香蕉蛋糕上枱嘅時候係熱嘅，個香蕉味好出，係細個食香蕉蛋糕嘅味道，再加上佢熱辣辣，佢個質感係唔係好實心，但係淡淡香蕉味囉，我覺得係可以一試。至於 Hong Kong Fog ，我諗應該冇人估到係咩，佢係普洱茶加煉奶😀 店員話佢似係茶走。 因為第一次見，所以就試一試，整體嚟講佢比較奶味，普洱茶味唔係太突出，同店員溝通過，佢話其實呢個已經係改良咗嘅，第一次出爐嘅時候更加奶😳 希望下次再嚟嘅時候再試過普洱味會更加出（因為細細個已經同屋企人成日飲普洱😏）鍾意食朱古力嘅我，我覺得佢個布朗尼都好好食喎！佢整熱咗之後呢係軟身嘅，唔會係硬骨實心，我出面食過係會好似粉狀，但係呢一個係好似朱古力蛋糕咁樣，佢每一啖都有朱古力味！如果佢可以大份啲就好啦！完全可以食晒🤣最後埋單都唔係好貴咋喎，因為食完呢一餐我都當食埋晚餐，兩個人除返都係70幾蚊，我覺得OK啦。
繼續閱讀
上週末去咗呢間咖啡小店，主打各款手沖咖啡，提供輕食: 𝗯𝗮𝗴𝗲𝗹🥯、西式糕點🍰 當日大約𝟭𝗽𝗺去到，本身有𝟱款𝗯𝗮𝗴𝗲𝗹已經賣剩𝟮款🥹𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁 ☰ ᴍᴇɴᴜ 𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁🍵•抹茶𝗯𝗮𝗴𝗲𝗹• $𝟰𝟬𝗕𝗮𝗴𝗲𝗹質感煙靭🥯 抹茶味香濃👍🏻 另外試咗兩款𝗽𝗮𝘀𝘁𝗿𝗶𝗲𝘀:🍌•𝗕𝗮𝗻𝗮𝗻𝗮 𝗕𝗿𝗲𝗮𝗱• $𝟮𝟴🥕•𝗖𝗮𝗿𝗿𝗼𝘁 𝗰𝗮𝗸𝗲• $𝟮𝟴兩款都超有驚喜😍𝗕𝗮𝗻𝗮𝗻𝗮 𝗕𝗿𝗲𝗮𝗱帶天然香蕉嘅甜味，加上合桃，進一步增添香氣同口感;𝗖𝗮𝗿𝗿𝗼𝘁 𝗰𝗮𝗸𝗲嘅甜度會比𝗕𝗮𝗻𝗮𝗻𝗮 𝗕𝗿𝗲𝗮𝗱稍為多少少🤏🏻 但係都唔會好甜🧡 玉桂味香濃，有一絲絲嘅紅蘿蔔🥕 因為係純蛋糕，冇忌廉芝士𝗳𝗿𝗼𝘀𝘁𝗶𝗻𝗴，所以整體比平時嘅𝗖𝗮𝗿𝗿𝗼𝘁 𝗰𝗮𝗸𝗲少一份膩感✨店員會將糕點翻熱，焗至外層微微香脆，出色!👏🏻🍯•𝗛𝗼𝗻𝗲𝘆 𝗟𝗮𝘁𝘁𝗲• $𝟱𝟮比一般嘅𝗹𝗮𝘁𝘁𝗲增添一份蜜糖嘅自然甜味，飲落恰到好處，好舒服☺️咖啡店坐位唔多，但感覺溫馨舒服，推介🧡⋆ ⋆ ⋆ ⋆ ⋆🐽 Overall : 8.5/10🐽 Revisit : Yes
繼續閱讀
這間咖啡店於鰂魚涌內頗有名氣，主打高品質的咖啡及輕食，不設意粉及飯麵類等主食。裝潢以簡約的文青路線為主，堂食座位不多，開放式廚房能欣賞到咖啡師的沖泡過程。窗邊能觀賞海光街一帶繁囂的人來人往，與店內靜謐悠閒的環境形成鮮明比對。咖啡有兩款豆可選擇，Nutty重果仁香來自巴西，另一款則Fruity帶花果香的則來自雲南，各具特色。Matcha Bagel - $40每日供應的貝果款式及數目不固定，今日有五種選擇。