鍋心八鮮蒸鍋

營業中

休息中

今次同幾個舊同事訂左台食蒸氣海鮮，人生第一次試，我地8點幾去到門口都見有人已經排緊隊等入去，我地今次揀左龍蝦果個海鮮套餐，另包左8款時令海鮮，最後黎多個8寶飯&糖水，簡直係飽到不得了。首先，先黎個足料燉湯，夠入味！龍蝦，d肉幾爽口同彈牙跟住果8款海鮮我地揀左唔同既醬料去整，味道都幾ok，不過美中不足既地方係有幾款海鮮不是太好味，同埋有些少細隻。最後，原本我地都有5成左右飽，再上埋個八寶飯，我覺得呢個飯幾好食，d飯又唔錯，不過都幾多下，一野打爆左我地既胃😂食埋個飯再每人送上一碗凍糖水就end~

在餐廳的ig上見到晚餐時段有兩段，17:45-20:00和20:00-22:00，大約早四日打電話訂位，預留龍蝦餐，職員講到餐廳後不能更改。我們約星期三晚上20:15，到達後職員安排二樓的座位，我們二人坐四人枱，比較寬鬆，其實見餐廳其他的二人枱都比一般餐廳大。在食物方面，我們叫了龍蝦+泰好味白蜆套餐，當日的大蚌類有聖子，蠔，黑蚌。一坐下來，職員即刻上了兩碗燉湯，十分多湯料，有雞腳，紅蘿蔔，蟲草花，豬肉。海鮮方面，每款海鮮都有不同的做法，不需要全枱選擇同一種做法，可以選自己喜歡的。龍蝦比想像中細隻，我選了清蒸，蒸完見龍蝦有膏，食得出不是冰鮮貨。泰好味白蜆選了清蒸，同樣比想像中細隻好多，同埋唔知點解份量係單數，蒸完出嚟明顯見到有幾蜆有沙，比較失望。鮑魚選了果皮蒸，職員在蒸完之後主動幫助將鮑魚拆殼和內臟，鮑魚肉質爽口。海蝦選了金銀蒜蒸，金銀蒜佈滿蝦上，但味道不會過重，蝦比較細隻。多寶魚選了豉汁，同樣豉汁佈滿魚上，但這次味道過重，甚至有點苦，魚肉彈牙，分到部分魚頭和魚尾，魚肉較少。魷魚腸粉選了沙爹醬，算是全晚的驚喜，沙爹醬滲入腸粉，令腸粉十分好食，魷魚唔會過韌。黑蚌選了一款清蒸，一款金銀蒜，清

跨部門👭🏻👭🏻👭🏻🍚聚👭🏻👭🏻👭🏻雖然話係跨部門飯聚，但係都唔齊人 🙈🙈🙈，喺限最令下枱分咗兩台,我哋揀咗🦀肉蟹餐另外啲同事仔揀咗🦞龍蝦餐一坐底已經有盅燉湯, 估你唔到個燉湯又好正🤭話明係肉蟹餐肉下又點少得呢除咗🦀肉蟹🦀我哋揀咗 沙白 / 鮑魚 / 蒸蝦🦐/河蚌 / 蠔 同 聖子掛住食竟然冇影📸到八寶飯,失敗😅話明係八寶飯梗係有，我哋自己揀嘅八寶🐙土魷絲/ 秘製雞骨餅🥰 / 秘製雞翼 / 榨菜肉絲 / 牛柳粒 / 蒜茄子 / 銀魚仔🐟 / 淮山仲叫咗土耳其青檸汽水👍🏻👍🏻總有一個首尾呼應估唔到咁好味嘅糖水冰凍南北杏燉木瓜雪耳🤤

從來都未試過海鮮蒸鍋，決定試下鍋心海鮮蒸鍋，聽講佢新鮮夾抵食，所以想試下雖然好遺憾佢今次冇龍蝦揀，但有大大隻帶膏既肉蟹都已經好滿足首先要講下各種海鮮先，佢地真係十分之新鮮，蒸之前都仲係好生猛，郁尼郁去而佢地既調味都十分之惹味，泰式風味酸酸辣辣，加埋蒜蓉既香味，簡直一流而佢既果皮蒸鮑魚都算原汁原味，充分帶出鮑魚既鮮美想講佢既沙嗲醬魷魚蒸腸粉，絕對值得一試，腸粉滑得尼融入魷魚鮮味，真係一絕！而佢最後既八寶飯，都大份夾抵食，可以話用料十足之餘十分之香同埋濃味，可以為今餐畫上一個完美既句號

