阿不鴨不

營業中

休息中

好肚餓嘅時候入嚟呢間餐廳點知鱸魚蒸飯得3片魚，再多炸蒜鋪喺面，都掩蓋唔到濃濃雪味菠菜蝦餃皮好厚，仲要有小小變咗嘅味道！雞扎用蟹柳都算，但幾乎無味唔怪得有人話似飛機餐⋯⋯希望各位唔好中伏🙏🏾🙏🏾🙏🏾仲有花茶好香精味😅

點心係超市買返黎翻熱。認真7仔都好吃過佢。今日我食咗燒賣，麻蓉包，叉燒包，菠菜餃，粉果，同埋雞扎。個菠菜餃同埋啲粉果塊皮仲厚過塊面皮。個皮仲要見到公仔點心嗰啲格仔。燒賣連一啲豬肉都冇全部都係粉。叉燒包入面個餡係乾爭爭，個包皮又係厚到震。好心呃人都要呃得透徹啲，搵過另外一個vendor 得冇？咕嚕肉都算係咁。炒飯就正常返啲。開茶都開得遲過人。個老闆仲要串串貢咁嘅feel，入到門口叫完位，一句都唔講，都唔知佢聽唔聽到。呢間嘢都轉名轉手都幾次都係咁難食。

入座後侍應才通知用餐時間只得80分鐘，兩老用餐後要用水服藥，所以入座後便問侍應攞杯水，唯待應表示要先叫茶才給水，隨後表示全部只要水可否，待應仍堅持先叫茶才供水，不知是否擔心我們只叫水唔俾茶位錢。叫了花茶發覺味道不太合適，問侍應開過另一壺茶，怎知侍應回覆少人只可以開一壺，就算揀錯都冇得換叫了三個菜，味道尚可但咕嚕肉心不太熱應不是即炸，白飯微暖。總體感覺侍應奉客不太周到，部分食物唔多夠熱，性價比不值推薦。

呢間阿不鴨不，午餐menu最近改咗，變相加咗價，本身已經要加一，加埋茶位一個人要十蚊，真係有啲貴呀💸！服務態度都麻麻哋🤨，有啲嘢要等好耐🤦🏻‍♀️。**咕嚕石斑塊🐟 $108**石斑魚肉質幾滑嫩😌，咕嚕醬汁甜甜酸酸幾開胃😋，但係份量就少咗啲🤏🏻，同舊價錢比，性價比低咗好多😭。魚肉有啲腥味，影響咗整體口感😖。**菠蘿西班牙咕嚕肉🍍 $98**呢個菠蘿咕嚕肉，賣相幾吸引🤩，西班牙黑毛豬肉質幾好，唔會太韌💪🏻，菠蘿夠酸甜🍍，但係整體味道就比較普通🤔，無咩特別驚喜💥。

當天晚飯後漏低手機，回家才發現，餐廳已關門；待第二天早上才去餐廳搵，感謝好心靚仔經理幫我妥善保管，還返俾我，亦感謝待應冇貪心私有我部手機（雖然已經係舊款），香港仍然有好多善良嘅人；餐廳食物一般，但因為呢啲好心人，我會再去，但今次會千萬小心

未試過難食到咁，超市求其買包點心叮完再翻叮都好食過佢，咬佢個燒賣第一啖就諗起飛機餐嘅味道，粉果完全係可以笑出嚟，皮厚餡散，福建炒飯啲米仲要係生嘅，見到附近幾圍食飯完全冇笑容，好想走過去問吓，閣下係心情唔好，Anyway, 不可一，不可再！

環境很逼，完全沒有轉身位置，服務員留長指甲上菜，很不舒服半隻烤鴨上來完全不熱，像預制菜，只有皮無肉，充滿油膩感黑松露炒蛋蝦球很油膩，炒蛋黏稠吃完令人作嘔的一餐，差評！真心不推薦，沒有下次

今晚和女兒首次於Airside食晚飯，看中這間裝修別緻中式餐廳，員工有禮，點了松露大蝦炒蛋，手撕脆鷄及乾扁四季豆，味道不錯，女兒更難得添飯，配上中茶，正！我哋坐喺窗邊座位，甚有風味！讚！😃👍

排队攞位安排一塌糊涂, 问佢攞卡片头拧拧嘴藐藐. 连食野的胃口亦没有. 今时今日噉嘅服务态度。就算你啲野食识飞啲客都会走。何况啲嘢食只係一般。商场入边有太多选择。多佢一个差唔多少一个。good luck to all

