銀杏館

營業中

休息中

初頭知道係社企，冇抱好大期望，但係入到去，哇氛圍滿滿，有live show聽，大家亦都好supportive咁拍手，但的確音響聲音過大，未必太適合想安靜傾下計嘅聚餐。另外嘢食都唔錯，味道好足，份量都偏大，抵食。

適逢新年，與朋友聚一聚，吹吓水，順便拜吓年，談談生活近況。聽前輩講有間社企名為銀杏館在油麻地平安大廈，食物質數都唔錯，於是就試一試。這間食店是位於舊式大厦裏面，裝修比較古舊，但頗為特別，還有歌手在唱歌。聘用的都是上咗年紀的侍應，但一啲都不覺得他們年紀大，反為還覺得他們充滿朝氣。碌鵝 （例牌）$198這道菜例牌都好大碟，鵝肉鮮嫩，咬落還有微微的肉汁滲出，再配上醬汁十分惹味，但可惜肉質有少許靱。藥膳隔水蒸雞 （一隻）$308雞肉又嫩又滑，食落還有微微的當歸味和藥材香味滲進口腔裏，豐富了我的味蕾，但可惜雞肉有少許過熟。三蔥蝦 $168這道菜當然以大蝦為主，再配上青椒、洋蔥和大蔥。蝦肉十分鮮嫩，蝦殼炸得脆口，再加甜甜的醬汁，鑊氣十足，令人胃口大開。古法蒸珍珠斑 $208紅椒絲、蔥絲和金華火腿蔥絲舖滿了整條魚上，魚肉十分鮮嫩，再加上紅椒絲、蔥絲的香味和金華火腿絲的咸香味滲進魚肉裏，提升了這道菜的鮮味。冰梅香酥骨 $148排骨伴上紅椒、黃椒、青椒和洋蔥，鑊氣十足，再加上甜甜的醬汁，十分惹味，但可惜排骨炸得過火了，食落感覺有點乾和靱。

第一次去，因為阿媽話想試。食物一般。侍應是伯伯，十分熱情地hard sell, 可能有人喜歡，我就覺得好煩，有少少強迫消費。係咁叫我地叫燉湯呀，汽水咁。重點黎啦，係有個阿姐係度唱歌，我唔comment 佢唱成點，但就好嘈。曾多次要求把喇叭較細聲少少，但經理聽完冇去做。因為太嘈，仲嘈過Disco, 快快趣食完就走。永遠唔會有下次。如果鐘意嘈到耳聾嘅，可以考慮幫襯。提提大家，原來佢地啲所謂燉湯，係一包包交黎番熱的。大家喜歡飲都不妨試試，但我就覺得鴻x堂都好過佢。

銀杏館係香港首間推動✨長者就業✨的社會企業餐廳，好值得支持🧡老友記雖然手腳慢少少，但非常親切友善。當晚星期五，仲有Live music 🎤🎶 隔離枱生日仲會一齊唱生日歌，氣氛熱鬧🎈特別推介藥膳雞同豬油飯，好味到要打包😆🐓🐖 #foodie

朋友上網找社企的來試吓，真的好味😋今之中午來到食咗砵仔銀魚蝦乾肉餅蒸飯～肉餅蝦乾好好味*提一提即叫即蒸所以好正😋咖喱牛腩配法包～牛腩好好味咖哩好香👍🏻牛腩都有好多件一個燉湯～好滋潤好好味😋超值😜有自助吧～沙律菜、青瓜、牙菜、薯仔、湯（任食、樣樣都好好味😆）最後重有飲品（凍飲先係加$2）店內嘅服務員大部份係長者👵🏻他們笑容親切服務友善🥰看到他們食都特別開心😚**走時門口重有小食、菜、健康食品賣😜好平所以都買咗啲🤣🤣

📍銀杏館油麻地彌敦道385號平安大樓1樓20號舖第一次走進呢間銀杏館，一踏入門口已經聽到唱着民歌了。當天為閒日，但都滿座呢。我們一行七人叫咗多個餸菜，味道不錯嘅，價錢又合理。朋友家人邊聽歌邊食邊傾偈，好快就去到餐廳關門時候。歌手唱嘅歌主要係懷舊歌曲或民歌，對於有返咁上下年紀嘅食客當然投入啦，但對於年青朋友或可當是一個體驗。在座見到好多食客，相信他們經常來捧場，朋友找到一個好地方聚舊食飯，的確不錯。

