鍾菜館

終於等到大閘蟹季節了，有話「九圓十尖」，我就認為始終蟹公比較好吃，因爲蟹公膏軟滑、味濃郁，而蟹乸膏色深黃較吸睛但其實質較硬，所以最完美是可以一公一乸配合一對吃！香港各大食肆都會推出大閘蟹套餐，今年我覺得「鐘菜館」的最抵食，一個套餐有三隻蟹，一公兩乸，估計都有四兩，平日自己買都是這個體積，吃得滿足，每位$398，仲有多款小菜。程序上也很好，首先送上滋補燉湯，這晚是[杏汁白肺湯]，清潤可口！然後來小吃三款，[宮廷蘿蔔、沙薑豬手、拍蒜青瓜]，最欣賞豬手，炆得非常軟腍入味。[大澳海山骨]，肉質肥美，炸得香脆。暖胃了之後，主角來了，[清蒸天閘蟹] 2人2公4母！打開之後好開心，蟹膏金黃澎湃，甘香味美，蟹公的膏幼滑，佔在肉上，真是極品！蟹乸啲糕比較硬，但顏色亮麗吸引。加$98元有一瓶花雕酒，未嘗不可。慢慢品嚐完大閘蟹之後，通知服務員上其他菜式，[油鹽水石斑魚]，龍躉肉嫩滑，蔥、豉油及味道皆處理得恰到好處。[鮮茄菌皇浸菜苗]與[香芋糯米飯]，加了香芋，口感添層次，糯米飯黏條味道好。[圓肉薑茶]，夠火喉，感覺即時解蟹的寒氣。環境寬敞，佈置得很有中國特色，服務態度友善，星期日生意唔錯，因為推出很多優惠，又真是太抵食！例如12人的大閘蟹套餐只是$1888。抵食過自己煮的「今晚有好餸」！#鍾菜館 #灣仔 #粵菜 #海鮮…查看更多

鍾菜館這家位於灣仔的粵菜餐廳，以其對傳統粵菜和時令海鮮的精湛演繹，在眾多食客中建立了相當不錯的口碑。這次品鑑的「大閘蟹宴」，從食材甄選到烹飪技藝，都展現了餐廳對正宗口味與高性價比的不懈追求。🦀 品鑑菜式詳析是次大閘蟹宴的菜單編排頗具心思，遵循了傳統宴席從冷盤、主菜到主食甜品的節奏。· 皇者大閘蟹：宴會的重頭戲。24隻大閘蟹上桌氣勢十足，蟹膏金黃豐腴，蟹肉鮮甜細嫩。簡單的清蒸做法，恰恰考驗食材的新鮮度與火候掌控，鍾菜館在此環節表現出色。· 江南五小碟：這五道開胃小菜充分展現了餐廳對傳統風味的把握。 · 拍蒜青瓜與陳醋雲耳酸甜爽脆，有效地喚醒味蕾。 · 宮廷蘿蔔清甜入味，沙薑豬手皮爽肉嫩且膠質豐富，雞絲粉皮則滑溜惹味，麻醬香濃。整套組合味道正宗，為後續菜式做了完美鋪墊。· 海鮮與湯羹： · XO醬花枝冰山蚌以微辣的XO醬提鮮，搭配爽口彈牙的冰山蚌，層次豐富。 · 陳皮欖角蒸龍躉件是粵菜蒸功的體現。龍躉件火候得當，肉質彈牙膠質重，陳皮和欖角的複合香氣滲入魚肉，去腥增鮮的同時，又不會喧賓奪主。 · 瑤柱花膠海參羹真材實料，湯底濃郁。羹湯內的花膠及海參份量足，帶來豐盈口感，而薑味十足的調性不僅去除了海產的寒性，也讓湯羹更顯暖胃滋補。· 手工招牌菜： · 古銅芝麻雞是當晚一大亮點，盡顯手工菜功夫。雞皮香脆，每一件雞肉都均勻裹滿香濃芝麻，入口芝麻香四溢，而內裡的雞肉則保持嫩滑多汁，達到了外脆內軟的雙重口感。 · 香芋臘味糯米飯作為主食，糯米煙韌不黏牙，香芋綿密，吸收了臘味的油香，每一口都充滿幸福感。· 完美收結：窩心薑茶湯圓為盛宴畫上圓滿句號。薑茶薑味濃郁，帶來強烈暖意，手作湯圓外皮煙韌，內裡的芝麻餡香濃可口。綜合而言，鍾菜館成功地在合理的定價內，提供了兼具傳統風味、優質食材與精湛技藝的用餐體驗。對於尋求正宗粵菜、注重性價比，並想在舒適環境中享受一頓豐盛蟹宴或家常菜餚的食客來說，鍾菜館無疑是一個非常值得推薦的選擇。…查看更多

