錦麗 (綠楊坊)

營業中

休息中

今日荃灣收工，心諗都好耐無食越南野，就同同事黎左公司樓下呢間錦麗呢到主打正宗越南河粉，仲話係胡志明市最好食既pho，緊係要試試佢黎到果然好香，而且估唔到既係牛肉分量都勁多，差唔多同河粉比例係1：1，大癲不過最緊要都係個味道，湯底好濃郁夠味，河粉索滿湯汁勁出色，牛肉有肉片同腩位，兩者都好淋身，果然名不虛傳同事叫左越式一人鍋，胡椒椰子鮮雞鍋，雞肉嫩滑一啲都唔硬，不過胡椒味唔算太重，以為會好似胡椒豬肚湯咁辣辣地，反而椰子水既鮮甜就飲得出啦跟餐仲有個河粉或加錢加配料，同事最後飽到啲河粉食淨一半越式小食拼盤，有春卷、炸雞翼、香茅豬扒、甘蔗蝦，真係一次過滿足幾個願望最正係個春卷勁脆身香口，仲要係熱辣辣上枱，呢個抵讚野飲方面都好有特色，班蘭生薑茶好飲到讚不絕口，唔會太甜後勁好重班蘭味，同事話聽到我每飲一啖都講一次「真係好好飲」好煩唔好再講，我自己都無留意😂

錦麗終於係荃灣有店了 人氣越菜河粉品牌最迎更推出左越式冬季一人鍋 河粉及越式小食外的另一選擇OooooO🔶牛腩蘿蔔鍋 $78湯底清甜 牛腩肉質嫩但保留口感蘿蔔入哂味且清甜 越式冬季一人鍋送河粉/金邊粉/飯&同指定飲品仲可以跟餐加菜及生牛肉等 真正既一人邊爐OooooO小食🔶蒜蓉牛油雞翼 外皮鬆脆 即炸配上蒜蓉牛油香氣十足🔶魚餅 香茅味濃加甜酸醬更佳🔶金絲網蝦春卷 金絲網春卷皮超鬆化OooooO🔶火車頭粉 $88大大碗 重點都係佢既牛肉湯真係好好味配有多款配料 用料非常豐富🔶盞醬時菜 $38新鮮翠綠的菜心，搭配濃郁的馬拉盞醬，香氣四溢，入口微辣，惹味開胃，風味十足。

想食越南菜唔使飛峴港！荃灣綠楊坊【錦麗】主打越南地道風味湯粉、小食🤩「特色小食拼盤」$76 炸得金黃的越式春捲、大蝦扎肉米紙卷 (2件) $40透出薄荷香氣，配酸辣魚露汁瞬間穿越河內街頭！「胡志明綜合粉」(推薦👍🏼) 湯頭每日鮮熬，牛骨香mix雞油香，河粉滑溜掛湯，配料齊集生熟牛肉、牛丸、牛筋，一碗吃盡西貢精髓🍜「越式蟹肉餅蕃茄湯檬」手打蟹餅鮮甜彈牙，番茄湯底酸甜醒胃，追加$10白灼時蔬平衡肉感更健康！飲品推介$8「話梅青檸蜜」鹹甜交織超解膩，收尾必點斑斕椰汁糕，椰奶香滑唔太甜😋，配清甜甘蔗汁完美作結🌿

