鏞記酒家

營業中

休息中

仲好記得細細個同屋企人去酒樓飲早茶個氣氛好熱鬧，啲食客粗魯得嚟又唔會冇禮貌，而啲知客就個個服務態度都好好，有時啲點心車推出嚟就成班細路衝出去揀有咩啱食，都咪話唔過癮。不過而家已經冇曬依枝歌仔唱，連點心車依個童年回憶都冇邊間酒樓仲有，再加上依兩年疫情其實飲茶真係冇咩氣氛。不過今次同屋企人嚟依到飲茶，可能鏞記有好多年歷史，好似保留咗當時嘅氛圍，啲裝修翻新過之後都仲有舊香港嘅感覺。味道方面就更加唔使講，話曬價錢都唔平，點都要有啲水準嘅，就算只係一籠簡單嘅山竹牛肉球都好特別，入面加咗啲陳皮令到佢好香同中和咗比較濃味嘅牛肉，一放入口真係好香，雖然同細個食嘅味道有唔同，不過我覺得係好嘅改變嚟，希望依間酒樓可以繼續堅持落去啦。

朋友訂咗間VIP 房，私密度夠，服務當然好啦。坐得都舒服嘅，可惜冷氣唔夠（食到尾段先知跳咗掣）😂鏞記有太多招牌手工菜，樣樣都想試，今次叫咗其中幾樣。松子雲霧燻香肉 $495（8.5/10）呢個腩仔實在太邪惡啦，面嗰浸肥肉一啖放入口即溶，腩肉煙燻得又香又腍。禮雲子蒸蛋清 $495（9/10）睇落係咪似龍蝦湯，禮雲子係一種名為蟛蜞的淡水小蟹嘅卵，做一份要用上二百隻小蟹先做到。禮雲子好有鮮味加埋蒸蛋清，要配埋個白飯嚟食一流。呢碟餸絕對唔簡單，係香港好少地方食到。至尊壹品雛鵝煲 $2178（6.9/10）鵝煲一大煲有好多料，除咗鵝肉之外，仲有鵝紅、鵝肝、豆卜、鵝腎、鵝翼、鵝腸等。鵝紅好嫩滑；鵝肝夠軟滑；豆卜索晒啲汁好入味；鵝腎鵝腸都好爽脆。我哋6個人都食唔晒，淨返啲湯底用嚟煮瀨粉食，但可惜湯底太過濃味鹹咗啲。蜜味串燒金錢雞（4件） $312（6.7/10）蜜汁味道幾好，雞肝都做得唔錯，可惜肉嘅部份偏瘦，如果半肥瘦就正喇。松花皮蛋配酸薑（6份）$132（8.8/10）溏心皮蛋鮮甜冇苦味，酸薑爽口唔老冇渣好食。呢個都係必點之一。古早味蝦籽紮蹄 $144（7/10）外層脆脆嘅腐皮，裡面包住粒粒嘅蝦籽

當晚同朋友來左依間食，原因係早前佢哋裝修左，感覺有點懷舊得來，帶點華麗。每張枱之間相隔都好闊，好舒服。我哋叫咗酸薑皮蛋、燒鵝、炒豆苗、咕嚕肉。雖然每道菜式看似普通，無咩特別。但味道不錯。雖然酸薑皮蛋只係小食，但作為一個前菜，真係好食，好開胃。燒鵝係依間店嘅鎮店之寶，以前食過係幾好食嘅，特別啲汁係好得。當年每次買外賣，必定會買多枝汁 (即係前後共兩枝)，但今次食，感覺好似差了少少，啲肉有啲靭。炒豆苗同咕嚕肉都好食，但又不至於好特別。

中環鏞記，相信無人唔識，係中環咁多年都仍然健在，一定有佢原因。我哋當晚訂左佢4樓，VIP 房，地方非常寬敞舒適，唯獨個冷氣比較差🤣🤣但服務態度非常好，由點菜、介紹、上菜都有好有禮貌，同埋有詳細介紹菜式。松子雲霧燻香肉，脂肪部分入口即溶，有淡淡燻木味。禮雲子蒸蛋清，入口甘香，蛋味非常之濃。味道非常好，必食。至尊壹品雛鵝煲，鵝血非常鮮嫩同滑，可惜湯底太咸，之後用湯底煮瀨粉，更覺湯底更咸，可惜。蜜味串燒金錢雞，唔夠分所以讓比朋友食，但評價係太實同硬，味道一般。松花皮蛋配酸薑，鏞記名物，必定要食。古早味蝦籽紮蹄，用蝦籽和腐竹捲扎而成。蝦籽味不錯。 金銀蛋上湯豆苗，正常發揮。

