阿來東南亞風味 (已結業)

最近要on diet，要唔食澱粉質真係有啲困難，唔通次次都食西餐沙律咩。今晚同另一半去咗呢頭搵食，本來想去另一間出名嘅越南餐廳，但見到排晒長龍，入邊啲位又好迫，於是就放棄咗。然後搵到呢一間，上嚟睇吓見到comment都唔錯喎，所以就決定入去幫襯一下。有好多嘢都想試，但係怕食唔晒所以都係叫咗三個餸，而且份量都比一般泰國餐廳多，價錢又唔貴，性價比真係好高。我哋叫咗「馬拉盞通菜」、「蛋黃雞翼」、「鐵板蠔餅」。每碟都好足料啊，我哋兩個食完都好飽。仲有叫左個荔枝梳打share來飲，都好好味呀。「馬拉盞通菜」炒得好惹味，「蠔餅」就比較清淡一啲，所以我都係一啖蠔餅一啖菜咁食，哈哈。「蛋黃雞翼」炸得好脆好香口，而且做成單骨咁整，食起上嚟都好方便。總括嚟講第一次食都好滿意，雖然唔係高級餐廳服務，但啲人都serve得 OK，每次叫到即刻應你同做對應，上菜也好快。還有其他菜式想試，會再幫襯。…查看更多

出開旺角突然好想食泰國菜，所以上左OpenRice搵到呢間阿來，見都幾多好評個價錢又算合理~由於開番晚市，餐廳入座率都有50% ，冷氣唔算好大，當日有落雨所以唔算好焗🌨入正題先😛今次一共叫左4樣野食🐣海南雞冬陰公湯金邊粉$54海南雞同金邊粉份量都幾多，黎食泰國嘢緊係想試埋冬陰公，冬陰公湯底有啲淡，如果可以濃番1.5倍就perfect，雞唔算係好滑🔥咖喱軟殼蟹火山包$138基本上每一檯都有點呢個火山包，包入面滿載咖喱同配菜，面頭有一隻炸過軟殼蟹，個包好香脆配埋個咖喱好夾，無出面餐廳既過咸感，軟殼蟹有驚喜有小量膏又唔會炸到好乾好油🦀🐷燒豬頸肉$68豬頸肉都算係厚切，預期係會有小小燒過既味/炭燒既果，但只係似一般煎既味道，個人比較中意炭燒斜薄砌，豬頸肉配左個汁可以點，但味道都係比較淡，整體平平無奇🙃🦐金柚子鮮蝦沙律$68去食泰菜沙律都好重要，酸酸甜甜好開胃，不過呢間味道唔岩我地😂面個d味道尚算正常，食到底就有怪味，講唔出係醬汁定係柚子有怪味，總之就係除左面頭個一半，個低真係放唔到入口，有陣up味，好彩鮮蝦都幾爽同大隻本來想叫埋芒果糯米飯，食到最後都係無叫😅餐廳款色都幾多，價錢合理份量都足夠，但係唔對味道有太大期望🤣🤣🤣…查看更多

午餐2份海南雞飯十小食咸蛋黃雞翼十飲品。滷豬脾喇沙十小食無骨鳳爪十飲品。份量夠大，下午2點先食鬼死咁肚餓，食完飽到嗝嗝聲。吾知係咪疫情關係，午餐去到下午5點半。服務員姐姐好禮貌又健談。…查看更多

💗#胃在旺角 🌙#米線在胃 💡阿來東南亞風味💡呢間餐廳係住喺旺角附近嘅朋友推薦嘅😼去親旺角都會諗起要食呢間嘅喇沙🤤CP值高🌟❤️星馬喇沙米線  ($52)配料可以跟一款肉類，推薦滷豬髀/豬頸肉🐽滷水豬髀超級軟淋，食晒都唔會膩，豬頸肉都好香口🤤喇沙完全唔辣，啲豆卜吸晒喇沙啲汁，超級正😭🙏🏻💕❤️椰汁西米糕 （午餐升級小食 +$12）食完啲鹹嘅，再食啲甜嘅就啱啱好圓滿嘅一餐🤣✊🏻就係普通椰汁西米糕，但每次食都會加呢個小食嘻嘻🤓❤️‍🔥睇完快啲@ 朋友一齊去啦！💰人均消費: $50-60♟ 旺角廣華街38號地下💰人均消費: $50-60.#foodiehk #hkfoodie  #hkig #hkgirl #hkfood #stomachbbfoodie #hkcafe #泰菜 #旺角美食 #旺角餐廳 #hkeat #甜品 #hkiger #mongkok #mkfood  #香港打卡 #香港米線 #米線關注組 #米線 …查看更多