今日又講下油麻地有咩食，四圍舊式樓宇及一樓一工作坊中，當你到達餐廳樓下，有一條長樓梯，然後樓梯盡頭你會發現一間門口有霓虹光管的招牌架部，驟眼看以為是買賣成人用品店舖，但一轉彎你發就看見原來旁邊正是餐廳門口。進入後有很多年長伙記(侍應)熱情向你打招呼，帶位及介紹今日有甚麼餐廳推介。最欣賞佢個自助餐前小食吧，有湯，有沙律薯仔、酸辣青瓜、蕃茄仔及沙律菜。我最鍾意佢哋沙律薯仔和酸辣青瓜，青瓜的蒜頭整得特別野味。我最後主菜選了咖喱牛腩飯和滑蛋叉燒飯，咖喱不是太濃烈，滑身香味足，牛腩都算多件但不是太腍，整體都不錯。滑蛋叉燒就幾大碟，蛋煮得剛好不過熟還有蛋汁伴飯。最後還有餐茶。整體來講食物質量和環境都很好，只是上菜較慢，但人家是長者社企餐廳，大家俾多d愛心啦，只是慢少少，可以理解和接受。

今次應該係第二次來食，呢間係專門聘請長者就業既餐廳。大部份食物價錢較貴，價位為中上，不過有沙律食平衡返。今次食咖哩魚飯，食物味道唔錯，咖哩是加了椰汁，所以不辣，份量足夠，而且有免費沙律吧和中湯飲，呢個我好鐘意，可以有菜食下。價錢$58，只收現金或八達通。

之前都同朋友仔試過《銀杏館》其他餐廳，今次就嚟到油麻地試一試佢啲港式小炒~一如既往，招呼我哋嘅都係一班銀髮族嘅叔叔姐姐，唔講真係唔知佢哋已經年過六七十，仲係非常精靈醒目！原來佢哋晚市仲有樂隊現場演場添~我哋一行四行唔算太肚餓，所以就揀咗幾個小炒食下：1/ 椒鹽鮮魷經典常見的大牌檔菜式，魷魚爽口彈牙，脆漿厚薄適中2/ 椒鹽九肚魚由於同行朋友仔非常鍾意椒鹽系列嘅各種菜式，所以除咗椒鹽鮮魷之外，我哋都試埋佢哋個椒鹽九肚魚~ 啱啱新鮮炸起的九肚魚外脆內軟，魚身非常滑口，不過食嗰陣要小心熱同埋啲骨。3/ 香露惹味鮮蝦鮮蝦大大隻彈牙，醬汁都非常入味4/ 拆魚羹坊間較少見的順德手工菜拆魚羹，即係以拆骨魚肉熬出濃香湯頭，帶有魚蓉嘅魚湯~ 拆魚羹味道清甜而不帶腥味，都幾足料，每一啖都食到魚肉，而且份量超足，menu寫二人份量，但我哋四個人食，每人都分到兩碗！5/ 香江炒飯炒飯乾身，粒粒分明~ 份量大之餘都算足料，蝦仁頗多6/ 咖啡雞蛋布甸當然要食返個甜品作結，咖啡味香，雞蛋布甸有驚喜，唔係常見水汪汪軟滑質地，而係有啲似慕絲嘅質地，口感綿滑較厚身~

我幫襯銀杏館主要係食物真係好食，價錢合理，環境唔錯，有駐場歌手，同時自己帶酒免開瓶費！今次係第五次黎食飯，開始失望！突然收返開瓶費而且$100餐牌有部分冇供應，食物質量下降。。。。雜菌乾燒伊麵 $ 88雜菌香，伊麵過淋唔煙韌，調味啱啱好秘醬風味撈雞 $ 98汁醬咩味唔太食得出，主要用檸檬葉、芫茜、洋蔥、生蒜、紫薑、花生同牛耳片撈雞絲，但係雞絲真係比初初食嘅更少，連1/4隻雞嘅量都冇，洋蔥同生蒜呢類超平嘅配料仲多，1：1：1真係成口生蔥蒜味，好辣🥵黑椒薯仔牛柳粒 $ 88薯仔量多過牛柳粒我明，但牛柳粒冇10粒。。。而且食到用梳打粉醃淋嘅味道同口感！薯仔過淋接近散開，黑椒真係少到睇唔出，食唔到黑椒味，純粹一碟薯仔牛柳粒😵越南滴漏咖啡燉蛋 $ 48甜度啱啱好，燉蛋超滑超厚實，加埋越南滴漏咖啡喺上面，好夾，係全晚最好味嘅一道菜我明白所有野都加價，人工食材，但係大家都知道至少零售咩價，更何況餐廳攞貨係批發價，撈雞嘅洋蔥蒜咁多，收$98真係有點哪過！另有枱剩嘅情況下將我地2位訂枱放到駐場歌手前面，一張路邊枱，咁啱有枱加入轉大枱令我地可以轉入卡座比較闊落，而路邊2人枱就整晚都冇其他人坐過，咁點解會安