2025年10月9日 星期四時間過左中秋節，就代表到左一年一度食大閘蟹既季節啦，呢晚就約左成班朋友一齊去到灣仔既鍾菜館食返餐大閘蟹宴呢個套餐$1888包晒12位既食物，當中每人可以分到2隻大閘蟹，而且仲有江南五小碟、小菜、糯米飯同甜品添，簡直係經濟抵食由於店員話蒸大閘蟹需時約30分鐘，所以一叫左起菜就黎左江南五小碟先，呢個係陳醋雲耳，一上枱就聞到陣陣酸香，雲耳爽脆得嚟唔會乾柴，咬落去有種彈牙感，配埋微微辛辣既洋蔥絲，口感層次即刻升級陳醋味道夠濃但唔會搶味，酸中帶甜，仲有少少蒜香滲出嚟，令人一啖接一啖之後有沙薑豬手，沙薑味濃郁但唔霸道，啱啱好咁滲入豬手入面豬手炆得夠腍，皮同筋位啖啖膠質，入口即化又唔會太油膩醬汁微鹹帶香，拌飯一流然後有宮廷蘿蔔，一睇就知係心機之作，切得薄薄一片，擺盤好似花瓣咁精緻，視覺上已經加分入口清甜，質感爽滑，唔會太硬亦唔會太腍，啱啱好醃得好入味，仲有微微鹹香，令蘿蔔本身嘅清新味道更加突出仲有雞絲粉皮，粉皮滑溜透亮，唔會黏口，冰涼爽口，一啖落去即刻醒神雞絲嫩滑，冇雪藏味，配埋青瓜絲同香脆松子，口感層次好豐富醬汁麻香，唔會太重手，啱晒大熱天時食嚟開胃跟住有瑤柱花膠海參羹，入口就感受到瑤柱嘅鮮香，唔係死鹹嗰種，而係有層次、有深度花膠滑得嚟又有啲黏口膠質感，啱晒想補身又唔想太油膩嘅人海參炆得夠腍，冇腥味，仲帶少少彈性，咬落去好滿足成碗羹濃而不膩，飲落暖笠笠又滋味呢個係餐廳既招牌菜古銅芝麻雞，一上枱就好吸睛，外層鋪滿香脆芝麻，金黃得嚟又唔油膩，咬落去有種酥脆聲響，超治癒雞肉本身醃得入味，鹹香中帶少少甜，肉質嫩滑唔鞋口最正係外脆內嫩，層次分明，食落有啲似炸雞但又多咗芝麻香氣，令人食完仲想再嚟一件接住有XO醬花枝冰山蚌，呢道菜真係色香味俱全，花枝爽彈，冰山蚌清甜，兩者一齊炒就好似海洋同冰川嘅邂逅XO醬香辣夠勁，唔會太鹹，反而帶出海鮮嘅鮮味，仲有啲微微煙燻感添陳皮欖角蒸龍躉件，魚肉嫩滑，蒸得啱啱好，陳皮清香滲入其中，欖角鹹香濃郁，提升整體層次而且醬汁收得靚，唔油膩，拌飯一流，係一道清新又有深度嘅粵式蒸菜終於到主角登場，嚟到嘅時候真係嚇咗一跳，大閘蟹蟹膏香濃幼滑，入口即化，帶點甘香回味；蟹肉鮮甜細嫩，啖啖都係秋天嘅滋味加上蒸得啱啱好，保留原汁原味，唔需要多餘調味已經夠出色，屬於真正既蟹中之皇最後有窩心薑茶湯圓，薑茶香辣暖胃，入口即時驅寒，甜度適中唔會膩而湯圓外皮煙韌，內餡香甜流心，咬開果一刻好治癒，一碗落肚，身心都窩心12個人食，每人$200都唔使，性價比非常高！！…查看更多

