影片
開飯介紹
主打自家點心的粵菜餐廳，由經驗豐富的名廚現場主理，點心更標榜新鮮製作、即叫即蒸。亦有供應原盅燉湯、傳統燒味、巧手小菜等。
繼續閱讀
營業時間
今日營業
07:00 - 16:00
18:00 - 23:00
星期一至日
07:00 - 16:00
18:00 - 23:00
以上資料只供參考, 請與餐廳確認詳情
新一年新嘅開始，即使一個人食飯，都要食餐好嘅，今次就揀左間中菜黎食"鋿晶館" ，點解揀佢？因為之前食過第二間分店嘅點心好出色，如朋友所講佢地嘅點心係即嗌即整嘅手作點心，既然路過上環，又見到"鋿晶館" 就試下佢嘅分店，質素如何⭐燒肉皮香脆，鬆化，肥瘦嘅比例恰到好處，以瘦肉黎講，li個口感好好，食落唔會硬，以豬黎講應該叫好淋😋⭐玉蘭鴛鴦腸一隻白菜造型嘅碟裝菜🤣除左有鴛鴦腸，仲有芥蘭，燈籠椒，加左d蒜炒鴛鴦腸唔會有太多肥肉，咁樣一齊炒，就咁食芥蘭已經好香臘腸味la😋食到個底嘅菜因為個汁嘅關係，食落甜甜地，有另一番感覺，不過都係咁好食🤤⭐️金湯原隻鮑魚浸菜苗魚湯加菜苗，好食🤤，個面仲有冬菇、雞脾菇，仲有兩隻鮑魚添❤️冬天食有湯嘅菜啱曬，冇咁快凍，食落暖笠笠，正呀😍⭐️香芒蝦球、蝦多士豆苗墊底，上面放左香芒蝦球同蝦多士蝦多士：多士香脆，上面嘅蝦一樣咁彈牙，點埋個甜酸醬食，真係絕配🤤香芒蝦球：大大隻蝦，好彈牙，外層包住芒果汁，好香，個面仲有d花生碎，既可以做點綴，又可以增加口感😋
繼續閱讀
🫖環境港式傳統酒樓，設有升降機方便老人家上落，環境舒適又帶有傳統風味。🥟食物最具特色係港式手工點心，現場即點即做，買少見少，有些點心仲係自家製獨家的，聽經理講原來師傅，係日本做中華料理點心好出名又係香港多間米芝蓮酒店做過，真係經驗老到，值得一試。👍🏻必點蝦餃（中）$24 蝦餃皮薄餡靚，薄到透出鮮蝦顏色，加上大大粒鮮蝦鮮甜。👍🏻燒賣（中）$24燒賣都係鮮蝦燒賣，蝦肉鮮嫩多汁，必叫之一。👍🏻芋粒餃自家製獨家餃，第一次食每一口都充滿芋頭，芋頭迷必吃。👍🏻牛孖筋（中）$24牛筋的彈性與嚼勁，搭配香濃的醬汁，及白蘿蔔索曬醬汁精華。👍🏻蝦春卷（特）$33一共四件，蝦及蔬菜配搭清新，如果有沙律醬配搭更佳。👍🏻炸芋角（大）$29香脆可口，內層是軟滑的芋頭餡，綿密細膩，內裏仲有豬肉鹹香味，味道獨家。👍🏻炸鮮奶（大）$29簡直係小朋友至愛，酥脆而不油膩，咬落去鮮奶流出來。👌🏻鮮竹卷好特別係芝士醬，外皮薄透，柔軟滑順，內裡包裹著蔬菜清香
繼續閱讀
🎀上環。鄰近地鐵站的傳統中菜酒樓🍵🎀🪄店名* #鋿晶館🔮地址* 上環德輔道中287-291號地舖🔮🗾分店地區🗾 旺角,上環,荃灣💰價錢$836 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_上環剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵平時通常都係同屋企人夜晚食中菜 今次收工黎到呢間都幾出名既中菜館 佢位置十分方便 地鐵站一出行2分鐘就到～總共有三層高 但晚飯就主要一樓為主 裝修比較中式傳統風格 燈光偏黃 門口有一個位置擺放新鮮游水海鮮 空間幾大有分大細圓枱 平日到訪都算滿場～🍽️食物質素🍽️食物方面同普通中菜酒樓差不多 