長洲平記

營業中

休息中

黎到長洲點都要食燸米池,長沖出名的平記。佢既糯米池勁大粒,皮又好薄,又有口感。食落入口.佢入面D芒果十分JUICY,又好甜。$15蚊一粒價錢都OK呀好多時出面既芒果糯米池入面既芒果都會好酸。平記既就唔會喇,依然好有水準。

長洲其中一樣最出名既小食一定係芒果糯米糍，黎到又點可以唔食呢？入到長洲你會見到周圍都有賣芒果糯米糍既店舖，而長洲平記就係我每次入到黎必吃既依家糯米糍既口味愈出愈多，有榴連，奇異果。。。等等，但芒果🥭一定係最吸引的！！芒果糯米糍($15)雖然$15唔算平，不過一份都有一隻手掌咁大，所以價格都算接受到。講番味道先，可能唔係芒果當造既季節！？所以芒果食落唔算甜帶微酸，但尚算皮薄餡靚！我自己就好鍾意佢既糯米皮，煙韌帶甜嫩滑，我好喜歡呢種甜甜既糯米皮，真係令人回味無窮！回食指數:

今日難得放假，仲要係平日，諗住唔會好多人，一於約埋好朋友同契女入長洲食食食😎但估唔到原來平日嘅長洲都勁多人，好似假期咁😂😂一落船，我地嘅第1站就黎到長洲平記每人食番個糯米糍頂下肚先😁芒果糯米糍($15):大大粒芒果，芒果好多汁，但唔係好甜，有少少酸酸地。糯米皮好滑又唔係好厚，食落口啖啖都有芒果肉！雖然15蚊1個糯米糍好似有啲貴，但難得入到黎長洲梗要食番個啦😋下次如果再入長洲會試下榴蓮糯米糍😎

難得星期日，都係去郊外走走嘅好時機！11點半搭個船入去長洲，食個飯仔，遠離塵囂，為忙碌嘅自己打打氣充充電！咁先有氣有力拼搏！💪🏻其實食個飽飽都無空間再食其他，不過入長洲必食嘅兩寶一定要食，大魚蛋同芒果糯米糍！而芒果糯米糍係幾時食都食得落，好似話女士有甜品胃一樣，點飽都食到！其實無特別對邊間糯米糍有偏好！今次就試長洲平記，通常有人排隊嘅都唔會太差！糯米糍size比出面市區賣嘅大件，食落都幾好食，皮薄煙韌，入面舊芒果肉又勁甜！當然生果係時令嘢，今次甜唔代表下次都咁甜！店家都細心，用抹手紙包住，唔會食得勁污糟！

#double_長洲-【長洲食乜好2️⃣】#🍋👧🏻 食完魚蛋決定要食返啲甜品落咗船之後 轉左手邊 沿着碼頭⛵️一直行 就會見到無數嘅美食 好吸引呀💕-🔻焦糖芝士雪糕撻($25)佢隻芝士雪糕 就似早排雀巢新出嗰隻 芝士奶蓋味甜筒🍦 加左焦糖系面 放在酥皮上 簡單而美味⭐️評分：7/10-🔻芒果糯米糍($15)皮較厚 好在有咬口又煙韌 最欣賞嘅係糯米皮粉少 唔會食到成口都好污糟😙芒果香甜⭐️評分：6.5/10－－－－－－－－－🏝環境：8/10🛋服務：8/10💲價錢：7/10💥翻兜指數：7/10

去到長洲點可以唔食芒果糯米糍呢！我每次都會去食長洲平記。今次去長洲都唔抵呀，雖然食到好飽，但係都要買返一盒返屋企食。芒果糯米糍個皮軟熟煙銀，芒果肉係厚切，香甜多汁。軟綿綿嘅糯米糍皮包住juicy叫芒果肉真係無得輸。拎返屋企食都一樣咁好味。

係長洲都有3-4間賣芒果糯米糍但我覺得呢間最好食下午長期排長龍..20-30人係到排隊如果夜晚會係長洲食晚飯建議晚飯後先過黎買唔洗排隊+店員笑容親切拎走既朋友要留意買夠4粒先有盒裝，少過只係用細膠袋裝芒果差不多有一隻手咁長皮薄，芒果厚肉當足料$15芒果算甜..之前食過更甜

和朋友去长洲玩怎么少的了芒果糯米糍，这家的芒果糯米糍就真的是我目前在岛上吃过最好吃的，皮厚度刚刚好，芒果馅足很香甜朋友说菠萝冰看起来也不错就点了一个一起喝，48一个？38一个？不记得了，因为我只知道好冰，在喝菠萝味的水，冰水！卖相看起来很吸引，但我可以保证，只是看起来，吃起来根本就是很淡菠萝味道的冰沙，基本上没有菠萝的味道，我朋友看见制作的时候加了很多很多冰，菠萝中间果肉掏空了和冰打在一起，因为很多很多冰打出来才看起好像很大份，但是真的就是很冰很冰，还不如吃冰菠萝！！！后来实在太冰了就问店员要一个杯子把冰倒出来融一融再喝，结果另一个店员说菠萝冰就是冰的啦，大家看到没？对啊，就是冰的啦，不要幻想菠萝味很重哦！