港島區泊車不容易，在北海中心的鍾菜館，提供免費泊車，競爭力即時提高了不少。加上平靚正的大碗翅套餐，成了開餐的好選擇。環境美輪美奐，古色古香，勝預期！不搭枱是這裏的特色，高質素！編排到坐卡座，感覺良好！濃湯大碗翅餐 $288/位三小食：脆皮豆腐、涼拌青瓜、沙薑豬手濃湯大碗翅，翅針肥大粗壯，是夾得起的翅針；濃湯鮮甜，小火爐保持熱度，高質素！紙包骨拼砵酒焗蠔，久違的紙包骨，鮮有碰到的點心，肉質軟腍，一咬即開，好食😋砵酒焗蠔，賣相不錯。生蠔🦪極肥美，縱然外層掛有濃汁，入口仍然是蠔香滿滿的！
頭水紫菜浸菜苗，紫菜軟綿滑漏，菜苗嫩綠，加上杞子點綴，又靚又好食 😋
脆鱔飯，打開煲蓋香噴噴的，兩件靚仔肥鱔，賣相吸引🤩🤩！淋上豉油汁，一窩熱辣辣的煲仔飯，就此誕生了。
跟餐的甜品是芒果糯米糍，芒果香甜，糯米皮夠軟糯。上湯澳洲龍蝦伊麵 $268，龍蝦🦞肉多殼少，啖啖肉的，大滿足！吸滿了上湯的伊麵，麵質爽滑。…查看更多

灣仔這間中菜館最近推出早午及茶市特價點心，星期一至日及假期都有提供。今早同家人來午膳，支持在港消費。餐饝門面別具氣派，龍鳳雕塑迎賓，經旋轉樓梯上一層，裏面裝修古色古香，青磚朱門，除大堂外，還間有很多廂房。座位有圓枱和卡位，整潔舒適。先看特價點心紙，7至9元，任點任食，有多款選擇 。還有特價孖寶，蒸或炒飯及麵等等，選擇不少。“手工韭菜餃”粉皮晶瑩通透，口感爽口彈牙，餡料是韭菜豬肉，鮮味十足。“叉燒焗餐包”餐包皮香脆，叉燒餡料足，好惹味。“麒麟馬拉糕”大大件，腍軟鬆化，香甜蔗糖味道。“香煎雞粒韭菜粿”賣相精緻，有玉米片伴碟，粿外皮蔫韌口感，粒粒雞肉和韭菜餡料，配答得宜，每一口都香噴噴。“鮮鮑魚燒賣”超值特價9元點心，由12頭新鮮原隻大連鮑魚經上湯煨製，腍軟入味，燒賣饀料是鮮蝦滑及豬肉，是必食之選。“黑松露鮮菌包”創意美食，黑松露包皮，餡料是美味香口的菇菌，又爽又香。“陳村粉蒸排骨”經典粵菜點心，肉排入味，配上爽滑陳村粉，也是不錯的點心。“生拆手工蝦餃皇”餡料有三大隻新鮮蝦仁，肉質鮮甜爽口，高質素。超級特價點心的質素絕對不遜色，即叫即蒸，熱騰騰送上，真讓人驚喜。“芝麻雞半隻”外皮鋪滿香口芝麻，份外香脆，雞肉嫩滑多汁，真正做到外脆內軟，雙重口感。這裏無論環境、食物質素、價錢，無不帶來驚喜，毋需北上，在港消費也有好選擇😋😍👍…查看更多