生菜包 $68 🥬 (7.5/10)肉碎的份量超多 不過略顯炒得不夠香 而且稍微有點辣 重口味人士可以拌上馬來辣醬吃 會更惹味 咖喱軟殼蟹火山包 $138 🦀 (9/10)絕對被它的賣相吸引到 怪不得是餐廳的招牌菜 咖喱汁份量超澎湃 平常都是配上白飯吃的 想不到配上麵包也是蠻搭的 麵包外脆內軟 就算泡在咖喱汁裡也不會變得很軟 失去口感 而且咖喱汁不會很辣 對於不太能吃辣的我也是可以接受的 軟殼蟹也很好吃 原隻炸得外層酥脆 阿來金磚豆腐 $68 🧈 (8/10)炸得剛好 外脆內軟 裡面是滑滑的豆腐 外皮沾滿椒鹽粉 加上泰式辣醬就更惹味 芒果糯米飯 $58 🥭 (8/10)熱熱的糯米飯配上冰冷的芒果 有點冰火交融的感覺 糯米飯口感Q彈 加上椰汁 味道剛好 芒果份量超多 而且很甜 OVERALL: 推薦😆 (8/10)食物選擇很多 餐廳主打泰國菜 但也提供其他東南亞美食 價錢合理…查看更多

晚市禁堂食，唯有提早食飯，但亦因為咁令我可以用較優惠嘅價錢搞掂。位於廣華街嘅「阿來東南亞風味」嘅午餐供應時間做到下午5:30，仲要星期一至日都有，絕對係性價比高之選👍。餐廳主打泰國菜🇹🇭，不過同時亦有提供其他東南亞美食，例如肉骨茶、喇沙同撈麵等。午餐有十多款選擇，價錢介乎$45至$54不等，奉送熱飲，全日免收加一服務費。由於我哋驚太飽，所以只係嗌咗一份主食，但就食咗好多其他正嘢😆，每一樣都大大碟啊！咖喱軟殼蟹火山包($138)，🔥火山包可替代一個主食有多，菜式造型超澎湃。咖喱汁猶如泉湧，如果配白飯食就一流，當然而家配農夫包都好夾，麵包烘至外脆內軟呢。🥘咖喱汁完全唔辣，係老少咸宜嘅味道，而且加入咗蛋花，特別香。最後，主角軟殼蟹無令人失望，原隻炸至外層酥脆，而肉就夠晒厚🦀，食落好有滿足感。泰式海南雞飯($54/午餐價)，海南雞飯大大碟，除咗雞髀位之外，其餘雞肉全部去骨🐔，肉質嫩滑，醬汁惹味，加上佢出手一啲都唔孤寒，肉多過飯。油飯質素有待進步，我略嫌佢比較乾身，油份亦唔夠重。不過咁嘅價錢都冇太多好挑剔。豬頸肉炒通菜($68)，💚菜式屬正常發揮，每條通菜均好爽脆，而且富有馬拉盞鹹香，並唔會過濃。🐷豬頸肉份量都多，但就始終冇燒咁香口。蛋黃雞翼 2隻($12/午餐升級小食優惠)，🍗雞翼大大隻，再切成單骨，所以感覺似有四隻。鹹蛋雞翼帶著流沙嘅口感，甜甜鹹鹹，幾正。飲品方面，我哋要咗青檸梳打同凍泰式奶茶，午餐可以用$6轉特飲，好抵，正價就要$20，其實都OK。兩杯味道唔馬虎，🍋前者青檸俾到足，唔係得兩片；而泰式奶茶好香煉奶味，甜度以及茶底澀度適中，唔會整到好似港式奶茶咁🧋。總括嚟講，阿來係平靚正之選🌟，平民價錢就可享用到適合港人口味嘅泰菜。另外，店員服務態度有禮，抵讚。餐廳無得做晚市堂食，定必受巨大壓力，如果大家放工要買外賣返屋企，不妨考慮呢度啊。…查看更多

今次同朋友黎到呢間泰國菜食飯～～之前見好多人都介紹，食物款式又多又平！真係好吸引🤩🤩🦀軟殼蟹火山包 $138✨呢個係佢地招牌黎，必試👍🏻👍🏻軟殼蟹炸得酥香、厚肉，幾好味～～咖哩汁重椰香同蛋香，配料仲有洋蔥、青椒等，味道濃郁😋😋麵包烘得外脆內軟，每啖都食到咖喱汁～～份量都多，兩個人食完已經有少少飽❤️❤️🍤鮮蝦炒金邊粉 $58✨賣相好得意！好似成座山咁🤣🤣金邊粉炒得乾爽彈牙，唔會太油膩～～鮮蝦亦爽口，略嫌調味清淡少少🤏🏻🤏🏻🍳泰式鐵板蠔仔蛋 $78✨鐵板上原汁原味，好有泰國風味🇹🇭🇹🇭蠔仔蛋烘得香脆，仲有芽菜墊底，幾有口感！！蘸少少辣椒醬食更惹味🤤🤤🥥椰青 $22✨跟飯麵加配有優惠，即刻叫黎試試～～大大個清爽鮮甜，好抵飲❤️❤️…查看更多

