銀Cafe

營業中

休息中

最近見商場新開咗呢間支持長者就業嘅社企餐廳，餐牌唔錯諗住試吓，點知中咗大伏。我叫咗蒲燒鰻魚飯（$78）同一杯熱飲。件鰻魚係冇乜鰻魚味，只有少少酸同腥臭味，感覺完全唔新鮮，而且唔係幾食到有蒲燒嘅味道。實物色澤亦都冇餐牌張相咁鮮艷。至於醬汁味道係異常地淡，唔知道係咪餐廳都推崇健康養生飲食，落汁落調味料都比較輕手。另外，裝熱飲嘅杯勁污糟勁多漬。我明白呢間係畀長者工作嘅餐廳，老人家未必夠力去擦乾淨啲杯同餐具，但希望都注意下衛生同客人嘅觀感。總結黎講，食得唔係幾舒服，唔會想再回頭幫襯。支持呢間社企一次夠了。

尋日行過UNY見到有間新餐廳開左🤩原來係銀杏館旗下嘅餐廳呢間社企旨在鼓勵長者就業 讓老友記可以重拾自信同賺取收入所以餐廳嘅店員全部都係長者👵🏻🧓🏻👴🏻 見到餐點價錢相宜又有意義就決定試下.🌟醬油燒豚腩叉燒拉麵 $68叉燒拉麵份量啱啱好 而且有三片叉燒比起平日食到嘅拉麵明顯冇咁油膩🍜.🌟煙肉卡邦尼意大利麵 $30呢款係週二限定嘅優惠菜式要點左主餐牌一款食物先可以加配卡邦尼好多汁 一啲都唔孤寒🍝而且仲有唔同種類嘅菇同煙肉 味道唔錯呢個價錢好抵食👍🏻.🌟即磨咖啡（凍）餐飲咖啡好有驚喜同水準😋咖啡已經加好左糖同奶 味道啱啱好而且仲有好香嘅炭燒味 非常推薦☕.🌟港式奶茶（凍）奶茶係經典味道 比較多奶🥛.長者侍應個個都好精靈 服務態度一流店舖新開張見到佢地好努力學緊點收錢🤣餐廳仲裝修得好有文青味 非常舒適 值得支持💪🏻

環境乾淨整潔。員工非常主動做野。有禮貌親切。會主動幫客人，主動交流。食物方面整體滿意，上菜快推介菜式： 卡邦尼意粉👍👍👍希望大力支持長者就業，生活有寄托，豐盛人生

環境衛生乾淨，銀髮一族招呼非常有禮貌，廚師很用心製作食物。當中又有富豐富花青素的蝶豆花製作的富士山飯，還有每日新鮮自製茶粿及黑芝麻糕，既有創意又有回家的感覺。而且，新開張有九折，下次憑收據惠顧午餐再可以減$5，或晚餐減$10，值得推介。