出街食飯最緊要抵，最近好鍾意去鐘菜館，平日嚟食飯點特價菜式，抵過自己煮，而且呢道環境寬敞，家常便飯首選！今晚特別帶朋友來吃大閘蟹套餐，每位$398，很豐富滿足。前菜清新，有宫廷蘿蔔、拍蒜青瓜、沙薑豬手，豬手炆得很腍。今日嘅滋捕燉湯係白肺湯，好多料。然後開始食清蒸天閘蟹，每人有三隻1公2母，真理想！三四兩重的大閘蟹，一般人自己買都係呢個大細，性價比最高，因為時令，所以好肥美，隻隻都有金黃色嘅蟹膏，喺公嘅半溶，蟹乸嘅厚實。食完大閘蟹開始食其它餸菜，先來的大澳海山骨幾好，夠鬆脆，好得。油鹽水石斑魚亦幾好，肥美，豉油蔥等調味恰當，唔會有死實嘅鹹味掩蓋魚的鮮味。鮮茄菌皇浸菜苗及香芋糯米飯，水準正常。圓肉薑茶夠濃郁，可以解除大閘蟹的寒氣，非常好。份量十足，捧住個肚走！…查看更多

鍾菜館呢個$1888套餐，平均每人只係$157(另收茶位及加一)，性價比爆燈，食材新鮮、烹調有心思，絕對係秋冬季必食之選。🦀 大閘蟹24隻 ：每人一公一乸，一拆開見到豐富蟹膏勁吸引，蟹膏香濃、蟹黃飽滿，啖啖鮮甜，蟹肉細嫩，而且比想像中大隻，我連腳都食埋呀！🥢 五款前菜 ：- 拍蒜青瓜：爽脆清新，蒜香撲鼻- 陳醋雲耳：酸香開胃，口感滑溜- 宮廷蘿蔔：微甜爽口，有古早味- 沙燕豬手：膠質豐富，煮得入味- 雞絲粉皮：滑溜惹味，麻醬香濃🦑 XO醬花枝冰山蚌配西蘭花 ：鮮味十足，冰山蚌爽口彈牙，XO醬微辣提鮮，西蘭花吸晒醬汁，層次豐富。🐟 陳皮欖角蒸龍躉件 ：魚肉彈牙膠質重，陳皮香氣滲入魚身，欖角鹹香突出，加上蔥絲更添香氣。🍅 鮮茄菌皇浸菜苗 ：家常風味的菜式，白菜仔吸晒湯汁，蕃茄酸甜平衡冬菇的濃郁，清新又健康。🐔 古銅芝麻雞 ：外皮滿佈芝麻，口感香脆，芝麻香氣撲鼻，雞肉嫩滑不柴，當晚很受歡迎的菜式。🍲 瑤柱花膠海參羹 ：每人一盅，坐熱上枱，湯底濃郁鮮味，還有粒粒花膠及海參增添口感，這價錢的團餐有這個羹食好有驚喜。🍚 香芋臘味糯米飯 ：糯米煙韌不黏牙，香芋綿密，臘味鹹香，每一啖都係幸福感。🍡 窩心薑茶湯圓 ：湯底超辣，薑味強烈，啖啖都係暖意，湯圓煙韌，芝麻餡香濃，完美收尾！整體嚟講，呢個蟹宴真係超值又有誠意，無論係食材、味道、擺盤都見到餐廳嘅用心。秋天唔食蟹，真係對唔住自己！…查看更多