銀杏館今日終於有機會黎到油麻地食野，見到呢間銀杏館，上網搵下資料發現佢係一間社企餐廳，平時除左會派飯俾老人家之外， 仲會幫助老人家就業。咁有意思，點可以唔幫襯呢？😊😊😊😊叫左個咖哩牛腩飯，一放低就聞到好香了，食落都有濃濃既椰香味，好食。仲有🤤🤤🤤🤤🤤🤤聽聞夜晚仲有live band，下次同阿爸阿媽黎食下晚市聽下歌先。♥️♥️♥️♥️成餐飯既感受都幾好，而且食物質素都唔錯，值得一試。

29/11 第一次去這些餐廳， 抱著沒有什麼 希望，因看過食評，餐廳只是一般， 但是出乎我意料之外，例如拆魚羹，不是一般餐廳可以做的， 味道好還很足料，小食如木瓜沙律，醬汁海蜇都很特別，其他地方 餐廳酒樓 ，都很少用這些醬料，另外招呼我們的老人家，十分友善，衹時慢少少， 他們年紀大應該支持他們，另有歌手唱歌，氣氛也好好，很久沒有看到這樣的餐廳， 大家多些去支持。

本人有一段時間幫襯這店。覺得食物質素尚可，價錢略貴，包埋mini沙律吧，👍👍地方夠大坐得舒服。亦覺得銀杏館請老人家工作係好事，👍👍雖然手腳慢，預咗，經常漏單也可忍🙁🙁🙁。但係員工工作態度就好有問題😡😡😡😡😡😡， 個客入咗嚟坐可以當透明，明明有足夠聲量叫落單都可以聽而不理。有冇搞錯🤬😡🤬😡🤬😡🤬。如果有人純想搵個地方坐成日，不妨選擇這𥚃，如果想正正經經食餐安樂飯，這裡絕對不是選擇。🤬🤬🤬🤬

今日去左一間係油麻地由社企經營嘅粵菜食肆「銀杏館」，銀杏館係聘請退休後還有能力的長者成為職員，提倡為老來無依亦無所養、又或期盼老有所為的長者，提供合適的工作環境及就業機會，讓他們善用晚年、重拾自信。餐廳裝飾偏向舊時代典雅嘅感覺，入到去就好似另一時空入面，而且佢地都有位駐場長者歌手係到唱出好多經歷英文歌，氣氛十分好蝦醬活鮮有機菜煲、古法鹹雞、香江小炒王、古法冰梅骨、家鄉煎蓮藕餅、三層蝦、豬油撈飯、銀杏腐竹杞子浸有機茶、薑蔥生蠔佢地每一樣款味道都唔錯，本身以為社企打理就會係味道方面差d，但超出左期望，不過食物份量比一般少d，不過都可以接受！比較推介小炒王、三層蝦、冰梅骨同家鄉煎蓮藕餅小炒王夠晒鑊氣，韮菜能夠保持到爽脆，調味並都岩岩好三層蝦酸酸甜甜夠晒開胃，而且炸得夠透夠脆，可以連殼都食埋，蝦肉又彈牙冰梅骨又係酸酸甜甜，梅味唔會話太多，但就同排骨夾合得好，又係好開胃家鄉煎蓮藕餅魚肉溝豬肉，蓮藕切條混合去煎，食落有咬口，清淡得黎又有味道，唔錯！如果佢可以豬肉成份多d或者係全豬肉就更好食順帶一提，豬油撈飯就比較差左d，唔夠豬油香，而且豉油都唔係好夠味，可以有進步的整體黎講食物質素良好，氣氛很好而

中秋夜獨自一人，身處油麻地要隨緣搵食，踱步到平安大廈自然走上銀杏館開餐。推門看見原先雅致包廂放滿派福飯物資，無阻熱情銀髮哥哥姐姐招待，未坐定已發現有銀髮靚聲歌手座陣，人頭湧湧，意想不到被安排坐喺歌手正前方一張二人小桌，超等位，驚喜不已。餐牌由幾年前越南菜變成粵菜，同樣喜歡，隨便叫份清蒸𩶘魚，製作稍為需時，等候期間，歌手哥哥歌聲及間場輕鬆與台下觀眾對話全無悶場，非常有氣氛。歌手比Joe Junior年長少許，曾在銅鑼灣怡東酒店餐廳與菲律賓樂隊長期合作，講到七公主王愛明英文了得，隨即電結他自彈自唱多首歐西流行金曲：記憶塵封已久嘅Chad and Jeremy作品The Summer Song，不得了，中間再玩左幾支可以跳社交舞嘅節奏老歌，鄰桌哥哥姐姐大跳冧巴、牛仔，舞姿專業，明顯係老舞高手，再來一支Johnny Kidd & the Pirates嘅Shakin’ all over，另一桌一位姐姐直情寶珠姐上身，姐姐嘅朋友拍拍我膊頭話，姐姐以前係教跳舞的，我連連點頭陪上燦爛笑容。到清蒸𩶘魚上枱嘅時候，歌手繼續以國語、廣東流行歌曲招呼，食材非常新鮮，簡單直接。最妙係歌手嘅完場曲係鄭少秋嘅楚留