身邊朋友介紹錦麗新出左一人火鍋，天氣突然轉凍，試一試剛剛好！加上荃灣分店新開，荃灣地鐵站一出就到，交通方便，所以放工就用老婆約埋一齊去食。新分店都幾容易搵到，響正綠楊新村商場門口，而且招牌都好大，裝修都好新淨，坐得幾舒服。我地主要黎試個一人的火鍋，見隔離台好多人都點，而且份量幾大，所以我地叫左一個椰子雞煲share。包一個河粉或者金邊粉，價錢都只係78蚊，真係幾低。湯底：好清甜，椰子味好濃，我地都飲左半碗，店員好貼心主動詢問是否需要加湯，之後就好主動甘俾多左碗雞湯我地。配料： D雞份量都幾多，有8件，唔係好調過味，不過好有雞味，無雪味，好新鮮好鮮甜，配合埋椰子的清香，一絕，極力推介。之後我地又點左個夢幻彩虹多士，個麵包烘得好脆，配一杯咖啡雞蛋醬，甜甜地之餘有咖啡的香濃，味道配搭好特別，作為飯後甜品好唔錯。兩個餐都可以加少少錢配飲品，我就叫左杯暴龍美綠，老婆就叫左杯斑斕生薑茶。暴龍美綠：我以為會係好濃列勁多美綠粉的飲品，黎到其實只係一杯美綠加d cream，唸唔明點解叫呢個名，雖然無係好surprise，但味道都係好唔錯，好香濃。斑斕生薑茶：暖暖地，薑味好濃烈，有d似台灣的薑母茶，不過就

最近約咗朋友喺綠楊坊，見到開咗「錦麗」越南餐廳，真係一個唔錯嘅選擇！整體環境舒適，服務員態度友善，嘢食又好食，唔怪得平日晚餐都座無虛席👍🏻😋小食我哋試咗越式蔗蝦，總共有4件，蝦肉鮮甜，包裹住嘅甘蔗味道淡淡地襯托出蝦肉嘅鮮味，口感非常好。外面炸得香脆，內裏又保持住蝦的鮮嫩，配埋甜酸醬，真係一個開胃嘅小食🍤🍤🍤🍤主菜我哋點咗火車頭河粉。湯底味道鮮香，河粉滑溜，非常入味。配料豐富，裡面有穀飼肉眼，肉質鮮嫩，入口即化；牛筋軟糯，黑椒扎肉味道香口，熱牛肉新鮮嫩滑的口感，牛丸彈牙，仲有芽菜、香葉同青檸做配菜，好好味呀🥩🍢🍜🍋‍🟩牛腩蘿蔔鍋就係我哋今日嘅重頭戲！牛腩軟嫩入味，蘿蔔吸收咗湯汁後，味道特別香甜。再加配白飯，呢排天氣咁凍食好適合。呢個鍋優惠價真係超抵，只需要$78加一🤑我哋仲追加咗生牛肉、魚丸、黑椒扎肉同埋蔬菜拼盤。生牛肉新鮮，魚丸彈牙，黑椒扎肉味道濃郁，蔬菜拼盤新鮮，喺牛腩鍋烚吓烚吓好過癮🍲🥓🍡🍚飲品朋友試下越南滴滴咖啡，睇住佢滴下滴下非常過癮，咖啡味濃烈，加上有少少奶喺底，甜度適中🇻🇳☕️我就點咗一個新鮮椰青，椰汁清甜，椰肉嫩滑，係一個清爽嘅選擇，完美解渴🥥😋

屋企附近新開咗間越南菜餐廳，平時收工時間見到都會排長龍，難得有得早放，就約埋好朋友一齊食晚飯。🥘我地叫左個胡椒椰子鮮雞鍋，揀左配河粉。雞鍋入面有紅蘿蔔🥕、嫩雞塊。雞湯加埋胡椒食完好暖身，而紅蘿蔔吸收哂雞湯底既精華，好鮮味👍🏼🍝我哋又叫咗軟殼蟹撈檬粉，軟殼蟹炸得金黃酥脆又大件多肉，仲有肉鬆、青瓜絲同花生碎，落埋越式檬汁，一啲都唔膩。我哋跟餐加錢叫咗兩件越式蒜蓉牛油雞翼。雞翼超大件，裹粉再炸過外皮好鬆脆，入面雞肉嫩滑，🥗我最鍾意牛油果米紙卷，入面好多生菜、牛油果都好新鮮，米紙就好軟糯，唔似出面超市買既好靭，點埋個檬汁好清新，正👍🏼🍹野飲朋友點左斑斕生薑茶，斑斕味清香，生薑暖胃，飲落帶甜；我就叫左香茅牛蒡椰子茶，牛蒡味同椰子味突出，仲有一條條嘅椰子肉，飲得又食得。價錢都大眾化，但野食真係有啲水準，唔怪得成日見到都排哂隊等位。

