銀龍茶餐廳

記得某晚玩到好夜🤡但因為到12點都仲未食晚飯🤣就係銅鑼灣望下仲有咩餐廳開結果就入去食這間宵夜時段黎講這間都幾多人坐快快脆脆叫左碗沙嗲牛肉麵配火腿奄列及法國牛角酥 （肚餓到相都忘記咗影食物相，不過賣相係正常發揮嘅）比較好食嘅⋯只有個火腿奄列牛角酥少淋⋯沙嗲牛肉麵啲牛肉係凍嘅😐靠個湯底勉強整暖啲肉食🙃不過夜麻麻冇得揀啲咩餐廳算係咁架啦🤷🏻‍♂️…Read More

今日叫外賣，揀咗酸菜魚米線🐟🍜 加凍檸茶🍋🥤，真係超級驚喜😋😋 本身唔食得辣，落單前特登打電話去餐廳問收銀姨姨可唔可以整「少少少辣」，佢非常有禮貌咁話：「當然可以啦！」👍 聽到呢句已經加分，送到嚟果然辣度啱晒我口味。從來冇諗過茶餐廳可以整到咁好味嘅酸菜魚米線，酸辣啱啱好，魚片滑湯底香，足料又熱騰騰，食完一碗唔夠喉，真係想encore🤣仲要杯凍檸茶又香又夠凍，檸檬夠多，茶味夠濃，配埋米線真係完美💯整體感覺好貼心又好味，銀龍真係值得回頭！👏…Read More

午市時間，人來人往，食肆林立，有時太選擇會花多眼亂，唔知食咩好，有時會憑直覺想食咩就食咩，有時會因為排隊太耐而放棄食。:)今次就隨意走到一間茶餐廳門口，看見門口餐牌有自己想食嘅食物同有位，就係咁簡單就坐低左。🍚四寶飯叉燒半肥瘦都幾均勻，份量都多，咸蛋流沙，雞肉嫩，跟例湯同熱飲，整個套餐都幾得食。🍚雲吞河每逢食雲吞河都會加腩汁，這樣可以令河粉好味啲，配埋辣椒油就更加令胃口大開，一共有五粒雲吞，夠大粒而且唔錯。食到想食嘅嘢就可以好開心同滿足，其實可以好簡單。…Read More

燒味 廣東嘢 叉燒 燒鵝 燒腩仔 白切雞油雞 四寶 無人不識 銀龍 唔係第一日出來開鋪 碗叉雞飯難食到一個點 叉燒柴 雞？ 2隻翼開邊 4條骨 加舊雞肉 可能我咁啱食到呢碗 各位Ching 睇路🙏🏻🙏🏻…Read More

有2個女侍應單打我是狗,一個長髮白髮細眼收銀約50歲,一個細眼短髮肥矮,肥矮果個故意和男食客談話單打我是狗,我反駁她(你老母),收銀果個重話在香港是這樣其他國家不會,為何要我移民你們搞事份子不移民,臨埋單我同個收銀講句你老母,她冇講野。…Read More

其實返大早5點半間唔中都去食，食過幾次都可以，直至有日照舊朝早去嗌左個辛辣同杯凍檸茶，果個鐘數得幾檯客，所以夥計都得閒吹下水，我食個麵去到20幾分鐘面就來食晒嘢飲仲未到，好聲好氣問個職員(戴眼鏡阿叔)，會唔會漏左，都係打份工姐漏左唔緊要咪問下，點知呢個阿叔唔知係心情唔好定賭波輸錢，來一句嘢飲要等嘅，平時就5分鐘，問嘅話就15分鐘，咁有型？我等20分鐘好聲好氣問一句好似殺你全家咁😓，之後過多五分鐘，隔離張檯嘅客都有嘢飲，原來係呢間嘢提一句係會俾人黑名單，ok咁我都要返工費時同咪吵起身埋單走人。 今時今日仲要咁嘅態度，冇所謂，餐廳唔係得你呢間，我咪去第二間食，網上d人可能仲會分咩顏色，我唔會，不過既然客來到，你咁樣對d客嘅，d餐廳夥計一個個咁驕傲，咪繼續囉我咪去食第二間，唔想做嘢咪唔好做，落下單寫下嘢咁簡單嘅嘢已經係香港最冇技術可言嘅嘢啦話都要做到咁賤，仲要兇返個客，繼續啦，生意興隆…Read More