昨日同一班老友去咗食令人回味無窮嘅大閘蟹宴，12位用，皇者大閘蟹足足有24隻！每人都食到眉飛色舞，蟹膏香濃，蟹肉鮮甜，真係秋天最奢華嘅享受！🥢【江南五小碟】- _拍蒜青瓜_ ：爽脆清新，蒜香撲鼻，開胃一流。- _陳醋雲耳_ ：酸香微甜，雲耳滑溜有彈性，口感層次分明。- _宮廷蘿蔔_ ：醃得入味，微甜帶脆，好有古早味。- _雞絲粉皮_ ：粉皮滑溜，雞絲嫩滑，麻醬香濃，令人停唔到口。- _沙薑豬手_ ：豬手炆得腍滑，沙薑香氣滲入肉裡，入口即化。🔥【熱薰主菜】- _XO醬花枝冰山蚌_ ：海鮮鮮甜，XO醬微辣惹味，花枝爽口，冰山蚌彈牙。- _陳皮欖角蒸龍蔥件_ ：龍蔥吸收咗陳皮同欖角嘅香氣，鹹香中帶果香，好有驚喜。- _鮮茄菌皇浸菜苗_ ：菜苗嫩滑，茄香同菇味融合得好自然，清新又健康。- _瑤柱花膠海參湯羹_ ：湯羹濃郁，花膠滑溜，海參彈牙，瑤柱鮮香，滋補又暖胃。- _古銅芝麻雞_ ：外皮香脆，芝麻香氣撲鼻，雞肉嫩滑，鹹香十足。- _香芋臘味糯米飯_ ：糯米煙韌，香芋綿密，臘味鹹香，每一啖都充滿秋意。- _薑茶湯圓_ ：薑茶暖身，湯圓軟糯，芝麻餡香濃，完美收尾。…查看更多

🦀🦀🦀 皇者歸來的《大閘蟹盛宴》 😍🥳..入秋了🍁 又到大閘蟹的季節🦀✨，趁住中秋節跟朋友們來聚一聚，去左中菜廳吃個《席。大閘蟹宴》 $1,888 / 12位用，真係超吸引又抵食😍！餐廳環境滿有中式古典風。一個套餐尊享皇者大閘蟹（公乸）24隻，隻隻爆多膏蟹皇十足🧡🧡🧡，蘸點陳醋提鮮更有風味，個個都吃得超滿足。另有5款前菜（江南五小碟） 拍蒜青瓜、陳醋雲耳、宮廷蘿蔔、沙薑豬手、雞絲粉皮，最愛豬手十分Q彈又膠原滿滿。套餐湯品有 【瑤柱花膠海參羮】很足料，全程烘著很貼心。4款小菜分別有：陳皮欖角蒸龍躉、古桐芝麻雞、XO醬花姿炒冰山蚌、鮮茄菌皇浸菜苗。主食當然唔少得入秋必吃的香芋臘味糯米飯，糯米煙韌帶有臘味香🖤。最後食完大閘蟹，甜品當然有：薑茶小湯丸🍡，薑味濃郁超級夠薑！！！食完興烚烚，很暖身💛。大滿足～～..×××[鍾菜館]××ש灣仔軒尼詩道338號北海中心2樓..…查看更多

上網查稻香集團分店，立即顯示灣仔北海中心鍾菜館，點知上到去攞張月餅券去櫃面，嗰位短頭髮（應該係經理）既呀姐。佢睇完張月餅券之後，喂是立即交給我或放在櫃面，反而態度極差及調返張月餅券給我，仲叫我去稻香攞啦。咁我咪問呢間唔係稻香集團分店咩嗰位短頭髮嘅阿姐很不耐煩地答我呢間係［鍾菜館］呀！😡香港今時今日嘅飲食業點解會比不上大陸？就係有呢啲咁嘅前線員工去對待客人。原本諗住過兩日同班朋友嚟試吓見啲食評寫得咁好，而家都咪使旨意嚟幫襯囉…查看更多

