開心小廚 (已結業)

位於荃灣海濱花園平台上的一間港式茶餐廳，在午市時也有多款的午餐供應，如港人喜歡的蒸肉餅，豉汁排骨飯等。一般茶餐廳的裝修都是較簡單，如果地方清潔，招呼周到，應該算不錯了。這天見天氣炎熱，便叫了馬來炒貴刁, 有例湯和飲品，當炒貴刁熱辣辣的端上來，那陣咖哩香味在你鼻蕾不斷飄來，隔離枱應該都聞到我食什麼，材料是夠的，份量也很足夠，味道不會太鹹，在熱辣辣的天氣下食一道帶辣的午餐，可以開開胃，再配上一杯凍飲，便醫飽了肚子。下次可選擇其他不同的款式。

係我黑仔定點麵包有曱甴腳 杯咖啡有成隻曱甴希望留意衛生。。。。。。。。。。。。。。。。。。。。。。。。。。。。。。 。。。。。。。。。。。。。。。。。。。。。。。。。。。

夜晚九點幾先入去食佢哋都唔嫌我地阻佢收工態度都幾好叫咗個時菜牛肉一開頭以為會好油好重味 點知佢又整得清清地 幾好在叫咗個蒜蓉粉絲開邊蝦一開頭見到呢個畫面呆咗心諗冇蝦嘅點知打開見到原來下面有好多蝦都起碼14 15隻仲要呢個價錢超平講緊40幾蚊一個餸 80幾蚊兩個真係40幾蚊食到蝦 真係抵到爛平時可能喺出面七十幾$80食到嘅蝦都好似呢啲咁細隻 所以都真係幾平 仲有湯餸同包嘢飲🧃兩個人食晚飯買單都係$90仲要煮得都比較健康

兩個人黎食晚飯 最近做緊優惠 叫小菜 非常之抵平時剩係叫一碟小菜可能都要$60-80呢度$48送埋白飯同飲品😱 叫兩款或三款仲平！！絕對係街坊價兩個人 叫左「時菜炒牛肉」同埋「黑醋咕嚕肉」由於價錢都好平 所以唔會有太大期望😬結果同想像中差不多時菜炒牛肉都幾入味 好快俾我清晒黑醋咕嚕肉 少少酸 不甜 個人覺得一般d汁撈下飯都算唔錯既見到隔離枱既「京都豬扒」賣相唔錯有機會會試下😆😆overall 小菜既份量唔會太大碟對我黎講係岩岩好 （有埋白飯、湯、飲品）以呢個價錢 味道都算係咁環境方面，茶餐廳黎講都算坐得舒服、幾闊落下不過食食下，有伙計做到發火，大聲鬧第二個伙計我嚇一嚇😅😅😅

荃灣中心咁多間餐廳黎講坐位係最適服一間，卡位夠大冷氣足夠，街坊生意價錢同質素，不過外賣質素就一般般，早餐無左奶油脆豬之夜失色不少，希望將來可以加返，晚餐蒸魚size可以2人食用。

今日中午12點左右，order個快餐C係楊州炒飯 + 熱奶茶 碟飯黎到有如白飯(d餸少到呢), 見到都唔想食。食左一半已經放棄左碟飯，埋單走時反應比收銀個男人知，佢冇講任何野，之後我話，唔洗止意我再黎幫襯，佢答我"好呀，好呀". 鋪租/食材貴係明白的，但係…簡簡單單的楊州炒飯都煮到咁樣水評，令人覺得敷衍客人囉。客人只係想要返dd有誠意感的食品，對茶餐廳不要求甚麼水評，醫飽個肚就算。但係呢間餐廳連簡單的誠意都冇，就冇野好講了。

