阿來泰式地道風味

營業中

休息中

嚟旺角食地道的泰國菜，一定會幫襯「阿來泰式地道風味」，價錢平民質素高😋泰式乾炒牛肉河粉$68呢個炒河粉好有泰式風味，夠鑊氣，河粉彈牙，份量都夠多，好味😋馬拉盞炒通菜$68呢個炒通菜都係夠鑊氣，夠晒味道，會偏鹹少少，又有少少辣，層次感足夠👍咖喱炒大蝦$168泰式咖喱炒大蝦，味道濃郁，夠晒滑口，啲蝦大大隻，蝦🦐走過油，食到好新鮮，夠晒彈牙，忍唔住叫咗碗白飯，真係送飯一流，識食一定要加埋蒜蓉包，夠晒好味😋👍

去開旺角成日經過呢一間泰國泰國菜小店，今日途經終於入去食午餐 睇過午餐牌好多選擇 令到我有選擇困難症全部都想食，而且CP值超高大約50幾蚊一個lunch 等同茶記價仲有特色嘅菜式叫咗個冬陰功蠔仔湯飯冬陰功用料十足，而且呢個味道唔會太辣，跟返香港人嘅口味 帶有淡淡嘅香茅味Creamy冬陰功湯底嚟嘅 。蠔仔好飽滿而肥 而且份量十足海南雞飯食好啲再加咗$10轉雞髀海南雞髀好肥美好滑雞油飯唔會好油，而且大鹹香等咗一陣就全部食清光啦加咗一碟，蒜蓉炒通菜添菜都好新鮮，好爽口最後加咗芒果糯米飯同埋泰式椰汁西米糕作飯後甜品 糯米飯好新鮮重暖暖哋㗎中芒果好甜椰汁西米糕裏便有芋頭粒粒在 非常match做得非常出色 下次再嚟食個晚餐阿來泰式地道風味 (旺角)旺角通菜街97號地舖#阿來泰式地道風味#hkfoodie#旺角美食#泰國菜

餐廳位於旺角，主打多款性價比高嘅泰國料理，肉類海鮮粉麵飯甜點都飲品都有供應，唔想煩嘅仲有套餐可以揀。餐廳分上下兩層，店員服務態度有禮，上菜速度快且熱辣辣，經過可以一試。二人套餐包括海南雞、咖喱炒蜆、通菜、白飯/油飯同飲品。海南雞肉質嫩滑，皮帶啫喱狀，咬落好滋味。超級喜歡呢度嘅咖喱，惹味唔辣，點蒜茸包真係好正，蜆肉大粒飽滿，讚。菜品可以自行選擇炒嘅方法，個人更推介馬來盞，通菜同椰菜苗都夠新鮮而且完全無渣。主食有菠蘿炒飯同金邊粉，前者炒至粒粒分明，味道偏清淡帶淡淡香氣，後者配料唔少，口感豐富。

食過咁多次，呢間真係要推薦比大家，因為唔止平靚正，仲要令客人好似去左泰國咁。最推薦既係燒豬頸肉＄78好食到暈，想講佢既燒豬頸肉真係數一數二好食，外香內多汁，加埋佢特別既汁，真係好味。馬拉盞少通菜 ＄68炒到好香又唔會好多油，獲氣十足，拎黎餸飯一流，次次黎食泰國野都係必食之選，做得唔錯。沙嗲串燒（半打）＄88質素算唔錯，肉大大舊，個準都調得好好，大家可以一試。椰青＄38超抵，大大個，真係好似去左泰國咁。