太興 旗下嘅 越色 食肆。大集團嘅制度同埋系統係佢嘅優勢。成間餐廳由裝修、menu、promotion 、service、出品…..都井井有條。下午茶時段特別抵食。生熟牛肉河。大家熟悉嘅水平，牛肉嘅質素交到功課，交替着生熟牛肉唔同嘅口感。最最最緊要嘅湯底，啖啖牛骨精粹，食完河粉連D湯都飲埋。紫薯春卷。呢個組合比較特別。一定要試吓。越式炸雞翼撈檬。好大份，3隻炸到甘香鬆脆爆汁嘅大雞翼，睇得又打得。大滿足。胡椒椰子鮮雞鍋。呢個一人前嘅鍋物，真係獨L嘅救星。法式蕃茄牛頰面燴飯。大連鎖出嘅燴/焗飯，唔會有乜嘢出錯。要讚嘅喺呢度嘅咖啡，一杯最基本嘅跟餐咖啡，啲奶上嘅時候係暖笠笠的。紅豆冰，啲紅豆煮得好棉但係又唔會爛蓉蓉。火候啱啱好。

最近綠陽商場開左錦麗，但未到6點半就已經要排隊，真係好受歡迎！火車頭河粉，好大碗，正宗越車風味，湯底好出色，牛味好濃，用左大量牛骨，牛肉同香料熬製而成，河粉重米香，Q彈，有4樣餸，穀飼肉眼牛肉，牛筋，扎肉同熟牛肉，夠哂豐富，牛肉味濃，肉質軟嫩！另外加左個小食，蔬菜春卷～新鮮炸起脆卜卜！入面有豐富既蔬菜～另外仲叫左冬季一人鍋，有蘿蔔牛腩同椰子雞選擇，胡椒椰子鮮雞鍋，湯底係椰子雞湯，夠哂滋補清甜，而雞件既份量都好多，雞肉滑嫩！如果胡椒味重d就更好！而主食可以選河粉，金邊粉或者白飯特色小食拼盤有香茅豬扒，金絲網蝦春卷，越式蔗蝦同蒜蓉牛油雞翼，蔗蝦爽口彈牙，網蝦春卷好脆口仲叫左個椰汁紅荳冰，椰汁味濃！

錦麗火車頭粉🍜火車頭粉是它們的拓牌菜，必點。湯底濃郁，有牛肉片牛腩，牛筋，牛丸，扎肉，材料豐富份量十足，份量十足，配上新鮮的香料和怡保芽菜，味道非常豐富。牛腩蘿蔔鍋🥘牛腩蘿蔔鍋是一道經典的越南火鍋，牛腩煮得軟嫩，蘿蔔吸收了湯底的精華，味道非常濃郁。這道菜的湯底鮮美，配上河粉，讓人感覺非常滿足。越式蔗蝦 🦐越式蔗蝦蝦膠鮮嫩多汁，包裹著甘蔗，帶來一種獨特的甜味和香氣。酥炸軟殼蟹🦀酥炸軟殼蟹外皮金黃酥脆，內裡的蟹肉鮮嫩多汁。越式蒜蓉牛油雞翼🍗這道雞翼外皮酥脆，內裡的肉質鮮嫩多汁。蒜蓉和牛油的香氣濃郁，美味香口。每一口都充滿了香氣和鮮味，新鮮熱食，非常惹味。綠白（馬拉盞醬怡保芽菜＋時蔬）🥬怡保芽菜比普通芽菜肥美鮮脆，馬拉盞醬的香氣濃郁。裝潢環境餐廳內部設計以簡約風格為主，運用了大量的木質元素和柔和的燈光，營造出一種溫馨而舒適的氛圍。牆上掛著一些越南風情的裝飾品，增添了不少異國情調。