無相, 太差懶得影, 原本不想浪費時間差評,但係愈諗條氣愈唔gur約了朋友去AIRSIDE, 坐私家車去的,一出來就是B1, 見到這家好似有人又沒試過就諗住試下.中午時候入場.1點左右5個人, 等左10分鐘左右, 入到去原來一堆吉位, 等客人等下位谷下人氣？個時就應該走人換第2間叫了4個午餐SET （78）+ 3個點心 （28）+ 甜品 +花茶（22）前菜 四喜烤夫 雞絲粉皮  比正餐都好 碗仔翅+10蚊就麻麻地午餐SET 咕嚕肉可以 , 鴨類菜式非常一般, 3蔥爆鴨 不入味,  炆鴨米鴨肉老到O晒嘴,  酸菜魚有少少辣, 味道OK3款 點心 普通,  有一款海鮮卷直接沒貨甜品, 豆沙鍋餅, 沒豆沙,  笑鬼死我花茶最坑錢,  22蚊1位,  5個人, 給1個茶包自己沖, 好意思收22蚊1位

又到Airside，搵食當然想嚐新，但又不希望太肥膩因閨蜜還有重重難關要闖。環顧四周，小菜飯餐相對合適便選擇了的「阿不鴨不」。套餐不包飲品，1-4人可選一款茗茶。蛋角很大份，蛋香是足夠的可惜煎得有點實，但午飯時間人客衆多，火候控制略為強差人意也屬正常。午市套餐有不少選擇，有平也有貴一點的小菜選擇，牛小排高鐵質、帶子則富含蛋白質，這兩款食材貴一點也無可厚非。蜜糖豆及百合清甜爽口，牛小排肉味濃，火候掌握得不錯，可惜帶子質素有待改進。尋常貨色，有點像超市冷凍食品，質素可想而知。平或貴價套餐均可選擇一碟青蔬，安排不錯。

平日夜晚8點幾，冇乜人唔使等位，叫咗普通嘅普洱茶$12/位，茶都有獨立嘅餐牌幾款可以揀，價錢要視乎你揀乜嘢茶葉，唔知係咪就嚟收工發夢咁，上咗菜果壺茶仲未到，提佢先如夢初醒中⋯⋯餐廳環境乾淨整潔，但食物性價比普通，不過不失，冇乜特別

點心唔係主打？就算唔係主打，都無理由咁低質真係好耐無食過咁唔好食嘅點心春卷一上枱已經心感不妙，其中一條爆晒口，厚皮餡小，外層炸到過晒火，又乾又硬再黎魚翅餃，餡嘅味道調味似小籠包，但肉散爛得太誇張，完全無質感，完全係我未食過嘅魚翅餃蒸蝦米腸味道可以，無咩蝦米香，但係浸住個汁上，唔知係未店鋪特色？？？去到鳳爪同埋奶黃包，雖然正常味道，但係今餐最好食！進駐Airside這新商場，新地標， 姑勿論特色，不論服務或食物質素，連基本都做唔好時，真係夠競爭力？

見到招牌菜式全部有九折，所以入去試吓。品嘗了兩款非常特別的菜餚：片皮鴨和黑松露手撕雞。首先談談片皮鴨，它的外皮烤得金黃酥脆，一咬下去便能聽到令人滿足的「啪嚓」聲。鴨皮下的肉質細嫩多汁，搭配秘製醬料，味道豐富而不膩，絕對是餐桌上的明星。接著是黑松露手撕雞，這道菜將傳統手撕雞的風味提升到新的層次。雞肉本身經過慢火燉煮，肉質柔軟易撕，加上黑松露的加持，每一口都散發著濃郁的香氣和層次感。黑松露的奢華味道與雞肉的鮮美完美結合，令人回味無窮。總體來說，這兩道菜不僅在味覺上帶來了極致享受，也在視覺和嗅覺上提供了豐富的體驗。無論是尋求創新口味的食客，還是喜愛傳統美食的饕餮者，都不容錯過這樣的美味佳餚。

與同事吃午飯，原本不知吃什麼，於open rice 見到這間便試一試。我們人多，預訂便可以不怕沒位置了，到達時已經可以直入坐下。發現午餐抵食，可以選一款小食、一碟主菜，然後再選飯、粥或油菜。我選了點心2件及蔥爆炒鴨肉。鴨肉大件啖啖肉，而且炒得火候夠，同事選醉雞，份量亦很大碟，大家都食得開心。環境亦坐得舒服，亦可以refill 茶，多人聚餐地點推介。唯一是我以為會有片皮鴨吃，但午餐menu 沒見到，有點失望。