銀杏時光

營業中

休息中

最近上網見到呢間社企餐廳主要係聘請長者就業，而且仲會有長者歌手表演。我屋企人都好鍾意聽歌，所以呢日就約埋屋企人一齊黎食飯，聚會同聽歌。呢度離地鐵站只係一分鐘距離，非常方便。餐廳有自助吧，可無限添加沙律，水果，湯和糖水。今日係五指毛桃淮山粟米湯，很清甜，素湯其實更加清新，飲落喉嚨好舒服。酸甜五柳松子魚我和家人一向都好喜歡吃松子魚，炸得脆口卻不會乾身，魚肉鮮嫩，酸酸地幾開胃。紅燒豆腐煲熱辣辣，職員上菜時有溫馨提示個煲好熱要小心，很細心。紅燒豆腐煲的豆腐外脆內嫩，醬汁濃郁，配搭了冬菇和三色椒，很香口。霸王雞煮得剛剛熟，所以肉質非常嫩滑，而且起左骨很方便進食，4個人食一隻啱啱好。流沙黃金蝦蝦大大隻，沾滿鹹蛋醬很滋味，又香又濃郁，有流沙口感。蝦肉彈牙，易離殼，所以也很容易吃。飯後繼續喺自助吧食返個糖水，雪耳紅棗糖水不會太甜，啱啱好。蜜瓜很清新，又夠甜。每晚7至9點都會有銀髮族職員唱歌，很有水準，唱的都是經典歌，任何年紀都啱聽。社企真係好值得支持，因為大部份都係聘用銀髮族，所以感受到服務更加熱誠，職員都面帶笑容，親切有禮，而且食物水準亦很高。

【東區】【銀杏時光】面對人口老化但同時又充滿競爭嘅香港社會，「銀杏館」喺 2003 年開始就開闢咗「長者就業」呢條路，令好多長者或者有需要人士重拾自信同尊嚴。從來都覺得呢啲社企係勁需要大眾支持，所以呢晚我同美女朋友食飯，就揀咗試呢間喺太古站附近嘅嚟試。餐廳係以半自助形式運營，只要每人都叫咗主菜，就可以免費任食半自助吧，有湯、糖水同沙律，環境衛生之餘，味道都唔錯，我都食完再食。而頭先講到佢哋促進長者就業，餐廳亦都專門聘請長者做嘢。放心，唔慢不特止，服務仲超好，而且非常細心呀。餐廳另一個特色，就係有歌曲表演，由長者歌手自彈自唱，晚市七點至九點就有得聽。呢晚係一位叫 Emma 嘅長者表演，佢一個人又彈又唱足兩個鐘，我哋聽足咁耐佢真係冇停過，好犀利。中間加插幫小朋友慶生嘅生日歌，仲有點歌環節，可以話係好豐富。好耐都未試過寫成三段都未寫啲嘢食，實在太多嘢想講。而首先講嘅食物係 $198 嘅「酸甜五柳松子魚」，每枱都見到，我哋都叫。食落酥脆香口，酸甜醬汁又將油膩感減退，唔怪得係必點。之後試 $168 嘅「彩虹咕嚕肉」，都唔錯，香口得嚟熱力十足。不過講到熱，都唔及 $138 嘅「紅燒豆腐煲」，熱辣辣

銀杏館喺香港唔同地方都有社企食肆，今次同朋友們一齊去到位於港島嘅銀杏時光，門口有唔少售賣嘅食品都係餐廳員工親手整嘅行到入面，餐廳佈置好有氛圍，而且每晚七點到九點都會有員工出嚟唱歌busking，一路食飯一路聽歌幾有feel出面嘅自助吧有唔少前菜，比如有機薯仔沙律、車厘茄、有機雜菜、涼拌大豆芽、青瓜，側邊仲有千島醬、油醋可以淋上沙律嚟食。除咗沙律，自助吧仲有員工自家製嘅桃膠雪耳糖水同埋五指毛桃淮山粟米湯。用料十足，味道清甜酸甜五柳松子魚 $198原條松子魚上枱，表面鋪滿松子、三色椒等配料，並淋上濃稠嘅糖醋醬，魚肉炸得酥脆，糖醋醬汁味道偏甜，送飯一流黃椒醬蒸珍珠斑 $188另外叫咗一條蒸珍珠斑，又係原條魚上枱，表面鋪滿黃椒醬，呢款菜式食落就比較似平時酒樓會食到嘅蒸魚，魚肉軟淋，加少少豉油就好鮮甜滋補羊腩煲 $288叫咗一個羊腩煲，羊腩煲份量唔細，足夠二至三人食用，咗有羊腩仲有支竹同冬菇，羊腩主要用上瘦肉，口感結實，冬菇同支竹都煮得入味，確實美味