聽朋友話呢間蒸海鮮好掂又新鮮又飽肚，同佢去咗一次之後，我相信喇！真係好多海鮮，仲有餐廳店員親自幫忙上碟，見到佢哋好忙，但服務仍然好好，好有禮貌。成個餐除咗食海鮮之外，仲有滾湯丶蒸飯同甜品跟，食材都配得好好，仲好養生啊！

記得要book 位，但如即日都可以1600前會通知你有否後補位。1745，2015入座時間。服務態度：可用信用卡付款。態度好，入座時見到我攞住好多野，就就動安排我坐樓下（上面還有好多位）而且仲要係2人坐4人坐位環境方面：夠闊，舒服，全部卡位。食物質素：如圖，蜆都會有1至兩隻有沙，次次嚟都會有，但不過份，如不開口可以換。最好味係蟹，厚肉，味鮮。多寶魚用古法蒸都好野味。最精彩係最後八寶飯，但我相信好多人去到八寶飯都係打包，但我咁有經驗又點會俾自己食唔到八寶飯，打包後就會失色。性價比：$228無加一，性價比高總結：上次食已經有9個月，仲保持到質素，值得再光顧。好味指數

母親及家姐到太子逛花墟，除眼睛欣賞美麗的繁花吐艶，也要顧及肚皮的抗議聲。走到食店林立的街道上，媽媽選擇了食海鮮。海鮮蒸鍋$168一位，共5款海鮮加配菜（龍蝦每人半隻、豉汁蒸蟶子一隻伴翠玉瓜、陳皮蒸鮑魚一隻伴蘿蔔、清蒸帶子一隻伴雪蓮果、貴妃蚌一隻伴南瓜）海鮮是自選的，份量略嫌有點太少，這個價錢、這個份量雖然不大正比吧，但味道十分鮮甜，全程不用自己動手，坐定定有職員serve ，蒸好夾上碟遞給你。要算最出色便是那個八寶蒸飯，蒸飯配料全部也是自選，味道恰到好處，一碗吃下飽腹的滿足感升溫了，這個八寶蒸飯真令人回味又回味

食左甘多次最差係今次，往事有龍蝦肉蟹，依加係二選一，龍蝦仲要加廿蚊，加價不是問題 而是變質了，龍蝦細隻左好多，不過鮮甜。但鮑魚最過份，沒有鮑魚味，不是往時甘鮮甜，花甲蜆肉就OK，刀貝超細隻同無味，帶子過熟，蝦都縮水，只有蒸飯就沒變。

呢間舖頭出名係食蒸海鮮，最近做緊嗰午市優惠套餐，全部劃一收費$168 , 唔使加一服務費， 但就唔包例湯，唔包甜品，同埋飲品都係需要另外收費套餐包括五款海鮮+八寶飯先來每人半隻龍蝦，鮑魚， 花甲， 貴妃蚌，多寶魚半隻龍蝦size算大隻，肉質彈牙又鮮甜，本人覺得食半隻龍蝦已經差不多可以回本👍😋其他海鮮都算新鮮，每枱都會有店員負責幫手蒸海鮮，佢地會見你食到咁上下，先開始幫你蒸下一樣海鮮，每樣海鮮都有規定蒸幾多分鐘，所以d海鮮蒸出來生熟程度啱啱好，唔會蒸過火，所以每一樣海鮮都可以保留返d鮮味😋最後個八寶飯最正👍任你係28款食材內面揀8款食物去蒸飯，蒸出來既飯粒粒分明，吸收曬8款食物既精華，首推揀臘腸排骨豬肉等食材，配搭蒸出嚟嘅飯真係無敵好食😋再一次提醒呢個午市套餐係唔包飲品嘅，飲品係要另外收費嘅，一罐可樂都要十幾蚊，值唔值就見仁見智啦😂

堂食就試過幾次，係好食既👍🏻👍🏻外賣就第一次叫6點後禁堂食，又想食蒸海鮮第一時間諗起呢間！ 叫左6個set B ，龍蝦🦞加白蜆，再有6個自選海鮮， 蒸雞同一個8寶飯唯一唔同就係無左湯同糖水外賣一樣可以配唔同既醬料金銀蒜龍蝦🦞夠鮮泰式醬白蜆加花甲 ， 泰式醬辣辣地甜甜地，好好食😋果皮鮑魚，鮑魚外賣都隻隻勁新鮮，仲識郁， 好正金銀蒜聖子，蝦，蝦就好細隻，份量少，開邊之後，每人食到2隻鼓汁8寶魚—好滑好好食😋最出色都係8寶飯，可揀唔同菜料蝦醬腩肉同牛脷好好食整體來講，外賣都好正叫4個人既餐有個煲送，呢個幾好，方便左有d無蒸鍋既朋友！

