鋿晶館

營業中

休息中

好耐都冇食過中菜，於是收工之後好即興咁去咗上環呢間鋿晶館食晚餐！上網一查先知，原來餐廳是自家製品牌，所有點心都係手作點心，全部都係現場即點即做嘅！餐廳仲要係由來頭不小嘅師傅去主理，聽講師傅曾經就職於日本東京富麗華多年，專為高管達人同埋明星服務，返香港之後喺多間米芝蓮酒店同埋大型連鎖酒樓集團做主管，經驗非常之豐富🤫～✨冰鎮南非鮑魚鮑魚爽口有嚼勁，表面仲充滿好多蒜蓉辣椒碎碎，味道酸酸辣辣好開胃～✨豉油王煎中蝦蝦肉鮮甜，肉質有彈性！餐廳仲好貼心，每隻蝦都去哂蝦頭同埋蝦腳，所以蝦殼好容易就甩到出來，方便食用～✨姬松茸螺頭燉花膠湯湯底清甜，有兩大片花膠，真材質料👍🏻～✨柚皮玉掌鴨掌經長時間燉煮之後變到柔軟入味，而且啲骨好容易甩出來！本身仲覺得加咗柚皮應該會怪怪哋，點知原來煮熟咗嘅柚皮係好特別嘅，個口感有啲似蒸熟咗嘅南瓜，而且仲吸收咗滿滿嘅醬汁，味道有驚喜～✨懷舊蝦多士底層嘅麵包口感酥脆，同面頭爽口彈牙嘅蝦肉形成咗鮮明嘅對比，點埋泰式辣醬更加惹味～

港鐵上環站B出口步行約2分鐘朋友介紹呢間中式酒樓，餐廳師傅喺日本東京的中國料理店富麗任職多年，而且仲係香港多間米芝蓮酒樓同大型連鎖酒樓做主管👍餐飲經驗豐富.。自家點心，粵菜餐廳，餐廳標榜新鮮製造、即叫即蒸有傳統燒味及小菜。位置十分方便，地鐵站一出行2分鐘就到。今日去飲早茶，叫咗：-香麻芋絲夾-鋿晶蝦餃王（2隻）-桃膠燉鮮奶-日本南瓜雜豆粥-鮮蝦腸早茶茗茶每位$10早茶多款點心特價，即叫即蒸，非常之好味😋

鋿晶館放工相約友人去上環食飯聚舊,餐廳位於港島上環德輔道中287號地下,餐廳裝修簡約以橙色為主調,天花裝有多盞橢圓形水晶燈,另一邊廂有海鮮大魚缸,餐廳主打廣東粵菜,有多款創新小炒,粉麵飯,海鮮,燒味,糖水供客人選擇,服務員招呼態度殷勤有禮,係一個歡聚聯誼好地方。燒味雙拼叉燒和燒腩仔,叉燒半肥瘦,食落帶有香濃蜜餞香味,燒腩仔肥瘦一層層相隔,皮脆食落脆卜卜帶有肉香味。上湯豆苗上湯豆苗配料有火腿絲炸蒜粒,豆苗青嫩碧綠,食落鮮甜。炸蠔炸蠔炸醬不太厚,新鮮肥美大大隻,不膩,食落鮮甜美味,口感軟滑。香芒貴妃大蝦球有蔬菜作伴碟,香芒蝦球表面有花生粒,新鮮大隻蝦球香脆彈牙,每隻蝦球沾滿香芒和芥末汁,大大提升蝦的鮮味。龍蝦湯海皇羹海皇羹內有豆腐,海蝦,鮮菇,菜粒,材料豐富,有龍蝦湯提鮮,食落鮮甜美味。

呢間餐廳係自家製品牌，所有食物點心現場即點即做，手作點心主廚師傅曾就職於日本東京富麗華多年，專為明星服務，回港後在多間米芝蓮酒店及大型連鎖酒樓集團做主管，我地叫左一人一碗蝦肉羮，呢碗肉羮份量好多，足料又好味，而且好香滑惹味。香芒炸蝦隻蝦大大粒又彈牙加埋香芒醬好酸甜，脆炸蝦多士，多士脆卜卜，蝦肉香脆。金銀蛋豬潤炒莞菜，豬潤好厚實，又好味，金銀蛋由咸蛋，皮蛋同蛋白組成，菜既份量好多好大碟，清淡得黎又好味。