星期日好耐冇嚟銀龍早餐，今日想食潮洲四寶麫，即管再去幫趁；附近其他餐廳很多都要排隊等位，銀龍居然大把位，原來真的是有因由：幾個女樓面都懶閒閒，唔志在，有個金毛侍應更是不知所謂，我們叫了碗扎肉魚片双拼河，廚房弄錯了只得扎肉，低聲通知他麻煩廚房更正；他居然說攪錯咗駛唔駛咁大反應，莫名其妙；請到這些伙記，老闆真的要反省。今時今日這樣的服務質素，尤其是在銅鑼灣國內旅客旺區，直情係 唱好香港唔掂，自己攪衰 ；唔好怪這麼多市民北上消費。…Read More

今日見到門口有推廣,金妹牌早餐半價,推廣到24號~入到去坐低靚卡位,見到有3個餐都抵食,半價有得食~叫咗個c 餐~金妹火腿扒煎蛋，配香煎豬扒及法國牛角酥~加多個熱柚子蜜~正!!!火腿扒好食~豬扒夠香夠Juice~隻蛋又好味~仲有個香噴噴，法國牛角酥~最緊要係分量足夠~唔會揸流攤!!!銅鑼灣分店環境夠大，乾淨衛生~卡位又坐得舒服，冷氣夠又涼爽~上菜速度快，職員有禮貌，快靚正~推廣期內，要食多兩次先!!!…Read More

22／7 傍晚時份幫襯。食物中規中矩，男樓面服務周到，但最唔滿意一女職員無禮貌（雖說係茶餐廳唔企望有好服務，但都唔使連基本禮貌都無），唔出聲就拎走小朋友張櫈仲惡言相向，咖喱雞飯半個鐘都唔到，問職員又被無視，不停話出緊嚟，cut單又話唔比，等咗成1個鐘先話廚房出錯，出到嚟個碟好似無洗過咁。非常可惡！呢間店想做好生意睇嚟管理層真係要想下辦法（善意提醒）臨走時該女職員都係被男顧客話佢態度差，男顧客嚟到問佢有無咩好介紹，女職員就非常唔好態度叫人自己睇餐牌。其實無介紹態度都唔使咁差嫁！…Read More

我和家人今晚食宵夜，到銅鑼灣見到龍城茶餐廳很多人，見到呢間銀龍冇人，諗住求其食啲嘢就入去食。點知原來真係好差，唔怪之得冇人食！我哋嗌咗兩個炒粉麵和幾杯飲品，食物一般啦，求其填飽個肚冇要求都OK的，賣相就更加唔得。我哋最後叫咗一碗淨魚蛋，走青。幫我哋落單嘅係一位中年的女士。那碗淨魚蛋來到的時候成碗都有青，咁我老公就話：「我叫咗走青的」，點知幫我地遞餐的較年輕女子，就開口說：「關我乜*事，又唔係我落單」，跟住繼續用粗口鬧我地。我老公當然好嬲，因為都唔係我哋錯，仲要俾佢鬧。我哋梗係話咁都得嘅，那位年輕女子，竟然話：「唔鍾意就唔好喺度食，去隔離龍城囉！」，我見佢咁粗魯，我就叫我老公唔好同佢嘈，因為我哋有小朋友喺度，我唔想我啲小朋友聽到咁多粗言穢語。我哋忍佢，佢仲大大聲話我哋係度扮斯文！我真係唔明，其實冇走青，好少事，佢換過一碗，或者拿走嗰啲青都可以，我唔明佢點解要咁惡鬧我哋，我哋有兩個小朋友係度的！嗰位女子係完全沒有教養，明明係佢哋錯，仲對我哋惡言相向，佢真係好過分！佢旁邊嘅同事職員、經理，包括那位幫我哋落單的中年女子，都冇一個嚟同我哋道歉，由得那位年輕女子不停向我哋發脾氣，我終於明白點解呢間銀龍會冇人幫襯，隔離龍城餐廳夜麻麻，都有咁多人冒雨排隊等，原來係有原因㗎 ！呢間垃圾餐廳，又污糟，職員又冇禮貌，真係千祈唔好幫襯，仲要喺銅鑼灣有咁多遊客嘅地方，真係影衰晒香港！😡…Read More