母親節前夕帶咗阿媽去銀杏時光（銀杏館太古分店）食飯。平日lunch time食過佢哋啲嘢食覺得幾好食，今次第一次嚟食晚餐。餐廳主打支持長者就業，成間鋪頭啲員工同歌手都係長者，而且每晚7點到8點都有長者歌手表演，好有氣氛～ 當晚有位80幾歲嘅歌手唱歌，把聲溫柔得嚟又好有力，啲客人都聽到好投入，仲起身跳舞，成個氣氛都好溫馨同，服務員都好人情味，同客人打成一片。因為係母親節，仲送咗一枝小花俾每檯嘅媽媽，媽咪攞住花笑到好開心，成個心情都靚晒～呢啲細節位好加分。 - 酸甜五柳松子魚（$198）：外脆內嫩，配埋多酸少甜嘅醬汁，幾開胃。- 霸王雞（一隻，$278）：招牌菜式黎，平時下晝都有叫開。雞肉好滑好嫩，咬落去有啲膠質感，味道夠入味，鹹度恰到好處，而且雞味重，必點。 - 酸菜魚（$188）：湯底酸辣度啱啱好，魚片好滑唔會散開，而且呢個價錢黎講，魚嘅份量比坊間好多餐廳都多，幾抵食。- 蝦醬蝦乾海鮮有機菜煲（$148）：一端上嚟就聞到嗰陣蝦醬香味，配埋啲新鮮有機蔬菜同海鮮，食落鹹香有鑊氣。 佢哋仲有個自助沙律吧，有糖水、湯、沙律菜、粟米、蘋果沙律、薯仔沙律、蕃茄等等（沙律部份會keep住更換），當

位於大古的「銀杏時光」是一間社企餐廳，地點方便距離太古地鐵站只需要行2分鐘，店舖九成員工都是超過65歲以上的長者，真係好值得支持，每晚仲有歌唱演出，可以一邊食晚飯一邊欣賞，而家坊間都好少有，而且氣氛仲超好👍👍這裏晚市中菜選擇相當豐富，而且仲好水準，仲有自助沙律吧吧，沙律水果可以任食，最正就係自家煲嘅靚湯同糖水，好似今日我就飲到養生靚湯「五指毛桃淮山粟米湯」，對於冇住家湯飲嘅我實在好喜歡，連飲咗幾碗，另外糖水都超正「雪耳銀杏煲紅棗」滋潤得來又唔太甜🤗🤗▪️霸王雞（一隻）$ 278全隻雞已經去哂骨，入口啖啖肉，雞皮爽口肉質細滑，配上霸王雞獨門醬汁，微微甜充滿醬油香，加上沙薑蔥粒，夠晒香口滋味，非常推薦▪️東坡肉伴有機菜（六件）$ 168東坡肉肥瘦相隔，不油不膩而且相當之入味，口感幾乎入口即化，醬汁濃郁伴飯一流，仲有味道爽口清新的西蘭花仲要係有機菜，食得健康▪️流沙黃金蝦 $ 168真係超抵食，總共有八大隻超級巨型，每隻都被鹹蛋黃醬包圍着，鹹香惹味，蝦肉亦爽口彈牙，必點海鮮▪️有機薑汁炒有機芥蘭 $ 98芥蘭翠綠，口感爽口幼嫩，配合薑汁炒香，新鮮好味

一直都知道銀杏館呢一間社企，主要聘請長者工作，種植蔬菜至樓面侍應都由一班銀發族主理！👵🏼👴🏻以我所知，銀杏館一直收取低廉收費去營運餐廳，錢從何來？原來一直用啲收費相對貴D嘅分店，賺錢來津貼營運！「銀杏時光」除咗做足早、午、下午茶，晚市直頭將餐廳變身「民歌餐廳」由銀髮明星表演中英語歌曲！🎤晚市除咗可以單點中菜，位位都可以享用半自助沙律吧🥬除咗沙律，仲可以任飲「雞骨草蘿漢果湯」、「紅豆沙」。好耐冇食過「甜酸五柳松子魚」，用粉漿包住松子魚炸到金黃香脆！唔少得就係洋蔥加上甜酸打芡，再用金黃松子點綴！「川香辣雞煲」特登叫咗小辣，好欣賞佢炒到好乾身！食物方面就中規中矩，呢度嘅主要賣點，就係天天7:00-9:00Pm，每天都有駐場歌手演出！臨走仲買咗「銀杏士多」出產嘅點心，價錢唔貴，每款都係$18-$38 咁上下，價錢豐儉由人👍其實食乜都唔係太重要，嚟到呢度最緊要就係可以支持到一班銀發族就業，無論銀杏烘焙館、銀杏士多、甚至社企農場，真正幫到手，就係黎食多兩餐飯，循環生態圈，讓更多銀髮族搵到人生下半場嘅新意義！🔄✦ 甜酸五柳松子魚 $198✦ 川香辣雞煲 $158✦ 白飯 $15