之前經過綠楊新邨商場都見到新開錦麗了平日晚上都好多人排隊等今晚決定試一試依間新鋪味道如何😄睇餐牌見到好似期間限定嘅冬季火鍋就叫咗一個胡椒椰子鮮雞鍋黎試吓一人一鍋感覺方便衛生長期都有蠟燭點着，令到食物保持最好嘅溫度👍🏻份量非常之多，雞件非常之有雞味，椰子雞湯底做得唔錯，配料亦非常之新鮮另外火車頭河粉配料亦非常充足有穀飼肉眼扒，牛筋，熟牛肉，牛丸同埋扎肉份量亦都係非常之多，穀飼肉眼扒非常之有牛味，仲好厚添，啱晒鍾意食牛嘅朋友😋香茅豬扒香濃雞湯河粉塊豬扒係新鮮炸出嚟分碟上唔會喺個湯入邊整到冇晒味👍🏻湯河粉雞湯亦好有雞味😁小食方便叫咗個蒜蓉牛油炸雞翼，同埋即整油炸鬼😛😛😛兩樣小食都非常之新鮮野味，好肯定係即整兩樣咬落都係卜卜脆，食到流晒口水😂飲品方面美綠恐龍同埋紅豆冰係不二之選👍🏻紅豆冰內嘅椰汁好似西米露咁香濃👍🏻美綠恐龍亦都唔差，即使叫凍飲都係非常之濃郁，杯頂上仲有忌廉同埋美綠脆脆，口感一流👍🏻

約咗朋友去錦麗食午市套餐有撈檬、金邊粉同多款飯類諗咗一陣決定叫個火車頭飯。火車頭飯有香茅炸豬扒、脆邊煎蛋、雞翼、扎肉及魚餅。好多款越式食品。脆邊太陽蛋啲蛋黃仲流心。幾款越式食品都好惹味。我就最愛雞翼同魚餅。香茅豬扒撈檬勁大塊豬扒配埋啲粒粒食落口感層次分明豬扒肉質鬆軟。爽口。我哋實在太鐘意食雞翼，所以一齊都追加咗越式蒜蓉牛油雞翼每人兩隻食到津津有味。最後仲叫埋呢個特色小食拼盤（推薦👍）金馬牌新鮮椰青清甜大個。

今日我去咗荃灣商場一間米芝越式湯粉店，想試下佢哋嘅新出菜式，於是我叫咗胡椒椰子雞鍋，搭配河粉，而我朋友就叫咗火車頭湯金邊粉，裡面有牛丸、牛筋、牛肉片、黑椒扎肉同埋牛肉丸！首先，講下我嘅胡椒椰子雞鍋。鍋上來時，湯底散發出濃郁嘅椰子香味，顏色白皙。雞肉煮得剛好，肉質嫩滑，帶有胡椒嘅香氣，食落去有一種溫暖嘅感覺，真係好適合寒冷嘅日子！搭配上河粉，河粉吸收咗湯底嘅味道，滑滑嘅口感真係好正！至於我朋友嘅火車頭湯金邊粉，當佢上桌時，碗裡面真係好豐富，牛丸、牛筋、牛肉片、黑椒扎肉同埋牛肉丸，真係一碗滿滿嘅牛味！牛丸口感彈牙，牛筋軟滑，牛肉片鮮嫩多汁，每一樣都好有層次感。佢嘅湯底味道濃郁，唔會太鹹，正好襯托出肉類嘅鮮味！再講一講我哋叫嘅馬拉盞炒芽菜，呢道菜炒得好香，芽菜保持住脆口感，馬拉盞醬汁味道獨特，帶有一啲微辣，真係一個好開胃嘅小菜！飲品方面，我試咗玫瑰龍眼茶，茶味清香，龍眼嘅甜味襯托得剛剛好，飲完之後有一種放鬆嘅感覺，真係好舒服。朋友叫咗三色凍檸樂，裡面有青檸、檸檬同埋金橘，顏色靚又清新，酸酸甜甜嘅味道好適合配合辣味嘅菜，飲下去真係好解膩。最後，甜品方面我哋叫咗椰汁斑斕糕，呢個糕點滑滑嘅，椰汁味

