銀龍粉麵茶餐廳

朝早突然落黑雨 就落樓下銀龍食算 入面勁大冷氣 只好買外賣四寶飯- 揀左瘦叉燒 岩我食 切雞比較鞋同細件 紅腸有3片薄既 半隻咸蛋正常 麻婆豆腐飯- 味道幾香，但唔算辣 可以再辣些 份量好多 差唔多滿瀉我覺得佢燒味飯唔錯，下次可以再試吓其他嘢食…查看更多

朝早六點正諗緊係便利店買個飛碟定係m記豬柳蛋漢堡好，又驚時間來唔切，經過銀龍覺得公司三文治都好，我知佢淨係收現金，係袋入面搵到50蚊，入去個職員同我講「你有無散紙呀，我地無散紙」？？？？？？好啦，八達通唔收，連現金都唔收，唔好做生意啦不過都多謝你，我又食到豬柳蛋漢堡同咪趕到切上巴士，無下次幫襯…查看更多

人生第一次食銀龍，聽佢大名聽就聽得多，食完真係明白點解咁出名，到底有無尊重食物?尊重生命? 前幾日因為做義工去左彩榮，銀龍係個到的的獨家村，成條邨基本佢獨市，不過佢D食物可以媲美清水健康料理，我叫左個豆腐火腩飯，其實都已經係好common好普遍的野食，但都可以煮到咁?個炸豆腐腍不特止，入面仲要係濕的，出水ge，調味又鹹又唔好食，唔係落味精就代表d野好食ga其實，個廚師有無心，一食就知la。 加上d 員工態度又好差，無乜禮貌，令人好有hard feeling，食飯都要受氣?我唔知人地係老闆定點la，但都無理由咁無禮貌ga，定係無禮貌係佢地的signature?…查看更多

彩盈邨屋村茶餐廳地方好大環境衛生就真係一般般地下好污糟 其實真係可以認真咁樣清潔下食物方面蠔仔肉碎泡飯其實好好食湯底鮮甜 蠔仔新鮮加少少冬菜 喎 冇咩胃口食湯飯一流快餐加埋凍飲$59 …查看更多

幫襯左呢間茶餐廳都有一段幾長日子. 由之前係彩德邨山上到家下搬落黎彩盈邨.其實一間茶餐廳都無咩好寫食評. 不過今次真係好想讚下佢地. 因為係呢數年間睇住佢地的麵食有進步. 本人因為夜晚食量奇少. 所以多數都係食粉麵. 好記得早幾年無論食牛腩米又好, 食淨雲吞又好, 又或者食其他粉麵都好. 都係咸到叫媽媽. 但最近呢幾個月幫襯, 跟朋友多數都係一碗淨雲吞再加一碗粉, 好似牛腩米, 或者雲肉雲吞米等等.家下無以前咁咸. 以前什至試過咸到要回返比佢地再叫其他食品. 講完前言. 講返今次的食品. 同樣叫左一碗淨雲吞. 雲吞都幾大粒. 重會有一兩條菜.味道對於我黎講係剛剛好, 已經唔會再好似以前咁死咸. 口感還算爽. 早幾星期食過菜肉雲吞. 兩者比較, 菜肉雲吞重有少少咸. 希望佢地可以輕手返少少就好.今次重點係牛腩米, 首先個牛腩唔係全瘦. 有少少肥. 食落去好林. 而且十分入味. 以前係咸到喊. 呢兩星期食味道都剛剛好.就算個米粉唔同個牛腩一齊食都好, 個米粉都充滿左牛腩的湯汁味. 超入味今次呢個牛腩唔係有塊好un的"皮",就完全完美.希望佢地以前可以繼續輕手d. 等大家都食得健康d. 開心d.…查看更多