呢間酒樓既格局裝修得非常之古色古香，係用紫沙茶壺，所以茶特別香。另外，此酒樓有電子點餐，非常喝得上潮流。雞絲粉皮既麻醬好好味，啲粉皮好透明。黃金糕煎得好金黃，脆脆地加堅堅韌韌。叉燒反而就麻麻地，有點太粉，肉都有點太鬆。粉果包圓轆轆嘅，有好多餡料。奶黃包係老虎咁既形狀，切開左係流心。春風得意腸，好脆既內餡。燒賣一粒好大粒既，都幾好食。xo 醬炒腸粉，有個石鍋，炒得很香口。鯪魚球每粒都係圓形嘅，加咗啲胡椒，味道方面唔錯。…查看更多

茶樓飲茶是香港獨特的飲食文化，更是一種重要的社交和文化活動，是維繫家庭、朋友之間感情的重要方式。這間茶樓位於灣仔北海中心，裝修古色古香，環境優雅。點心種類繁多，傳統以至創新的特色點心都有，還有特價 7元8元9元 點心，相當吸引。$7 點心:XO醬蒸鳳爪肉質腍滑，香煎手工韭菜餃脆香味鮮。$8 點心:鮮蝦蒸韭菜餃皮滑餡料鮮香，麒麟馬拉糕軟糯清甜。$9 點心:鮮鮑魚燒賣賣相好精緻，鮮鮑魚腍滑和燒賣肉香非常配合，令人回味。叉燒焗餐包包身甜軟，叉燒餡料香濃。豉椒雞片炒河粉大碟又有鑊氣，豉椒好惹味，雞片鮮嫩，河粉幼滑。還有風味臘腸卷、雞仔鹹水角和蜜汁叉燒包，懷舊中帶特色。…查看更多

食物質素好，但諮客服務非常惡劣，送餐服務員都好好， 食物質素好價錢平 香港極之少有， 希望遺產香港好 知客 會改善自己啲脾氣 及態度 每個人都想香港好 這樣做才會有返真正嘅香港…查看更多

同家人去飲茶，安排入房坐，但因為房有好大味道想換坐大廳，俾侍應冷眼對待話唔關我事，岀面安排，但眼見大廳有過半空枱都不給予安排，實屬令人失望，馬上離場。之前都有去飲茶，服務不錯，但對上一次其實都有問題，用餐途中有活曱甴上枱，但家人覺得差不多完就算，真心講食物味道唔錯，間間餐廳都有機會岀現。但今次真係唔會再光顧。茶樓做優惠真心希望可以改善維持水準，其實唔係客人唔光顧，係自身要做返好。第一次光顧係好好，第二次就岀現衛生欠佳，第三次連服務態度都變差。…查看更多

這間連鎖中菜館位於灣仔北海中心，鄰近銅鑼灣站，主打各種特色精品粵菜，嚴選新鮮優質的食材，自設魚缸養飼生猛游水海產。店內環境寬敞舒適，裝潢以奢華的中式為主，設有獨立包廂具備私隱度。午市及晚市時段均設有多樣優惠，推薦必叫晚市的「今晚有好餸」。金不換雪花肥牛龍蝦 - $298整隻龍蝦拆出肥美碩大的肉身，結實細膩且彈性十足，有獨特的鮮甜味，還有多塊厚切的牛肉粒，豐富的脂肪甘香又軟腍。蟹海皇粉絲煲 - $168爽滑彈牙的粉絲吸飽海鮮的精華及醬香，珊瑚蚌爽脆有嚼勁，還有鮮蝦及魷魚等十分豐富，粒粒蟹籽增添口感。椒鹽雞軟骨 - $68金黃酥脆的雞軟骨毫不油膩，咬開爽脆且富有嚼勁，連著少許肉帶點甘香，可蘸上豉油。…查看更多