我向來鐘意食蒸海鮮，以前拍拖食過潮福，小漁港都同過朋友食，但由於埋單要$600-$900左右，通常生日先食。今次鍋心由於$400幾/2人，又唔收加一，真係平好多！而且仲有黑蒜湯同腐竹白果糖水，加上多款蒸海鮮都唔錯，最緊要蜆無沙！而且，個八實飯太多菜式，好飽，食唔曬俾朋友打包呢！我希望下次可以食粥底，因為妹妹話粥底更美味🥰阿姐服務好窩心，佢叫我地下次帶男朋友黎食，可以更窩心😂環境都係卡位，舒服😌

第一次忍唔住要喺度寫食評，曾經係一間我最鍾意嘅蒸海鮮，每逢慶祝節日都一定會選擇呢度慶祝，食過10次以上，但今晚嘅體驗真係令我極度失望，唔會再返轉頭最近做緊特價$228/位，已經覺得好奇怪，原來係而家半隻龍蝦變咗要每位加$50，而且最離譜嘅係訂位嘅時候冇講，去到先知道轉左Menu！次次食都有龍蝦今次加錢都算，結果轉個頭同我哋講賣晒！兩老已經好失望，然後食到中途再同我哋講多寶魚同埋蟶子賣晒....真係好嬲...不斷咁sell我哋轉腸粉...大佬我哋最想食嘅海鮮都冇晒...而且職員已經同以前唔同哂，換左一班新血冇禮貌而且好多海鮮已經煮過龍但冇人黎睇，成餐除咗個鮑魚同八寶飯維持到水準，其他全部都係食貝類，龍蝦蟶子同埋多寶魚呢啲最貴嘅就同我地講賣哂我覺得cut cost唔係問題，但成件事完全係貨不對辦，加上其實好多客人都係回頭客，會知道表面上係減價實質上係偷工減料，而且以前嘅配菜例如甜番薯全部冇晒變咗得返花椰菜同埋秋葵！非常唔掂 冇下次！諗住開開心心同屋企人慶祝，最後換來嘅係大家嘅失望，做生意唔係咁做，實在係非常失望

環境都很好夠闊落，但所有的食材都很少，海鮮太細隻， 蒜蓉蒸海蝦細隻到手指尾咁，而且每人兩隻， 三隻蜆都好細隻， 只有半隻蟹就 比較大啲，我睇廣告的大隻好多，服務員態度唔多好。

心血來潮想食海鮮，去左呢間鍋心八鮮蒸鍋。一入座已經每人有一盅靚湯滋潤一下喉嚨。之後開始揀海鮮，基本會有兩款固定的海鮮+六款自選海鮮。今晚蟹和硯係基本款，然後我哋再揀左多寶魚、鮑魚、蝦、蟶子、花甲、扇貝。每款海鮮都可以揀吾同的蒸煮方法，例如可以清蒸、陳皮蒸、豆豉蒸.... 而職員會好專業甘幫你計時間蒸和分海鮮到各人的碟上，海鮮係蒸得岩岩好，鮮甜味美。最後仲可以揀八款餸去蒸八寶飯，好香。每款蒸海鮮都會配一款蔬菜一齊蒸，健康得黎又飽肚。食到最後的八寶蒸飯要打包XD 另外加左一支飲品，人均消費$244唯一缺點係食得好急，要follow職員的步伐，馬不停蹄甘食🤣抵讚係職員會用酒精好認真甘抹枱，感覺食得安心❤️

鍋心之前外賣食過一次，覺得超鮮美，今次就book堂食。星期日 5點9開始 5點半到已經有人排隊。5點9準時開始，d呀嬸就急到插排。。。😓Book左位就點都有得入既第1個choice我地揀左每人加20蚊要左龍蝦冇要蟹之後再揀多5種海鮮同8種打邊爐料全部海鮮都好新鮮！但就上得好慢一樣一樣黎 打左好耐到最後有小小chur既 冇乜時間剩Waiter 係咁叫我地放芋頭同南瓜 但我地仲有海鮮同2樣邊爐料未黎齊😅因為佢地話要碌哂海鮮先放芋頭南瓜不過最後都趕得切煮爛d芋頭南瓜既煲得切個粥 可惜既係d海鮮味已經冇乜應該係煲得太耐加左幾次水淡哂😫所以如果上餸上得快d就好啦