同老公order了兩份早餐, 兩份都係湯粉+腸蛋, 根據佢張單record 11:12落order, 隔了十分鐘湯粉到, 再隔一陣餐飲都到了,  11:2x 分出了一份腸蛋, 仲有一份未到11:30催左一次,  回覆話催左, 11:42仲未嚟,  再催一次都係回覆催左但無回答要等幾耐, 11:45真係等到唔趕時間變趕時間, 唯有結帳走。於收銀結帳時同疑似係老闆娘投訴, 佢只說唔好意思, 話個爐壞壞哋, 但解釋唔係好合理, 為何同一張枱叫同一樣食物會只出到一份? 仲要收全份早餐價錢, 因第二份早餐只食了湯粉,餐飲, 想要求只收湯粉和飲品價, 卻說電腦set死價錢不能改!  只食左佢半份早餐, 卻收了全份錢, 之前已經聽過這間餐廳常常要客人等, 等到無可奈何唯有結帳走, 都預左要等耐少少, 無想過會由唔趕時間等到趕時間, 又唔明白為何一份腸蛋半個鍾都未有, 其實出唔倒就應該早點通知客人, 如果佢地服務唔改善, 真係好難留住客人。

感覺一個人去這間餐廳是不受歡迎的，是會被歧視的，可能是細單生意吧！可能是一個人霸佢成張枱吧！我去過兩次，都是一個人去。第一次，是開張冇耐，一個閒日的下午茶時間，餐廳其實都冇乜客，我是旦揀咗個位坐。我食咗個西多士覺得味道ok嘅。食完西多士，飲緊個餐飲時，就俾老細(我估係老細，因為全場得佢一個係寸寸嘅態度，其他夥記都 ok 嘅)叫我轉位，我問點解，佢就話有一行8人要坐，要將我坐緊嘅枱同隔離d枱拼埋變大枱喎，我環視四周，間餐廳9成枱都係吉枱，點解一定要拼我張枱？佢個態度係我非讓不可咁，咁我唯有讓啦。其實就算我得一個人都好，都唔影響佢做生意呀，因為當時根本就冇客。覺得佢呢個舉動純粹為趕走我呢個細客仔。第二次去，係星期日嘅早餐時段，呢次我醒呀，我主動同另一個陌生人搭枱。但就見到隔離枱個老伯伯俾人調走，佢完本已經係同人一家三口搭枱，點知一家三口食完走咗得返佢一個。接住就有另外一家四口入嚟，個老伯伯就俾老細調走讓俾一家四口喇。果一家四口包括一個坐輪椅嘅婆婆，佢地都勁同伯伯講唔好意思。坐定咗，聽到一家四口傾計，佢地話其實最近門口有一張枱，果張枱對佢地嚟講最方便(因為有輪椅)，而當時只是一個等外賣的客坐

今天放假到這間餐廳食早餐叫了一份早餐包括一杯凍奶茶 我下單後十分鐘便到 之後再等多三十分鐘 奶茶 都未到我問店員店員多次覆我嚟緊嚟緊嚟緊嚟緊嚟緊 到我 都可離開杯凍奶茶都未到 這間餐廳我不會再去不知所謂 我未曾去過一間餐廳係會咁樣 到我結帳 我話畀收銀員聽 我酒杯凍奶茶都未呢 結果換來多謝多謝多謝多謝多謝真係笑死人 總括嚟講食物一般但服務真是 不知所謂之中嘅不知所謂 奉勸大家 週邊也很多餐廳 免不過都不要到這間 我以後也不會再到這間餐廳

偶然會到小區逛逛因為家中父親不想煮飯便一行三人到此餐廳解決晚餐我沒有想過原來這間餐廳都唔細!!有廿幾張枱 晚餐時間仲要差唔多滿座咁濟!!!一坐低侍應姐姐就會先俾我地一人一碗例湯係南瓜排骨湯 都幾好味飲落都無咩味精我地叫左三樣野1)蒜子火腩大鱔煲2)京都骨3)豉椒牛肉炒河牛肉炒河都幾有火喉雖然牛肉份量唔多但都係水準之上既炒河至於京都骨酸酸甜甜係我同母親大人既最愛份量好多 有成差唔多十舊而每舊都唔欺場唔會每條骨得果少少肉我地最欣賞就係個鱔煲其實我地好鐘意食鱔但鱔處理不易所以比較少係屋企煮呢度既鱔食得出好新鮮啲魚肉係彈牙既 味道岩岩好啲蒜亦好香唯一美中不足既地方就係啲火腩實在太鹹了同其他野一齊爆完都咁鹹究竟本身啲火腩係落左幾多鹽總括黎講以呢個價錢 街坊生意好抵食如果屋企下次唔煮飯都會再黎食