長洲角酪 (已搬遷) 新店位置

每次去長洲都見到好多人係呢間飲品店打卡😂太多人所以我都無機會一試，而家由長洲開到嚟尖沙咀，仲係公司附近，lunch或者tea都可以飲喇😍😆·莓莓角酪($38)用新鮮草莓加乳酪攪碎整成，食到少少果肉，所以味道唔會假唔會藥水味🤣呢款入面仲加左紫米，增加口感之餘仲好飽肚😆杯身仲有兩片薄士多啤梨裝飾，擺得好似❤️❤️連貼係杯身果張sticker都花左小心思，每杯都有唔同句子，咁岩我果杯係：幾甜都冇你咁甜😂😂😂暫時係我飲過最好飲嘅乳酪飲品🤤

喺尖沙咀行行下街，入咗廣東別拾，發現除咗賣好多港產品，行到入邊仲有賣小食嘅地方。今次試咗莓莓角酪同甘露角酪，兩杯都好清甜，幾好飲，唔會太甜，唔會太肥。雖然比起出邊嘅價錢貴咗啲，平均$40，但值得一試。

終於有機會試長洲角酪有時夏天未必想飲d偏滯既奶蓋或者珍珠類乳酪係一個唔錯嘅選擇今次試咗芒芒角酪 ($38)乳酪好滑芒果蓉唔會太甜唔會太酸有啲紫米多咗啲口感有種好fresh 好清新嘅感覺好想快啲下次再試其他味😋

係IG見過好多人介紹，所以一直好想飲呢間但長洲真係太遠，所以一直都未有機會一試有個朋友上星期話我知佢係尖沙咀開左分店，即刻黎試下！結果一啲都冇失望！分店開左係海港城附近一個新開既商場，係Apple隔離個商場都幾得意，行文青／小店路線雖然鋪頭唔多，但幾有特色，推介大家黎行下莓莓角酪 (9/10)飲得出係用鮮果打出黎，而唔係開糖漿入面仲有少少打爛左既果肉成杯俾我個感覺係好fresh士多啤梨同乳酪個比例岩岩好！酸酸甜甜咁，勁岩夏天飲！個底有煙煙韌韌既紫米，係幾特別既配搭！初頭有驚好怪好唔夾，但飲落又出乎意料地唔錯！好彩個日唔記得叫少甜走冰，因為個甜度岩岩好如果少甜唔知會唔會淡得濟小店隔離有幾個卡位買完坐低慢慢飲吹陣水打陣卡先走都得

近排先知尖沙咀Cantonyama原來開左長洲角酪，去到發現個場極冷清😂 不過唔洗入長洲都試到長洲角酪又幾方便！————————❦ 甘露角酪 $42芒果、西柚同柚子加埋一齊又清甜又fresh，同乳酪好夾。評分：🌕🌕🌕🌖🌑-❦ 莓莓角酪 $38呢杯除左有士多啤梨之外仲有紫米豐富口感，不過我覺得士多啤梨同乳酪都偏酸，同埋紫米偏硬。評分：🌕🌕🌕🌘🌑-Order完都等左一段時間先整好，不過點都快過入長洲🤣🤣想試可以去尖沙咀試吓～