阿久根和牛拉麵屋

營業中

休息中

慢煮A4和牛叉燒沾麵 雞白湯，熱辣辣石鍋上枱，大大塊嘅慢煮A4和牛，因為係低溫慢煮，所以係呈現粉嫰紅色，食落口真係好軟嫩，有濃郁嘅牛肉味！雞白湯濃郁，沾麵醬汁好香濃，配埋叉燒同埋拉麵，幾好味！招牌三色拉麵（雞肉、和牛、豚肉）雞白湯，大大碗份量好足夠！雞白湯味道鮮甜，半熟流心蛋好好味！一碗有齊3款肉，大大塊慢煮a4和牛、燒雞肉同燒豚肉，好香口，肥瘦適中！拉麵都好彈牙入味餐廳好特別，好似傳統日本麵屋嘅設計，但餐廳只有bar 枱！餐廳店員服務態度好友善，抵讚👍🏻整體食物份量足夠，性價比高！餐廳座位唔多，所以人多嘅時候要預時間排隊呢

木系裝潢仿照日本屋台設計，全場都係單座位，加上特色巨型卡通塗鴉牆，勁有日本小巷拉麵店 feel，枱頭更放有不同醬料以供選擇。主打自家熬製湯底，有多款拉麵、沾麵，仲有多款小食、及配菜可追如。○ 人氣慢煮安格斯牛小排沾麵 // $148用石頭碗滾住咁上枱夠保溫，賣相非常吸引。可以揀濃蝦湯或雞白湯，試咗橙紅色既濃蝦湯，落足料濃郁稠身，充滿香濃蝦味，唔會太鹹，再加上櫻花蝦，味道更濃郁 (๑´ ڡ `๑)安格斯牛小排份量幾划算，色澤粉紅，帶有大理石花紋，油脂分布均勻。慢煮後，放入熱辣辣嘅湯，高溫將牛小排加熱浸熟，保持到軟淋，鮮美滑嫩又有咬口 。麵條偏粗身，食落似烏冬，緊實彈牙又好掛湯 ꒰ ´ ꒳ `∗꒱ 配料都還豐富，有香蔥絲、木耳絲、筍、溏心蛋等。食完麵之後，一定要加湯，飲埋個湯底，好正。整體味道口感豐富 值得一試 (⁎⁍̴̛ ᴗ ⁍̴̛⁎)ꕀ

今日去到旺角行街搵食呢間拉麵舖令我諗起日本啲街頭小店佢由門口去到入面座位都有啲似位置唔多食完碗麵就走翻桌率好快🍜黑蒜濃湯慢煮安格斯牛小排沾麵🍜味噌蝦湯招牌三色拉麵🥟沖繩苦瓜餃子🥟雞軟骨餃子首先要講呢間係有酒牌嘅拉麵舖可以嘆住啤酒食麵亦冇另外加一服務費湯底有三款：雞白湯、味噌蝦湯、黑蒜三色嘅餸有豚肉、雞肉、A4和牛各一片每款麵都可以揀唔同湯底拉麵嘅麵比沾麵更幼、沾麵嘅再有咬口啲兩個湯底比我想像中嘅輕薄唔會太厚特別係蝦湯可以做到只係味道濃郁而唔係厚重全部肉亦都係有烹調過煎過燒過比起平時普通蒸煮嘅切片叉燒好食😋

記得疫情嗰陣嚟過呢間拉麵店，佢嘅湯底令我記憶猶新！！🥰今日同老細又嚟食，估唔到佢有新嘅菜單，同樣令人非常滿意！❤️👍🏻招牌三色沾麵（和牛、雞肉、豚肉）：揀咗香濃海老湯底，非常濃郁！！用石鍋上枱，仲冒住泡～～好有儀式感！😅🤣塊和牛不得了！！又滑又大塊～香濃嘅牛油油脂豐富～慢煮雞肉好軟熟，一啲都唔嚡口；仲有塊豚肉，都好淋，煮得好入味，好出色～啲沾麵放落濃湯汁，入口非常之香濃！！炙燒豚肉拼鳳尾蝦餃子湯麵：都係揀咗海老濃湯，配上櫻花蝦，令到湯底多咗一層鮮味～麵質非常彈牙！配上濃湯，絕配！！炙燒豚肉好淋，油脂豐富，但係一啲都唔膩～個鳳尾蝦餃子皮薄餡靚，入面真係有成隻蝦㗎！每碗拉麵都配咗大蔥、紫菜同糖心蛋～個糖心蛋又係一絕！好入味，溏心好香濃，所以老細要叫多隻🤭😝🤣再嚟一個日式餃子，一樣係皮薄餡靚，煎得外皮香脆！整體非常滿意～相信不久嘅將來，又會再嚟幫襯啦！！

