銀杏館 婆婆廚房

營業中

休息中

今日去左油塘婆婆廚房食晚飯，天氣雖然熱左～但可能因為天台的關係～陣陣微風吹來都幾舒服！哩間鋪除左散叫小菜仲有多人套餐選擇，如果揀套餐仲可以任食沙律吧和飲品，沙律吧有個涼拌大豆，辣辣地好好味！是日糖水仲要係我最愛的蕃薯糖水！忍唔住起餐前先食一碗～哈哈！我地一行五人～計過揀套餐更抵，四人餐除左有前菜、湯同有機菜之外，仲可以揀四個小菜，睇落好豐富～到上菜個陣直頭唔夠位擺～哈哈！每碟份量偏大，平均每人$150左右，晚餐來說挺划算。朋友指定一定要叫水煮魚！話上次嚟食好好食～一大鍋水煮魚滾住食～好正！辣度對於唔食辣嘅朋友嚟講尚可接受，不過就話要撈飯食消消辣～我自己就覺得岩岩好！魚塊嘅肉質都嫩滑，不過要小心會有啲細骨～可能因為辣嘅關係，大家食下食下好快就清左，不禁講左句：「可唔可以俾多啲魚我～」另一道我地揀了古洞天然醬油雞，好入味！雞肉都好嫩！本人已經夠奇怪～鐘意食雞胸，大家都怕雞胸肉"鞋"，其實都真係好多時都係比較"鞋"～但雖隻醬油雞好滑之餘仲食到啖啖醬油甜味～真心推薦！！然後係有機香葉炒牛柳，嚿嚿牛柳都好大舊，肉質ｏｋ～我就覺得有少少老，但朋友們覺得刪刪好，所以口味真係個個唔同～哈哈！最後翠塘扒

其實銀杏館一直以來都請過好多長者員工，包括我爸爸在內，所以我一直都幾欣賞這間餐廳，他說:其實在這裡工作都幾開心，每個同事同客人都對我好好，好充實。可能我都想同女朋友分享一下呢份情懷同溫馨，決定和她一起走入油塘的這個露天小樂園到食飯！一入到去其實地方都夠廣闊，的確幾舒服。望著一班長者雖然工作中，但每一位都好熱情，笑容都很好，和在出面玩耍的小朋友形成了一種很歡樂的氣氛。來銀杏館的第二個好處是，他有沙律吧可以任添菜同湯，全部都是有機菜，令成餐飯感覺健康左好多。湯的味道很好，不感覺到有味精，亦飲不出會溝淡，湯一直都好清甜。正係呢兩樣都抵哂加左唔小分！因為鐘意食辣，今次叫左回鍋肉及炒四季豆。回味川式回鍋肉 $88欖菜肉鬆炒四季豆飯 $58回鍋肉對我來說不太辣吧，但其實對不太吃得辣的人來說味道剛剛好，加上不同的配料去炒，亦香味十足，這個肉是不錯的。四季豆亦炒得剛剛好，不太老又不會太生硬，令到食落口爽之外，亦都夠入味，個味道真係好似家常便飯一樣，最重要都係無味精姐其實社會有有很多的社企一直都令香港都有一份關懷，其中銀杏館出色的地方就是令每一位長者都可以安心快樂咁生活，比到佢地一個選擇的權利，不用擔心

因在 Facebook 看到一張好似好吸引既菜單， 所以便抱住一番熱誠去試試。好啦，四月十七日訂枱，因他們要求，即晚付一千元訂金；五月三日再確實菜單。終於當天是貨不对板不突止，食物超難食…〝梅”蝦、〝梅“雞、水鴨湯變了特甜花膠湯（因淨得個糖甜味！而不是清甜）、釀竹笙変了〝梅“蟹拑（其實不知是什麽，因很〝梅“）、壽包未夠加熱（不用想這是新鮮）所以下半個包石頭禁硬！喂呀! $2,888加一成$3,177食到嬲嬲爆！！！