秋風又起，突然涼咗好多，最啱就係食個蛇羹暖下身，廣州人吃蛇嘅歷史可以追溯到成千年前，以前一到秋天好多蛇羹舖都會排曬長龍，食個蛇羹再食個糯米飯可以話係好多人嘅童年回憶，今次畀我睇到鏞記有出就一定要試下係味以前隻味啦。唔同舖頭都會有自己嘅秒方整蛇羹，有啲會加中藥材令佢更加補身，行氣活血之餘降膽固醇，鏞記個正宗太史五蛇羹會加雞絲、冬菇、木耳、冬筍、花膠一齊切絲更加埋精心熬成嘅湯底，係最傳統同最補嘅做法。不過記得唔好食太多，小心太補會流鼻血，哈哈。

依一兩年嚟酒樓生意難做好多都捱唔落去，留得低嘅都係啲真材實料，鏞記係全香港最出名嗰一兩間就知佢有幾好，嘢食全部都係傳統口味，而且仲要好多都已經失傳，冇咩地方有得食，依個先係鏞記最出色嘅地方，普普通通一個紮蹄已經知佢有料到，外層輕輕帶啲煙燻香味，咬落口又同紮蹄好夾，香口又彈牙，好似紅寶石咁靚，精緻得嚟又好食，真係一試就見真章。另外個環境都係好靚，好傳統嘅粵式酒樓，而且有啲藝術品睇下，真係照顧曬味覺同視覺嘅享受。

老公問我想食乜，但重九嘅中環會有咩食呢？其實都有幾多！最後老公決定去鏞記，一間我從前就好想試，但永遠經過都唔記得嘅「新」酒家。鏞記對我唻講應該係「舊」酒家，但內裡嘅裝橫並無歲月嘅痕跡，係因為家族問題定係追上潮流，作為食客，我都無謂考究。兩大一小叫咗一份例牌燒鵝、一碗白飯、一籠帶子鳳眼餃、一碗柴魚花生粥、一籠原籠馬粒糕，最後唔夠飽叫多一碟本地生牛肉麵。燒鵝 - 例牌唻講都算細，係因為去咗大部份骨定係碟大？自家製醬汁帶微微花生味，幾香幾特別；燒鵝皮脆肉嫩，是為瘦鵝；伴碟可能係甜紅豆，都做得幾出色。白飯 - 正常。帶子鳳眼餃 - 近潮流？簡單鮮味。柴魚花生粥 - 唔係我鍾意嘅粥底，偏淡，有柴魚味，非傳統味道。馬粒糕 - 鬆軟香口，唔會甜到漏。牛肉麵 - 牛肉滑，生麵爽，但點解跟上嘅湯有疑似豬潤嘅腥味？呢度嘅價位唔低，三個人承惠$650。

很久沒有走進鏞記午餐，今天兩個人來過簡單午餐，走進三樓職員已經熱情款待，坐定定後，又親自上前拿著洗手液，讓你搓搓手，更付上口罩紙袋，很細心進食中時，也常替我們添茶由職員為我們發板，點了前菜，點心和燒鵝。前菜來鏞記一定必吃的，他們子薑和皮蛋的味道簡直係絕配點心蝦餃，大大粒，蝦仁十分彈牙燒賣，乾瑤柱配上頂春卷，新鮮熱辣炸出來，脆卜卜主菜燒鵝，記得舊時食鏞記燒鵝是肥琳琳的，今次就剛剛好，不太肥不太瘦配埋碗瀬粉剛剛好

睇新聞知道最近鏞記裝修完，諗住咁多年老字號都未試過就襯放假去試下啦，食完發覺真係幾唔錯同大家分享下。門面大大個金漆招牌都幾震撼下，老字號係有資格咁樣做。入到去都好靚，成個感覺會令人覺得高貴大氣得嚟又唔會太浮誇，真係未食就已經feel到係有啲料到。坐低之後叫咗個原隻花膠扒豆苗試下啲水準，花膠煮到好腍又膠質豐富，淨係個口感已經好突出，而且夠厚身可以鎖住啲汁，入曬味咁真係好好食，另外配埋啲豆苗口感又多層次咗，真心正。仲試咗幾道嘢可惜唔記得影底，不過味道都係相當唔錯，最後埋單差唔多2000蚊，係有啲貴不過真係對得住個價。

桂花蟹肉炒津絲真係必點，雖然份量唔算多但配白飯真係好滋味，鹹香得嚟又帶啲蟹肉嘅鮮甜，加上夠獲氣真係食唔停口，真係唔好畀佢普普通通嘅外表呃到，有機會一定要試一試。另外都叫咗個鹽香南澳鮮玉帶，中菜嚟講比較多用帶子煲湯，今次佢用鹽燒嘅方式嚟整依道菜其實都幾有新意下，而且外面煎到好香脆，但入面依然好滑同埋入口即化，的確係好有水準。而且大大粒咁食落真係好滿足，最後忍唔住又叫多一碟。另外都要讚下啲服務，好樂意幫我哋手又唔會黑面，我咃坐咗成晚都唔會想趕人走，真係加曬分。