經常去銅鑼灣路過見到呢間茶餐廳，但從來都冇入去食過，都見到有啲人但係通常都係啲四50歲打後阿叔大嬸。新徵頭好多附近食肆都冇開，見裏便冇乜人，就諗住入去試吓。叫咗三個小菜，粟米斑塊，者者豬潤雞煲，味椒鹽鮮魷。首先講吓呢個粟米斑塊，出街以來從未食過咁難食，啲所謂斑塊完全冇味，出邊果啲粉仲厚過塊魚片，係呀冇錯係魚片，唔係斑塊，係薄到你唔會想像到！真係仲衰過啲三餸飯！豬潤雞煲！ 六七件雞六七件雞件，除咗一兩舊有用其他根本全部都係下欄，骨頭一堆，唯有裏面好多洋蔥，真係食洋蔥都飽！食完之後發覺原來佢哋冇俾朱潤，屋企人話廢x事追佢. 嗱嗱聲食完轉場去食其他嘢。椒鹽鮮油又係得嗰幾舊，味道普通，應該好多大排檔好食過佢。呢個只係三個餸之中比較好少少。一個套餐成差唔多一舊水，如果佳記有開呢啲咁嘅價錢真係食飽到嘔呀。仲有你可以入去睇吓嗰啲所謂夥計態度個大媽阿姐，好似都唔想做咁。俾啲圖片你哋睇吓自己決定試唔試呢幾個撚手小菜…Read More

港式茶餐廳的文化巳普及到世界外地，這種香港人的飲食文化，一離開香港，就必定非常懷念，奶茶的味道，乾炒牛河的鑊氣，獨有的香港的原味道路經餐廳門口見下午茶餐牌有超多選擇偶爾也忍不住口想再食這個邪惡組合，巳幾年忍口不食這款超肥的河粉了，今天實在忍不住了，先死而後之~下午茶餐~*美極乾炒牛肉河粉再加奶茶* ~ $46 改良版的炒牛肉河，減油炒，絕不油膩，河粉口感非常幼滑，再加芽菜，韮王，葱條，數片大牛肉去炒，自家再加不可缺小的辣椒油，不知不覺間巳清碟，實在太好味了！香濃的茶味，濃濃的奶香，口感又滑又順，無得頂…Read More

今日路過，下午茶時份，時間尚早，有下場的晚餐⋯⋯入去唞一唞，食番個下午茶先...點叫西多士加凍檸茶 $39送上枱時，係三片炸厚多士，冇餡的..2塊超小的牛油舖在多士上，及只有兩包很小的糖漿....咬了兩啖，冇味冇道，不再食了！唉，求求其其的.....算了吧！招呼也不好呀！…Read More

平時我嚟親呢間茶餐廳食下午茶，我都會食佢哋嘅炸雞髀🍗拼薯條或者拼沙律，因為而家其實好少茶餐廳會有炸雞髀食㗎喇(除咗大家樂)。不過自從有一次我食過有血味，我每次都會慎重考慮。不過今日我比我個朋友熏陶，結果諗都唔使諗我就嗌咗個吉列魚柳拼沙律。OK㗎個炸魚，其實好新鮮，即刻炸嘅。當然佢係雪魚啦，但係你唔會食到好大浸雪櫃嘅雪味(￣▽￣)我都好驚食啲沙律係好水嗰啲，但今日我唔想食薯條因為我覺得自己有啲熱氣，好彩佢哋個沙律好足料，唔係好浠星星嗰隻咁。…Read More

下午叫左個下午茶既豬扒炒意粉配凍檸茶豬扒得幾件，多為邊邊位，得一條係中間既肉，點睇都唔係一塊豬扒，但豬扒味道還可以。惟意粉唔夠味，而且 勁 多 油！一路食都唔覺得有味不特止仲食到成嘴油，非常失望。…Read More