前排屋企人話有人介紹呢間餐廳，所以就一齊去試吓係一間社企，除咗會聘請銀髮一族，去到門口發現原來佢哋仲會派飯嫁餐廳比我想像中嘅大，有卡位，坐得都幾舒服主餐牌嘅食物已經包含咗自助沙律吧、湯同糖水，可以無限任食，當日湯嘅款式係海底椰無花果雪耳腰果湯，糖水係紅豆沙流沙黃金蝦 $168係滿滿嘅鹹蛋黃醬汁，金黃色好吸引，炸醬唔算太厚，蝦肉彈牙，美中不足嘅係要自己搣殼，哈哈酸菜魚 $188簡直係色香味俱全，完全超出預期，魚嘅份量都算多，肉質幾嫩滑，好多酸菜川香辣雞煲 $158雖然雞件嘅份量比較細，但可能因為係咁所以煮得好入味，好夠獲氣由於呢三款餸太啱送飯，所以加多咗個白飯$15 每晚七點仲有live Band，店舖職員介紹都係佢哋嘅銀髮族職員，以為一定係聽啲舊式廣東話歌，竟然九成都係英文歌，有驚喜見OpenRice有啲comment話唔好嫌棄佢哋動作慢，但根本佢哋動作一啲都唔慢，仲比現時餐廳年輕人多一份細心雖然佢價錢唔算好平，但畢竟係一間會回饋社會嘅社企，又會派飯，一餐飯嘅價錢又有得食，又可以幫到人，我覺得好值得

銀杏時光係銀髮社企，店員服務親切有禮；環境亦十分舒適，好適合朋友聚餐🥰晚餐每位低消$130 包自助沙津吧，🥗全部有機！！仲包湯同埋糖水🥰💫 紅酒燴牛尾 $188牛尾好腍💞勁易咬🐮啱晒我呢啲懶人，一咬就骨肉分離😇💫 彩虹咕嚕肉 $168係冇骨㗎✨仲要係店嘅推薦款嚟🌈果然名不虛傳🥸酸酸甜甜好開胃💫 酸甜五柳松子魚 $198好開胃！酸味比較重🐟食咗咁多舊好似都冇乜骨咁🥳魚肉又細緻💫 吹水乾鍋鹿耳菌雞柳 $188呢個係完全唔辣😋想食有鑊氣啲嘅話就可以叫呢個🔥啲鹿耳菌好脆口🍄‍🟫雞柳細嫩💫 法式心太軟(蛋奶素) $88呢個雖然係蛋奶素嘅心太軟🍼但有香濃嘅朱古力味🍫完全無減到佢本身應有嘅甜度😍✨每晚都有live show!!!✨

今午走進位於鰂魚涌的銀杏館, 是一家支持長者就業的社企所營運的餐廳。侍應彬彬有禮, 詳細地介紹食物款式及沙律吧的使用。令我感到親切和賓至如歸。♥️沙律吧有新鮮衛生的青瓜、粟米粒、蕃茄、薯仔和有機菜, 更備健康的抗疫養生熱湯。餐後亦可自助飲品, 如羅漢果茶、有機洛神花茶、橙汁、咖啡...等。☕午餐的份量適中, 阿麻籽鋪在粟米肉粒芡上, 並有長白豆伴碟。這熱烘烘的美味飯餸營養均衡, 更嚐到廚師炮製過程中的精心和細心。♥️接近午餐繁忙時段, 餐廳座無虛席, 但我仍身處悠閒的氛圍中, 不曾看見侍應有「趕客」的舉措。於此服務的銀髮一族敬業樂業, 為到他們貢獻了黃金歲月去服務坊衆而心感欽佩。誠意地向他們這堅毅勤奮的精神致敬。🫡結賬時還因持樂悠咭而有88折的優惠。食物的性價比固然高, 能體驗一個友善誠懇的優質服務才是最大的回報。存着賞心、稱心和感恩的心步出這店。期盼有更多顧客來支持, 使銀杏館為有「飲食天堂」美譽的香港添上色彩。👍👏

