鍋心八鮮蒸鍋

營業中

休息中

第一次食蒸海鮮，帶埋阿媽去食就梗係搵定冇咩負評地點又就腳嘅啦上OpenRice見到呢間好多人都力薦，有蒸海鮮又湯又糖水咁真係性價比極高我最想讚嘅係成個用餐體驗，由訂枱到埋單，服務態度真係一流事緣是咁的：我地一行三人但其中一個要遲啲到，所以訂枱時已講定，接線小姐已話冇問題唔係計人頭入只係食到20:30去到當天18:00左右已經入座，同返職員講佢地已經話ok冇問題，之後我地落好order就留返起一份到最後先再一次蒸，因為家人黎到好遲，差唔多19:30先到，職員們立即好貼心咁快快手幫佢蒸熱返個湯再serve多次逐碟蒸海鮮，明明我地係訂一枱但要佢地做左兩次功夫搞到我都唔係幾好意思，最意外嘅係佢地冇收加一，但真係好好服務同有禮貌，每碟餸蒸起都分好晒再比時間你打卡，唔會擔心你食唔切要趕你走，服務態度絕對值得一讚講返食物，我呢啲食菜怪最欣賞佢每款蒸海鮮都會加埋件蔬菜一齊蒸同食，唔會好寡又夠健康，蔬菜同海鮮亦好夾，真係諗得周到。食物方面冇投訴，咁嘅價錢有半隻龍蝦同蟹真係幾抵，係個飯就麻麻地，冇其他食評中講得咁好食，我一向唔食飯所以吸引唔到，糖水係燉雪燕膠，唔太甜唔會漏幾好食總括黎講呢間真係值得比五星，

呢間餐廳嘅好處就係好似殘廢餐咁，咩都唔使自己嚟，有專人幫你計時，夾埋上碟俾你食，每一次打開蓋都會提你「係時候攞相機出嚟影張相」，食得開心嘅係真係唔使自己郁手，所以好快就食飽咗。 佢啲海鮮不過不失，性價比極高，主要都係買服務，然之後個蒸飯就由自己選擇材料，其實去到食蒸飯嗰刻我已經好飽，因為前面啲海鮮一路食無停。再加上一開始佢個燉湯都真係好足料，我真係飲埋湯食埋啲湯渣。我哋好努力分埋啲飯嚟食嘅時候，原來最後佢仲上埋糖水。呢間餐廳記住一定要book位，佢只有兩段時間食，價錢嚟講分幾個價位就視乎你揀蟹定龍蝦。其實都真係隨你喜歡，有時龍蝦都會賣晒，所以我今次都淨係得返蟹鍋。

打算同朋友聚會就約係到食，我朋友比較鍾意食海鮮所以就決定試下！因幾年前食過水準都唔錯，順便看看有沒有改變！一入到去其實人真的不多晚上7:00，加上是平日不多人都是正常的！入到去侍應同我地講2小時用餐時間，這是香港慣常，都見怪不怪！叫咗個龍蝦餐，一開始有個蟲草花湯都幾好飲，之後服務員就開始幫我地蒸食物，感覺非常之趕，但可能人流不多，食材流轉慢，龍蝦梅不爽口，其他食物須然話係有配料選擇去蒸，但無咩味！聖子比較細隻豉汁加咗落去都無咩味道！蠔一般，兩隻似台山蠔，鮑魚蒸還可以！八寶飯可選擇八個配菜，飯都未食哂，就立刻上甜品，個甜品好甜！我地食唔哂個飯，服務員見狀立刻話比個盒我哋，一嚟個盒後就立刻幫我地埋單，問都無問超快速！但係我地都係坐咗個半小時，都未夠時間，真係好趕！但又無咩人！但如果要食蒸海鮮的話不會選擇啊！每人$300到没加一！感覺好像食快餐！服務真的不太好！

