銖記海鮮飯店

勁難食 服務勁差 同其他食客評價一樣 食完一肚氣 小菜完全唔好食 隔籬嗰間祥發小炒好好多 銖記尤其是有個阿叔 態度10分差 難食之選首推椒鹽鮮魷 每個人都勢利眼 價錢又貴唔信自己去試吓…查看更多

今天適逢星期五, 諗住同家人出外用膳, 點知換來一肚氣! 這間自從我小學已經開始光顧的餐店, 雖然食物質素已經大不如前, 但我哋一直都有繼續幫襯. 但佢今日對待客人嘅態度, 真係令我哋大為失望! 唔會再有下次.我哋7:00pm開始坐低, 跟住叫咗兩碟小食四碟煮食, 45分鐘之後第一碟小食先嚟到. 原先以為今日係星期五, 我哋都體諒一下可能係廚房做唔切. 點知我哋發現身邊比我哋更遲嚟嘅客人, 大部份都已經食完, 就開始覺得唔對路! 期間我哋不停同員工查問，但都不得要領. 直至8:45pm, 都只係上咗兩碟主菜, 我哋忍唔住問老闆娘究竟要等到幾時, 老闆娘竟然一副愛理不理嘅態度, 只係拋下一句’今個星期五, 冇辦法’. 連老闆娘都不在乎客人嘅時候, 我哋都覺得無需要再等, 於是決定埋單離開. 老闆娘絲毫歉意都沒有, 擺出一副難看的嘴臉. 真係無下次😠…查看更多

要喺九點之後嘅跑馬地搵食，基本上得番老麥今晚喺附近做完運動，又凍又餓，慶幸打嚟問咗銖記係9點45 先L.O. 立即order個楊州炒飯，仲可以到咗先畀錢10分鐘後到已經有得攞，個姐姐好有禮貌多謝我幫襯，執枱嘅叔叔見我凍到震又主動幫我㩒𨋢試過兩次想幫襯隔離鋪，但都係叫我走，話唔接外賣單，實在好大對比講返個飯，味道正常，份量足，一個男人都夠食，而且只係$57，好抵食！之後一定會再幫襯，亦希望多D人幫襯吓呢啲所剩無幾嘅大排檔…查看更多

第一次因為用餐體驗而寫食評!今次食呢間叫左了四川水煮肥牛、中式牛柳、同白飯。對於今次經驗，非常失望，真心冇下次。首先，四川水煮肥牛入面肥牛得3片，份量實在太少，性價比極低，同餐廳反映，佢地表示：「我地四川肥牛就係咁㗎啦，想食咪嗌多份」今時今日咁嘅服務態度，都唔知畀咩反應好。中式牛柳略嫌住得太油同太老，口感唔夠嫩滑，都係失望。成餐飯得白飯係正常!整體而言，今次用餐經驗有待改善。服務上都好難吸引回頭客。對於呢間餐廳，只能說下次不會再食。…查看更多

今日去跑馬地運動場做運動，順便跟朋友一起來跑馬地街市試下好出名的銖記。大概7點半到，點了金牌蒜香骨半例，炸得金黃酥脆，肉質緊實，有嚼勁；胡椒豬肚湯，濃濃的胡椒味好香啊，口龍辣辣的很過癮，豬肚有嚼勁，很脆爽的感覺；沙姜雞腳，滿滿的膠原蛋白，沙姜非常入味；清湯牛腩火鍋，還是老北京銅鍋的造型，牛腩份量很多🤭，清湯牛肉味十足，我們沒人都喝了很多碗，這點可以必點，很好吃；啫啫芥蘭，全都是芥蘭根部，蔬菜新鮮，脆脆的，清爽多汁。三個人消費400多吃得非常飽👍🏻…查看更多

去完獸醫醫院探病之後食晚飯，叫咗四個菜，得風沙雞算好食，其他三個菜裡面D肉都係鬆肉粉太多。有個炒牛肉，我爸點，我忘記菜名，牛肉大大塊但係感覺古怪。另外我點既麻婆豆腐，橄欖菜四季豆，兩個菜裡面都有豬肉碎，但係已經用太多鬆肉粉肉質和味道大大受到影響，即是有時候太多鬆肉粉會令人感覺肉已經開始腐壞既感覺。四季豆其實炒得好好，有擭氣，但係原材料唔掂就係唔掂。旁邊食客想法一樣，聽到佢地話，除咗隻雞之外都好麻麻。雞 140 一份，豆腐四季豆 78 88 忘記啦。牛肉唔知道幾錢。同場好幾個生日派對，一個一圍，兩個兩圍。可能食特別安排既菜OK，但係臨時走入黎真係無咩好食。成個熟食中心晚上似乎佢最旺，其他幾個店我離開時候睇睇佢地桌上既菜都麻麻地樣子。跑馬地路過搵食可以避開熟食中心啦。…查看更多

第一次嚟呢間大排檔食飯，一入到嚟侍應好熱情，感到賓至如歸嗌咗款大排檔必點嘅小炒，例如豉汁炒蜆，避風塘炒蝦同埋煎藕餅，全部都水準以上，好好味。最令我驚喜就係乾隆生菜包，雖然材料只係簡單嘅西芹同埋肉粒，但係就好好食，口感好特別，非常有驚喜。仲有招牌風沙雞，雞肉非常大嚿，肉質鮮嫩，唔會好韌。最後仲有豉油王炒麵，豉油味道濃郁，炒麵非常煙靭，雖然冇肉，但係炒得好有鑊氣，好好味！值得一試。整體嚟講，呢間大排檔好有鑊氣，感受到香港嘅大排檔地道風情，非常值得一試！…查看更多