貝果每日新鮮烘焙，緊實又有嚼勁充滿彈性，濃郁的麥香愈嚼愈香，加入沈穩的抹茶帶絲絲甘甜。Genmaicha with Pistachio Yoghurt Bagel - $40淡綠色的玄米茶香味清新而有深度，茶味淡雅而不澀，可蘸上幼滑細膩的開心果乳酪醬，有著濃厚的堅果香氣，又有一粒粒香酥的開心果碎。Honey Latte - $52/Large精緻的拉花圖案非常考技巧。這杯拿鐵有著較低的酸度及明顯的甜味，風味細緻且舒適溫和，伴隨著順滑的鮮牛奶及香甜的蜜糖，醇味久久不散。Espresso Tonic - $50濃縮咖啡有著酸亮但強度弱的水果香，與微苦的湯力水相當配搭，口感柔和順滑且豐富。
繼續閱讀
星期六番學前帶姑姐去鰂魚涌，嘆杯靚咖啡食件cake chill下先A出口一出行幾分鐘就見到呢間阿啡，鋪頭唔算大，有3-4個座位入到去就聞到濃郁既咖啡香，左邊仲有飾物可以買，幾特別隔離櫃有書本、燕麥植物奶、草本湯力水、冷萃咖啡包、掛耳咖啡包、唔同國家既咖啡豆、咖啡渣隨行杯、咖啡渣露營杯 & 斜揹袋賣，係一間幾有特色既咖啡店。我地當日就叫左兩杯咖啡兩件蛋糕☕️Latte regular size $42拉花好靚，咖啡味香濃，入口醇滑。Yuzu Earl Grey Blackaccino $55呢杯只係得凍飲，口感十分豐富，香甜柚子蜜中和左咖啡既苦，仲有淡淡既伯爵茶味，面頭仲有桂花點綴，外貌同內涵並重。老闆會預先為大家加熱~🍫Brownie $24外脆內軟心，口感綿密，朱古力味濃郁，唔會太甜。🥕Carrot Cake $28呢間既carrot cake係我食過最驚艷，滿滿既紅蘿蔔絲，睇得出既真材實料，唔鍾意食紅蘿蔔既小朋友，可以試下呢款，大推。期間見到好多人幫襯，快快趣食完讓個位比人，下次會想再黎試下Bagel
繼續閱讀
鰂魚涌商業區逼到癲，竟然俾我發現咗個超Chill嘅喘息位——「阿啡」！ 地方細細但溫馨到爆，仲有$24起跳嘅平價甜點放break過嚟充電就啱晒～ 🍫 必食甜點｜平靚正之選1️⃣ Brownie ($24)✨ 外脆內微流心，朱古力味濃到癲！ 重點係$24咋仲要夠晒大件～ 2️⃣ Banana Bread ($28)🍌 香蕉味超香，質地濕潤唔會乾爭爭！ 上面有層脆脆糖面，食完即刻心情好返晒3️⃣ Carrot Cake ($28)🥕 蘿蔔絲多到睇得見，肉桂味唔會太搶，連唔鍾意紅蘿蔔嘅朋友都大讚Mocha ($50)用咗靚朱古力粉，咖啡同朱古力比例完美平衡～ 飲落順滑唔苦澀，返工前飲杯即刻醒神🌟 環境加分位✅ 座位雖然唔多，但佈置得好有文青感 ✅ 店員超Nice，成日同客人吹水 ✅ 平日下晝3點後比較少人，可以Hea住食
繼續閱讀