呢一間海鮮蒸鍋我個friend同我講左好多次🤣🤣不停同我講「你真係要試下！好好食㗎！」🤨然後我都係抱住個咩都試下嘅心態去食😂點知。。。真係超級好食，仲要唔貴！我揀左龍蝦肉蟹個set，每位都係$288 (+服務費)包晒蒸海鮮＋八寶飯＋燉湯同埋糖水👍🏻🤩真心正！全程都會有店員幫手蒸海鮮同計時，我哋就係淨係負責食😆佢仲要係用蒸餾水蒸海鮮，保證蒸嘅過程都係衛生👍🏻👍🏻雖然間鋪嘅門面唔吸引，但係真係勁高質🫶🏻力推！1️⃣✨蒸海鮮🦞🦐🦀✨[🅁🄰🅃🄴 5/5]啲海鮮真係勁新鮮鮮甜😋雖然啲海鮮基本上係每人一至二隻左右，就咁睇好似得好少，但食落又覺得幾飽，最緊要係好食！❤️保守派嘅我除左個鮑魚係揀左果皮蒸，其他海鮮我都揀左用金銀蒜蒸😂聽聞清蒸好似仲好食，更加食到海鮮嘅鮮味，下次可以試下😆🫶🏻2️⃣八寶飯👍🏻😍(第7頁有片!!!)[🅁🄰🅃🄴 5/5]八寶飯嘅配料係可以自己揀嘅！我就揀左秘製雞軟骨肉餅，柱侯牛粒&萵筍&沙嗲豬頸肉&豉汁排骨&欖菜四季豆&醬油漬牛脷&豉汁排骨，我個人就覺得欖菜四季豆好值得點，佢簡直升華咗成個飯😂令到撈個飯嗰陣勁香，見到條片真係隔住個mon都聞到陣飯味🥹❤️其他配料都好入味，尤其係牛脷😋so

1.好似焗桑拿咁，間舖頭冷氣勁細，周圍開晒風扇都唔掂，好多食客卷高衫袖，焗到無胃口食。2.侍應個個都好似阻住佢收工咁，將食物掉落去蒸鍋度，全程砰砰聲，掉碗碟聲不絕於耳。。。3.最痴線係呢個，有個男員工（唔知係廚務工定侍應，推住個垃圾桶，入面係一個大既黑色膠袋裝滿晒（估係垃圾），由大門口推入廚房方向，竟然路過我張檯停低，將個垃圾桶擺響我隔離，用佢啱啱掂過垃圾桶隻手拎起我地個蒸鍋蓋再夾起個蒸籠。。整好之後又再推番個裝滿垃圾既桶去廚房。

首先，我覺得呢間店都幾值得寫，可以推介一下。整體體驗唔錯，但仲有改善空間。餐廳時間分兩輪，我地一行三人book左第一輪5：30。一坐低就有燉湯，好夠味，係好個開頭。然後點餐，三款套餐。我哋揀左每人$288的龍蝦肉蟹餐。建議睇埋是日推介先落單，原來當日有蠔，其實可以叫多樣其他，再加蠔就仲正。鮑魚，魷魚腸粉，多寶魚，蝦呢4樣常駐。三款貝類就1個月換一次。最後我哋揀左金銀蒜龍蝦，古法肉蟹，果皮鮑魚，沙爹魷魚腸粉，金銀蒜蝦，豆豉蟶子，金銀蒜蠔，滑雞。蒸飯選了：蝦醬豬腩肉(超正，必選)，銀魚仔，臘腸(正)，排骨，芋頭，南瓜，冬菇(正)，四季豆(正)，4肉4菜好平衡的組合。落單後好快就來，然後店員逐一幫手蒸。其間服務好好。每枱都有紙巾好方便。然而食完啲殼要自己倒，還有就係餐具唔係太好放，呢兩點在衛生上要扣少少分。食物方面龍蝦細左少少，一人半隻，因為一早準備好在車仔上，新鮮度會差左啲。鮑魚最正，夠大隻，夠鮮，蒸之前仲生猛，街市買都起碼$20隻，配菜：蘿蔔都超正。魷魚腸粉，蠔，滑雞都好正，不必多講，如果下次再來都會叫。蝦，蟶子就有啲孤寒，又少又細隻，蝦可能太早準備鮮度不足每人得兩隻，蟶子夠鮮可以配金銀