時價一定要問清楚價錢！避風塘炒炒蟹三人用，埋單才知此隻蟹要過$600🥲⋯⋯如此價錢應知會一聲！大家街坊！其他食物都好！最好是不收開瓶費！招牌風沙雞冇失望😃隻蟹價錢當上了一課！多數有外國朋友來港都上去食的！高級大牌搪風味…查看更多

坐低冇耐，聽到隔籬枱買單，有小爭執，個食客問做咩無啦啦收多咗錢，我都不以為然。🫣🫣🫣跟住我叫咗個午餐，想加個白灼菜心，係我衰，冇問清楚價錢，埋單嘅時候$120，即係碟菜要成$60，佢話係一個餐嘅價錢😵‍💫 我係有啲嚇親嘅，因為碟菜芯係好細碟（係出面食碗麵加碟油菜嗰個size），點睇都唔係一個餐啦，仲要係切到好碎嘅菜芯，$30都畀多佢，唔好話$60。咁係我衰嘅，點會諗到天下間會有咁細碟菜要成$60先得㗎，點諗到原來白灼菜芯可以係一個餐😨真係大開眼界🫠🫠🫠下次都係自己睇路，吖唔係，無下次啦🙏🏽…查看更多

本身都有周不時去開銖記食飯，個翅係幾抵食。不過今次雞燉翅湯啖左，算啦都ok收貨，戲肉嚟喇，叫咗個砵酒鮮魷同炒牛柳粒，砵酒鮮魷上一枱都感覺瀨嘢，係上哂粉漿炸完攤凍咗再焗，食落口係一pat焗淋哂嘅粉漿魷，我真係孤陋寡聞，唔知呢個係咩創新煮法。炒牛柳粒仲大鑊，我真係估唔到呢個都會出事。一咬落去，淋哂，係嗱到d肉淋哂個隻，唔好講牛味，連肉味都冇埋，完全唔知自己食緊咩肉，都唔知佢嗱左舊肉幾多日2碟餸最正常係伴碟嘅西蘭花。連正常嘅水平都冇，真係差到不堪入目，煮到咁我真係寧願食杯麵。…查看更多

下午行山沿路由灣仔至跑馬地，三小後已經入夜六點半，見到熟食中心居然仲營業，入去一看，因太疲倦就坐低，叫咗蒜香骨，胡椒豬肚湯，蝦乾粉絲雜菜煲，砵酒煮桶蠔。味道方面算合格，蒜香骨即煮熱辣辣但肉偏瘦，砵酒煮桶蠔可以一試，冇蠔腥臭味，至於胡椒豬肚湯及蝦乾粉絲雜菜煲味道尚可。環境空曠，夠冷氣，坐得算舒服。…查看更多

簡單小菜有鑊氣，今次特登過嚟食過鮑魚，老實講味道不及罐頭鮑魚，每款菜式細細碟，可以叫多幾個餸，廚房出菜都好快，如果經過開可以試吓，但唔使特登過去了😂，平均分我比70…查看更多

路過隨意吃個快午餐，店員熱情拉客招待入座，入座後才知道是銖記《豉汁蒸鯇魚》周圍望望，眼見很多食客都點了蒸魚套飯，我也趁高興點了蒸魚配是日例湯。蒸鯇魚份量不少很抵食。而且質素不錯，鯇魚鮮味，豉汁咸淡適中，難怪很多食客都點蒸魚。《叉燒炒蛋》熱辣辣上枱，蛋炒得夠滑，但蛋香不濃，叉燒普普通通，整體是可想像的味道。重點是大大份，絕對是飽肚之選。…查看更多

我地一行10人，分開兩張枱，每枱5人，一坐低已經係落單個人（應該係老細）面前討論每碟餸分兩碟上，咁就大家可以叫多d唔同種類既餸。到正式落單我地都講到明話係每個餸分開兩隻碟上，問佢做唔做到，佢話做到冇問題。點知到最尾埋單佢每個餸x2，我地問返佢，佢就一好惡咁話我地做唔到嫁，就走開左，留返我地係埋餐個dee到俾錢。我地總共10個人，當中有一個係細路，有8個後生，得其中3個係後生仔。每枱得5個人，有咩可能每枱會叫9個餸加一隻風沙雞？最尾埋單收錢個deedee話係溝通出左問題，我地同個落單個人確認哂，分兩個碟上做唔做到，佢話冇問題幫我地一碟餸分開兩隻碟上。最尾我地俾左雙陪價錢。錢唔係好大問題，係處理手法令顧客體驗感覺好差！…查看更多

位於跑馬地這個黃金地段，有一個熟食中心，當中有一間隱世食店，真心推介👍🏻實在好有驚喜💖這晚係平日嘅晚上，都坐無虛席，就知道有好多捧場客🎊先來小食，黃金涼瓜🫑配搭新穎，有創意，連平日唔食涼瓜嘅我，都覺得好好味👍🏻椒鹽鮮魷🦑好邪惡，但越邪惡越好味🤣魚翅🍲真材實料😍😍😍牛油煎鮑魚🦪很欣賞咁樣嘅烹調方法，原來係太子爺嘅作品，鮑魚香脆肉厚，很有口感😋子母蝦🦐蝦內混合了魚肉/帶子，有豐富層次感，驚喜之作🦐豉椒炒蜆🧆大大碟，好入味，無沙⬅️好重要😊風沙雞🐓招牌菜👍🏻雞肉好嫩滑，香脆，必食推介燒汁一口牛🐮一口一啖牛肉，牛肉固然係好味，連配菜都炒得好香口。小炒皇都好有特色✅香煎胡椒餅🧂胡椒味重，啱晒鍾意食辣嘅朋友今天晚餐真係好豐富😋好滿足💖令人回味…查看更多