黎到銀杏館，不得不說餐廳🍴background: 餐廳僱主推行社會企業責任，僱用一班上左年紀既公公婆婆。作為一個有良心既香港人，當然黎十卜十卜一下銀杏館啦⋯⋯ 呢到主打老火湯，不少菜式都是家庭食譜。份量足夠，味道可口，特別推介雞煲。一坐下來，精靈醒目的伯伯拎左一杯杯花茶黎招呼我地，放底後鬆容又親切地笑著說：免費架！慢慢飲... （呢d服務係香港🇭🇰少之有少... 特別係笑容😊）另一個大特色在於餐廳位置🗺🚏位於大本型空中花園，這裹有一大片空地，靚景及遊玩設施。彷彿置身小天堂。

成個星期都落雨，趁今早有啲太陽帶了一一去玩，今次第一次去 #油塘大本型空中花園的社企餐廳，上年年尾開業的銀杏館油塘分店的 #婆婆厨房，想去是因為被餐廳外的一個大公園和遊樂場吸引~~去到放咗一陣電就進去食午餐。午餐用半自助式，午餐由$48-$68不等，已包自助沙律吧、白飯白粥任裝、農場素湯、有機洛神花茶/有機柑桔蜜、咖啡等。和朋友點了蔥爆牛肉，梅菜扣肉都相當好味，小朋友$38套餐就選了肉碎豆腐和蕃茄炒蛋，味道的確比大人餐清淡一點。店員都是比較年長的，所以相當喜歡小朋友，有小童餐椅，有户外室內坐位可選，食完飯再玩多一陣放電，回家剛剛好~~~

今日放假約了屋企人食午飯，油塘區大大小小各樣各式的食店都食過，不過今年大本營商場內食店有大改動，多了很多選擇.今日去了商場頂層平台一間僱用長者的銀杏飩館婆婆㕑房～鋪可分為室內及室外室外係本區人都知這裡是看日落同黃昏的好選擇，而且亦吸引好多攝影發燒友來捕捉黃昏🌇美景。好～看餐牌先套餐為主的半自助午餐，半自助是沙律，飲料，湯，飯等自助而餸菜會由長者送上的。這樣可以大大減少長者的工作量，長者工作開心食客又放心。五人點了蒸黃花魚，回鍋肉，八味豆腐，咖哩牛腩和雞丁。等的過程中先試下沙律，飲是日靚湯及咖啡～不錯沙律新鮮，老火靚湯。五個餸中我比較喜歡回鍋肉～小小辣多肉多蔥香味四溢。豆腐用新鮮滑豆腐炸做一粒粒，金香軟滑。其他魚，咖哩牛和雞丁都不錯，整體都價廉物美，而且有無敵大海景。會再來的～

堅叔和其他的員工都好好人，好詳細推介美食，主動關心客人的需要午餐非常好食又有湯又有沙律食 都是任食任裝的 有機新鮮蔬菜 足料老火湯 還有湯水呢 好健康好抵食 支持! 希望大家都多多支持良心社企!

第一次光顧「銀杏館」這個社企集團旗下餐廳，就是其位於中環的第一間「銀杏館」。還記得10多年前的歌賦街，仍然是一條舊區小街，兩旁都是一些不起眼的地舖小店，餐廳食肆印象中就只有歷史悠久的「九記牛腩」及「勝香園」兩間街坊人龍食肆、以及 2003年開業的「銀杏館」。去到今天，中環 soho 已向西擴張至歌賦街，整條歌賦街差不多全部變成特色食肆了。「銀杏館」這間社企餐廳也默默發展，目前全港已有六間門市餐廳，今晚就去了位於油塘的「銀杏館 婆婆廚房」。餐廳位於商場頂層的露天公共開放空間，設有兒童遊樂場及綠化區；所以商場也劃了部份露天空間，供餐廳擺放餐枱座椅，好讓客人享受休閒的室外用餐環境。秉承「銀杏館」的一貫宗旨，矚目所見，所有樓面員工都是精靈的公公婆婆（除了一個餐廳經理較為年青之外）。餐廳內有一個自助沙律吧及水吧，白飯、甜品、沙律、有機柑桔水自取，所有客人都自制地只取用一至兩份，並不會浪費食物。餐廳亦有自家醃漬有機檸檬、有機柑桔、甚至素 XO 醬，相信都是其他公公婆婆在「銀杏館」的社企農莊內製作，保證香港製造。餐牌內的第一頁，已經重申「銀杏館」的簡單歷史及宗旨，並且強調冇味精、冇激素、無添加、無