看到食評皆不錯。遠赴上環鋿晶館。晚飯時段人不多。一樓大概八成滿。套餐比那零點強。月底財赤荷包旱。豆腐羹湯材料足。一人分到兩大碗。清新口味對胃口。微咸舌尖無得彈。隨口報告八卦幫。把那近況齊齊侃。燒鵝最是難難食。食完落街步步橫。肉質幾好有滋味。卻恨此鵝層皮硬。翻車每每是燒爉。除了名店何家勁？石斑魚片冇特別。無骨無刺啱人懶。最後打包大半碟。仗義只因傳孔孟。硬淨斑片有料到。返到屋企魚唔爛。蝦球果然拿手菜。最是邪惡咸鴨蛋。健康問題明天事。放肆一餐唔係難。啫啫通菜來一煲。蝕到入肉是這款。蝦乾吊味最好食。今晚飯聚黃金榜。整得唔好要打靶。須知這味安全傘。小店服務相當好。斟茶換碟有人管。

鋿晶館，上環分店，黎食係因為餐廳非集團而係自家製品牌，廚房師傅背景係做左好多年，仲係幾間米芝蓮酒店酒樓做過，所以黎試下！😌環境寬敞，高質酒樓裝潢，除左一般既小菜，仲有廚師新派小菜例如山渣話梅豬手煲、胡椒醬烤牛肋條等🌟龍蝦湯瑤柱海皇羹🍲足料到爆既羹，非常多既海鮮料魚肉、蝦等，爽身，羹唔會太厚身，調味亦好好👍🏻高質，半肥不瘦蜜餞叉燒，真半肥瘦，蜜味唔算好甜唔會搶味，肉質嫩😻脆皮燒腩仔，個皮真係薄脆，燒得幾惹味既燒肉🙌🏻蝦乾啫啫通菜煲，⼀開「啫」🔥好香，啲蝦乾多到😳好好味，仲加埋蝦米、肉碎炒，爆到好香，非常有風味既通菜👍🏻京都焗肉排，擺到靚靚，肉質腍身，好入味，酸甜咸平衡得好好，非常正既京都骨😋菜式睇落同一般粵菜差唔多，但細節就係成個菜既靈魂😈相當高質既酒樓餸菜，值得黎食下！下次黎試埋佢既現製點心👍🏻

就嚟到八月十五，我就去一家自家製品牌的酒樓，與親友一同提早慶祝中秋節。這間酒樓環境優雅，令人倍感放鬆。親戚講負責廚房的師傅擁有豐富的經驗，曾在東京富麗華任職多年先上桌的是金銀蛋豬膶莧菜。這道菜色澤誘人，金黃色的鹹蛋與鮮豬膶的搭配，讓人一見即食慾大動。豬膶的口感嫩滑，與豐富的鹹蛋黃相結合，帶來了一種獨特的香氣，令每一口都充滿滋味。莧菜的清脆口感為整道菜增添了一絲清新的感覺接著是欖肉骨，這道菜的肉質鮮嫩，骨頭也帶有淡淡的醬香味，令人食指大動。肉質經過精心燒製，搭配著微微的鹹香，讓人回味無窮。叉燒燒肉拼盤隨後上桌的是叉燒燒肉拼盤。叉燒的表面烤得金黃酥脆，肉質多汁，香甜的醬汁渗透進肉裡，吃上一口，甜中帶鹹，滋味十足。而燒肉則外脆內嫩，肥瘦相間的肉質讓人欲罷不能金椒一口牛然後是一道引人注目的金箭一口牛，這道菜的牛肉切得薄而均勻，色澤鮮艷。牛肉的鮮嫩配上特製的醬料，讓人一口咬下去，彷彿能感受到肉質的彈性與醬汁的濃郁龍蝦湯瑤柱海皇羹最後是龍蝦湯瑤柱海皇羹，這是一道精緻的湯品，湯色清澈透亮，散發著海鮮的鮮香。瑤柱的鮮味與龍蝦的口感交融，讓整碗湯品鮮香四溢