食好食性價比又高嘅泰國菜唔一定要去九龍城嘅🤣今日就近近哋係旺角呢間餐廳食，星期三夜晚去到兩層都坐滿人，果然好有人氣！▫️泰式鐵板蠔仔蛋 ($98)份量多到有座小山丘咁，蠔仔大大粒又冇腥味，蛋都好滑嫩，底下鋪滿芽菜，同蛋一齊食口感一流💯呢個真係必點！😍▫️泰式粉絲蝦煲 ($168)一上枱熱辣辣，粉絲份量又係超多，蝦就匿埋晒喺煲底🤣粉絲索曬醬汁味勁惹味，忍唔住食完一啖又一啖🥰▫️豬頸肉炒棷菜苗 ($78)平時比較少食椰菜苗🥬呢碟椰菜苗炒完仍然保持到翠綠色澤，食完竣又唔會有油膩感👌🏻豬頸肉帶有啲肥肉，更香口之餘口感爽彈唔會乾。呢度啲嘢食夠曬大份，最啱一班親朋好友share，今次我哋得兩個人就食唔曬，本身想試埋芒果糯米飯都食唔落，唯有下次再戰🥹

好耐無去旺角行街，陪朋友先達買完野，見到呢間阿來泰國菜個價錢都幾抵，就入去試下。🍤炸蝦餅外皮脆卜卜，蝦肉十分爽口彈牙，點埋泰式酸辣汁超好味👍🏻🥗飛天通菜通菜好鮮嫩，少少微辣加埋啲到時醬鹹鹹地，好夾👍🏻食完熱氣嘅炸蝦餅，再食返啲菜感覺健康好多🤣🥘咖喱炒蜆泰式咖喱好香椰汁味，唔辣。蜆肉新鮮甜美，好多都脹卜卜。原本冇諗住叫蒜蓉包，但係食到啲咖喱汁感覺一定要配啲澱粉質，於是叫咗蒜蓉包，真係超夾👍🏻如果你哋叫咖喱一定要叫蒜蓉包👍🏻原個大椰青椰雪到凍冰冰，飲落去超清甜，仲俾埋個匙 食椰肉，超滿足。朋友叫左青檸梳打，唔記得影相，青爽，原個青檸，唔係化學水。記起時，已俾朋友飲左大半。整體嚟講，價錢唔算太貴，食完覺得性價比唔錯，可以一試。

📍旺角平靚正泰國菜 — 阿來泰式地道風味🇹🇭❤️‍🔥𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🐔阿來海南雞飯 $58晚市呢個價錢黎講真係性價比好高！！雞唔算好嫩滑，但係對得住呢個價錢👍🏼而且份量都幾多～油飯充滿雞油香味，配埋個泰式酸辣醬汁，真心好食！🤤🥬泰式肉碎生菜包$88每次食泰菜我都會叫生菜包😝而呢度嘅生菜包都冇令我失望！肉碎調味好足，而且唔算好辣，啱晒我呢啲食唔到辣嘅人🤣🤣另外肉碎份量超多！食晒啲生菜都有好多肉碎剩😻🍤🥢泰式鮮蝦炒金邊粉 $68食泰國菜當然要食padthai啦～🥢呢度嘅金邊粉炒得都幾香，而且幾乾爽🤤仲有有幾隻大蝦，都幾足料！🦐🧋泰式奶茶 $25正正常常嘅泰奶🤣唔會過甜，不錯不錯👍🏼✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽賣相：🌟🌟🌟💫味道：🌟🌟🌟🌟性價比：🌟🌟🌟🌟推薦度：🌟🌟🌟🌟📍 阿來泰式地道風味 @aroykhaomangai 🔖地址：旺角通菜街97號地舖🕑營業時間：星期一至日 12:00-23:00

次次食泰國菜都去九龍城，都開始悶喇😆今次就去下旺角試吓呢間小店啦😌話就話係小店，但係其實佢都幾熱鬧今日星期四，夜晚去到都坐滿人，外面仲有人等緊位添🥢泰式鐵板蠔仔蛋呢個就犀利喇😂一上枱我真係嘩咗出聲因為佢個蠔仔蛋大份到好似成座山咁高就咁睇都見到佢好多粒蠔仔，同埋每粒都好大粒影咗一兩張相已經忍唔住好想快啲食🥢咖喱炒大蜆呢個係一見到個Menu就即刻想嗌因為睇相真係覺得佢啲咖喱好好食，直頭覺得可以自己食完一碗飯🤣一嚟到果然冇令我失望個咖喱勁香，重點係佢連啲蜆都好大粒好飽滿食落去又嫩口，仲要份量好多即刻覺得勁抵食🤣🤣仲未計佢啲咖哩撈飯真係超正🥢豬頸肉炒通菜食泰國嘢一定要叫炒通菜泰國嘢啲炒通菜真係世一！