荃灣越南菜一人鍋越式蟹肉餅蕃茄湯檬粉 $88佢有一大堆蟹肉性價比非常高！個肉餅咬落口感十足，配埋酸酸甜甜嘅蕃茄湯底食落非常開胃！牛腩蘿蔔鍋 $78一人鍋 重可以揀跟河粉/金邊粉/飯🍚我哋就揀咗河粉🍜牛腩肉質軟嫩入味，蘿蔔糕煮到好腍 湯底濃郁鮮甜又暖胃，是冬季滋養佳品！生牛肉 $12 我哋仲追加咗幾塊生牛肉落去食！蔬菜拼盤 $8 🍱特色小食拼盤 $76金絲網蝦春卷🍤金黃色外皮包住彈牙蝦肉正！越式蔗蝦 一隻手指嘅size配上越南甜辣醬非常美味爽口 重有越式蒜茸牛油雞鎚🍗同香茅豬扒 性價比高～單球椰香雪糕 $18雪糕下面仲有啲紅豆喺度冇咁單調暴龍美祿 $14香濃美祿 $7兩個嘅分別就差有一堆cream喺上邊～美祿味都好重錦麗 (綠楊坊) (荃灣)荃灣蕙荃路22-66號綠楊坊地下G15-G16號舖

位置：錦麗 (綠楊坊) (荃灣)荃灣蕙荃路22-66號綠楊坊地下G15-G16號舖（荃灣地鐵站綠楊坊出口，一出就到，步行一分鐘，位置十分方便）食後感：胡椒椰子鮮雞鍋雞件彈牙，雞味濃，份量多，配埋河粉索曬d雞湯，超級好味，冬天咁凍，打個邊爐成個人即卡暖曬，重要做緊特價$78/鍋，重可以優惠價加牛丸同甜品。錦麗牛丸河粉（$76）牛骨湯底，清清地帶小小甜味，食完完全唔口喝，真係有牛骨味。牛丸爽彈有肉汁，一碗粉重包左6粒牛丸。越式蔗蝦（餐+24）新鮮熱辣炸出彈，蝦膠彈牙冇腥臭味，配埋泰式醬，酸酸甜甜好開胃斑斕椰汁糕2件（餐+$10）抵到爛既甜品，椰香斑斕味濃，抵食之選。單球椰香雪糕（餐+18）椰香味濃重有淡淡椰絲，增添口感。唔講以為自己食緊一罐椰漿，真係一定一定要食，幾飽都食返球。暴龍美綠真係暴濃，好細滑，甜度岩岩好。椰青超新鮮，椰水好甜，椰肉超滑。總結：唔食就走寶啦

錦麗 荃灣蕙荃路22-66號綠楊坊地下G15-G16號舖荃灣站一出就會見到 天橋連接住 好方便越南菜生牛肉粉循例要食 裏面裝修簡約樸實 最緊要乾淨企理小食鍾意食呢兩款雞翼越式蒜蓉牛油雞翼 越式蔥油雞翼錦麗生牛肉粉金邊粉生牛肉片質嫩多汁 富有風味高湯配上辣椒粒 青檸 香葉 薄荷葉、豆芽等湯頭清爽，配以新鮮香草 牛肉切嘅厚度剛剛好金馬牌新鮮椰青清爽口感 椰青水清甜，椰肉滑嫩，適合解渴消暑營養豐富 椰青富含電解質和維生素金馬牌係唔同啲!綠白（馬拉盞醬怡保芽菜+時蔬）第一次食呢款菜式原來 綠 白 是這樣的意思