入到長洲，夏日熱辣辣　人頭湧湧，梗係要食返啲又凍又解暑既野啦！係碼頭一出向右一直行，5分鐘左右就會搵到長洲平記啦！原個菠蘿冰  ($40)夏天食冰真係好爽！菠蘿肉同菠蘿汁夠多，不過冰有啲太多又一大粒咁完全食唔哂，但解暑一流！平記最出名既糯米滋今次無食，反而試左佢個雪糕糯米滋芒果雪糕糯米滋 聽落都唔會中伏啦，一咬，係無問題既。芒果味雪糕比平時既濃，不過咬完一啖個糯米皮同雪糕開始分離食食下個雪糕好似脫皮咁，結果皮還皮，雪糕還雪糕

都有好幾年冇去長洲，今次去到長洲一落船向左行冇幾耐就到咗平記，見佢既焦糖芝士雪糕撻睇落好吸引，而且之前冇食過，所以就叫咗一件。職員將芝士雪糕加落撻皮後再落焦糖，然後用火槍燒一燒，賣相確係唔錯。不過味道就一般，芝士雪糕尚算唔錯，可惜個撻皮係凍咗既，而且淋哂，一d都唔鬆脆，令人扣好多分。另外因為天氣熱，所以雪糕溶得好快，冇得坐喺度食的話食既時候比較狼狽。除咗焦糖芝士雪糕撻，我地仲買咗芒果沙冰，比相像中大杯好多，不過芒果味唔算濃，下次嚟長洲未必會再飲。

正所謂阿婆走得快一定有古怪，鋪頭門口咁多人排隊，仲唔係有好嘢！本來係想去試焦糖芝士雪糕撻，但見前面好多人都買芒果糯米糍，咁一於試埋啦！焦糖芝士雪糕撻：焦糖只係個外表，完全冇焦糖味。芝士味唔係十分濃，但雪糕配埋酥皮撻嘅配搭十分好。芒果糯米糍真係一絕，唔怪得吸引到咁多人排隊都要買。皮好薄，而且唔會有好重嘅粉味，芒果好甜，成個糯米糍都好大隻，買咗六個拎走都覺得買得太少。見到前面嘅人買左白色嘅沙冰，係椰子沙冰！佢有個朵叫巨無霸椰子沙冰，我以為只係名嚟嘅啫，點知係杯椰子沙冰真係好大杯！ 兩個人飲咗好耐，飲到連餐正餐都食完都未飲得完，不過略嫌有一啲甜，但個沙冰好滑，質感好好。

之前每次去開長洲都會幫襯！今次都唔例外今次叫咗六個榴槤糯米糍，一個芒果糯米糍，水準保持得好好！！絕不遜色！！芒果同榴槤其實係同價錢但係榴槤嘅餡都唔少，非常之正同埋好鍾意個糯米糍皮做得非常之軟滑另外佢哋原隻西瓜盅也要誠意推介一下。真係夏季消暑良品原隻西瓜製造透心涼

同一日，我的朋友帶我食完佢心中既最正宗。而我就又帶我好友去我心中最正宗個間。尼間平記，我之前食開。今次我就帶我的好友黎尼間。佢話岩岩食完香芒糯米糍，所以就唔食啦。今次就食佢既榴連糯米糍，榴連糯米糍係我好友個間無既。我好友一試尼個榴連糯米糍，立即心心眼。佢話個榴連糯米糍入面榴連肉好豐富，仲要好新鮮。食住啖啖既榴連糯米糍，齒頰留香！另外，我的好友雖然無食個芒果糯米糍，但佢見到個芒果糯米糍比佢平時食開個間大舊好多，仲話好似手掌甘大。（當然價錢都會貴少少 ，$8與$15既分別）總結，佢食完個榴連糯米糍，已經心心眼，大讚好味。

長洲就出名芒果糯米糍。我就去咗呢間長洲平記食最正宗嘅芒果糯米糍。皮薄芒果大大夠。$15都好多人排隊。我都排左20分鐘先買到。我仲左佢既榴槤糯米糍。都唔錯。但最好食都係芒果糯米糍，諗起都想再食呀。

呵呵，好朋友視角篇💁🏻‍♀️💁🏻‍♀️🍉🍉🍉。如果你身旁有一女子在烈日當空下🌞🌞🌞不斷嚷著補防曬呀，補水呀，呃，最直接了當的是讓她看中街上一切的疑似消暑食品，例如這個西瓜冰😸😸😸她自然會安靜(一陣)下來😌😀😀。。不過看來她真的很熱：「這個西瓜冰的西瓜是夠甜的，但可惜冰是暖的！」吃完還是有點嘮騷，然後她一切還是會看不順眼🤷🏻‍♀️🤷🏻‍♀️若遇到這個情況，男朋友們要識做喔！😯😯🤔。小小西瓜冰$38，同街上的小小西瓜同價。價錢尚算合理，畢竟小巷的小店也是這個價錢。