天氣熱辣辣 就黎熱過泰國🇹🇭所以今次就黎食個泰國野襯番個天氣🤣今次叫左個二人餐👭店舖上菜好快 但啲野都係新鮮熱辣辣海南雞例牌🐔佢個雞好嫩滑 唔係好嚡口佢仲配埋個泰式醬汁 令到層次再多一層而且份量十足 真係大件夾抵食👍🏼咖哩炒硯🥘個人認為呢道餸最特別佢個咖哩入面加左椰汁 甜甜地令人好回味😋岩哂黎撈飯食😆飛天通菜🥬通菜無渣 食落好爽口又唔會過咸同過油椰青🥥我地最後加多左$22轉椰青飲好清甜 係消暑解渴既最佳之選！

今日有朋友話好想食泰國菜，始終因為喺北美地區返嚟，真係好少食到啲超好食嘅泰國菜，所以就特登早啲放工嚟排隊，因為覺得呢間舊地道，有風味，嘢食更加超好食，價錢亦都相當親民！呢間餐廳其實我自己都食咗好多年，細細個已經開始食，今次再嚟，我哋叫咗幾樣嘢都勁好食！泰式生蝦每一隻都勁新鮮勁大隻，超爽口，加埋蒜頭同泰式辣醬，真係勁好食！本來我哋想叫馬拉盞炒椰菜苗，可惜今日賣晒，咁唯有改通菜啦，炒得超入味，少少辣辣地，好惹味！至於煮食，我朋友就要咗泰式滷豬髀飯，我試咗少少朋友嘅酸菜，酸甜度剛剛好，豬髀翼都相當嫩滑，感覺就食緊好多骨膠原！而我自己就要咗泰式鮮蝦炒金邊粉，份量超大份，差啲食唔晒。至於飲品分辨，我哋就一人叫一杯，我要咗椰青，朋友就要咗三色冰，個椰青超清甜，椰肉真係一scoop就成片出嚟，好fresh！

今日約左朋友一齊去食泰國茶，呢間泰國菜位於旺角先達附近，性價比幾高😋lunch time套餐$55左右就有一份超級大碟嘅食物同飲品，而且味道非常正宗又好味😋我地分別點左兩份套餐、一碟炒菜、小食同芒果糯米飯🍚我仲點左一個椰青，夏天飲真係好解渴又清甜🌿海南雞飯呢個海南雞，我轉左雞髀肉，加$10。肉質非常嫩滑，好好食，雞皮又夠彈牙👍油飯雞油香好出，愈食愈停唔到口🤤豬手飯呢個豬手飯份量超大，仲有半隻蛋同酸菜。豬手炆到勁腍，勁入味，真係好好食🤤兩個飯都超級推介😋炒椰菜苗呢個我地覺得麻麻，唔係因為個味道，而係因為個口感比較硬，唔係太鍾意🥰但係個味道其實都係好惹味！鮮蝦春卷炸到金黃色脆卜卜，鮮蝦又大大粒，好香口芒果糯米飯芒果份量都有一粒，而且夠甜😋食到尾聲配埋呢個甜品夠滿足🥰📍阿來泰式地道風味 (旺角)旺角通菜街97號地舖#阿來泰式地道風味 #阿來 #旺角美食 #泰國菜 #香港美食 #香港泰國菜 #泰國餐廳 #旺角美食 #香港探店 #旺角探店 #香港必食餐廳 #平民泰國菜 #mk #thaifood #yummy #foodie #hkfoodie