呢間餐廳搵就難搵d，不過原來只係喺頂樓，有笠可以搭上去，亦可以搭電梯既！露天茶座feel，非常有風味，如果係夏天秋天就更加好，可惜呢幾日都潮濕又大風，真係冇意慾坐外面，而室內就得幾張枱，十零個位。只要叫任何一個餐都係包自助吧既野，有肉有素，$48起，唔要主菜都係$48。。。選擇真係超多，多過油麻地越老好多，有3-4頁沙律吧有6樣，粟米，紅腰豆，車厘茄，沙律菜，翡翠苗同大豆牙沙律飲品有咖啡，有機柑桔蜜同羅漢果，佢前面有幾大樽浸緊既柑桔同檸檬，相信飲品都係自家製另外有一個素湯，不過比較重手，咸左少少。。。仲有白飯白粥任你裝，一定夠食！叫左梅子排骨，好香梅味，排骨好軟，如果酸返少少就好開胃豉油雞份量唔少，應該有1/4隻雞，睇落好熟，但係食落依然好滑，有雞味至於民呢個梅菜扣肉就係最平果個餸，佢既肉切得太細件，冇乜睇頭，同埋比較瘦，唔夠油脂香，不過梅菜本身已經好突出好夠味粟米斑塊本身都預左好似茶餐廳咁用平價鯰魚柳，食落居然係有d嚼勁，而且連皮，肉係一梳梳，估計佢係青衣柳之類，真係要比個讚最後黎一個紅燒枝竹羊排煲，以為佢係羊排骨，上枱後發覺係羊扒又一個好意外。。。不過洋蔥超多，枝竹就好少比返多d

今次幫襯油塘大本型的銀杏館是由長者經營，主打香港地道老風味，本土婆婆家常菜，零味精無添加。午餐主要係食港式客飯嘅半自助餐，一個客飯嘅價錢已經包埋個自助沙律吧(大約$5x起)，沙律吧有沙律菜、豆、玉米及蕃茄，據聞是銀杏館樂活有機農莊供應，絕對有益健康。旁邊有白飯、白粥及是日素湯，飲品吧有洛神花茶或香茅青檸茶，旁邊還有一部咖啡機。整體感覺很養生。主菜點了蒸豆腐及蒸雞，個人感覺得有家的味道，而且不會太重口味、不會太鹹。標榜零味精，食完亦都唔會好口渴。呢個價錢有客飯仲有有機半自助餐都算係咁!服務方面，每位長者都很親切和藹，充滿笑容，服務態度滿分。銀杏館一直支持『長者就業』，繼續讓長者們發揮佢地所長，也讓我們吃到家的味道，希望大家都多多支持社企，支持婆婆廚房!

今天家人先趁新春到將軍澳向先人致祭，然後到婆婆廚房享受一個露天午宴!出品快，靚，正! 兩大兩小，叫三份餸剛剛好。我們叫了栗米斑塊，蜜糖醬爆雞丁和牛肉炒蛋，全部都十分入味，連小孩都讚，把整碗飯都吃光。值得再試!最重要是坐在外面可以享受到周邊的清爽及讓小朋友於用餐後有一個安全玩樂地方，的確令大人小孩都可以輕鬆及放心用饍的好地方最後祝福各位店鋪內工作的長者及其他工作人員，中國農曆新年愉快，身體健康，工作順利，生意興隆!