-港式茶記風格既泰國菜？人流都唔少 當日晚餐時間去都滿座 👀呢啲東南亞風味嘅小菜 都真系幾多人鍾意食簡簡單單又一餐 值得一讚份量超級多👍🏼😋價錢相宜 來得既大部份都應該系街坊？其實當日好想試吓飲佢哋嘅招牌肉骨茶 可惜啱啱賣晒最後⋯⋯⋯⋯🔺冬陰功湯最後呢啲天氣都要搵啲湯水飲下既酸酸辣辣咁 好開胃😋 冬陰功都係食泰菜必點嘅其中一道菜我哋得兩個人所以叫咗細份 細份就無火爐跟😮‍💨好快就會凍哂朋友發現佢地用左其他菇類代替草菇 但味道上唔會太大影響🔺馬拉盞炒椰菜苗比起出邊其他地方食嘅椰菜苗 呢碟嘅份量真係超級多👀呢個價值超值 性價比高 👍🏼馬拉盞都好好味不過可惜今日啲菜有少少唔太新鮮😖雖然唔影響味道 但係外觀上就唔靚🔺軟殼蟹火山包 咖喱汁甜甜辣辣 好香好惹味兩大隻軟殼蟹🦀🦀切半 大大隻 但就唔太脆口😖美中不足係個包唔夠脆皮 太軟 或者咖哩汁太都有關係包入面仲有啲青椒 紅椒 一齊食會脆口啲同無咁膩🔺泰式鐵板蠔仔蛋 蠔仔加蛋 我仲以為會好似蠔餅咁樣煎到脆卜卜點知系鐵板蠔仔炒蛋 再用啲芽菜墊底蠔仔粒粒都好飽滿單獨食蠔仔冇乜味道 加埋蛋一齊食先會多種蛋香味份量同樣地好多 應該用咗四五個蛋去炒///…查看更多

一月一日新年出去行好運 第一餐就去咗旺角食雞元氣滿滿呀！元気百倍になる☀️小店就晌廣華街外表係一間茶餐廳 賣泰菜幾好食~🔸海南雞飯（$59）（轉髀+$5）去骨雞髀肉質好鮮嫩、好滑，雞味幾濃。油飯好香，不過有部分偏乾，煮得不夠均勻，但味道好食。🔸蛋黃雞翼（跟餐+$12）幾驚喜，鹹蛋黃味好重，雞翼炸得好脆、好香口，要試！❤️🔸泰式咖啡（跟餐+$6）咖啡味好香濃，同奶嘅比例都十分剛好，其實好好飲，係甜咗少少，如果可以自行加糖會好啲。🔸軟殼蟹火山包（$138）好食！個咖哩係杰身個種，好香！而且落咗蛋去煮，好滑。軟殼蟹炸得好脆，食落有蟹膏味。2者夾麵包都好食。.🔸椰青（$35）食泰菜必叫，好清甜解渴。…查看更多

2022年第一餐出街食飯，選擇咗老少咸宜既親民泰式菜，我地2個人叫咗3樣嘢食，全部都好味，而且份量超多。咖哩軟殼蟹火山包想不到普通嘅港式泰國菜餐廳都有打卡食品，呢個火山包賣相一流，相機食先。咖喱份量多，像極火山爆發嘅熔岩。軟殼蟹超大隻，厚肉而且有蟹膏，鮮味十足，脆卜卜。每人有軟殼蟹一隻，超正，超邪惡。咖哩汁好香，用來沾麵包和蟹來食，非常滿足，係必食之選。泰式蝦醬炒飯呢個炒飯上枱時超香，蝦醬味香濃誘人。炒飯粒粒分明，每粒都有濃厚蝦醬味，但不會太咸，加上配上好多櫻花蝦，令整個炒飯更咸香，吃下來有鮮味。另外，炒飯還有泰式臘腸，豆角粒及蛋，配料豐富。蒜蓉炒雜菜除一般雜菜外，還有好多菌類，蒜蓉亦足夠，唔錯。總括而言，這家餐廳超抵食，價廉物美，而且份量十足。火山包份量好大，如果兩個細食嘅人食，叫咗呢個火山包之外，建議不要和炒飯/炒麵一齊食，可以叫一啲小食便足夠。我地今日2個人，點3樣食品以為一定食得晒，但份量意想不到的多。下次一定叫多d人再來食，叫更多食品一齊分享。…查看更多