冇食泰國菜一排，於是近近地喺旺角試咗呢間泰國餐廳，入到去見到幾full，但好彩呢度有兩層。同朋友叫咗幾樣野，每樣都幾好味，埋單每人唔駛$200⭐串燒沙嗲有雞肉同豬肉各3串，面頭淋咗好多沙嗲醬，沙爹醬入面有好多花生碎，食落幾香口，而呢個醬唔辣，味道比較甜⭐椰汁雞湯成日食泰國嘢都飲冬陰功湯，今次試下特別啲，加上朋友原來冇飲過椰汁雞湯，我個人幾鍾意，椰奶加咗啲酸辣味，中和到本身嘅膩，而辣度甚至比冬陰功更辣，湯入面仲有好多件雞肉，非常足料⭐飛天通菜差唔多次次食泰國菜都會點呢樣，麵豉加辣椒一齊炒通菜應該係最惹味嘅配搭，而通菜都好幼嫩⭐泰式Suki牛肉炒粉絲完全未聽過呢款菜式，原來係好多款菜加埋蛋同牛肉一齊炒，粉絲仲充滿辣味，食落幾過癮。最初望到個賣相以為一般，點知原來都唔錯，難怪係menu推薦嘅菜式⭐椰汁三色冰⭐龍眼冰

#米豬生活 #米豬美食分享今日同爸爸去旺角買野晚餐時段 經過呢間係先達附近既泰國菜🇹🇭見到門口有人等緊位 睇嚟係正野😍我地叫左呢d👇🏻🇹🇭飛天通菜🥬 辣辣地，好開胃，味道好正😊🇹🇭泰式濕炒河粉(海鮮)呢個炒河，除左好味，仲好足料，有蝦、魷魚仔、好多蔬菜！正🩷🇹🇭鹽燒鰂魚米爸想食好耐😂 但真係唔係間間有，因為要燒成20分鐘嫁，係心機菜🫶🏻 呢但魚好大條，外皮燒得好香，但入面依然有好多魚汁，啲魚肉仲係好嫩滑👍🏻🇹🇭青檸梳打、椰青夏日炎炎飲下呢啲清涼嘢就最舒服🫶🏻🍽️: 阿來泰式地道風味（旺角）📍: 旺角通菜街97號地舖#阿來泰式地道風味 #阿來 #旺角美食 #泰國菜

今日約咗朋友去旺角食飯，想食泰國菜，就揀咗呢間餐廳位於通菜街好方便，食完過去隔離花園街行街一流！近排天氣都幾熱入到去即刻叫咗椰青同泰式咖啡。而食物方面就叫咗蠔仔炒蛋、泰式生菜包、青咖喱雞，另外仲叫咗兩個白飯😬首先嚟咗蠔仔炒蛋好有鑊氣好好食，而且佢用個鐵板上可以保存到熱辣辣，呢個餸菜送飯一流👏🏻通常去食泰國嘢，我都一定會叫泰式生菜包，香脆嘅豬肉再夾生菜呢個配搭好夾！豬肉唔會太過肥，唔會太瘦適中，仲可以用嚟送飯！另外仲有青咖喱雞，佢個汁用嚟送飯好好食同埋好香，而且份量都好多，我哋兩個人都食唔晒。而且椰青好好飲，夏天飲椰青好正，呢間嘅椰青肉仲好容易刮出嚟食！呢間好推介下次會再嚟！見到隔籬枱叫濕炒河粉好正，下次都會想試

上次食完條明爐烏頭唔夠喉，心思思想encore。今次試咗另外一間喺旺角鬧市行經，見到選擇都幾多，價錢相宜就試吓。泰式明爐烏頭魚 168同其他一樣原條鍋上。但可能冷氣太大嘅關係個火好快就熄，同埋個湯好似滾極都滾唔起，變咗半暖不熱咁。但好彩我哋食得快，喺佢熄之前都差唔多食晒，都冇機會可以加湯。湯底勝在夠酸，食得好開胃～菠蘿炒飯 68 大大碟大大嚿新鮮菠蘿，仲有提子乾、臘腸同埋肉鬆，仲有唔少冰鮮海鮮仔，例如魷魚，蜆肉等等。芒果糯米飯 58糯米飯夠晒熱，令到椰香充分揮發。芒果當造，所以好甜💓