放工想食沾麵見到旺角依間有人排哂隊咁入面裝修都好似日本街頭小店⛩️⭕️ 慢煮安格斯牛小排沾麵☝🏻黑蒜濃湯上枱時個湯底仲滾緊🔥聞落已好香黑蒜味🧄牛小排入口軟淋 牛味重👏🏻麵條粗身好掛湯沾麵仲附上一張卡仔教學食完可以叫師傅加湯架🥣⭕️ 招牌三色拉麵☝🏻 香濃海老湯 ✅雞肉/和牛/豚肉可以一次過試哂三款肉😍和牛真係入口即化 唔係講笑😌豚肉大大塊 雞肉有驚喜 食得出醃料好特別有落過下心思💕依碗拉麵麵身幼少少🤏🏻上面仲有少許櫻花蝦吊味ps: 粒流心蛋真係好正🤤我地仲叫左支忌廉 係舊式玻璃樽裝好有風味💞

👧🏻😋👅🍽✨和牛叉輸冇得輸🙌🏻-🍜 餐廳有兩邊高枱, 入座時店員都有細心提示可掛袋係枱下掛勾, 免加一但服務都好殷勤-🐂 🐖 🐓 招牌三色拉麵 $138💯三色可以一次過試晒豚肉, 雞肉同A4和牛; 揀左濃厚雞白湯清啲可以試真啲💯三拼各有一大塊厚切肉, 豚肉有輕輕炙燒過, 油香爆棚; 雞肉好軟滑浸一浸雞白湯食更香肉味-🐂 🥩 慢煮A4和牛叉燒沾麵 $168✨揀左黑蒜濃湯, 呢度既沾麵係用石鍋裝湯, 食到最尾都仲係熱到辣嘴; 黑蒜味好濃郁但完全唔會過鹹✨重點係超肥A4和牛叉燒, 牛拉麵係香港真係少見, 每塊都係肥而不膩, 比一般豚叉燒多左陣牛肉香味

之前黎開旺角已經見過呢間拉麵店，一直都想試。呢間拉麵店主打慢煮和牛拉麵/沾麵，亦都有性價比高嘅燒牛肩胛/豚肉/雞肉拉麵，100蚊樓下就有碗，湯底都有幾款：海老湯底、雞白湯、激辛湯、香蔥醬油湯、黑蒜濃湯。餐廳亦有沾麵選擇，無輪鐘意邊款麵底嘅朋友都可以約埋一齊食😙🌟 日式鳳尾蝦餃配灸燒豚肉拉麵 $85期間限定嘅拉麵，送兩隻鳳尾蝦餃，幾抵食👍🏻豚肉用左日本五花腩，炙燒逼出脂香味同係香味，入口入味軟腍。湯底揀左濃厚味噌蝦湯，蝦味好湯濃，不過因為加左味噌會有啲咸，唔飲湯嘅其實ok. 每碗拉麵都有糖心蛋、紫菜同大蔥，糖心蛋仲要係成隻。🌟燒牛肩胛拉麵 $99同樣叫左蝦湯底，配牛肩胛都幾夾，牛肩胛半熟，咬落幾有口感，拉麵口感都幾煙韌。🌟 阿波美鷄皮餃子 $48雞皮餃子個皮炸到勁脆，仲有d脂香味，餡料係豬肉，整體味道唔錯。🌟 唐揚鷄件 $38唔好太厚粉，雞肉都幾嫰，炸得香脆。

餐廳小小的，座位大約十多個，座位全是吧台，沿廚房和窗邊而坐，和日本看到的傳統麵屋頗像，像身處於日本一樣。這裡QE code 落單很方便，店員也會主動推介菜式，加分！沖繩苦瓜餃子(4件) 見幾得意所以點一份試下，本來驚會好苦，結果有驚喜，苦瓜的甘甜配合豬肉餡，為日式餃子帶來一點清新，加上餃底煎得焦脆，挺好吃！ 鹿兒島流心芝士薯餅 超推介！炸到好香脆，D芝士好香，一咬爆漿小心流哂出黎，一份對切左2件，同朋友share岩岩好。三色濃蝦湯拉麵（叉燒、雞肉、A4和牛）湯底好濃嘅蝦味，我至愛濃湯！叉燒好淋燒得好香，肥瘦適中，3款肉中我至愛就係佢。雞肉口感都幾滑，但略嫌薄咗少少。A4和牛唔洗講都知好滑，入口即溶，但我本身唔係好喜歡油脂重的牛，所以至愛都係叉燒。牛肩胛拉麵雞白湯湯底奶白而濃郁，雖然沒蝦湯那麼濃，但鮮甜順喉不油膩，牛肩胛肉燒得香口，肉質有小小韌，可能有少少過熟，但牛味香濃，都幾好食。