🎀上環。鄰近地鐵站的傳統中菜酒樓🍵🎀🪄店名* #鋿晶館🔮地址* 上環德輔道中287-291號地舖🔮🗾分店地區🗾 旺角,上環,荃灣💰價錢$836 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_上環剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵平時通常都係同屋企人夜晚食中菜 今次收工黎到呢間都幾出名既中菜館 佢位置十分方便 地鐵站一出行2分鐘就到～總共有三層高 但晚飯就主要一樓為主 裝修比較中式傳統風格 燈光偏黃 門口有一個位置擺放新鮮游水海鮮 空間幾大有分大細圓枱 平日到訪都算滿場～🍽️食物質素🍽️食物方面同普通中菜酒樓差不多 有不同類型既小菜,煲類,海鮮,燒味等 價錢以中價為主～更提供多款套餐 價錢更優惠茶味$15 一位 *2👀評分💖💖💖💖🪄龍蝦湯瑤柱燴海皇羹 $168呢款羹湯味道都幾唔錯 份量上都幾大碗 而且頗足料 入面有蝦,瑤柱,菇等海鮮 味道好鮮甜👀評分💖💖💖💖🪄香芒貴妃大蝦球配蝦多士$138呢款菜式系酒樓熱門菜式 佢地既蝦球好脆口大隻 蝦球味道帶輕微芒果及黃芥末味 甜甜酸酸易入口 另外蝦多士都脆

之前係荃灣返工去過果邊既分店飲茶，食點心，覺得質素好價錢合理😛而家已經唔係荃灣返工，有時都幾掛住🥹相隔幾年後再次到訪食dinner，個心好期待☺️✨蜜餞叉燒 🐷叉燒每一片肥瘦分佈平均☺️肉質嫩而不柴，蜜餞香甜而不膩✨京都焗肉排 🐽肉排炸到好脆，好易咬開，京都骨醬汁酸甜開胃😙✨百花釀松葉蟹鉗🦀好似拳頭咁大☺️外脆皮薄，松葉蟹混合蝦膠 ，爽口彈牙，大啖大啖咬，好滿足✨龍蝦湯海皇羹 🦞龍蝦湯底濃郁鮮甜，海皇羹中配料有鮮蝦、瑤柱、香菇🍄‍🟫同蔬菜粒，非常豐富✨蝦乾啫啫通菜煲 🦐通菜倒入滾燙既砂鍋，蝦乾嘅香氣迎面而來，非常有鑊氣👍🏼通菜索曬蝦乾鹹香嘅味道👅非常惹味

近排好耐冇食中菜，果然久違了的中菜係最好食。香芒貴妃大蝦球外酥內夠彈牙，配上芒果的清甜，味道清新怡人，加上蝦面有花生碎，增加左爽碎既口感。叉燒肉質鮮嫩多汁，但偏瘦，如果多少少肥，會更滑。龍蝦湯瑤柱燴海皇羹好濃郁，龍蝦湯都好出，蝦肉爽彈。厚豬潤浸莧菜，豬潤入味鮮嫩，唔粉，爽彈有嚼口。京都骨肉質較韌，醬汁不過不失。座位寬闊，服務都殷勤，呢間酒樓菜色豐富有特色，味道都屬上等，人均消費$300左右，值得一試。

最近食得多西餐, 想同朋友食下中菜, 朋友係上環返工, 介紹左呢間位於上環的傳統中式酒樓食晚飯, 原來呢間酒樓嘅師傅喺日本東京的中國料理店富麗華任職多年，而且係香港多間米芝蓮酒店同大型連鎖酒樓集團做過主管，款待過好多明星及高管達人，餐飲經驗十分豐富，除左巧手中菜, 原盅燉湯, 、傳統燒味、都有自家製點心, 即叫即蒸, 下次要黎飲下茶先。今晚就叫左四餸一湯, 白飯任裝, 哈哈!*龍蝦湯瑤柱燴海皇羹 呢碗湯有驚喜, 除左湯羹材料十足外，湯底香濃, 有不同的鮮甜海鮮味道, 龍蝦肉彈牙,混合埋蛋白一齊飲，好滑不會穊撻撻, 味道有層次~*回疆大汗欖角醬燒骨排骨以欖角醬醃製，食落鹹鹹地又小小甜甜地，肉質肥美，骨位附近都軟腍, 送飯一流~*上湯豬潤浸莧菜 豬潤煮得剛好, 軟滑得嚟唔乾唔”鞋”, 爽的。莧菜嫩滑無渣，補血又有鐵質, 真係好岩我。*蝦多士蝦多士炸得好香脆, 黃金蝦食到有咸蛋黃味, 蝦肉彈牙, 不會好油, 真係唔錯~*滷水豆腐 好入味, 食落有小小酒味, 很滑口, 喜歡整體用餐愉快, 價錢實惠，食物質素同服務都很好, 下次要同媽咪黎飲茶先~