鰂魚涌呢頭餐廳食lunch都試得七七八八，最近發現基利路呢度有幾間食肆，包括呢間鼓勵長者就業嘅餐廳，一於入去支持下試下啲嘢食。Menu午餐選擇都幾多，比起出面普通嘅茶餐廳有更多特別嘅選擇；而且無論叫咩主食都有得享用Salad bar，有自助餐形式嘅沙律、中湯，仲有幾款凍熱飲品，比我想像中豐富。自助沙律吧 ★★★★✰蘿蔔牛筋腩煎米粉 ($88) ★★★★✰用QR code落單後唔係等咗好耐就有一位長者侍應端啲食物過嚟，非常細心。呢個煎米粉幾有特色，本身蘿蔔牛筋腩就好適合餸飯，今次用嚟餸米粉都唔錯。雖然有啲蘿蔔有渣，但牛腩普遍都熬得腍，汁醬做得唔錯，唔算太鹹撈埋啲米粉食啱啱好。吹水醬海鮮粒炒飯 ($98) ★★★★✰唔知吹水醬係咩，應該有加類似XO醬，碟炒飯比我想像中辣，但真係好惹味同好有鑊氣；而且份量都好大，蝦粒、帶子粒、魷/墨魚等海鮮唔係淨係得兩三粒，而係啖啖都食到，可以話有出面酒樓質素。整體而言，呢度嘅lunch set價錢合理(連加一約$100/pp連自助沙律吧)，中菜嚟講幾有新鮮感，而且係幫助長者嘅社企，值得支持。

第一次幫襯銀杏館，原來每人只要點一個餸，就可以無限享用餐廳的 Salad Bar（包括沙津菜、車厘茄、青瓜、薯仔、湯、糖水、水果等），Salad Bar的食物質素不錯！我哋點了黃金蝦和咕嚕肉 + 一碗白飯，上餸速度快，每碟餸的份量都不少，味道也不錯，服務員還很有善親切。7:30pm 開始仲有Live Band，客人可隨意點唱，主要唱懷舊金曲（英文較多），輕鬆過了一個晚上。

今日同爸爸媽媽去吃下午茶我一向都鍾意去一啲社企類型嘅餐廳因為覺得佢哋都好有心經營通常啲嘢食嘅水準都會高服務又好今次都唔例外想講佢嗰個下午茶真係好抵嗌咗三個餐一個係炒麵媽媽整咗少少辣醬落去食本身我唔食辣嘅但食落去都ok 啲味都幾夾另一個係炆牛肉飯本來我以為係好細因為佢價錢好平點知都係好大碟抵到喊😲仲有係炒飯佢係炒到粒粒分明好食另外想讚下服務員雖然佢哋已經係長者但都係好努力工作服務態度好好一直食飯都同我哋傾計我諗呢啲就係傳說中嘅人情味🥹希望大家都可以多多支持佢哋❤️💖

weekend 的好去處，一間好好的社企，肯請老人家打工，又有歌聽，又有美食，食物的質素還可以，但飲品就認真唔好飲。價錢就稍微偏貴，可以便宜一些就更好。希望可以有更多有特色的社企。

鼓勵銀髮族就業嘅餐廳。原本以為佢地節奏會比較慢，點知同普通餐廳差唔多。有個員工入座嗰陣問我地「你好嗎」，好新穎嘅打招呼方式但又幾warm。兩個人叫咗雞扒飯（黑椒汁）同滑雞飯。所有午餐都會跟沙律吧，餐湯同飲品。沙律吧有生菜，扁豆同車厘茄，生菜寫明係有機菜，因為啲生菜係常溫嘅所以會差咁啲清新嘅感覺。湯都係自助，係羅漢果湯。雞扒飯黑椒汁就比想像中辣，雞扒就不過不失。滑雞飯就相當唔錯，啲雞好滑又有雞味，啲油飯就唔會好油，但個飯就無咩味。招呼真係好好，店員會問下我地啲嘢啱唔啱食，幫佢上餐佢地講哂唔該，唔會應份咁。因為人唔多，佢地會熱心加水，所以都係聊天好去處嚟，某啲日數仲要有人駐唱。

聽說呢間餐廳都是老年人再就業餐廳，今日行去太古就去試吓，餐廳位置唔錯，都近地鐵站，的確好多長者，所以唔好嫌棄佢哋慢，大家俾啲耐心，環境都寬敞，同茶餐廳比較，下午茶選擇唔算多，有三文治、牛肉漢堡和幾款粉面，我食咗三文治，不過不失，餐廳有加一服務費