有日路經油塘大本型商場乘客梯時無意之間發現，天台頂層原有既食肆，經已改頭換面由一間名為銀杏館，兼且全以長者營運既餐館接手，主打老香港風味既中式菜作招徠，於是特意上去走一趟看看。餐牌內列有大量耳熟能詳既地道港式小炒之餘，更有我甚為喜愛既水煮魚菜式。一位精神奕奕兼帶詳和笑容既婆婆侍應主動上前為我介紹一下，於是決定再找個週末白天時間跟太太來試一下。週末時間原來都有很多食客前來光顧，風和日麗既中午時段戶外座位都經已爆滿，我們沒有訂座亦只需等待10分鐘便獲安排入座。午餐先自選一個客飯，價錢還包括旁邊既沙律吧及飲品，仲係無限添加超吸引。自助吧提供各式本地自家菜場出品既新鮮有機沙律菜，飲品不單止特調咖啡還有洛神花/青檸香茅茶/ π水/柚子蜜，還有無添加既養生湯，白飯及熱騰騰既白粥供應，一個價錢吃到如此豐富既中式餐比較罕有。客飯選擇左香辣刺激既四川宮保辣雞丁與及味道清新醒胃既從前有隻檸檬雞，少少地一口辣雞丁伴配菜腰果西芹都夠我來兩口飯，重點係餸菜調味方面功夫到家，相信廚部都係由一班擁有豐富經驗既師傅主理。冠上有趣易記名字既西檸雞，雞件外層炸粉挺香脆且檸味清新突出，唯略嫌味道稍酸若能調輕一點更為理想。經

婆婆廚房的確唔錯啊。煮既野食又好住家，好有家既味道。今次叫左個辣子雞，本以為係好辣。我怕辣所以有少少驚。但原來食落又唔係好辣，隻辣來的快去的都快。之後聽長者侍應講，因為想切合香港普遍人既口味，將辣度調低左。我覺得呢點好細心，亦都真係有考慮香港顧客特質。如果你同我一樣唔係好食得辣但又想試下四川菜既味道，婆婆廚房係個唔錯既選擇喔。當然，如果想要正常辣度都可以叫佢地煮正常辣吧。到時問下侍應啦，佢地好nice架都。

冬至飯，我同爸媽黎左銀杏館食。今日唔係正日，但都好多人啵一黎到，我屋企人就話呢度好feel。覺得環境唔錯幾幽靜。我地點左個二人餐加一碟餸。入面有自助沙律吧、糖水同野飲。好似都係任添既。不過都夠飽所以我地就各要一份就算。餸就一共有三碟，我媽都話係唔錯。爸爸都評話好食。另外有一份清炒菜，啲菜都好鮮甜。開始工作既時候，能陪家人既時間就越少。呢家餐廳比到人溫暖既感覺，煮既飯菜又好住家。可以作為母親每日辛辛苦苦煮野比我地食既報答。而且又可以抽啲時間陪下佢地嘛。

家住油塘，知道這是社企開的，所以來支持下。因為散叫有點貴，就點了個二人餐，餸菜方面點了豉油雞和炒牛柳，另外送一碟菜和糖水，沙律吧飲夾，飲品加$18可以任飲，但竟然不包飯，要另外加錢。沙律幾新鮮喎，我夾了兩輪。飲品我很喜歡有機香茅特飲，很清的香茅味，不會太甜，幾特別！另外有機洛神花特飲也不錯，微酸微甜，幾好！這個菜我覺得很搞笑，因為超級住家feel，就像家中炒出來的菜一樣，沒有裝飾，不過清甜，不錯。很喜歡這個豉油雞，入味，雞肉好滑，正！唯一覺得美中不足就是這個，牛柳雖然滑，不過未太重，有點鹹，所以我飲了好幾杯飲品，好彩加$18可以任飲...跟餐糖水，清清的木瓜湯，都ok.整體來說味道也不錯，$188的二人餐+$18任飲+.....哎呀忘記白飯的價錢...總覺得如果本身個餐包埋飯會更開心，埋單約莫$240其實感覺有少少貴，不過我估他的位置可能租金也不平，間中來食一餐也不錯。加上我想提一提，就是服務員也是長者，他們的態度認真一流，非常好，加分！