慶祝姑姑生日，想試吓特別嘅，唔食中式，唔食西餐，唔打邊爐，於是帶姑姑試下食蒸海鮮餐。是日平日晚餐有兩個時段，訂了早輪時段，揀左龍蝦餐，套餐包括老火湯+龍蝦及白蜆+自選六款時令海鮮+八寶飯+是日糖水。是日老火湯炎炎夏日，冬瓜紅蘿蔔湯，清清地，消暑。金銀蒜蒸龍蝦🦞龍蝦夠大隻，好多膏！好鮮甜。清蒸白蜆一般，有少少乾。古法豆醬蒸多寶魚🐟唔錯，魚肉滑。金銀蒜蒸帶子火候啱啱好，令到肉質鮮嫩。紅槽醬蒸魷魚腸粉魷魚🦑太細，蒸得唔夠，紅槽醬唔夠。金銀蒜蒸海蝦🦐海蝦亦偏細隻，蝦肉質一般。果皮蒸鮑魚不過不失。蟲草花蒸滑雞入味，雞滑，可惜太多碎雞骨。八寶飯自選八款餸，個飯好好食，好香，但一定係食唔曬，所以用外賣盒拎走。是日糖水唔會好甜，清清地，潤一潤。龍蝦套餐，$258一位，不用加一，值得一讚，若果有長者優惠就更完美。

團隊聚餐選擇了這家整齊海鮮，雖然環境一般，但是海鮮味道是真的不錯，主打一個新鮮原味⋯⋯當時只顧著吃了，雖然圖片沒有拍幾張，但是美味程度依然可以看得到，團隊8個人買單不到3000，下次還想去吃的餐廳，強烈推薦！

好鐘意食海鮮，想黎試好耐，終於約到朋友4人同行，一入到去佢就比個燉湯我地先，本人超愛喝湯，佢個湯都好飲又夠味，亦唔係味精味！我地叫左個龍蝦餐🦞，另外有7樣海鮮：鮑魚，魷魚腸粉，海蝦，聖子，蠔，貴妃蚌，白蜆其中最驚喜係鮑魚，黎到既時候仲郁緊，好新鮮，食落都有鮑魚味🤤 另外龍蝦都好食🤤比較失望既係海蝦，比較細，口感一般。最鐘意係職員會幫你睇住時間，唔會蒸過熟，剛剛好，口感好，另外佢每樣海鮮都有個小配搭，非常健康，仲可以自選煮法，例如泰式醬冬陰功醬，非常特別！🤩最後有個蒸飯，本身冇咩期望，結果就有驚喜，真係估唔到蒸飯都可以好食🤪

如果你想食啲新鮮嘅海鮮同埋肉類，而且想係一間價錢公道嘅餐廳度食到好多唔同嘅菜式同埋醬汁，咁就要嚟「鍋心八鮮蒸鍋」啦！呢間餐廳以蒸海鮮為賣點，有好多款美食可以揀，例如鮑魚、魷魚腸粉、蠔、開邊蝦、孜然牛肉、肉蟹等等。仲可以試吓唔同嘅醬汁，味道真係好唔同架啦！不過，最出色嘅一定係佢嘅八寶蒸飯，你可以揀八款唔同嘅配料，口感好豐富同埋好好味，真係令人欲罷不能！如果你唔係好鍾意飯嘅話，咁都唔洗擔心，其他菜式都好好味架啦。而家講到價錢，呢間餐廳嘅性價比真係好高嘅。你可以食到高質素嘅美食，而且價錢唔會太貴，真係好啱普羅大眾架啦。我就好鍾意呢度嘅八寶蒸飯，每一口都食得好開心好滿足！總括嚟講，「鍋心八鮮蒸鍋」係一間好啱你嚟到嘗試唔同口味海鮮同埋肉類嘅餐廳，同時亦都可以享受到高質素嘅服務同埋性價比高嘅美食。如果你想試下啲新口味嘅美食，咁就要嚟呢度啦！🍴🦀🍚👍