呢度雖然茶餐廳格局,但係食物有水準,阿姐態度有禮又吹得水先黎一個檸茶加可樂,飲住等,唔洗口乾乾招牌海南雞飯炒通菜咖哩軟殼蟹火山包先講海南雞飯,去骨仲要比雞脾位,唔錯雞皮爽彈,口感軟滑有肉汁,雞肉鮮味,油飯香濃出色,口感爽身唔油膩,仲好香添炒通菜,菜嫩脆綠,馬拉盞炒帶點辣勁,用嫩葉部份唔係用粗身位,食落好香又夠嫩最後係軟殼蟹咖哩包汁底咖哩係蛋花咖哩,唔太辣,易入口,炸到好脆身既軟殼蟹,加埋醬汁食一流另外配埋麵包,脆身沾醬食口感更佳平均消費$150水準出色,抵食好食阿來東南亞風味 油麻地廣華街38號地舖…查看更多

呢間平民餐廳主打食東南亞菜，好食又唔貴，性價比幾好。柚子鮮蝦沙律$68真材實料，見到碌柚大大嚿嘅拆肉，新鮮爽口多汁，撈埋蝦皮同埋惹味醬汁，好開胃。鮮蝦大大隻，肉質幾爽，好食。軟殼蟹火山包$138賣相好吸引， 真係有成隻炸軟殼蟹，炸粉厚度恰到好處，金黃香脆，沾上嘢味嘅咖喱汁，真係冇得輸。農夫包絕對唔可以錯過，焗得外層香脆，裏面嘅包質地好好，吸收晒咖喱汁嘅香味，變得濕潤又有另一種食法。海南雞飯$56呢個幾抵食，我哋冇加錢轉雞髀，但係雞肉都唔會話柴皮，而且份量都幾多。雞肉沾上酸辣醬汁或者薑蓉都好食，如果雞皮可以做得爽脆一啲更好。油飯熱辣辣，都幾香。椰青我哋跟餐叫椰青只需要加$22 ，幾抵，食完咖喱炸嘢呢啲重口味嘢，飲返個清涼嘅椰青，好舒服。…查看更多

環境簡潔光猛，假價錢親民，口味地道非呢間餐廳莫屬☺️ 咖喱軟殼蟹火山包🍞🦀🔥 $138原隻炸得非常香口的軟殼蟹，配上濃濃咖喱汁，蘸包一流。麵包亦非常鬆軟， 裡面有d青椒、紅椒，顯得有口感，必試！🤤 阿來海南雞飯🐔 $66嫩滑海南雞肉，加上轉咗雞脾(+$10)，嫩上加嫩，配上有淡淡雞油香味的黃油飯，簡單而隆重的風味😚 泰式鐵板蠔仔蛋 $78脹卜卜兼營養豐富的蠔仔🦪加蛋🍳，伴以銀芽，用鐵板上夠晒鑊氣之餘，又可以將濃濃蛋香逼出，整道菜色香味俱全🤤 阿來東南亞風味油麻地廣華街38號地舖 #阿來東南亞風味 #油麻地 #旺角 #油麻地美食 #廣華街 #東南亞美食 #咖喱軟殼蟹火山包 #hkfoodieclub…查看更多

廣華街一向都好多食店，最近同朋友行去搵野食發現一間幾抵食的東南亞菜餐廳，有點大排擋feel得來食物都幾特別！幾欣賞這款泰式鐵板蠔仔蛋，份量十足之餘好多大大粒蠔，蠔蛋比例接近1:1😍，而且炒蛋亦非常香，味道不錯咖哩軟殼蟹火山包椰香味重，入面是滿滿的蛋和流心咖哩蛋絲，加上蒜蓉，滑香得來非常惹味，而且不算好辣，有點在泰國食的感覺，味道不會過份濃郁。海南雞喇沙米線$54這個價錢真係非常抵食，平時普通食碗辣米線都呢個價了，但他的湯底卻頗認真，是甜中帶小辣的喇沙，雞肉有咬口之餘份量亦頗多。最欣賞淋香米線，因為本人最怕食硬米線～在小區有時侯真係會搵到性價比高的食物👍🏼…查看更多

餐廳主打東南亞菜式, 菜式種類多, 價錢親民好抵食! 《咖喱軟殼蟹火山包》滿瀉嘅咖喱汁加上烤至香脆嘅麵包, 確實好惹味! 軟殼蟹炸得好香酥, 麵包口感外脆內鬆軟, 份量好大, 麵包內外都有大量咖喱醬汁, 咖哩味好香濃, 用來沾麵包食, 好正😋! 《海南雞金邊粉》鋪滿炸蒜粒同蔥粒, 每件雞件已被去骨, 皮薄少脂肪, 雞胸肉都算嫩滑。《豬頸肉炒椰菜苗》上面有炸蒜, 椰菜苗炒得好有鑊氣, 翠綠爽甜, 啖啖都有蒜香味, 豬頸肉肉質嫩, 帶少少鹹香。…查看更多