有不同類型既小菜,煲類,海鮮,燒味等 價錢以中價為主～更提供多款套餐 價錢更優惠茶味$15 一位 *2👀評分💖💖💖💖🪄龍蝦湯瑤柱燴海皇羹 $168呢款羹湯味道都幾唔錯 份量上都幾大碗 而且頗足料 入面有蝦,瑤柱,菇等海鮮 味道好鮮甜👀評分💖💖💖💖🪄香芒貴妃大蝦球配蝦多士$138呢款菜式系酒樓熱門菜式 佢地既蝦球好脆口大隻 蝦球味道帶輕微芒果及黃芥末味 甜甜酸酸易入口 另外蝦多士都脆卜卜 不錯～👀評分💖💖💖💖🪄老爺子半肥不瘦蜜餞叉燒$148叉燒個名幾特別 食落好軟熟 醬汁甜甜地 半肥瘦入口唔會膩😆👀評分💖💖💖💖🪄金不換三杯雞煲$128用左啫啫煲上 就算擺左一陣都保持熱辣辣 用左雞肉片 無骨食得比較方便 入面超多洋蔥及蒜頭提升香味👀評分💖💖💖💖🪄上湯厚豬潤浸莧菜$148豬潤好新鮮 熟度剛好 質感軟熟有沙感 莧菜吸入上湯精華 比炒菜更健康 如莧菜可以嫩身些就更出色！(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰🎈服務態度*💌💌💌💌
繼續閱讀
最近食得多西餐, 想同朋友食下中菜, 朋友係上環返工, 介紹左呢間位於上環的傳統中式酒樓食晚飯, 原來呢間酒樓嘅師傅喺日本東京的中國料理店富麗華任職多年，而且係香港多間米芝蓮酒店同大型連鎖酒樓集團做過主管，款待過好多明星及高管達人，餐飲經驗十分豐富，除左巧手中菜, 原盅燉湯, 、傳統燒味、都有自家製點心, 即叫即蒸, 下次要黎飲下茶先。今晚就叫左四餸一湯, 白飯任裝, 哈哈!*龍蝦湯瑤柱燴海皇羹 呢碗湯有驚喜, 除左湯羹材料十足外，湯底香濃, 有不同的鮮甜海鮮味道, 龍蝦肉彈牙,混合埋蛋白一齊飲，好滑不會穊撻撻, 味道有層次~*回疆大汗欖角醬燒骨排骨以欖角醬醃製，食落鹹鹹地又小小甜甜地，肉質肥美，骨位附近都軟腍, 送飯一流~*上湯豬潤浸莧菜 豬潤煮得剛好, 軟滑得嚟唔乾唔”鞋”, 爽的。莧菜嫩滑無渣，補血又有鐵質, 真係好岩我。*蝦多士蝦多士炸得好香脆, 黃金蝦食到有咸蛋黃味, 蝦肉彈牙, 不會好油, 真係唔錯~*滷水豆腐 好入味, 食落有小小酒味, 很滑口, 喜歡整體用餐愉快, 價錢實惠，食物質素同服務都很好, 下次要同媽咪黎飲茶先~
繼續閱讀
今日約咗朋友一齊去上環睇中醫，睇完醫生，剛巧是晚飯時間，於是帶朋友去附近嘅鋿晶館試菜，其實呢間鋿間館有好多分店，我喺荃灣嗰間分店食過佢啲點心，都好高質素，所以帶咗我朋友嚟上環呢間試菜。🥢 龍蝦湯瑤柱海皇羹呢個湯羹用咗龍蝦湯為羹底，龍蝦味夠曬濃郁，而且裡面好足料，有很多瑤柱和蝦肉，令到個湯羹味道更顯突出。🥢 老爺子半肥不瘦蜜餞叉燒呢碟叉燒嘅肥瘦比例恰到好處，既能保留咗肥肉的油脂香，又冇太過油膩嘅口感，而蜜汁做得都非常濃郁，增添咗叉燒增嘅甜味和滑嫩。🥢 豉油皇中蝦全碟都用上超大隻海蝦，海蝦肉質飽滿鮮嫩，特製的豉油皇醬汁，味道鮮美兼好濃郁，而且啲蝦炸到夠乾身，但咬落去，啲豉油嘅鮮味散發曬出嚟，食到停唔到口。🥢 京都焗肉排呢碟肉排炸到外層金黃酥脆，外皮的香脆跟內部的柔嫩形成鮮明對比，還增加口感的層次。而酸酸甜甜嘅京都醬汁又能包裹住肉排的外層，食落好開胃。🥢 上湯浸菜心菜心夠軟嫰，又唔會太腍，而上湯配合埋香濃嘅蒜子和雲腿絲嘅咸鮮，令到呢碟菜增添咗不少香氣同口感。
繼續閱讀