本來想食粥底火鍋 諗諗下都係去咗食蒸氣鍋清清哋唔使食埋啲粥臨時訂位都有位 坐下層 全部都係卡位一坐低每人即刻黎一碗燉湯有兩隻雞腳 十分足料返到屋企都唔係太口渴 應該冇乜味精有龍蝦同肉蟹餐 我哋揀咗肉蟹蒸鮑魚ok蜆肉細細真係好鮮甜冬陰功醬配蒸蝦 味道幾特別好好味象拔蚌仔就唔係好推介 因為真係超細超細清蒸蠔蒜蓉魷魚腸粉好味剁椒肉蟹正 有啲麻辣 個醬超好味食完一輪會有一個八寶飯唔記得咗影相最後每人一個糖水 木瓜桂圓杞子 完美作結

想食海鮮蒸鍋，之前食過呢間鍋心都幾好食，都幾抵食，二百幾蚊一個人可以一個燉湯，食到八款海鮮再加一個八寶飯，一個甜品，開埋超高性價比寫海鮮都新鮮好食嘅！🍴$288一位 龍蝦肉蟹餐一個燉湯，有八款海鮮，八寶飯(可以自選八個餸)，最後有一個中式糖水。分兩個時段一係5:30一係就8:15，想食記得打電話去訂位啊，通常Walk in可能冇位。🍴冬瓜紅蘿蔔豬肉 (6/10)比較清香一點，鹹鹹地，有啲似豬肉燉湯。🍴金銀蒜蒸龍蝦 (7.5/10)龍蝦有膏，個個都幾甘幾香，肉質都彈牙鮮甜。🍴果皮蒸鮑魚 (7/10)都幾大隻，肉質彈牙新鮮，蘿蔔清甜。🍴泰式醬蒸蠔 (5/10)比較細粒，好似係本地流浮山生蠔，唔腥。🍴豉汁蒸貴妃蚌 (5/10)大隻爽口，冇沙，ok的。🍴蒜蓉蒸刀貝 (7/10)啱啱號都好滑，冇沙。🍴沙嗲醬魷魚腸粉 (5/10)沙嗲汁比較少，唔係好濃味，魷魚雖然好細條，腸粉好軟糯。🍴剁椒多寶魚 (8/10)多寶魚魚質好滑，剁椒好香辣，幾好食。🍴豆醬蒸膏蟹 (7/10)啲膏都幾香，甘甘苦苦，肉質都算鮮甜彈牙，但好似同泰式醬唔太夾🍴八寶飯 (9/10)要咗蝦醬豬腩肉，秘製雞軟骨肉餅，馬蹄豬肉餅，醬油

之前食過幾次覺得唔錯，今次朋友提議拉隊去食，現在只剩下太子這一間可以食蒸海鮮。$288一位的龍蝦🦞肉蟹🦀餐龍蝦、肉蟹、再任選六款不同的海鮮。自選八款配料蒸飯。一坐低馬上有奉上老火湯，螺頭冬瓜紅蘿蔔薏米湯，湯的味道很鹹鮮。金銀蒜蒸龍蝦，每人半隻，龍蝦🦞雖然細細隻，但有鮮味。剁椒蒸多寶魚，大概每人兩塊，剁椒味道濃烈，又不太辣，配上多寶魚，增加了魚肉的鮮味。冬陰功醬蒸蠔，蠔細細隻，冬陰公醬酸酸甜甜，非常好入口，但蠔味道並不濃郁。金銀蒜蒸刀貝，刀貝有沙，唔得👎🏻果皮蒸鮑魚，鮑魚細細隻，普普通通。沙嗲醬蒸魷魚腸粉，份量比以前少了很多，味道還是可以的。古法豆醬蒸肉蟹，肉蟹比較細隻，並沒有太多肉，有少少泥味。八寶飯，份量都比較多，正正常常最後糖水是 桃膠龍眼杞子燉木瓜。份量很多，清清甜甜。唔使加一服務費，四個人埋單$1200 。老實說，感覺比以前差了，侍應阿姐好似好急咁樣，海鮮還未食完，已經將第二樣擺上枱上邊，一食完就馬上收走，飯還未煮好，已經將糖水放上枱。以前還是把海鮮分給每一位客人，今次完全沒有，可能人手比較少，所以今次的服務比較急趕，糖水還沒有食完，張單已經放上枱，訂枱時先說6:00去到8:0

