銀河牛腩牛雜粉麵

第二次嚟食，第一次匆匆忙忙食冇認真試過。舖頭唔會有陣臭牛膻味，座位無卡位不過都闊落。好似冇特別早餐下午茶時段任何時候都係同一個價錢。今次切的牛腩算ok 起碼食落去無柴皮，牛腩煮得夠軟，味道合格啦。鐘意佢地蔥花冇芫荽，而且湯底少油。至於凍檸茶有四片檸檬，茶味唔會太濃太苦，叫咗少冰真係少冰！呢個組合街坊價$37加$5凍熱飲品，想簡單醫肚都係一個選擇。😌都會keep住幫襯，有機會再試吓其他嘢食。Ps. 辣椒一般般，冇魚露 。…查看更多

上星期六返來娘家，見有點肚餓就試下樓下新開的粉麵店，我一開始同阿姐講我要雲吞米，佢就覆我雲吞麵，我再說是雲吞米，她最後覆我單又說雲吞麵，我再說是雲吞米，我唔食雲吞麵的，條友都唔知係未訓醒定點？這個都算了，埋單時我們二人吃了70蚊，媽媽拎了張100蚊紙給她找，她說我媽媽的$100蚊紙污糟唔收，其實我望落張100蚊紙都唔係過分污糟用不到，只是有少少黑色污漬和舊少少，我媽就為了息事寧人給她另一張100蚊紙，我話咩呢張唔係錢咩？我媽話其實張100蚊紙都是買野唱返嚟，阿姐收完我們錢後就話我地有權選擇唔要舊的紙幣，你都有權選唔收人地唱俾你既污糟錢，阿姐都幾串咀，如果不是我媽好人拎另一張給她，換轉係我我有都話無，你話人張錢污糟你個樣唔污糟咩，換轉我話你碗粉污糟你會唔會換俾我？睇上一篇留言你哋咪一樣污糟對食客，唔見得你間店很乾淨，下次一係你貼張告事我們店污糟錢唔收，或我們只收銀行直板銀紙幣啦。…查看更多

👅先，之前我係食過依間，但係佢哋職員衛生方面嘅操守，同埋啲嘢嘢食偏鹹，俾個負評佢。今次再試多一次，其他唔講淨係講我自己，今次叫咗，牛腩撈粗凍齋啡走甜。我叫咗食物大概10分鐘上檯，嘢飲先上，所謂嘅齋啡例牌黑水一杯，淡而無味預咗。跟住牛腩撈粗，基本上起麵檔叫撈麵，點解要加多幾蚊？因為個麵底係會多啲，但係好可惜呢度個麵真心唔覺得多咗，好你話多少係個人主觀，咁個麵底鹼水味都未走清，一撩開個麵一浸鹼水味撲鼻而來，牛腩偏韌，跟撈麵嗰個湯，姑且叫做湯，連味水都不如⋯⋯依檔嘢我真心唔識欣賞，唔知點解佢可以開咁多分店，又咁多人去食⋯⋯戴返頭盔先，我覺得好唔好食≠你覺得好唔好食，好唔好食因人而異。…查看更多

喺度咖喱牛腩飯嗰啲咖喱好稀薄溝水牛腩得幾粒服務態度牛腩只係給幾粒切碎直升機，十分中伏唔好再嚟幫襯咖喱裏面有蕃茄汁啲咖喱又溝晒水啲牛腩又新鮮建議叫呢個餸第一次食，體驗十分差…查看更多

附近開咗檔新嘅 牛腩粉麵 ，咁去試啦，叫咗一碗雲吞麵，一碗牛腩麵走青，一個潮州炸醬麵，+3杯凍飲，就咁樣依張單我同佢講咗六次，之後仲要漏飲品同漏一個麵，前後八次，但係啲麵一黎，本身走青嗰個麵，有蔥，咁好自然叫佢走番啦，起外面通常叫個麵位，會個両殼撇走佢，但佢個店員(阿姐黎，應該話得下事)將一碗本身走蔥嘅麵，近距離起個潲水桶上面撥走啲蔥佢，我望住佢，我話你唔好諗住比番我，佢夠膽死話會用滾湯燙一燙佢，我再堅持我唔會要，企起個出餐位隔離，個阿姐死死地氣叫出過碗，搞咗半個鐘頭個炸醬麵仲未炸到出嚟，我問個阿姐你啲炸醬喺潮州運緊落嚟？，我先知道佢冇幫我落單。咁我已經叫cut，諗住小朋友食完就就走，點知個炸醬麵可以光速2分鐘上枱，食物同飲品37分鐘先到齊。炸醬麵，唔知係唔係佢標榜潮州？，味道偏鹹。跟住個牛腩(本身坑腩，佢話冇貨)，肥多過肉。個雲吞麵 ，不值一提 ，我明白起牛腩麵檔，叫雲吞麵，根本係唔可以有期望。飲品 唔講，走甜嘅勁甜，正常嘅就冇甜，凍嘅變熱嘅。你新檔開頭亂，漏單，錯單，我包容ok嘅，但點解會容許個店員將一碗麵食，幾乎平水平喺個潲水筒到清走錯咗單嘅嘢？點解依間嘢仲開咁多分店？根本基本衛生都唔注意‼️，你唔好同我講外面好多餐廳都好污糟眼不見為乾淨，依啲咁嘅舊思想，呢啲根本係人嘅操守問題‼️咸到飛天嘅(潮州)炸醬麵 最埋嗰碗濁到唔知想點嘅湯！牛腩我唔識欣賞呢個紅色嘅就係個阿姐近距離幾乎水平咁撇走啲蔥嘅潲水筒(不是圖中人)後記通常劣我都唔寫，因為口味人人不同，要我用6百幾字黎寫劣，因為間舖衛生操手好大問題 戴返頭盔先，我覺得好唔好食≠你覺得好唔好食，好唔好食因人而異。…查看更多