銘陽車仔麵

營業中

休息中

 最近真係好鍾意食車仔麵，又平又多選擇又好食😋今次試左呢間銘陽車仔麵，一坐低真係睇到花多眼亂🙈好多選擇。車仔麵既麵底除左一般既油麵、米線、河粉等等之外，仲有刀削麵、薯粉、蘭州拉麵呢啲揀，配料既選擇都極多。除左車仔麵之外，仲有其他唔同飯既款可以嗌，同埋各式小食，揀食乜都揀左我好耐😂 1️⃣柱侯牛腩+炭燒豬頸肉招牌鮮切麵（腩汁+中辣）（$36） 柱侯牛腩份量都幾多，煮得幾淋😋豬頸肉有驚喜😳唔會乾，有油脂感，有炭燒既香味，推薦啊！另外同朋友交換左啲餸😂試埋佢既蘿蔔、招牌木耳餃同埋招牌香菇餃。蘿蔔鮮甜冇渣。兩款餃子都好好味！好大粒好多餡！  鮮切麵幾煙韌，加腩汁同中辣令食落更加香口🤤  2⃣️炸墨魚卷（$30）墨魚卷新鮮炸起，略顯外層偏油，但係內餡墨魚滑打得夠曬彈牙，好足料！

荃灣超多餐廳，而銘陽車仔麵位置比較偏僻，價錢亦非常實惠。—————————————————📍自選3餸車仔麵(魚皮餃+柱侯牛腩+韭菜) (6/10)叫左油麵配腩汁同3個餸，份量多到就黎食唔曬。腩汁幾香，不過牛腩有d靭，魚皮餃同韭菜就正常水準。

荃灣路得圍附近都算多車仔麵選擇，銘陽搬咗位後第一次食。揀餸紙有兩款色，要問先知有咩分別，白色價錢貴少少但店員話份量會多d, 黃色紙係全日餐，份量似下午茶餐嗰種，因我當宵夜所以揀咗三餸一麵餐，都係$39，朋友另選白色紙散叫，果然份量係多d。揀咗出名嘅咖哩魷魚(餐都有4條)，豬皮(4塊)，豬紅，韮菜餃(2隻)粗麵，湯底比較濃另加咗沙嗲醬。對我黎講都足夠!果然名不虛傳，全部餸都入晒味，魷魚熟度剛剛好，豬紅豬皮夠晒味，韮菜餸都新鮮，係粗麵再煮淋少少就好。喜歡重口味嘅人一定啱晒!

呢排見有youtuber 介紹係荃灣路德圍既一間車仔麵鋪，原來近排轉左鋪位，作為荃灣既街坊，我決定趁有時間同老婆去幫襯下！😃原來呢度有好多款式既餸簡！我叫左魷魚柚皮油麵小辣，另外老婆就叫左豬紅豬皮粗麵。柚皮都係第一次食，亦都好少車仔麵鋪有呢味餸，食落甜甜地咁，估唔到咁好味！其他餸都做到好入味，老婆話豬皮淋淋地但食落爽口，配合個沙爹汁湯底好好味！👍估唔到荃灣有咁高質又平價車仔麵，值得下次再幫襯！😬

第一次幫襯新店揀左三餸車仔麵冬菇 辣魷魚 陳皮魚蛋 幼麵 小辣冬菇好入味 好食魷魚入味到有啲鹹 唔辣魚蛋好紮實 唔腥樣樣份量都好多 麵嘅份量都好多 好飽可惜小辣唔辣 食開小辣可以叫試下叫中辣

由旁邊搬左入中間，食物都依然有水準，都好多選擇今次都揀左幾款餸同一碟椒鹽雞翼（但差一隻所以換比左隻瑞士）佢個咖哩魷魚唔係普通水魷，係炸魷魚鬚個d，估唔到溝落車仔麵都幾夾😝豬皮唔會太淋有咬口而陳皮魚蛋都夠淋夠香，值得一試！另一碗個餃子都似自己包，芽菜仲要係煮過既豆芽，絕對無馬虎，唔怕落左湯就無味！而且個份量都唔錯，唔怕太少唔夠個雞翼唔記得影相，但都好吸引，椒鹽就鹹少少不過夠香口，瑞士汁就岩岩好唔會太over😊p.s.都有膠板格住，坐得迫都安心既

幫襯銘陽車仔麵都大半年了，最近佢哋搬咗嚟新舖位，一定會繼續支持！係舊舖嘅時候，有一次同老闆提及，如果可以加埋響鈴作為其中一款餸咁就好喇，老闆話會積極考慮...本來都以為講過就算，點知見到佢哋搬咗嚟新舖嘅時候，有一次再嚟幫襯，老闆一見到我已經認得我，話「我哋有響鈴喇」！呢件事印象好深刻，因為會聽食客意見嘅老闆真係唔多，佢哋真係好有心！入返正題，今晚放工之後好攰，獎勵自己叫咗8個餸，最鍾意佢嘅豬頸肉，軟硬度啱啱好；牛筋炆得好淋；響鈴總共有四條咁多，份量充足；其他仲有生菜、陳皮魚蛋、豬皮、午餐肉、辣木耳，餸菜嘅款式好多，每次食都有新意！佢哋嘅麻辣醬好香口，真係食過返尋味！咁有人情味嘅小店真係好值得多多支持！特別欣賞老闆對青年人嘅關心，就嚟新年，仲送咗揮春俾我呢！