鍋心好耐之前已經食過，今次朋友話好耐無食，想再食佢既8寶飯今次我地叫左龍蝦套餐，以前係好多人食，坐滿，今次我地去，竟然得7成入座率，不過食完今次，真係有點失望，因為相比以前，真係差左，但仍會再去光顧首先，我地叫左魷魚腸粉配紅糟醬4/10味道一般，只吃到酸既味道。陳皮蒸鮑魚配蘿蔔 7/10竟然配料比主菜還好食，鮑魚有點吃香口膠一樣，但這塊蘿蔔真心岀色，入口即溶，也不會因為用蒜蓉蒸，而搶過本身蘿蔔的甜味蒜蓉蒸蟶子 9.5/10這個可以值得encore，因為處理得好好，一粒沙都無，仲要一食落口蒜蓉不會蓋過精子的鮮味白沙蜆 9/10鮮味十足，配泰式醬簡直一流！豉汁蒸多寶魚 8/10魚味岀，不會因濃烈的豉汁以蓋過魚本身的鮮味，唯獨魚質有點鬆散。主角，龍蝦我地用蒜蓉蒸 9/10龍蝦雖然比較細隻，但肉質鮮嫩可口，而金銀蒜不會太濃，而搶過龍蝦本身的鮮！蒜蓉蒸開邊蝦 8/10蝦細隻，食落不會好明顯一啖啖肉，但鮮味加左不少分數，鮮味足不再話，更正的是肉質不會因為太細隻而鬆散。重頭戲，8寶飯 10/10因為職員一蒸好，好快就幫我地裝埋落碗，忘記影相，不過呢個係以前到呢家一樣都係咁好食既！！！

去極唔厭嘅蒸海鮮店🦪鍋心八鮮蒸鍋@steam.sweet.seafood 相隔3-4個月已經食咗第2次嘅我終於的起心肝寫鍋心嘅食評。我周圍同朋友推薦鍋心，唔係冇原因的😋🍽人均：$228-$278加一（睇你揀咩set）（飲料另加）🕰時間：鍋心每日1點開門，但未開市ga，想預約要1點後打電話。每日只做2輪晚市生意，第一輪係17:30-20:00，第二輪係20:00-22:30。所以想食就要打電話去留位啦😊walk in基本上唔會有位我就2次都係揀$248龍蝦餐，因為我同朋友都冇對蟹有特別渴求🤣講起鍋心第一件事係要特別讚揚店員姐姐，因為基本上喺餐廳我哋除咗一開始點餐之後，之後咩都唔洗做😋等姐姐安排上菜，計時蒸海鮮，等等，好專業！以下係個上菜順序：1. 6小時足料燉湯（每日唔同）2. 2款餐點海鮮，睇你揀咩餐（白蜆、龍蝦、肉蟹）多種唔同煮法，如清蒸、泰式醬、金銀蒜、古法豆醬等）3. 自選6款時令海鮮（鮑魚、海蝦、聖子、蠔、元貝等）都係自選唔同煮法！❤️我就最愛沙嗲魷魚腸粉、羊肚菌蒸滑雞、同金銀蒜聖子😋4. 八實蒸飯自選8種材料，店員會幫你蒸，出嚟效果有啲似煲仔飯，但好香👍🏻我推薦一定要加臘腸同秘