我今早約左好友去上環飲茶，同事介紹我地去位於上環德輔道中287-291號地舖的鋿晶館，因為所有點心都是現埸即點即做，自家製的手作點心。相傳其廚房師傅是在日本東京的富麗華任職多年，專責服務達官貴人，回港後於米芝蓮酒店及酒樓任職主管，經驗十分豐富。鋿晶館原來有1樓和2樓的，店長安排我地在1樓就坐，傳統酒樓裝潢，坐得舒服。我和好友點左個 醒晨特價孖寶 $35 : 南瓜雜豆粥配潮州蒸粉果（3件）；另外點左個 馳名南翔小籠包（4件）特點 $33，時菜（西洋菜）蒸鯪魚球（3件）中點 $24。茗茶每位 $10。我和好友最喜愛飲茶食點心，尤其是用料新鮮，手工精細的南翔小籠包，皮薄餡美味；鯪魚球的魚肉幼滑鮮甜，粉果餡料豐富好食，南瓜雜豆粥煲得軟綿好味。

週末一盅兩件是常識吧！今次去間自家製品牌茶樓飲茶，先黎一壺壽眉暖下肚。呢間酥點認真出色，原來點心師傅曾經做過東京富麗華，以前做開高管同serve明星，回流之後就主要管理酒樓集團同米芝蓮酒店，果然集到多家之大成，做到平價又高質素既點心。芝麻脆芋絲夾：非常懷舊，相信係上一代流行過既點心，素食版既芝麻蝦多士，芋絲份量多好飽肚！蘿蔔絲酥餅：酥絲好靚，酥化鬆起，蘿蔔絲粗切又甜又稔多汁叉燒酥：十分推薦，酥皮多層超薄，面頭掃左個有深度既咸甜蜜汁（可能落咗陳皮蜂蜜），叉燒爆餡，非常好味蒸點：黑松露燒賣皇、蝦餃皇，超大粒！皮薄餡靚，一食就知係手作點心，即點即做，差唔多最後先上台，熱辣辣蒸起，好讚。特別一讚黑松露燒賣係內外都有放黑松露醬，足料。

位於上環嘅呢間酒樓，真係抵食又係懷舊嘅好選擇。而且呢度嘅點心好多選擇，價錢有經濟。下午茶時段仲更加多人。蝦餃係必試之一，皮薄餡靚，蝦肉鮮甜，咬落去仲有啲爽口嘅口感。燒賣則係經典。鍾意蝦餃燒賣可以揀兩粒，可以試多幾款。灌湯餃係一個驚喜，薄皮包住滿滿嘅湯汁，一咬即爆，湯底鮮甜足料又有花膠、竹笙等。韭菜春卷外皮炸到金黃酥脆，內餡韭菜好香。鵪鶉蛋燒賣係懷舊之選，兒時回憶。煎虎皮椒稍帶微辣，滿滿魚肉。蘿蔔絲腸甜甜地。

之前已經跟一大群朋友來吃過幾次這間餐廳，覺得不錯，這次難得跟老公來到上環，就算兩個人都選擇去這間酒樓食。聽朋友說這間餐廳是自家製品牌，所有點心現場即點即做，手作點心，點心特別新鮮。原來師傅背景也很厲害，他的經驗特別豐富，曾經在日本東京富麗華做過多年，專為高管達人和明星服務，回港後在多間米芝蓮酒店及大型連鎖酒樓集團做主管。雖然師傅背景好勁，但酒樓的價格卻很親民。❇️海鮮豆腐羹豆腐羹用料很豐富，有豆腐、蛋白、蝦和乾瑤柱❇️叉燒叉燒肥瘦均勻，喜歡食肥叉燒的朋友值得一試❇️香芒貴妃大蝦蝦超級大隻，配上濃郁的芒果味，口感清新，蝦很彈牙❇️回疆大汗欖角醬燒骨雖然與欖角醬醃製，但不是很鹹，反而酸酸甜甜，很開胃❇️密椒薯角一口牛肉質鮮嫩，肉質飽滿，灑上一粒粒白芝麻，口感豐富