服務態度好嘅酒樓而家真係好難搵，好多就算係貴價啲嘅都唔會成日有好態度，今次就真係幾滿意。所有員工都好有活力會主動同人傾下計咁，好有人情味，幫我哋落單嗰個侍應更加會主動同我哋介紹下啲菜式咁，真係幾好服務。食物方面都幾好，乳豬燒到麻皮，勁香勁脆口，而且又唔乾，蝦子柚皮更加係好少見嘅一道菜，柚皮煮到啱啱好，配埋濃香蝦子，一放入口柚皮清香配埋濃味蝦子成道菜好夾，我朋友第一次食佢話勁特別，完全估唔到個味係咁，期望之後可以出多啲粵式傳統菜式，畀啲後生試下依啲特別嘢。

中秋節去食飯 環境幾好唔會太迫有隔板 唔會聽到隔離枱講咩可以靜靜地食餐飯香酥陳醋骨- 食得出係新鮮炸起熱辣辣 就算落咗汁都唔會影響佢入邊嘅脆口 個汁唔會太甜或太酸味道剛好 份量亦都夠食蟹肉乾燒伊麵- 正常 多蟹肉 冇汁 江南百花卷- 其實就係炸蝦卷 裏面包着一塊葉 再炸 頗為特別 塊葉配上蝦都幾清新 在加配一個酸辣醬汁上湯竹笙浸菜心- 因為中秋節 豆腐菜苗都賣晒得返菜心 略貴略小 但食材新鮮 比較失望係個茶 茶葉非常淡 而甜品選擇比較少 所以冇揀到

話好食果啲唔知係打手定係未食過燒鵝啦，話晒佢係燒鵝起家，對碟燒鵝係有會期望，不過正正應驗左無期望就無失望既道理。其他食物唔講啦，預左貴夾唔飽，就講碟燒鵝。我地三個人去食，叫半隻，諗住會食唔晒要打包既，點知一上枱就知可以打消個念頭，我地一齊睇下張相。係唔係覺得唔錯呢，係我影得靚姐，現場一望就知瀨嘢，個樣同炸子雞差唔多，皮睇落完全無酥脆感，仲柴柴地，肉係白白地色既，食過燒鵝燒鴨既人都應該知道佢地啲肉係點樣。夾起一塊，以為自己食緊片皮鴨添，薄到呢...食落口，皮係柴既，肉係無味既，完全係無鵝香味，唔知佢地搵咩鵝黎燒，無論上下莊邊個部位都係咁既感覺。扒埋啖飯，掃埋碟鵝，三個人承恵千四。之前打電話去book位時個伙記仲好招積咁話要睇下full唔full，點知去果晚時完離開時都仲係空空如也。記得佢地分家前唔係咁既質素，又一個老字號的沒落。

難得同屋企人去鏞記食飯，就打算試下啲平時比較少有機會食嘅嘢，所以叫咗個銀芽蟹肉青瓜苗嘗下鮮，侍應話青瓜苗唔係好多時候有得食，秋天先會比較常見，而且多數人都係用嚟涼拌，不過鏞記就攞咗嚟炒，算係新嘗試咁話，佢口感比較脆身而且帶有少少苦味，不過夾埋鮮甜嘅蟹肉就啱啱好，同埋青瓜苗都係好健康好有營養嘅食物嚟，真係幾唔錯。另外叫咗個銀棯醬斑腩煲，仁棯醬酸酸甜甜，都係平時好少見嘅食材嚟，配合斑腩幾特別，聽侍應講銀棯醬最啱用嚟整魚，可以提鮮去腥，最後我哋好快就食曬。想食依啲平時冇機會食嘅嘢真係得啲老酒樓先搵得到，原來中菜有咁多嘢已經失傳咁滯，有機會真係要食多啲。

依排日日都咁熱，有時候都冇咩胃口食嘢，上星期就去咗鏞記食飯，本身都諗住食少少就算，不過朋友咁啱叫咗個菠蘿咕嚕肉，話可以開下胃咁，咁咪試下囉。未嚟到就已經聞到菠蘿嘅香味，放到上檯已經所有人都畀佢吸引曬，酸酸哋嘅味真係即刻就令人忘記夏天有幾難頂，放到入口又酸又甜，但又唔會搶咗個味，而啲肉又唔會畀啲汁整腍咗，同朋友食完依道菜之後全部都胃口大開，又要再叫多幾道菜先夠。另外都有叫咗個陳醋骨，一樣係酸酸甜甜咁，但就食得出應該加咗陳皮，但係其他朋友都話冇加到。整體食落都係開心嘅。