一直想試旺角呢間拉麵店店內店外都充滿日本風味雖然座位唔算好多但湯底同麵質都好有水準好多人都會嚟食和牛拉麵皆因唔係好多地方有呢個配搭除咗拉麵之外沾麵都相當出色✨ 招牌三色拉麵呢碗可以試哂三款不同肉質豚肉．雞肉．A4和牛和牛油脂滿溢．肉質香軟揀咗濃厚味噌蝦湯．仲添加櫻花蝦味道超香濃✨ 燒牛肩胛拉麵牛肩胛肉質軟腍配上雞白湯．配上半熟嘅溏心蛋同拉麵完美配搭✨ 日式餃子薄薄嘅餃皮．裡面肉汁豐富沾上餃子汁．更Juicy下次再嚟一定要試下熱辣辣嘅沾麵

上星期行過旺角，想食拉麵，行左去登打士街，記得有間日式拉麵店在玩具槍店附近很久沒有來，環境仍然有日本feel，播著日本音樂，不再用紙點餐，改用左QR code 點餐，方便左，環保啲點左個灸燒豚肉黑蒜湯拉麵，以前好似沒有的，什麼時候加左上去呢？都有兩年沒有來了黑蒜湯很香，掛湯，麵質正常，沒有什麼特別，I love it 灸燒豚肉很稔而且有焦香, 燒過係不同，印象中，進步了很多糖心蛋流心及有點甜滿意度80分會再黎，很地道

今天放工行開鼓油街，唔知食咩好，見有間拉面店决定試下入到去冷氣滴水，滴到我頭髮都濕左，又唔够冷氣。再跟住有個黑口黑面阿姐叫我掃碼點餐，見牛排拉面108認真己覺得唔算平喇，認住反正入左試下算喇，但的面好少份量，我平常食好少嘢的人，居然吃唔飽。勁好笑。唔飽追份小食，見到小食一欄寫$78／份蝦，心諗食多份蝦應够飽，結果蝦上台我吓襯，原來$78／係一隻勁細基圍蝦，附圖俾各位睇下，原來的好評唔知係俾左幾錢俾的打手寫的。見下圖蝦衹有筷子尖尖咁大，$78一隻做蝦跟鷄蛋一樣大小，兩位食左$300幾，食唔飽，唔怪得的人全部走上大陸消費，咁樣價錢質素如何啃得落，救命

店入面座位唔算好多，全部都係好日式嘅高椅好似去咗日本拉麵店啊靠近門嘅位置係廚房，可以隱約見到拉麵師傅整麵，但又有玻璃隔住唔會好大油煙 既然叫和牛拉麵屋，咁當然要試下和牛叉燒!有好多種湯底選擇，每樣都好似好吸引咁 慢煮A4和牛叉燒拉麵 $158湯底揀咗香濃海老湯 和牛好大塊，有2片望落好粉嫩，食落都好嫩滑，入口即溶!湯底好濃郁，仲有好多蝦乾 慢煮雞肉拉麵每款湯底都唔同價錢，今次試咗推薦嘅雞白湯 $80 同樣都好嫩滑，而且燒到好香同樣濃厚嘅雞肉風味而清爽嘅口感 仲嗌咗波子汽水 +$25 見到隔離枱嘅人嗌咗沾麵都好吸引下次試下沾麵先~

本身好鍾意食拉麵，但覺得香港好多拉麵店都唔夠日本好食，有一日經過廣華街，無意中見到一間小店喺轉角位，好有日本道地小店嘅感覺，就即刻Mark低好想試。尋晚終於試咗，果然冇失望，叫咗碗豚肉+海鮮濃湯，個湯真係好濃好鮮香，豚肉都燒得剛剛好，唔會好油膩但又好啱重口味嘅我，差啲忍唔住飲晒啲湯。雖然坐得有啲迫，唔算話好舒服，但係又好食嘅嘢就滿足，下次會再幫襯試吓其他拉麵！佢仲有啲自家嘅調味料，辣粉/拉麵胡椒等等，悶悶地想轉口味都可以試吓🥳

聽聞係名店，帶住期待既心情入鋪試一下。入到鋪唔太多人，都幾多吉位，咁冇人帶位我就隨便坐低然後寫野，寫到一半比啊姐叫坐埋牆邊（即係比多d空間可能之後有兩/三位入黎），冇咩問題其實。跟住寫寫下野啊姐又同我講話叫我將個袋放坐位背，都唔係問題黎我本身都係咁諗，問題係佢態度語氣唔友善，見到bar台上面有微笑服務獎之類，個人經歷不敢苟同。服務唔太好食落都唔會開心，麵質冇選擇軟硬但我覺得岩岩好，口感係唔錯。湯底唔錯，牛肉更正係唯一想讚既地方。但留意個價錢，同價位有好多其他選擇。

今次試咗招牌牛小排濃厚蝦湯沾麵，蝦湯重口味，食到最後會有少少鹹，因為蝦湯太重味，所以食唔出牛小排有牛肉味，有少少浪費咗個牛，不過份量好大，一定夠飽肚，有機會嘅都可以一試