鐘路雞林辣炖雞湯元祖

自從喺韓國食完一隻雞之後，一直都心心念念。終於喺香港搵到呢間韓國食雞餐廳，未食就已經期待。今次叫咗清湯燉雞鍋，鍋裡面有薯仔、年糕、雞肉同埋雞蔥，整體來講都幾好食。個鍋嘅湯底煲出嚟幾濃，湯色清澈，啲雞肉煮得好腍。不過，湯嘅味道就冇韓國嘅fresh。餐廳亦有提供鹹鹹酸酸的醬油，搭配雞肉食用，味道更加出色，增添咗不少層次感。如果想喺香港搵一間可以食到韓國風味嘅一隻雞餐廳，都幾推薦去呢間。雖然未必能完全重現韓國嘅風味，但整體都不錯，期待下次再來試其他菜式！…查看更多

✨辣炖雞湯 (小）✨購自: 鐘路雞林辣炖雞湯元祖 (銅鑼灣耀華街3號百樂中心7樓)價錢:$368推薦度:8/10-今次叫咗呢個辣炖雞湯 可以揀正常辣/加辣或者特辣🌶️ 我哋就揀咗加辣 我同朋友都好鍾意佢面頭加咗好多蒜 令成個湯食落好惹味😋 今次叫咗細size 大約係一隻雞 雞肉比較腍身 口感嫩滑 大大嚿好厚肉❤️仲可以點少少蒜喺豉油碟度 不過個人覺得就咁食都好味！裏面仲有大蔥 年糕 薯仔🥔 味道就正常水準😋 仲可以自己加配料 湯底越煮越濃稠 食到尾加$40叫咗刀削麵🍜 大約煮咗7分鐘 食落煙煙韌韌 索晒湯汁 食完覺得好滿足😏-🧡✨雞林玫瑰炒辣炒年糕 ✨價錢:$98推薦度:8/10-玫瑰醬煮得好濃稠😋口感Creamy 奶香味濃郁之餘辣辣地 每條年糕都掛滿醬汁 食落幾彈牙❤️ 裏面仲有魚糕片 腸仔同鵪鶉蛋 我同朋友仲將煮好咗嘅刀削麵加入玫瑰醬 食落好Creamy 呢個價錢抵食✨個人覺得最有驚喜係呢個辣炒年糕…查看更多

發現呢間喺銅鑼灣好玩又好食嘅辣炖雞湯元祖店🤩原來連黑白大廚評審都讚過😱呢間餐廳真係稱得上辣炖雞湯元祖😇1965已經係韓國開業😯韓國亦都好多飲食節目介紹過佢哋招牌嘅蒜蓉辣雞湯☺上到嚟見到每枱基本上都係人手一鍋🍲有辣有唔辣嘅炖雞湯🐥我哋揀咗細size嘅辣炖雞湯，入面都已經有超多雞，基本上夠3-4人份量🤰🏻重點係❣鍋入面啲雞肉係神奇地滑到不得了😍個辣湯亦都好啱鐘意蒜味嘅人，因為真係一大湯碗蒜蓉嘅份量車入去🤣當然都可以走蒜🫢個鍋亦可以自選加其他配料入去打邊爐😉除咗雞鍋，都推薦大家叫辣炒小麥年糕，炒年糕口感會比起個鍋入面嗰啲更加煙韌😙個醬辣得嚟又甜甜哋，食落好惹味!食完雞鍋之後，個鍋就可以加做芝士炒飯🤤芝士同紫菜已經💯完完全全同飯撈勻晒融為一體!邪惡得嚟真係食到停唔到口😈呢度嘅甜品都好韓式🇰🇷傳統街頭小食糖餅都有，入面有豆沙餡，餅皮煎到煙煙韌韌，面頭加埋蜜糖漿食，食完一堆辣野之後就係要呢種甜先夠滿足😌另外點解話佢好玩呢⁉️因為佢有《魷魚遊戲》個123木頭人🪵轉中邊個就邊個飲酒🍾呢度有唔同嘅韓式米酒、燒酒比大家叫，或者好似韓劇入面燒酒溝啤酒都得👏🏻…查看更多

同朋友去食晚飯，4個人叫左一個韓式雞肉火鍋+薯仔+年糕+粥、雜錦煎餅、雞蛋火腿紫菜飯團，最後埋單$800。份量足夠，但味道以這個價錢極爲普通，最後個粥更加咸到不能接受。環境方面：座位偏狹窄服務方面：店員服務尚可，有介紹食物，而且會提供即棄手套、圍裙。伴菜亦可無限添食。…查看更多

因為唔食辣，所以揀咗唔辣嘅韓式雞肉火鍋，加配芝士年糕，個雞肉火鍋要咗個細size，原來都有一隻雞，而且隻雞一啲都唔細隻。湯滾起就食得，侍應哥哥提我哋要食咗啲年糕先，因為年糕容易黐底。啲雞真係好嫩滑，仲要淥好耐都仍然係滑嘅，真係勁。韓式牛肉好入味，連啲配菜都好食。魷魚章魚棒都唔錯，食到魷魚味，唔會一味得啲粉漿，煎香咗點沙律醬係正嘅。韓式魚糕湯啲腐皮同埋條魚肉春卷都好味道，個湯入面仲有幾條韓式年糕。韓式糖餅又幾好食，煙韌得黎又唔會好甜。…查看更多